السوريون يحيون على التقسيط ... خطر يتهدد الاقتصاد والمجتمع السوري
تشير بعض الأرقام التي أعدتها جهات متخصصة أن 90% من عمليات بيع السيارات في السوق السورية تتم بالتقسيط، وأن المواطن السوري ينفق سنوياً بصورة وسطية حوالي 42% فقط من دخله على الغذاء، بينما ينقسم الباقي بين خدمات (صحة وتعليم)، وبين سلع كمالية (كالموبايل والسيارة والجلاية...)، مما يشير إلى أن وسطي إنفاق السوري على السلع الاستهلاكية الغير أساسية مرتفع مقارنة بمتوسط الدخل الضعيف نسبياً.
وتشير أرقام وكالات البيع الخاصة بالسلع الاستهلاكية الغير أساسية (كالموبايل والسيارات وبعض الأدوات الكهربائية والترفيهية الغير أساسية)، إلى أن القسم الأعظم من هذه السلع يباع بالتقسيط.
وإذا أخذنا بعين الاعتبار أن متوسط إنفاق الأسرة السورية يتجاوز 20 ألف ليرة شهرياً، بينما متوسط الدخل لا يتجاوز 9 آلاف، فهذا يعني أن شريحة كبيرة من مجتمعنا، خاصة من الطبقات الفقيرة والمتوسطة تحيا على التقسيط بما يفوق قدراتها على السداد بصورة منتظمة وآمنة.
بناء على المعطيات السابقة، يحذّر مختصون من أن الاقتصاد السوري قد يواجه قريباً أزمة اقتصادية ناتجة عن تزايد نسب العاجزين عن السداد لأقساط المواد المباعة تقسيطاً، خاصة مع الارتفاع المستمر لأسعار السلع الغذائية مؤخراً، مما يعني في الحصيلة أننا قد نشهد انهياراً اقتصادياً شبيهاً من حيث الأسباب بتداعيات الأزمة المالية العالمية في الغرب.
والحلول المقترحة من جانب البعض تتركز على ضرورة قيام الدولة بخطوات لضبط عمليات البيع بالتقسيط وزيادة الضمانات المالية المطلوبة لتنفيذها، والقيام بحملة توعوية لتنبيه المواطنين بعدم التورط في شراء مواد غير أساسية بالتقسيط بكميات كبيرة بصورة قد تورطهم بالتزامات قد يعجزون مستقبلاً عن سدادها.
فما رأيك فيما سبق؟ وهل تؤيد الذين يحذرون من أن ظاهرة البيع بالتقسيط في سورية تشكل خطراً على الاقتصاد السوري؟
وهل تؤيد تدخل الدولة للحد من هذه الظاهرة؟
جومايكا 2010-10-11 09:46:01
الحل
ما الرأي إذا الحكومة استولت على كامل أملاك الناس والتزمت بالمقابل بإطعامهم وتشغيلهم عندها ونظام منضم؟ safaa 2010-05-04 13:29:42
بعد شوي رح تصير حياتنا كمان بالتقسيط
اكيد رح يتدهور الاقتصاد من ورا التقسيط لانه اولا واخيرا هاد ربا ومال حرام يعني هي الفوائد لعم ياخدوها من زيادة الاسعار بعد التقسيط كله ربا بقى من وين الله رح يبارك فيها الا اذا انباعت السلعة بالتقسيط او كاش بنفس السعر يعني مارح يتهنى لا البايع ولا الشاري اذا مو بالدنيا بالاخرةمتدايقة و مكتأبة 2010-05-04 08:31:21
الحلللللللللل
الحل انو بزيدولنا رواتبنا
شي 200% و هيك بتتحسن المعيشة شوي ها مو كتير. انتو شو رأيكن؟؟؟؟؟؟ -سوريا
لما حلبي 2010-05-03 22:40:06
!!
عندي رفيقتي ساكنة بالحمدانية . .. ابوها سحب قرض من النك مشان يعبي المحل بالبضاعة سحب 4 ملايين وصرف شوي وعبا شوي بضاعة .. حاليا هنن عاجزين عن سداد القسط وهو حوالي 90 الف بالشهر للبنك وعندن اقساط الطاقة الشمسية واقساط الشاشة البلازما واقساط سيارتن نوعا كيا وميت قسط وقسط والمسكينة بتحكيلي قال بسبب الاقساط ابوها رح يبيع المحل اللي عميرزقوا منو ومتلا متايل بحلب .. الله يعين العالم-سوريا
مفلس 2010-05-03 09:25:43
بسبب التقسيط
بالتأكيد سوف يؤثر على الاقتصاد, وأنا من المتأثرين شخصياً بهذا وقمت بإغلاق محلي للبيع بالتقسيط بسبب عدم سداد الأقساط وعدم قدرتي على ملاحقة المشترين, وهكذا البلد تعيش كل واحد ينهش من الآخر.
