هل قانون منع التدخين في المكروات اتحلحل و صار مسموح شارب السيكارة لايطفاهاالااذا حدا طلب منه ذلك و يقول لك قول من الاول انك مزعوج أو ليش ممنوع؟ أما سائق المكرو فيقول للذين بجانبه نزل السيكارة لتحت ليك الشرطي أسأل ماذا عن هذا القانون؟هل مزال حيا ؟أم يجب أننذكر دائما

طولوا بالكم وروقوا يلي بشوف الموت برضى بالسخونة حدا جرب شي جماعة ستار تكسي ؟؟؟؟؟؟؟؟ ههههههههههههههههههههه امانة جربوهن وعل عداد ها لا تدفع اذا العداد مو شغال اوعك ها من هالك لمالك لقباض الرواح

الشي اللي نحنا ما عم نحكي أنه العداد مثل الميزان اللي بالمحلات في حدا بالدنيا بيبل أنه الخضري ينقص من الوزن شي ولا كثير وبعدى شوفير التكسي هالمسكين استنوا عليه كم يوم ولحى يبلش معه مسلسل الصيف اللي خلاني أكره الصيف لأجل التكسي بالبلدو اللي بصير ما بيرضى يطلع أي واحد مو لابس دشاشة أو عراقي ...ألخ ممن يظن أنه فبهن الطمعة و الرزقة و بينسى ابن البلد

معلش ياأخي وشوفيها أذا أخد زيادة شوي يعني أنت بأعتقادك أنو العداد بيكفي شو بدو يكفي ليكفي تصليح ولا ضرائب ولا أكل وشرب لعيلتو ومخالفات يعني يالريت نكون واقعيين شوي معلش من بعد أذنك التكسي عنا بالبلد ببلاش

كلمتين ورد غطاهن: مو كل مين نزل عالشام يروح يشتغل تكسي.. ولك العمى واحد قتله عالمزة، قال ما ( آبعرف وينهيه) إيه روح عميل تكسي بضيعتك..

زيادة دخل العاملين هوالحل لأن المتطلبات أصبحت كثيرة وركوب التكسي من المتطلبات الضرورية هذه الأيام

سيارات الأجرة التي تقف في كراج البولمان تطلب الأجرة مقاطعة بما يتجاوز ضعفي إجرة المشوار المطلوب الى داخل المدينة(100 الى البرامكة مثلاً) و ذلك أمام شرطة المرور المجهزين مثل رامبو إلا أنهم يغضون النظر و يتركون الناس فريسة للاستغلال مما جعلني اشم رائحة تواطؤ بينهم و بين سائقي التكاسي و الأكثر من ذلك أنهم يمنعون السرافيس من التوقف لنقل الركاب المسافرين

الله وكيلكون بطلع بعشر تكاسي بالنهار وكل طلعة بيطلعلي محتال (حربوق) جديد , هادا اذا ماكان مستزلم زيادة (آكل شندويشة مرجليلا عالصبح) وبيزورك كأنو عم بتشغلو بالسخرة,وطبعا مضطر تسمع هموم الشوفير فوق همومك, ومضطر تسمع كل ألوان الهوارة والميجانا على الررريق,وطبعا العداد دائما يعاني من مشكلة ما

الله يعيين شوفير التكسي ماخلص من التصليح ومن البنزين وصاحب السياره والتعب والعجئه بالبلد واجيتو انتو كمان تحاسبو على 300 ليره يلي عم يطلعون بطلوع الروح صحيح شعبنا مابيتاوه الا على الدرويش

عذرا من الجميع بس بحب قول انو واحدنا ان طلع بالنقل الداخلي وبيعرف تسعيرته 5ليرات بيرضى يدفع اكثر؟طبعا لا وكذلك التكسي صارت شغلة اللي ماإلوشغله فالدوله سعرت التكسي بالعداد واللي مابدو يشتغل عليه يروح يلاقي غير شغله والمفروض يتعاقب وللمعلومه في حال الشكوى بيصير الشوفير ببوس رجلك تسحب شكواك.فنحن شعب متخلف وماصرناهيك الا لأنا لانطبق القوانين ونقول خطي حرام؟

الأمر الآخر 90 بالمئة من سيارات العمومي لا يزيد سعرها مع كل الرسوم 700 ألف ليرة وإلى الأخ سوري من دبي أقول لك في أوربا فتحة العداد 2.5 يورو أي 160 ل.س هل هذا يعني أن نطبق هذه التسعيرة في سورية، لكل دولة ظروفها ومستوى معيشتها ،أعتقد أن الحل الوحيد يكمن في مزيد من تخفيض الجمارك ليتاح لكل أسرة سورية أقتناء سيارة فتنتهي من شجع وطمع شوفيرة التكاسي

السيد علي: الفئة الغنية والمتوسطة في بلدنا كلها اشترت سيارات فظلت الفئة الفقيرة التي تشكل 70 بالمئة من الناس مجبرة لفقرها على التنقل بالميكرويات والتكاسي وهذه الفئة هي من يستحق الصدقة ومبلغ 50 ليرة سورية مبلغ كبير وليس مبلغ فاضي، ولا تقل لي ما بتوفي ليش الناس تدفع 50 ألف ليرة رشوة حتى يرسمو عمومي؟ هل هؤلاء أغبياء؟

