هل تؤيد العطل الطويلة؟
في عيد الفطر الأخير قررت الحكومة منح السوريين عطلة عيد طويلة بإضافة يومين آخرين على أيام العطلة المعتادة، مراعاة لأمور عديدة من أهمها ظروف السوريين الذين سيترتب عليهم في العيد السفر إلى محافظاتهم وضيعهم.
وحينها ارتفعت أصوات عديدة تستنكر العطلة الطويلة التي بلغت 9 أيام واعتبرتها تعطيل غير مبرر لمشاغل وأعمال الناس.
واليوم يطل عيد الأضحى علينا بعطلة قصيرة على ما يبدو.
فهل أنت من أنصار العطل الطويلة في هذه المناسبات؟ ولماذا؟
أم أنك تعتقد أنها تعطيل غير مبرر لمشاغل الناس وأعمالهم؟
asmanasber 2010-01-01 00:40:31
العطلة 0000000 الطويله مشكلة حقيقية
يجب أن ندرك تماماأننالسنا مثل الغرب لتنفيذ العطلات الطويلة لأننا بحاجة الى الدوام وبشكل مستمر ليلا نهارا لتحقيق ما حققه الغرب من تطور وحضاره
جعلته اليوم أقوى مكانة ورفعة
ولذلك لا أوأيد العطلات الطويلة لأنها تخلق مشكلات عندى كثير من الناس لماذا أدفع الثمن لأنتظر ايام طويلة ليبدأ الدوام لأخذ معامله معينة وأنا بأمس الحاجة أليهاوللوقت 000000 لماذا لا يكون هناك طواقم طوارئ أيام العطل لتسييرأمور الناس
الذين أحياناليس لهم علاقة بالعيدالديني مثلا طبعا بستثناء الأعياد الوطنية0 أبو محمد 2009-11-26 22:12:24
أكيد مع العطلة الطويلة لأسباب عديدة
يحتاج الإنسان بين الحين والآخر إلى عطلة طويلة (كحد أدنى أسبوع) بنظري.
أقترح أن تكون هناك عطلة لكافة العاملين بالدولة كما هو الحال في وزارة التربية.
أي عطلة نصف سنوية على الأقل شهر.
وشكرا لموقع سيريا نيوز الجدي والمتميز
-سوريا
بشر 2009-11-26 21:43:29
العطل الطوياة
نعم أنا مع العطل الطويلة لأنه يجب أن نرتاح في بيوتنا البعيدة عن المدارس و أن نمضي وقت أكبر مع أهلينا عمر ع 2009-11-26 15:41:38
ما في من العطلة الطويلة
أنا بحاجة كبيرة للعطل الكبيرة أربع أيام ما بيعملوا شي دوبنا نشوف الأقارب شوي بعدين ترجع حياتنا متل ما كانت sky 2009-11-26 13:02:59
ما في عطلة
حمدو ربكم يلي عندكم عطلة نحنا ماعنا ولا يوم الله وكيلكم يعني تمنيت يوم عطلة بس مافي بقى اذا عطلتو من الخميس المسى للأحد هشي نعمة من ربنا -سوريا
beebee 2009-11-26 01:18:46
بتمنى انه حدا يفهمني
انا بدرس بالشام وعطلتي تبلش يوم الخميس الساعة الرابعة مساء اي وقفة العيد وتنتهي يوم الاحد اي ثالث ايام العيد وانا من مدينة بعيدة عن دمشق مسافة 600 كيلو متر
او بالاحرى عن ريف دمشق...
انا اقصد جامعة القلمون بصراحة...
القائمين على الحجامعة من دير عطية والجامعة في دير عطية فلا يهمهم اذا كان الدوام بالعيد او ايام العطل لانه لن يسافر وليس لديه ابناء ليودع,هم وهم على الطرقات.. وهم غير قابلين للمناقشة لانهم يعبرون انفسهم هم اولياء العلم والمنطق والفهم.
ارجوا الانصاف لاني لم اعد احتمل
شاطرة 2009-11-25 23:54:11
مع العطلة
بدنا عطلة الله يوفقكم بوس إيدكم ما بتصدقوا شو بحاجة للعطلة -سوريا
شام 2009-11-25 21:39:53
انا اؤيد
انا أؤيد العطل الطويلة...بصراحة استغربت هون بفرنسا شلون بيعطلوا...كنت مفكرة العطل الطويلة بس الشعوب العربية بتحبها..لقيت هون بيعطلوا شكل غريب...مثلا عيد جميع القديسين 10 ايام..عيدالميلاد وراس السنة19 يوم..عيد الفصح14 يوم..في عطلة على الروزنامة بشهر شباط مابعرف ليش 10 ايام..عطلة يوم بمناسبة ذكرى انتهاء الحرب العالمية الثانية!!!وعلى هالمقياس...طبعاعلماانو الموظف عنده ساعتين استراحة غذاءمن ال12 لل2 هي متل الفرض!!!!!!!-فرنسا
محمد حسن عدله 2009-11-25 17:51:51
هل تؤيد العطله الطويله؟
أكيد لازم الواحد ياخدعطله طويله مشان يعرف يزور أرايبينو وأصدقاؤو وأهلواوأهم شيءمشان ريح دماغو وانا أأيد هذه الفكره تماماوأرجو اأنهم يطولوها hosam 2009-11-25 10:59:51
عطلة طويلة
العطلة طويلة هي تعطيل المواطن عن عمله بلنسبه للموظف لايهمه هذا الموضوع فهو يقبض راتبه لايهمه أذاتعطل المواطن أولا
سليم 2009-11-25 00:27:20
هية هية
نفش السي المبسوط مبسوط والمتعوس شو مجد حداد 2009-11-24 21:52:31
انا أأيد
ليش في احلى من العطلة الطويلة لهل الموظف يلي عم يشتغل ليل وانهار , عل الاقل الواحد بيرتاح من الدوام الصبح , ودوام المسا الله بيعيناابن الشام 2009-11-24 19:03:10
لنكن منصفين
قالوا لا تحلق ذقنك بين اثنين واحد يقول طويلة وواحد يقول قصيرة . . ؟ !