-سوريا
كاسم 2010-05-02 18:47:31
الحل بسيط جدا ؟
الحل بمقاطعة وكالات السيارات وشركات الاتصالات ونرجع للحياة الاولى حياة العصر الحجري والعربشة على باصات النقل الداخلي لانه احنا شعب ما منستاهل نعيش حياة كريمة مثل بقية الدول واذا بدنا نعيش لازم ندفع ضرائب تثقل حياتنا نحنا شعب تعودنا على الحرمان من كل شي حتى ابسط مقومات الحياة .لذلك اذا صار انهيار ولا أزمة مالية ولا اذا صار انتعاش يعني احنا شو راح يجينا من هذا كله.يعني هل تعليقي على هذا الموضوع سوف يقدم ولا يؤخر .النتيجة واحدة تعودنا على الفقر والحمد الله على كل شي. -سوريا
سنفور غضبان 2010-05-02 14:56:37
أنا أكره الرياضيات
ذكرتوا حضراتكن أنو :
متوسط إنفاق الأسرة السورية يتجاوز 20 ألف ليرة شهرياً، بينما متوسط الدخل لا يتجاوز 9 آلاف،
ممكن أفهم كيف صارت هي؟
يعني مو معقول أنو في بكل عائلة 3 أفراد منتجين لأنو 9*2 = 18 يعني أقل من متوسط الإنفاق
شلون زبطت هي فهموني
والأحلى معناها أنو ما في إدخار نهائياإلا إذا كان متوسط عدد أفراد العائلة المنتجين هو 3 يعني أب وأم وولد عزابي
النتيجة: لك شلون ماشية هالبلد ما حدا بيعرف-سوريا
KatkOooOt 2010-05-02 14:00:10
للأسف السوق تعيش حالة استنزاف (اقتراح)
اقتراح آخر :
منح الشباب المقبلون على الزواج كوبونات لشراء أدوات منزلية من المؤسسة العامة الاستهلاكية بدلاً من منحهم القرض .. وحبذا لو يتم وضع علامة على المنتج (ممنوع بيعه) لقطع الطريق على من يحاول المتاجرة بهذه السلع وفسح المجال الأكبر للمستفيدين الحقيقيين .
شكراً لفسح المجال بهذه المشاركة الطويلة . KatkOooOt 2010-05-02 13:52:51
للأسف السوق تعيش حالة استنزاف (الحل)
الحل بسيط للغاية اذا مادققنا بـ زبائن التقسيط سنجد أن الشباب المقبلون على الزواج هم الشريحة الأكبر وتتجاوز نسبتهم 90% ويأتي بالدرجة الثانية الموظف .. وإقتراحي أن حل هذه المشكلة يكمن عبر منح الشباب المقبلون على الزواج (لأول مرة) ((قرض طويل الأجل أو عبر مساعدة حكومية اسوةً بالدول المجاورة)) وإن كانت الدولة تفضل القرض فـ حبذا لو أنها جعلته ميسراً وبضمانة شخصية من المستفيد (لأن النسبة الأكبر من الشباب) هم من العمال ولا يملكون سجلاً تجارياً أو سند تمليك لعقار . -سوريا
KatkOooOt 2010-05-02 13:49:41
للأسف السوق تعيش حالة استنزاف (مقدمة)
الشكر الجزيل على الموضوع .. ولكن السوق تعيش حالة استنزاف يومية .. وفي كل يوم يتعرض أصحاب المحلات التجارية المتخصصة بالتقسيط لعمليات نصب أو عجز عن تسديد الديون المترتبة على الزبائن ... وكذلك الأمر بالنسبة للزبائن فهم أيضاً يتعرضون وبشكل يومي للنصب من قبل أصحاب المحلات عبر ما يسمى بفوائد التقسيط والتي تتجاوز الحد المسموح به بـ 3 أضعاف .. فـ الحد الأدنى لهامشي الربح عند الشراء بالتقسيط يبدأ بـ اضافة نسبة 25% من سعر المستهلك . -سوريا
ماهر 2010-05-02 11:05:39
موضوع مهم
بالفعل انتو ذكرتو اهم موضوع بيتعلق باقتصاد بلدنا هالايام و للاسف معظم المشاركين عم يفكرو انو التقسيط ضروري ولا غنى عنه وما حسبو حساب لبعد سنة وحدة
انا اعمل بمجال السيارات والشركة يلي عم اشتغل فيها التقسيط فيها اكثر من 95% ونسبة تحصيل الاقساط 75 % فقط والباقي كله حجز + قضاء وخربان بيوت
ويلي قالو انه المشكلة الاقتصادية عنا حصلت قبل الازمة العالمية بقلهم انتو لسه ما شفتو شي