لو المشكلة بالعداد ونصف مافي كتير مشكلة المشكلة انو بس توقف تكسي مو فاضي ابدا لازم يشوف شكلك ويشم بارفانك وعدد اللي معك ولوين بدك تروح ويصفون بسيجارة بعدين انت امامه كالمتسول يقلك طلاع او يهز راسو مثل الحردون ويمشي يدور على غيرك مئة تكسي فاضي بيمرق ماحدا بطالعك

يعني عم نحكي على التكسي ونسينا ستار تكسي وقديش عدادهم بيفتح ،، مشوار بسيط بكلفك 100 ل.س ؟؟ والمشوار الطويل بكلف هديك الحسبة ؟؟ روحوا شوفوا ستار تكسي قديش أسعارها ستار ؟

ما بعرف شو بيصرلون للتكاسي بعد الساعة 11:30بليل..بتجي بتطلع معو بيكون طافي العداد بتئلو مابدك تشغلو بيئلك ماحدى بيشغلو بعد الساعة 11 يازلمة شبنا..هاد يلي بيئلك معطل العداد..وهاد بيئلك مو معدل عدادي وغيرو بيكون ما عندو عداد من اصلو..بتئول يلي بيركب تكسي ضروري يكون زلمة مريش وبيئطف العملة من عالشجر..ماحدى احسن من حدى..يعني بيئلك بدي اسرئك بوشك

بنظرة واقعية انسان وسيارة غالية وبنزين غالي وصيانة, اذا اقل سيارة ثمنها مليون وعليها بني ادم شغال دوام واحد 8 ساعات بدو بيطلع له 300-500 ليرة بالدوام وعم يتحمل كل القرف تبع الزباين والشوارع واخر شي بتضربوه مشان 50 ليرة زيادة احسبوها بالعقل ياشباب الله يكون بعونهم الشوفيرية عدا العرصات منهم , اعتبروها صدقة لوجه الله ولا تفاصلوا على مبالغ فاضية

بدي اسالك سؤال قديش راتبك بدبي بس قلي وحسبا

يا اخي اعمل متلي: وقت ما بتلاقي عداد شغال اسكت وامشي وبس توصل زت للشفير نص المبلغ يلي بيستحقوه ونزل واذا حكا اي كلمة قوله ركب عداد وبعطيك على هوا العداد، بس طالما ما في عداد بدي اعطيك على كيفي مو على كيفك

ياجماعة والله سوريا أرحم بلد بالمصروف لأنو بدبي فتحة العداد بليل 3.5 درهم يعني حوالي 50 ليرة سورية ومن مطار دبي فتحة العداد 20درهم يعني حوالي 300 ليرة سورية ولسه عندك الأكل والشرب و آجار السكن الخيالي 1000 درهم سرير لشخص ضمن غرفة فاأحمدو الله ولاتتذمروا لأنو كلنا بالهوى سوى

ما تتامل بحل لهالمعضلة . اول شي لازم يكون عنا وزارة مواصلات محترمة بعدين تخلي التكاسي تشبع الاكل و الشرب بعدين بنطرح موضوع الاخلاق. موفق

عندما تشجع اي سائق تاكسي على أخذ مايريده فتكون أنت السبب هل هو الوحيد الذي يعمل ممكن أن تأخذ غيره ولا تقبل الا على العداد

طبعاً بغض النظر عن كون تعرفة التكسي منخفضة بالنسبة للكثير من دول الجوار, وبغض النظر عن أخلاق سائقي التكسي, فإن نظام التعرفة المسائية يطبق في معظم الدول عدا سوريا, أي أنه من حق سائق التكسي أن يطلب مبلغاً إضافياً في ساعات العمل الليلية لأنه إنسان أيضاً يعمل في ساعات الليل حين يكون الآخرون في بيوتهم, ومن المعروف أن العمل الإضافي في ساعات الليل أعلى أجراً

السائق معه حق يعني المشوار بعيد وخارج دمشق وبعد منتصف الليل,بس المشكلة بالدولة يجب ان تعمل على رفع الدخل للمواطن

الاسبوع الماضي كنت بالشام ونزلت من سجن عدرا الى القصر العدلي اخذ السائق مني 300ليرة ومثلها كتييير

لو وقفت القصة على هيك ماشي الحال لكن خلال يومين بطلع بشي 4 تكاسي وبيكونوا الاربعة عداداتهن معطلة وبعرف شو بيطلع لأنو صرلي 3 سنين بروح وبجي من نفس الطريق وبعد خناقات وعياط بحطله المصاري عالكرسي وبنزل؟؟؟؟؟معقول بطالب بانه يكون في قسم مسؤول عن شكاوي المواطنين عالأقل شرطي السير لازم يساعد لأنو العداد تركب مشان يتشغل أكيد مو كمالة ديكور للسيارة