لنكن منصفين ولو مع انفسنا . . وارضاء الناس حاجة لا تدرك ، فبعضهم يقول ان العطلة الطويلة غير مجدية وتعطل مصالح الناس ، وبعضهم يرى انها مفيدة . .
دوائر الحكومة لدينا لديها توظيف مبرر وخدمي للمواطنين ، فان دوامهم المتقطع سيخلق غياب بعذر او دونه وهذا يعني ان البقية من العاملين سيستخدمون كلفة الكل من استهلاك كهرباء ونقل ومياه وتدفئة وتبريد وهذا زيادة في النفقات وكذلك ضغط على وسائل النقل للمحافظات فالعطلة المدروسة ذات فائدةموظف ميت على إجازة 2009-11-24 14:05:36
لا بقى
بصراحة كل الي كتبو انهن ضد العطلة الطويلة و تعطيل اسمحولي قلن انهن ما بيشتغلو أصلا لو بيشتغلو بيفهمو كيف الناس بتنطر العطلة لتغير جو و ترتاح و الي بيمل يسمحلي قلو انو اصلا عايش بلا هدف و بلا خطة تقطيع ايام في ناس عندها 100 شغلة بيوم العطلة تعملها اما طلاب المدارس لو بدن يدرسو درسو بالبيت و خدوها قاعدة الدراسة من الروضة للدكتوراه هيي جهد شخصي
-سوريا
مالك 2009-11-24 13:52:02
بسيطة
لازم يتحدد عدد ايام العطل وبتوزع على ايام السنة مع الاعياد بشكل ظريف بقى بجوز نداوم بيوم عيد اذا كنا معطلين كنييير آو نعطل بيوم دوام وماحدا بيزعل من الحق وحاج فوضة-سوريا
tarek79 2009-11-24 12:49:01
بدون مبرر
ناقصنا خمول وتجميد لحركة السوق؟؟؟؟؟؟؟؟؟؟؟؟؟؟
هدى 2009-11-24 11:59:20
نعم أفضل العطلة الطويلة
ليستطيع الموظف أن يغير روتين حياتو شوي ويرجع بفسية عالية ع الشغل
-سوريا
سامر 2009-11-24 10:16:23
ايه
انا مع m 2009-11-24 03:01:13
m
اي انا مع العطلة الطويلة وحيجة يا سيريا نيوز تحركشو بهالموضوع مشان ما يلغولنا عطلة السبت -سوريا
أبو الصدق بيك 2009-11-23 23:21:09
يوميات موظف دولة مسحووووق
أنا موظف لدى الحكومة براتب (الحمد للـه) يكفيني أنا وزوجتي وأطفالي ويسد تماما كافة احتياجاتي العائلية وأيضا ثمن بيزينات سيارتي التي بالأصل أدفع تقسيطها من الرشاوى التي تردني (كمصدر دخل إضافي) وأعمل كذلك الأمر كـ دلال بين المسؤولين والمدراء يعني مين بدو توقيع، مين بدو استثناء...إلخ. لكن تنقصني عطلة طويلة لكي أرتاح قليلا من عناء العمل، وأفضل السفر لتركيا. ومعلومكون مواطن مسحوق متلي ما بتحرز معو السفرة إلا شي أسبوع زمان!!! وتركوني ساكت بلا فضايح أكتر من هيكقطاع خاص 2009-11-23 20:17:36
شعب ينسج مما لايلبس
تحدثتم كثيرا عن العطلة وقد تم تحديد العطلة لهذا العيد بأربعة أيام فقط يلا أومو على أشغالكون بلا كتر حكي واللي عندو دراسة يلتهي بكتبو-سوريا
لاذقاني 2009-11-23 12:12:29
بدي سافر
طبعا مع العطلة الطويلة بدي سافر بدي سافر بدي سافر كمان هاي استكترتوها علينا -سوريا
عاشق الوطن 2009-11-23 10:14:35
المملكة العربية السعودية
ماشاء الله العطل عنا مافي اكتر منها لو بس العيدين بيمطو فيهن مو مشكلة بس صارت السنةكلهااعياد ومناسبات ,يااااااااجماعة العطل الطويلة والكتيرة ما بتجيب غير التنبلة والكسل .الله يعين طلاب المدارس
سوري - حمص 2009-11-23 09:45:15
للضرورة احكام
يقال ان للضرورة احكام،وهذا ماتفرضه الظروف،ففي عيد الفطر كانت العطلة امر طبيعي وضروري لأنه من غير المعقول دوام يوم بين عطلتين حيث لن يلتزم احد بالدوام ولن يكون الدوام مجديا ومفيدا" بل ان العطلة مفيدة للدولة والمواطن بغض النظر عن امتعاض بعض المكاتب العقارية لأن عملية البيع وان صدفت في هذا اليوم فيمكن تأجيلهاعلما" انه كانت هناك مناوبات بالعطلةفي اماكن العمل الهامة . اما في عيد الاضحى فمن غير المعقول منح عطلة لثلاثة ايام اضافيةمتواصلة -سوريا
Lavender 2009-11-23 09:52:19
طبعاّ طبعاّ
بالتأكيد أؤيد العطلة الطويلة ..و خصوصأّ بالأعياد..يعني شو هل السؤال -سوريا
مواطن 2009-11-23 09:16:35
عطلة طويلة
ليش دخيلكون شو عم بتساوا بيوم الدوام ليش مو كلو مثل بعضو زيادة عدد على الفاضيعبد الهادي 2009-11-23 06:20:18
توفير
نعم اوافق على العطلة الطويلة لأنها توفر الجهد والمال وتوفر يوم من الزحام وصعوبة المواصلات وستنشاق للهواء الملوث في المدن
-سوريا
منتجب 2009-11-23 05:30:00