واعتقد استمرار المركزي بالرقابة على اعطاء القروض من المصارف وضع رقابة من الدولة على التقسيط هو الامل الوحيد لتفادي الكارثة-سوريا
مواطن مغترب 2010-05-02 08:18:13
الاستخفاف بالمواطن المغترب عند رغبته بشراء سيارة ب
رغم أني املك شقة سكنية طابو أخضر تتجاوز قيمتها 7 مليون ليرة سورية ، واعمل في احدى دول الخليج مدة 35 سنة في احدى وزارة الدولة وتجاوزت ال 60 سنة ولازلت في عملي لحاجتهم لخدماتي وخبرتي ،، وعندما رغبت باقتناء سيارة بالتقسيط ذهبت للبنك للاستفسار فبادوني بالرفض لان عمري تجاوز الستين ولاني مغترب ،،، مع العلم بان السيارة تكفل نفسها ولدي مايضمن حق البنك وراتبي الشهري في بلد الاغتراب الذي يتجاوز 17000 مائة وسبعون الف ريال شهريا ،،، هل وصل الاستخفاف بالمغترب لهذه الدرجة مع وجود كافة الضمانات ss 2010-05-01 22:20:07
موضوع التقسيط
هو موضوع غاية في الاهمية وخاصة لذوي الدخل المحدود والعاملين في القطاع الخاص لكن اقول لكاتب الموضوع انه فاتك ان معظم من يشتري تقسيطا ليبيعه نقدا وبسعر اقل وذلك هربا من الاقتراض من البنوك لما يلاقونه من بطئ في المعاملة وزيادة رسوم على القرض خاصة رسم المحافظة الذي يبلغ 5000 ليرة على كل قرض ... والان اقول من هذه النقطة يجب تدخل الدولة لترى ان كل محتفظة لها قانونها الخاص كلمة اضعا برسم المسؤولين ودمتم بخير
مغترب 2010-05-01 20:24:11
الحل
كيف يمكن لالمواطن الذي متوسط دخله 9 ألاف ليرة سوريةشهريا من تأمين أبسط متطلبات الحياة أو شراء السلع بغير التقسيط !!!!!
هل يجب على المواطن أن يموت من الجوع لحماية الاقتصاد ؟؟
في جميع اقتصادات العالم التشجيع على الاستهلاك هو الوسيلة لنمو الاقتصاد فما هو هذا الاقتصاد الذي لا يستطيع الصمود أما زيادة الاستهلاك .
الحل هو بناء اقتصاد حقيقي يؤمن مستوى دخل معقول للمواطن و لا يهدده زيادة استهلاكهم . ابو عبدو 2010-05-01 14:47:27
الدين سواد الخدين
يا اخوتي نصيحة من أخ لا تشترو اية سلعة الا اذا كان ثمنها متوفر لديك لان الزيادات الموضوعة على الدين نسبتها عالية وهذه عم تخسرها من جيبك بس صار معك ثمن الحاجة اشتريها واي غرض جديد اله بهجة لمدة يومين بعدين عادي ولا تنسوا اجدادنا يللي قالوا (الدين غضب الوالدين ) و (يا عريض القفا الدين مو بدو وفا )
ماهر 2010-05-01 12:08:23
تعليق
ممكن من الحكمه منع استيراد السيارات
بيكفي المصاري السورين تتطلع برات القطر مهندس متعقد تاني 2010-04-30 22:50:17
التقسيط
يامهندس يامتعقد لازم نعمل نادي للمهندسين المتعقدين من الوضع المادي بسورية يعني مضروبين بحجر كبير انو مهندسين ولا عنا بيت ولا سيارة والشغل موماشي حالو ......وبعين الله
-سوريا
حماده حرح 2010-04-30 18:17:50
غيور علىالمصلحة
اؤيد تدخل الدولة في ضبط عمليات البيع والشراء واتمنى من الدولة تامين متوسط دخل للمواطن يكفل له الحياة وعدم الشراء بالتقسيط اصلا سواء كان بالصناعة المحلية او بعمليات ضبط الاسعار بسام 2010-04-30 17:28:55
على قد بساطك مد رجليك
على قد بساطك مد رجليك
لا افراط ولا تفريط خير الامور الوسط
-ولا تجعل يدك مغلولة إلى عنقك ولا تبسطها كل البسط فتقعد ملوما محسورا-
على الانسان ان يرتب اموره منذ بداية الشهر ان الحياة غدت صعبة والغلاء هو السائد
كل ادرى بحالته وكل باستطاعته ان يضع خطة او برنامج لمصروفه
والله خير معين -سوريا
bassam 2010-04-30 17:15:03
على قد بساطك مد رجليك
.