نعم أؤيدها يعني شوفوا ليش
بتصير بالمرة إجازة خلينا نعمل شوية نقاهة. إذا العالم عم تهرب من حالا بالشغل وما بتقدر تعطل أكتر من تلات أيام أنا شو إلي علاقة؟ واللي بيمل خليه يعملو شي شغلة جديدة أحسن ما نضل عايشين متل الرجال الآلية وما شايفين من الحياة شي. خدو مثلا بأمريكا، ولو أنو بعرف رح تقلولي شو بدنا فيا بس يعني دولة شغيلة ومتطورة، بيعطلو قرابة الشهر بنص الشتوية بفترة الأعياد. وين المشكلة؟ بعدين الواحد اذا ما استراح ما بيشتغل مزبوط. اللي بيسمعنا بيقول عنا شعب شغيل ونشيط وما منتاوب من أول الدوام لآخرو-سوريا
وحدة من هالناس 2009-11-23 00:19:41
مع
مع العطلة الطويلة بالعيد الكبير و الصغير وراس السنة و عيد المسيح بس بشرط بدون وجود عطل تانية كتيرة -سوريا
مجنون طاقق عقله 2009-11-23 00:02:10
يعني اوربا فيها كمان عطل كتير
انا بالمكسيك باوربا يعني عندن كمان عطل كتير اعياد دينية وو طنية و هلق على اعياد الميلاد عندن عشر ايام عطله و بالصيف شهر عطله كل واحد بيروح بيسوح شي بمصر شي بالمغرب بالمناسبة ليش ما بيجو سوريا لانه ما عنا فنادق اربع نجوم وهالاوربيين اغنياء بس بخلاء جدا و اليوم شو تغدينا فراريج وين كنا بالعطله ما هيك منرجع للعطله وفرو على الدولة مي وكهرباء موظفين لطق الحنك و الحكي على العالم وهلق صار موعد الحبه باي-البحرين
faton 2009-11-22 23:29:54
على الله
العطله حلوة للي عندو اولاد ابيقعد معهن وبيروحو سوا ابيسهرو احلى سهرة والله ايعين اللي ماعندو مين يسهر معو بالعطله وشكرا -سوريا
ملكة وبس 2009-11-22 22:32:44
اكيد والله
امانة عطلونا اسبوع كامل
-لبنان
مواطنة 2009-11-22 19:35:24
الحق
يعني العطلة الطويلة ما الها مبرر ابدا و الحذف من العطل كمان ما الو مبرر يعني انشالله ما يلغولنا عطلة اخر يوم من عيد الاضحى.. -سوريا
علي الأسعد 2009-11-22 19:22:01
من أجل اولادنا
أنا لست مع العطلة الطويلة وذلك من أجل طلاب المدارس لأنهم بدون عطل طويلة لاينهون نصف المنهاج في العام وياريت لو تلغى عطلة السبت من أجل طلابنا
مواطن ما بيعرف 2009-11-22 17:12:50
ما زلنا معتمدين على ( حسبنا الله و نعم الوكيل )
أساساً البلد ما شغالة بعطل أو من غير عطل
حسبنا الله و نعم الوكيل
اذا كان في عطل مافي رشاوي و توفير ع الدولة
اذا كان مافي عطل في خسارة كبيرة للدولة
لذلك خلينا بعطل و اذا فيكم تكترو العطل بكون أحسن لأن .....
مافي شغل بالبلد .-سوريا
نشيط 2009-11-22 16:10:06
عطل يوم بترجع لورا سنة
انا مع ايقاف عطلة السبت روحو شوفو طلاب المدارس شو صار بدروسهم
-سوريا
حنظلة 2009-11-22 12:59:40
نعم و ألف نعم للعطلة الطويلة
لأنه في كل يوم تعطل في الدوائر الرسمية نوفر على البلد مئات الملايين من السرقات والرشاوي و بيع ممن لا يملك لمن لا يستحق -سوريا
جلال نصر 2009-11-22 12:30:44
لا للعطل الطويلة
العطل الطويلة مضيعة للوقت وتسبب الملل والسأم ويا ليتهم يلغون حتى عطلة يوم السبت
-سوريا
مايا 2009-11-22 09:21:03
والله عيب
بصراحة أنا انصدمت صدمة كبيرة من الاشخاص المشاركين ، أنا ابدا مو مع العطلة الطويلة ، لأنها تعطيل ، حتى العطلة عن يومين بالأسبوع أنا مو معهأبيكفي يوم، نحنابالاساس شعوب من الدرجة التالتة، وكل عطلة عم نرجع فيها لورا أكتر وأكتر في شي أهم من النوم هو التطور ياناس ، ع فكرة أ نا موظفةو محاسبة، العطلة حلوة صح بس أكيد رح يكون في تراكمات بعد هي العطلة هي ل يلي بيشتغلو بضمير،عدا عن الناس اللي تعطلت من التجار اللي مابتهمن العطلة أبدا
موظف ميت على إجازة 2009-11-22 09:17:38
يا ريت عطلة طويلة
العطلة مالها علاقة بالتعطيل لان الي ما عم يشتغل ما لح يشتغل دوام ولا عطلة بدوائر الدولة من قبل باسبوعين ولبعد اسبوعين و هنن بيقولو الدنيا عيد و ما في شغل ما راحت إلأ عالناس الملتزمة إلي ما حتلحق تسافر ولا تعيد
-سوريا
فينيق 2009-11-22 06:00:58
احترام للإنسانيه
أنا من أنصار العطل الطويلة لما فيه احترام للإنسانيه وفرص للتواصل مع العائله والأصدقاء وليذهب إلى الجحيم جامعي الأموال وأصحاب العمل الجشعين الليدي لين 2009-11-22 00:15:42
لحظه......من فضلك
ان العطله ضروريه ومهمه انا متاكده ان كل من لا يؤيدها اما عاطل عن العمل اومريض نفسيااومتجاكراومصاب بالاكتآب ومازوشي ...اخي نحناناس تعيبه بدنا نرتاح
صبحية 2009-11-21 23:01:49
أنا مع العطلة الطويلة
خصوصاًمع أيام العيد لأنو في سفر ومعايدات وأنا مابصدق ثجي عطلة لشوف ولادي واقعد مع أهلي وبنفس الوقت يتجدد النشاط وشكراً
-سوريا
r a 2009-11-21 19:46:15
الجواب محسوم
قلي ليش ؟ مبينة لان النبي الكريم قال عليه الصلاة والسلام . لاخير في امة كثرت اعيادها, صدق نبينا الكريم ودمتم
-سوريا
Rodi 2009-11-21 13:26:27
انا انسان
هلأ كل واحد بيقول انو حاجتنا عطلة بيكون بالاصل ما عم يشتغل وما عم ينتج وهو بالاصل بشغلو بعطلة دائمة يعني رجل كرسي او صفر على الشمال ولهيك نحن المنتجين ويلي منشتغل بضمير ومن كل القلب منشتاق للعطلة طويلة او قصيرة من شان نجدد نشاطنا ونستأنف عملنا وحاجتنا مو شايفين ابعد من انفنا ورجاء يلي ما عم يشتغل بضمير رجاء رجاء اصحو حرام ما بيجوز وشكراً-سوريا
roro 2009-11-21 12:10:33
ضد
يعني حاجة عطل بقى ما معقول كل يومين عطلة والله عيب خلو هل عالم تشتغل حاجة بأيام الدوام ما بيشتغلوا متل العالم أسى عطلة -سوريا
السامرائي 2009-11-20 23:55:43
في قطر
والله انا من عندي كالاتي
الاجازة يلي كانو يعطونا ياها بالمدرسة الله وكيلكم كنت انسى شو يلي درستو
انسى الكتب
بس العطلات يلي بتكون اثناء السنة فهي بسيطة جدا وخفيفة، بتريح الواحد وبنفس الوقت ما بينسى دراستو, انشاءالله يوم اي يوم لأ في عطل، بس المهم ما ينقط الواحد عن اعمالو فترة طويلة مشان ما ينسىىىىىىىىى
-سوريا
مندور 2009-11-20 17:05:55
لا
أنا مقيم بقطر لم أشهد العطل التي يشهدها الشعب السوري فهناك عطلة يوم واحد وهو اليوم الوطني بالإضافة إلى الأعياد الإسلامية فقط. فأين أنتم أيها السوريون؟تريدون المزيد من العطل طبعا هذا يدل على حب التقاعس وركن المسؤولية خلف ظهوركم. -سوريا
raad 2009-11-20 15:52:02
with holiday
اخي مشان الله بلا موزاودات شبعنا موزاوادات ما بكفي كل شي لاحقين الناس على العطلة اي خالص بقا كل واحد يقعد وينضب ولي بدو يشتغل يروح يورجينا بدو يلحق السرقة ولا مص دم الناس
ودمتم سالمين -الإمارات
syria first 2009-11-20 13:37:48
im with long holydays
any way we are already in syria we dont have long off for free work so i hope from the coverment to do some thing for that pepole because schools & coverment work ther is tomuch days off
thanks a lot
regards
dubai-hama
-سوريا
اياد 2009-11-20 06:37:57
دايماً عطلة
اي بس انا بحياتي ما بعرف انوا الشعب العربي بالذات اشتغل دايماً هو معطل !!:)
العطل بتضر اكتر ما بتنفع :)محمد كاليكو 2009-11-20 03:25:13
تصويت
لا أؤيد العطل الطويلة لأن الوقت الان لا يسمح للجلوس في المنازل الواحد بدو ليرة من الهوى -سوريا
مواطن حر 2009-11-20 01:26:16
ريف دمشق
نتمنى من الحكومه ان تعدل قدر الامكان فلو اعطت بدلا من يومين العطله المدموجين مع عطله العيد يوم السبت والجمعه وان لا تنخاز لعطله دون الاخرى على مبدءلايموت الذئب ولايفنى الغنم وشكرا
-سوريا
احمد 2009-11-19 23:45:58
أأيد العطلة الطويلة
نعم اايد العطلةالطويلة لاننا نواجه مشقة وتعب ويا دوب نعايد علي الاقارب والاصدقاء وتاتي الامتحانات الدراسية بعد العيد مباشرة وليس لدينا وقت كافي للدراسة أحلا بنت 2009-11-19 23:08:41
أناااا مع العطلة الطويلة
طبعا نحنا لطلاب مع العطل الطويلة و ياريت يعطلونا يوم اي و يوم لأ مشان نشبع نوم و تاني نهار نروح مصحصحين عل دوام....و نلحق دراستنا و لسهرات الحلوة ........ولا شو رأيكون؟!! -سوريا
طالبة 2009-11-19 18:21:52
نعم انا مع العطلة الطويلة
نحن الطلاب كتير منتعب نفسا وجسديا من الدراسة ف ما بيحق لنا نعطل كم يوم نرتاح فيون يعني بتمنى مراعاة الطلاب والموظفين
-سوريا
ندى الأيام 2009-11-19 15:41:39
........