.الجمل لو شاف حردبتو لوقع وفك رقبيتو
.
كبو القهوة من عميهم وقال الخير اجاهم
.
مسح عتبة بيتك ما بتعرف مين بدوسوا وغسل وجك ما بتعرف مين بدوسوا
.
مد بساطك على قد رجليك
.
إيد لوحدها وا بنزقف
.
يل بدق الباب بيسمع الجواب
.
على راس لساني ولا تنساني
.
من لقى حبابوا نسي اصحابوا
.
خلي العسل بجراروا ليجي اسعارواوإن ما اجا اسعاروا خلي يتختخ بجراروا
.
.إن حبيبك عسل ما تلحسو كله
.
.دير افاك للدبابير وقول كله تقادير
.
عقلك براسك بتعرف خلاصك
.
-سوريا
سامي 2010-04-30 03:43:19
تقسيط
90 % من الناس عايشين على خط الفقر او دونه مع انه مستوى الدخل الادنى للفرد في دول الجوار هو 1000دولار اميركي حسب احصائيه 2009 وفي الدول المتقدمه 3000 دولار ولله شي بقصر العمر وقال شو نحنا دوله غنيه وعم نموت من الجوع تركونا بهمنا بلكي بيجي يوم تصحى الحكومه الصبح تلاقي كل الشعب ميت ومرتاح من هالعيشه مو ناقص الا نشحد مواطن 2010-04-29 19:50:22
المشكلة ليست بالتقسيط
المشكلة ليست بالتقسيط أو عدمه، لكن بمستوى الدخل الذي لا يسمح للمواطن بشراء الاحتياجات الاساسية التي يراها البعض كمالية او حتى الاشياء التي يتفق الجميع على انها اساسية، انا مقيم في الامارات ويستطيع اي انسان يعمل هنا اللجوء الى التقسيط لانه يملك وفرا شهريا من دخله اما من لا يكفيه دخله حتى منتصف الشهر فالتقسيط هو انتحار.-سوريا
زكوان 2010-04-29 13:57:36
رد للسيد احمد
كيف لم تتاثر سورية بالازمة الاقتصادية على ما يبدو لا تعرف ما يجري بالاسواق السورية
الاسواق السورية مغرقة بالبضائع ولكن لا يوجد من يشتري ويحرك هذه الاسواق دخلت سورية حالة تضخم في الاسواق
سؤالي لك كيف سورية لم تتاثر بالازمة الاقتصادية
سوري منك غلطان انت -سوريا
كفاح 2010-04-29 13:41:10
اجابة لماذا لم نشعر بالزمة الاقتصادية
لانو نحنا already عايشين بازمة اقتصادية و هون عم اقصد الشعب , يعني اذا كنت انت مزكم(مريض) و مر عليك واحد مزكم , ما راح يصرلك شي لانو انت اساساً مريض احمد 2010-04-29 13:01:15
سوريا غير..سوريا بخير
سؤالي لاي شخص يستطيع الاجابة:
لماذا لم تشعر سوريا بالازمة الاقتصادية العالمية
:??
تايه وحيران 2010-04-29 12:38:37
الحكومة بطالع مليارات من وراء السيارات
يعني بتصوري ان الحكومة هي المسؤلة الاولى والاخيرة عن الموضوع كله سواء تقسيط او غيره لاني فعلا عيب والكاس طفح طفح طفح الحكمومة كل يوم بطالع مليارات من وراء تسجيل السيارات والرفاهية السيارة هي عنا بسوريا من اغلا السيارات بالعالم الحكومه عم تربح اكثر من المصنع ذاتو ولسه عم نحكي على انهيار الاقتصاد والغريب في الامر كمان اني عما يعيفو الناس تصف متل الاغنام على شيكات المازوت وياريت حدا عم ياخد كله في الواسطه الناس عم تصف على الدور من 11 ليلا كرمال هل شي والله عيب عيب حاج لوين بدكم توصلواااا-سوريا
طارق 2010-04-29 09:39:28
سلع استهلاكيه
في البداية أود أن أنوه بأن هذه السلع الإستهلاكية والتي وصفها كاتب المقال بأنها غير ضرورية إنها فقط في سوريا غير ضرورية فنحن لانعيش في العصر الحجري ، اماالأخ الذي يطالب بأن تصل هذه المشاركات (الهموم)إلى المسؤولين ،أنا أعدك بأنها لن تصل لأن غاية الإعلام بشكل عام أن يمتص الأزمات ومشاكل الشعب بأن يتيح لك الفرصة بأن تنفث عن همومك ومشاكلك بهكذا مقالات َ
واحد مقهور 2010-04-29 09:28:46
مغترب
انا مغترب عن بلدي منذ فترة وعندي سؤال : في حدا بيعرف ليش انا مغترب ؟
اكيد في بعض الناس بيعرفو ليش مغترب ونسبتهم تقريبا 90% ومن شان الـ 10% الي ما بيعرفو ليش مغترب رح قول مغترب من شن اكل واشرب وحس اني عايش, مغترب من شان جيب مصاري عرفتو