العطلة الطويلة حلوة بس مو دايما كويسة يعني هلأ دوام طلاب وجامعات ونحنا الطلاب وخصوصا المتخرجين بحاجة للدوائر الحكومية بهالفترة كتير ....
رشا 2009-11-19 15:26:34
مسرحية غربة
العطلة الطويلة بتذكرني بمسرحية غربة لما كان عبد الهادي الصباغ استاذ المدرسةعم يقول انو المدرسة لازم تفتح بكرا بيردعليه ياسر العظمة وبيحكي عن العطل انو السنة كلها اعطال وقفة على هاليوم
ماما 2009-11-19 13:08:03
أنا مع
أنا مع العطلة الطويلة الصادرة بقرار لأنها المجال الوحيد للتنفس أثناء السنة و العيش مع العائلة دون التنغيص الصادر عن الاتصالات من مكان العمل عن المواضيع الخاصة بالشغل و التي غالباً لا نشعر في الدولة بأهميتنا في إنجاز العمل إلا عندما نكون في إجازة من إجازاتنا الخاصة مع الأولاد، مما ينعكس سلباً على مزاجناو تضييييع متعة السفر و لمة العيلة في أي مكان حتى لو كان البيت (بسبب الحالة المادية طبعاًيلي ما بتسمح بالسفر حتى في وطنا سورية). -سوريا
مجد مجد 2009-11-19 12:46:13
مع العطل الطويلة
أنا مع العطل الطويلة كي يتفرغ الموظف لبعض اموره الحياتية بشكل جيد. ولكي يجد الموظف الموجود خارج محافظته فرصة للذهاب الى الاهل وخاصة اذا كان له عائلة. مواطن موضوعي 2009-11-19 12:31:50
العطلة مانا سبب
يا جماعة انا بوافقكم انو العطلة الطويلة مالا لزوم لانو شعبنا كل ما عطيتوا عطلة زاد عندو الكسل بعكس الشعوب الاخرى بس وانا برائي ما لازم نربط تقدمنا بالعطلة لانو تخلفنا سببو العالم يلي عم تشتغل بدون ضمير بتلاقي هل الموظفين ما شاطرين غير بتضيع الوقت وعرقلة هالشعب -سوريا
أبو عبدو 2009-11-19 12:19:10
دبي
هلق المشكلة إنو ببلدنا سورية ع كل الأحوال في عطل بالكذب بس للقطاع العام و المدارس
يعني هدول ما عم نحكي عنهم
بس القطاع الخاص و الله حرام يعني الواحد ما خلق مشان ينزت طول حياتو شغل يعني متل بعض المتشدقين من الشباب إنو برا ما بحبو العطل أي أنا بحب قلن إنو كلن عندون كل سنة شهر فاكيشن متل فرض الجمعة و باليوم 8 ساعات عمل فقط
أما القطاع الخاص عنا عبيد بفيقوا الساعة 6 و بيرجعوا الساعة 5 بدون يناموا مشان ما يتضايقواا تاني يوم من وقت الشغل الجحاشي
يعني و هون عنا بالإمارات مو أشوا
الشباب عاملين العطلة-سوريا
عاطف 2009-11-19 11:53:36
العطلة الطويلة ضرورية ولكن
أنا أ‘مل في جهة حكومية سورية، ولدينا عطلة طويلة إجبارية ووحيدة ومخطط لها (أسبوعان) في السنة تحتسب من الإجازات (13 يوم من أصل30 يوم في السنة). ولكن نظام الإجازات صارم جداً ونادراً مايستطيع موظف منا أن يستفيد من نصف إجازاته الباقية.
وأنا أرى أن هذا النظام رائع ويمنحنا القدرة على التخطيط للإستفادة من هذه العطلة السنوية سواءً لتنفيذ واجبات متراكمة إجتماعية وغيرها، أو للمشاوير والسياحة والنوم و.....
المهم خفض مساحات العطل الطارئة والتي لايمكن التخطيط لها لأنها غير مفيدة.
-سوريا
Steve 2009-11-19 11:41:24
إلى : [email protected]
يسلملي اللي خلقك والله عمتحكي جواهر و كلامك مظبوط 100/100 -سوريا
لكل من يجهل سبب تخلفنا 2009-11-19 10:56:56
والى دعاة العطل والنوم
ان التخلف الحاصل للشعب العربي في كل المجالات هو نتيجة منطقية جدا لشعوب تملك هذه العقول البهائمية التي تريد أن تعيش فقط لتأكل ولتنام ولتمارس الج......انظروا الى اليابان التي تتشدقون بها معجبين كيف خرج الناس في مظاهرات عندما أرادت الحكومة تخفيف وقت العمل مدة ساعتين.أما العرب فقول بلا عمل ونوم بلا ملل وأكل بلا كسل وجنس بلا كلل أما العمل فدعه الى أجل. أرض الاسلام بلا مسلمين وهم الى الغرب متشدقين تركوا الدين ونسوا أن الرقي لايكون الا بالدين. غفلوا عن قول نبيهم:اطلبوا العلم ولو في الصين. مواطن 2009-11-19 09:52:49
العمل
لا أؤيد العطل الطويلة وخصوصا أن العطلة الأسبوعية أصبحت يومين -سوريا
مواطن صالح 2009-11-19 09:43:03
كل المعارضين للعطلة هنن فعليا مدراء دكتاتوريين
لك ياسيدي خلينا نسحب نفس , ما عم نصدق تجي العطلة لنترتاح كم يوم من الشغل, عم نشتغل كل يوم بمالا يقل عن 9 ساعات قطاع خاص وبعدين بيجي كم واحد من المفزلين بقلك تعطيل العمل بالدولة ..واضح كتير سائلين , اصلا القطاع الحكومي بالأيام العادية ما بيشتغلوا شي ,التعترة والتعب على القطاع الخاص , نحن حتى لو تمددت العطلة لمليون يوم بنتمنا نداوم -غير عن كل البشر كل يوم- بقى ارحموا من في الارض يرحمكم من في السماء نهيل 2009-11-19 08:53:15
بالتأكيد احبذ العطلة الطويلة
طبعا طبعا طبعا أتا أحبذ العطلة الطويلة وخاصة أنها تكون بمناسبة وليست من دون مناسبة.