وبالمناسبة برأي لازم يكون عنوان المقال
السوريون يحيون من قلة الموت
والحمد لله على كل شي
سوري يانيالي 2010-04-28 10:09:51
اللة يستر 1
في كل مكان في الدنيا يعتمد المواطن في حياتة على الدين ففي أمريكا وأوروبا 90% من الناس يشتري البيت لتقسيط 30 سنة والسيارة أيضا حتى أن البعض يقضي عطلتة الخلابة بالدين لكن يفحص قبل اعطائة القرض عن دخلة وهل يستطيع دفع دينة أو لا ,ولهذا يعيش المواطن الاوروبي بحالة تقشف مستمرة لا يتكلم بالهاتف ال بالضرورة ولا يكل كل ما هو غالي وثمين.طبعا أنا أتكلم على الطبقة العامة من المجتمع لأنة يعرف ن بداية الشهر كم هو مخصص لة أن يصرف.أما في بلدي فبسبب الفساد والرقة
-سوريا
ع ش 2010-04-28 08:49:41
موظف اتمتة بمركز حلب لم يقبض راتبه من شهرين
اذا كان او الليل راتبه 15000الف و غيرو 100000 الف ما عجتو اش اساوي انا ما قبضت من شهرين بدي افكر بالسرقة كمان مو بس تقسيط الله يعينك يا مواطن اللي كل ذنبك انك سوري
بس طمنوا الكل راح ينتعش بكرا انشاء الله لما يصير المتحف و الاماكن الاثرية للحفلات و الاعراس لاني معلومكن اماكن الحفلات و السهر و التمشاي هي اللي مشيه اكترشي اليوم و ماتنسو تتعرفو على مشاكل اخوانكون المواطنين من خلال هذه التعليقات و السلام
reem2123155 2010-04-28 08:42:01
ممتاز
خطوة ممتازة وضرورية ديبو الحزين 2010-04-28 07:17:32
الغارمين
أعجبني تعريف كلمة الغارمين في احدى القنوات المصرية وتعريفها هم المديونين الذين لا يستطيعون سداد دينهم وتجوز عليهم الزكاة... يا عمي روحوا وطلعوا على شغلة تنفعكم نحن مجتمع من الغارمين. -سوريا
مواطن سوري 2010-04-28 07:09:43
السياسة الاقتصادية 2
كما ان التناقض الكبير بين متوسط الدخل واسعار بعض السلع دون وجود سبب منطقي او حتى شبه منطقي يدفع الكثير الى عدم الاكتراث لما ينظره ما يسمون بعلماءالاقتصاد. فالمواطن اوجد السياسة الاقتصادية التي تتناسب مع مستوى طموحه و مستوى دخله و لكن الى اي حد يستطيع الاستمرار بهذه السياسة الاقتصادية والى اي حد تستطيع العقول الاقتصادية النظر الى حقيقة ما يجري. وشكرامواطن سوري 2010-04-28 07:04:51
السياسة الاقتصادية 1
يمتاز المجتمع السوري بقدرة خلاقةعلى التكيف والتأقلم مع كافة الأوضاع و الظروف السائدة . إن فكرة التقسيط هي ردة فعل طبيعية على ضيق الوضع الاقتصادي و على تدني متوسط دخل الفرد كما انه مؤشر خطير على الربح الفاحش و على الخلل في الميزان الاقتصادي و عدم تدخل الدولة لحل هذا الخلل .فالخسارة على المدى البعيد للمواطن و على المدى القريب و البعيد للدولة فالمواطن الغارق بالاقساط سوف يتبع اساليب ملتوية لسد اقساطه والجو العام السائد يسهل له المهمة ahmad 2010-04-27 17:32:17
اللي ما معو شو يساوي
انا بحيي ابو الليل بس اللي ما عندو اجار بيت ولا قسط بنك ولا 10000 موبايل بس اكل وشرب ومدارس وولاد وراتبو 20000 الف وما عم يلحق بقى حمود ربك انو عم تلحق ولك حتى التقسيط الواحد ما عم يقدر يلحقلو بقى الي بدون يساووعلى راحتن عايشة وحدة بلاك وبلا حبى يا ولد زياد الرحباني mib 2010-04-27 16:59:36
التقسيط
انا مع نشر الوعي ولكن ليس مع ان تضع الدولة يدها بل الموضوع لان التقسيط ليس بل الامر الغلط ولكن يجب ان يعرف المواطن متى يجب ان يدخل هذه المرحلة او الجربة لان التقسيط يساعد على حل بعض الازماتأبو الليل 2010-04-27 12:20:56
أنا راتبي 100,000 ل.س
راتبي 100,000 ل.س وعندي أجرة بيت 20,000 وجمعية 15,000 وجمعية 5000 وفاتورة موبايل 11,000 وفواتير البيت 4,000 وقسط للبنك 9,000 وبيلحقني تعباية مازوت وتأمين صحي ومدري شو وبطلع من الراتب زميط ...