فالناس جمسعا تنتظر فترة العيد من أجل الراحة أولا ومن ثم تنمية العلاقات الاجتماعية.
-سوريا
F nn 2009-11-19 03:10:38
والله مشكلة ...
يا جماعة
كل خلق الله في كل دول العالم الذي نمى وانتهى لديهم عطل بمقدار ثلث عطلاتنا
في أمريكا أيام العطل أقل منا بمقدار النصف وهم أغنى دولة في العالم
وفي تركيا لديهم سبع أيام عطل رسمية فقط
لا أريد أن أحدثكم عن ما يسمى"الكيان اليهودي في فلسطين" كم يوم عطلة لديهم
بما أننا دولة نامية ( الله يكبرنا عاجلا) لازم نفكر جديا بتقليل العطل الرسمية
بقيان نعطل بمناسبة العيد الوطني لزيمبابوي منشان تكمل معنا
كيف بدنا نبني بلدنا ونحن شعب ناااايم وسامحوني للكلمة : كسول-سوريا
M + W 2009-11-19 01:11:17
من الأدغال
ولك يا عمي حلو عن سماهالعطلة ولك نحنا بدنا من الله نعطل هلق صرتو شعب نشيط ومنتج اي شفناكون من فوق وشفناكون من تحت .....؟؟؟؟؟ عمار 2009-11-19 00:00:29
عطلة لا عطالة
واضح من المشاركات أنكم شعب كسول ما المشكلة في قلة النوم؟ من طلب الراحة عدم الراحة...حاولوا تستمتعوا بأعمالكم وبأداء واجباتكم وستغدو الحياة أجمل
-سوريا
ام الزوز على سن ورمح 2009-11-18 23:41:06
انا ما بطيقا للعطلة
ما بعرفبحس بالتشاؤم بس يجي يوم الجمعة والسبت كتير بكرهن وبكرخ فكرة العطلة كلياتا بحس الناس ماتوا بهاليومين ومنيح انن ما رح يوصلو عطلة عيد الاضحى هي احسن شغلة بيعملوها
-سوريا
مواطنة بتحب بلدا 2009-11-18 22:50:55
عطلة للابد
يعني انا ما عرفت ليش (قطاع خاص )كل هل شي معصب مو جاي على بالك تعطل ما تعطل اساسا انت قطاع خاص يعني مو فارقة معك بقيت العطل نحن الطلاب وخاصة هل السنتين ما منعطل لنرتاح
نحن من عطل لندرس لانو ما عاد في وقت للدراسة وانا مع العطل الطويلة1000000% على الاقل عطلع العيد فيها شوية راحة-سوريا
قطاع خاص 2009-11-18 22:07:47
رحمة الله على الأجيال السابقة
أنا موظف قطاع خاص وضد العطلة الطويلة وياريت كل موظف مابدو يشتغل يستقيل و يضل قاعد ببيتو أريح ألو ولغيرو ويترك فرصة للشباب المكافح يلاقي فرصة عمل عيب عليكون لابدكون تشتغلوا ولابدكون غيركون يشتغل وطلاب المدارس يروحو يشوفو مستقبلهون بدراستهون ذاتا مانزع الكل غير عطلة يوم السبت-سوريا
مي 2009-11-18 22:04:24
انا مجلوطة من العطل بالسعودية
شو هالحكي يبعتلي حمى انا وحظي الله وكيلكن اتعئدت من العطل دخيل رب سوريا ورب عطل المدرسة تبعوتا تعوا شوفو بالسعودية العما ماعم نام من كتر العطل والله سوريا مابعطلو كتيرانا بشوف انوالطلاب معون حق بس ام الولاد متلي طبعا مابتمنى ولا يوم عطلة مشان ارتاح السعودية كلها عطل وانا رح جن
-سوريا
قطاع خاص 2009-11-18 22:02:43
رحمة الله على الأجيال السابقة
أنا ضد العطل الطويلة ونشالله ستين عمرو ماحدا يعطل خلي هالموظفين المرتشين ولاسيما// تبع المالية هالحرامية اللي بيطلبوا الرشوة عينك عينك وبيعطلوا كل معاملاتك إذا مابتدفع// مايعطلوا ويشتغلوا متل كونتا كينتي ونشالله ستين عمرون مايطلعلون مازوت ولازيادة رواتب..وكلون سوا مع بعضون بليلة مافيها ضو قمر آآآآآآآآآآآآآمين
-سوريا
معطل بالاساس 2009-11-18 21:55:21
طبعا العطلة الطويلة
طبعا طبعا ونعم للعطلة الطويلة.. دخيلكم شو عم نعمل يعني.. يومنا باسبوع.. واسبوعنا بشهر.. وشهرنا بسنة..