وبقول الحمد لله كيف الناس عايشة ب15,000؟؟؟؟ التقسيط يجب أن يكون للبيت فقط كونه الحلم المستحيل نتيجة للأسعار الغير معقولة في سوريا والله أغلى من أي دولة بالعالم وإلا كيف بيت بقدسيا أغلى من فيلا ببودابست؟ أو بيت بدمر أغلى من فيلا بروما؟؟؟ قسما ابلله عم بحكي جد ... يلعن هالوضع العقيم -سوريا
Souri 2010-04-27 12:04:20
يعني مافي حلول تانية
من قبيل التفكير بكيفية رفع مستوى المعيشة، وكيفية ردم الفرق بين متوسط الدخل ومتوسط الإنفاق، ومعرفة أن هذا الفرق ليس ناتج عن ميل العالئلات السورية للصرف والتبذير، بل ناتج عن إرتفاع أسعار المواد المختلفة، وإرتفاع أسعار الخدمات، ثم مع وجود شروط أصعب للتقسيط، سيكبر حجم الفئة التي ستعاني، كما سيكبر حجم الفئة التي ستنهار تحت ضغط الدينمحمد جمعة علي 2010-04-27 09:42:12
ويمحق الله الربا ويربي الصدقات
لا بد لكل فرد من افراد المجتمع السوري ان يدرك مدى خطورة البيع بالتقسيط حيث ان هذه العملية اشبه ما تكون بطريقة الشراء عن طريق التقسيط اي ان هناك نسبة فائدة(ربا) سوف تضاف على القيمة الاصلية . عندما تكون نسبة 90% من المجتمع السوري يتعامل بالربا هذا يعني ان المجتمع السوري قد اذن بحرب من الله لا الله قد توعد في اكثر من موضع من يتعامل بالربا لذا فلا بد ان نصرخ بصوت واحد لمن هم رعاة الامر باتخاذ الاجراء المناسب والتدخل السريع المغترب السوري 2010-04-27 08:12:28
ما بيقدرو
السلام عليكم ورحمة الله وبركاته موضوع التقسيط في سوريا موضوع جدا معقد وذلك بسبب الدخل المنخفض للسوريين وخاصة موضوع السيارات يعني الناس كانت بحياتها مو راكبة سيار وشافو هالانفتاح اللي صاير وسيارات عم تتقسط ب8000 ليرة صار الشعب كلو بدو يركب سيارات طبعا تقسيط السيارات بالذات فئة قليلة مستفيدة منو وهي فئة التجار المستوردين للسيارات وطبعا بهي الحالة الناس متى ما اجيتها مافي فلوس بجيبها وفي ناس عم تتدين لتقسط طبعا هدا بيزيد من سوء الاوضاع الاقتصادية ومن فقر الناس اللي مو عارفو لوين رايحة -السعودية
وائل 2010-04-26 21:26:21
الى السيد فشكول
الف تحية للسيد فشكول فقد اصابت حساباتك. و "هاردلك" للسيد نضال تعليقك غير مقنع.... و الله سؤال محير يعني وين عم يروحوا كل هل مصاري ؟؟؟؟ هادغير الزراعة و الثروة الحيوانية و الرسوم التي لها أول و ما لها أخر و عائدات شركات الخليوي و السياحة... و الله الراتب لازم يبلش بس 600 يورو ميني موم و بدون منية حدا-سوريا
علي 2010-04-26 21:06:28
السوريون يحيون على التقسيط
السلم عليكم
هل معقول ان الموبايل والسيارة من الكماليات ؟؟!!!!!!!!!!!!!!!!
bashar habit 2010-04-26 13:53:41
news
والله الواحد ماعد عرف شو بدو يعمل انا دخلي محدود ازا بدي جهز بيتي للزواج واشتري كاش مارح احسن جهز بيتي ابدا برايي الحل صعبحاج بقا 2010-04-26 12:36:51
حاج بقا
لك ارحمو الناس هادا الخبر مشان يلغو التقسيط او يساولون قرار جديد ضد مصلحة الفقير اللي الله يعينو أحـمـد بـسـمـار 2010-04-26 10:19:55
سؤال جـدي لسيريانيوز
كلما نشرتم موضوعا اجتماعيا أو اقتصاديا أو سياسيا هاما. تتدفق التعليقات بشتى الأشكال على موقعكم, حاملة صوت الشعب وما يردده وما يحمله من مشاعر وتحليلات مختلفة, بقيم وحساسيات مختلفة. ولكنها صوت الشعب. هل تحملونها إلى المسؤولين؟ علها تعطيهم نظرة او فكرة أو صورة أو تحليلا, غير ما خطط له في مكاتب الوزارات ومؤسساتها المغلقة. عادة, وفي الدول المتحضرة هذا هو دور الإعلام الأول. حمل صوت الشعب إلى المسؤولين ورفع الحواجز ما بينه وبينهم.