لارح يقدم ولا يأخر كم يوم عطلة زيادة.. لا ساحة العباسين ولاحتى مبنى وزارة النقل او .. او.. وغيره رح يتأثر .. صارلوا سنين.. وبيضل سنين... عطلةةةةةةةةةةةةةةةةةةةةةة-سوريا
موظف 2009-11-18 21:53:18
الله يخليلنا الاعياد
انا مع العطلة الطويلة والله يا جماعة احنا مننتظر من العيد للعيد حتى ناخد هيك عطلة حتى يقدر الواحد يشوف اهلو وناسو الشغل اخدنا وما عاد شفنا حدا -سوريا
From Canada 2009-11-18 21:18:34
long weekend
Here in Canada every month we have what is calld "long weekend" that means we have a monday off. These holidays make people more productive. So many employees have thier vacations to continued by long weekend. People need days off from time to time. -كندا
مواطنة طالبة طب سنة ثانية 2009-11-18 21:01:12
عطلـــــــــــــــــــــــــــــــــــــــــــــــ
نعم نعم نعم مشان الله هلق حطيتو عينكم على هالعطلة يلي عطلناها بالعيد والله بعد العيد طلعت عالعطلةمن عيونا"عفوا"وبعدين هالعيد رح يجي حمعة سبت و أحد الاثنين يعني راح يومين فيا ريت يطلع قرار ويكون السبوع كلو عطلةلأنو بعد العيد بأسبوع رح نبلش الفحص العملي وبعدوا النظري فرد دفشة و مافي لاعطلة ولا هم يحزنون
-سوريا
mostwanted.oj 2009-11-18 18:51:59
العطل لكسر الروتين اليومي الممل
طبعا العطلة الطويلة هي من صالحنا كطلاب وموظفين و عمال إلخ
لأن كسر الروتين يساعد الفرد على الإبداع
(يعني إذا عطونا ثلاث أيام عطلة هاد ما أسو كسر روتين أبدا)شادي 2009-11-18 18:20:54
ياريت تعطينا الحكومة عطلة طويلة
أنا أعمل بالقطاع الخاص ولا أعطل يوم السبت ! وإجازاتي قليلة,أرجو من الحكومة الموقرة أن ترأف بحال الآلاف مثلي وتتكرم وتعطينا عطلة طويلة ستنعكس إيجابيا علينا وعلى العمل بشكل عام. بالمناسبة في كل دول العالم الصناعي المتحضر يعطون عطل طويلة بين الفترة والأخرى كعطلة أعياد الميلاد ورأس السنة الطويلة, وعطلة الصيف الطويلة الخ .. باختصار هم حينما يعملون يعملون بجد بدون مضيعة للوقت, وحينما يعطلون يأخذون كل وقتهم ويستفيدون من العطلة الحقيقية لتنعكس إيجابا عليهم ((وهذه هي المعادلة السحرية)).. -سوريا
مواطنة بتحب بلدا 2009-11-18 17:41:44
عطلة للابد
يعني ما بعرف شو مأثرة عليكم هل عطلة يعني بالنسبة الي انا طالبة حادي عشر بفضل الثانوي كلو يكون عطلة لانو منبلش من الشهر ال1 تحضير للبكلوريا وين الوقت شو بدنا نلحق دوام ولا دورات ولادراسة اللي ما عاد في الها وقت منوووب
-سوريا
سوسو الحلوة 2009-11-18 17:04:17
ياي كتيير حلو
الله يعطيكم العافية والله انا بتمنى السنة كلها تكون عطلة وما نشتغل سي ويكونو زواجنا عنا الفارس 2009-11-18 15:56:32
لاايد
لاايد العطلة الطويلة لانها مملة
-سوريا
ابن البلد 2009-11-18 15:41:07
فينزويلا
انا لست مع العطل الطويلة ولامع عطلة السبت لانو كلشي حكي موظف وما بتفرق معو راتبو ماشي ودخيلكم شو هالعذاب الي عم يقدموه قاعد ورا مكتبو والمتة حد منو والراتب شغال غير الرشاوي بس في عالم كتيير مانها موظفة وعندها ضرائب لازم تدفعها كل سنة مثلا شوفير تكسي عمومي عندو ضريبة سنوية ليش الدولة ما بتخصم من هالضريبة الغالية والي ما الها مبرر تخصم منها ولانو صاحب التكسي هي التكسي باسمو بس للدولة لانو لازم يطعمي الشرطي وموظف النقل والا ما بيشتغل يا جماعة في شغلات بالبلد العظيم شغلات بتقهر عايشين نحنا بغابة خلود 2009-11-18 14:54:40
انا معها
لانو بالنسبة لسياسة الدولة الي اقرت التعيين اي محافظة يجب ان تساعد في ايام العطل فمثلا اصدقائي متعينين للتدريس في الحسكة والقامشلي ولسفر من هونيك لطرطوس وللشام يستغرق اكثر من 9 ساعات اذا حصل احدهم على تذكرة سفر وبيقضيها عالطريق ليرجع يشوف اهلو او خطيبها او او او
لذلك في اعطال العيدين افضل العطل الطويلة لانها تريح من نفسية الشاب والشابة المغتربين شمال شرق سوريا ولكم الشكر
فيروز 2009-11-18 14:40:39
مع برياحة
يعني العطلة الطوية منفذ للموظف ومريحة اله، أما بالنسبة للمدير فهي تعطيل أعمال و، وشعبنا كلو موظفين، لذلك كلنا رح نايد العطلة الطويلة.-سوريا
شام 2009-11-18 14:39:23
مع العطلة
انا مع العطلة الطويلة لانو بالقطاع الخاص ما في إجازات ولافي يوم سبت أو حتى أعياد رسمية أو وطنية من شان هيك ما بصدق إمتى تجي عطلة العيد الفطر أو الأضحى لحتى نعطل لانو هي عطلة الوحيدة طيلة أيام السنة -سوريا
موظف 2009-11-18 14:16:52
سورية
ياريت يعطونا اجازة يوم الخميس مشان نلحق نروح على بيوتنا بالمحافظات لانو زحمة العيد بتبدأ قبل العيد بأسبوع يار يت يعطونا يوم واحد قبل العيد
ودمتم بخير بمناسبة عيد الأضحى المبارك
كل عام وانتم بخير
-سوريا
نورا 2009-11-18 14:10:34
أنا ضد
المتضرر الوحيد من العطل الطويلة هم طلاب المدارس لأنه يشكل ضغط عليهم وعلى المدرسين بنفس الوقت، وبشكل عام أنا ضد العطل المتكررة في بلدنا وأتمنى من وزارة التربية إلغاء بعض أيام العطل حرصا على مستقبل أولادنافأيام الدراسة باتت قليلة قياسا بالعطل التي تمنح أثناء العام الدراسي .. وفي نهاية العام كما يقول المثل " منركض ما منلحأ " -سوريا
nouri 2009-11-18 14:06:41
ليش لأ
ليش لأ والله العطلة حلوة كتير بس أنا موظفة قطاع خاص ما بعطل إلا أيام العيد الفعلية وبس وعند جد يحسد كل موظفين الدولة على العطل كلها وخاصة يوم السبت يا الله شو الواحد بحاجة إلها وخاصة لما بيكون عند الواحد مسؤولية بيت وأولاد على كل حال الله يهنيهون فيها ويارب يسافر مديري حتى ما داوم عل الشغل ليوم السبت يلي بعد العيد ... أولو آمين .. وكل عام وأنتو بخير -سوريا
Ahmad 2009-11-18 13:43:04
مؤيِد
كل عطلة 3أيام بتعطي الموظف أو الطالب طاقة تكمل معو شهر فأنا أؤيد العطلة ونزحوا من مجلس الوزراء إعطاء عطلة طويلة هذا العيد
-سوريا
مغترب 2009-11-18 13:13:29
ليش لأ...