أو لستم اليوم صوت الإعلام الأول في سوريا؟
تحية مهذبة
ابو عرب 2010-04-26 08:45:44
حياتنا كلها بالتقسيط
يا جماعة التلفزيون و الموبايل و السيارة و الغسالة و البراد و المكيف و الميكروويف كلهن شاريهن بالتقسيط .. تصورو لو اني شاريهن كاش .. اي لو أني ابن مليونير رح فلس ..
يعني لو الزواج بالتقسيط كمان كنت تزوجت من سنين ..
لا إله إلا الله -سوريا
مندو 2010-04-25 23:42:36
جد؟
اذا رح يلتغى التقسيط معناتا الشعب اكلها للأخير يعني انقضى عليه نهائيا ,فخللولو متنفس يا عمي.الناس لسا عمتفكر كيف بدها تعيش أصلالسا ما وصلنا لمرحلة الرفاهية ولا ب1%.أذا التغى التقسيط لأ كملت. تقسيييييط 2010-04-25 20:03:59
.........
لم يطرح التقسيط في السوق السوري كرمال عيون الشعب،هو طرح يصب في مصلحة التجار واصحاب رؤوس الاموال بالدرجة الاولى ،متوسط الدخل للفرد السوري متدني وتحت الحضيض.يعني بضائع اصحاب رؤوس الاموال مين يشتريها ان لم تطرح خيارات التقسيط..خاصة وان الارباح التي يجنيها التجار بالتقسيط او بدون تقسيط خياليةمايحتاجه المواطن السوري تدخل من الحكومةلضبط وتحديد منطقي لنسب الارباح التي يجنيهاوحوش التجارة في السوق السوري،حينها قدلا يقع الاقتصاد السوري في براثن الازمة التي
لن يكون الشعب المقسط سببهابل تجارالجشع -سوريا
نضال 2010-04-25 16:19:58
حسابات فشكول مفشكلة
مع فائق الاحترام للسيد فشكول بلشت صحيح بالحستبات بس بالآخر شكلك ما قسمتها على 20 مليون. بعدين مشان ما تصعبها كتير قسم من البداية 380 الف برميل على 20 مليون وشوف كم لتر بيطلعلك باليوم... يعني المبالغة حلوة كتير بس مو لهالدرجة.... الله يعين الدولة... هو للاسف في فساد بس البترول يلي عنا ما بيكفينا ناكل من ثمنو-سوريا
SOKA 2010-04-25 15:16:44
لاالله الا الله
وووووووووضع سيئ جداٌ
كل شي غالي ماعم نقدر نوفر شي راتب 15 الف
سيئ جداٌ بيت ماقدرنا نساوي عم نستنا لحتا نورت مشان نأسس بيت وعيلة
حسبيا الله ونعم الوكيل ليش اجينا اذا بدنا تعتر فشكول 2010-04-25 13:05:49
حسبة بسيطة
بحسب الموقع تبعكم أنو في عنا 380 ألف برميل نفط يوميا×365 يوم× 70 دولار للبرميل وسطيا× 45 ل.س = 43690000000 ل.س بالسنة ًوعلى فرض أنو نصهم طار مدري شلون فيبقى 21845000000 وعلى فرض أنو نصهم أجور وتجهيزات فيبقى 10922500000 ونصهم ضرائب فيبقى 5461250000 ÷ 20 مليون سوري يعني بالسنة لكل مواطن حوالي 2730625 ل.س.
هاد حساب البترول فقط بدون الغاز . فيا سيدي ليش التقسييييييييييط. قال تقسيط قال....