العالم عايشة ع مهلها, و أقصد سوريه بالذات...
فما اتوقع ايام العطلة سواء زادت أو نقصت انو تأثر ع سبر العملية في دوائرنا الحكومية.
خلينا نبرر الواقع بكلمة عطلة.
9 ايام او 18 يوم لتبرير الوضع في سورية , لايشكل ايه مشكلة ضمن اطار الواقع الموجود... -سوريا
موظف قطاع خاص 2009-11-18 12:16:58
أؤيد العطلة لمصلحة العمل
عند منح الموظف عطلة إضافية تكون مفيدة للنقاهة والراحة من ضغط الشغل ويعود الموظف لعمله بعد العطلة بنشاط وحماس أكبر للعمل وتكون القدرة الإنتاجية أكبر، بينما في حالة الإحساس بأن العطلة لم تكن كافية يعود إلى العمل محبطاً وغير راغب في العمل والعطاء ويكون الأداء أقل بكثير من حالة العطلة الطويلة -سوريا
لينا 2009-11-18 11:35:29
العطلة
ما في أحلى من العطلة والنومة الصبح على أساس الشغل مقتل بعضو بدوائرنا
-سوريا
موظف 2009-11-18 10:49:19
أنا مــــــــع ........
عيد الأضحى المقبل سيأتي يوم الجمعة هذا يعني سيذهب من عطلة العيد يومي الجمعة والسبت فلو أعطي بدل عنهم ثلاثاء وأربعاء بقرار من الآن حتى يعلم الكل ويأخذ إحتياطاته ...ثم من أراد أن يأخذ الخميس إجازة إدارية فهو حر ، بس مابعرف إذا هذا يؤثر على الطلاب ممكن رأيي المعلمين والمختصين بهذا الموضوع أصوب ...وكل عطلة وأنتم بخير . -سوريا
مواطنة سورية 2009-11-18 10:45:48
آكلة هم البلد اللي رح تبقى فاسدة للاسف
انو مشاغل رح تتعطل بدوائر الدولة خلي هالمرتشين يوقف شوي رزقهم بالعيد بركي الله بباركلنا فيه دخيلكن يعني شو في شغل بدوائر الدولة غير الرشوة والسرقة المباشرة وغير المباشرة واللي بدو يشتغل بضميرويمشي امور الناس رح يطهؤوه مدراؤه بعيشته لبين ما يطفش من الوظيفة ومن البلد كلها اذا بدكن بقا خلي العطلة طويلة ابوس ايدكن
-سوريا
موظف 2009-11-18 10:33:08
ضد الاجازة الطويلة
معظم الموظفين الحكوميين في الايام العادية لا تعمل و تؤخر اعمال المراجعين.
و لذلك فانني ضد العطلة الطويلة الامد و ويوجد شيئ اسمه اجازة سنوية لكل موظف كي لا تتعطل اعمال الدولة كلها.
و لكن الحل يبدا من في رايي تحسين الحالة المادية للموظفين عن طريق تحسين رواتبهم لكي ياخذ هذا الموظف الاجازة و يرفه عن نفسه بسياحة داخلية اقل ما يمكن لان معظم الموظفين لا يعرفون السياحة الخارجية و كذلك الداخلية الا عن طريق التلفزيون.حدة معصبة 2009-11-18 10:11:38
بالعكس تماما
انا بصراحة بتمنى تكون كل الايام عطلة، و مالي مسدئة ايمتا حيجي عيد الاضحى حتى عطل4 ايام عن الشغل، و يلي بيئول هيك بيكون عم يتفزلك أو بيكون مديري بالشغل
يلي بحب وجهلو تحية خاصة و بدي ئلو شوي شوي عليي، ديئتلي خلائي-سوريا
آلاء 2009-11-18 10:12:17
النووووم
و اللله بالنسبة الي أنا،أنا بستنى العيد ويوم الجمعة من شان ناااااااااااااااااااااام
ما عم أشبع نوم، كل يوم الفيقة 8 و النوم مو قبل 1 ليلاً
-سوريا
سوزان 2009-11-18 09:52:12
العطلة الطويلة
نعم انا مع العطلة الطويلة لانا الفرصة الوحيدة للتواصل مع الاهل خصوصا ايام الغيد مع حاجة ايام اطول للسفر
-سوريا
copy rights ©
syria-news 2010