سنفور غضبان 2010-04-25 09:51:25
زيادة الدخل
يعني متوسط انغاق الفرد 9000 و مالنا مستحييين نحكي هالكلام كمان والاقتصاد السوري يواجه ازمة شو بيفيدنا انكون من اغنى الدول اذا الشعب عايف حالو و ما معو مصاري أول شي لازم نحكي عنو هو زيادة دخل المواطن السوري لأنو باعتقادي انو المواطن السوري بيستحق احسن دخل و صدئوني انو الدولة فيها تزيد الدخل بس مابعرف ليش ما عم تشتغل بهادا الاتجاه و شو عم تستنا؟؟؟؟ الامور كل مالها لورا و الله يستر -سوريا
مهندس متعقد 2010-04-25 09:38:33
مهندس متعقد
أنا أؤيد فكرة إلغاء التقسيط وإلغاء الراتب وإلغاء القروض وإلغاء دعم المازوت وإلغاء الغاز والرزق على رب العالمين و حسبي الله و نعم الوكيل قال كماليات قال قال الموبايل كمالية عند كل شعوب الأرض الموبايل شغلة خارج إطار الحسابات الإقتصادقية بسبب رخص المكالمات والعروض المغرية حاجتنا ولو بعدين ماعم ناخد بالتقسيط لبعد شي ألف ضمان من قبل الجهة المقسطة ولا ما بصير الفقير لا يحمل موبايل ولا بصير يركب سيارة بس بصير يدق ويشحد
زيادة هيك والله زيادة
بالمناسبه في كمالية ماذكرناها
الألبسه الداخل-سوريا
سهران 2010-04-25 09:05:52
تنويه
حياة المواطن السوري هي اصلا ( شغلة غير اساسة وهي من الكماليات )
وشغلة التقسيط شغلة اساسية والسبب انه بيكون بعض التجار والمسوليين لسه ما اشتغلو بالتقسيط مشان هيك بيتحركشو بالسوق عشان يصير الهم حصة فيه
وكله خيرتقسييييييييييييط 2010-04-24 23:51:22
هذا التاجر الجشع
لم يطرح التقسيط في السوق السوري كرمال عيون الشعب،هو طرح يصب في مصلحة التجار واصحاب رؤوس الاموال بالدرجة الاولى ،متوسط الدخل للفرد السوري متدني وتحت الحضيض.يعني بضائع اصحاب رؤوس الاموال مين يشتريها ان لم تطرح خيارات التقسيط..خاصة وان الارباح التي يجنيها التجار بالتقسيط او بدون تقسيط خياليةمايحتاجه المواطن السوري تدخل من الحكومةلضبط وتحديد منطقي لنسب الارباح التي يجنيهاوحوش التجارة في السوق السوري،حينها قدلا يقع الاقتصاد السوري في براثن الازمة التي لن يكون الشعب المقسط سببهابل هذاالتاجرالجشع-سوريا
جمال 2010-04-25 00:19:46
وجهة نظر قد تصيب وقد تخطء
أكبر تدخل إيجابي في الدولة أن تعتمد على نظام محدد إما رأسمالية بحته تضمن أن القوي يبقى والضعيف يسحق ولكن تنتج حضارة كبيرة وخدمات ممتازة، او اشتراكية تضمن عيش معظم المجتمع بحالة الوسط أو فوق بقليل أو أقل بقليل ولكن بخدمات رديئة، بمعنى أن اعتماد نظام الدخل الاشتراكي والمصروف الرأسمالي هو الخطر الحقيقي المحدق بمجتمعنا، فتم اعتماد آلية الضرائب على كل شيء واعتبار أدنى مقومات الحضارة رفاهية مثل أكياس هواء السيارة التي تحمي أرواح المواطنين، ولكن بالمقابل الدخل منخفض بسبب البطالة الاشتراكية المقنعة-سوريا
الـــحــــــــــســا م 2010-04-24 13:02:43
عـلـى قــد بـســا طـك مـــد رجـــلـيـكــــ
- اغلب الناس بسوريا - مبسوطه بالنهار ومهمومه بالليله لذلك خليك بكرامتك ( على قد بساطك مد رجليك ) . والحمد لله .
-سوريا
عاشق الوطن 2010-04-24 11:06:13
اقتصاد سورية
الازمة الاقتصادية العالمية التي حدثت في العالم تطلبت وجود اهم شرطين دائن ومديون اما في سورية فكل الشعب مديون بما فيهم انا وحتى تجار الجملة مديونون للاكبر اللذين يعدون على اصابع اليد الواحدة في بلدنا فلا تخافو اقتصادنا بخير ولن ينهار -سوريا
محمد 2010-04-23 23:12:31
المصيبه في التقسيط
اصل اغلب الآزمات الأقتصاديه هة كثرة التقسيط وعدم قدرة المدين على السداد التقسيط جيد عندما يكون مدروس بشكل جيد ....اعرف ناس كثر تغلبوا من عدم القدره على السداد بسبب عدم الوعي بالتقسيط وطرقه
-سوريا
غريب الحاج صـابـر 2010-04-23 19:48:21
نــــاس و نــــاس
وماذا تبقى في هذا البلد من غير تقسيط؟؟؟ الصحة؟.. العلم؟.. الثقافة؟.. الأؤكسيجين؟.. عيشتنا بأجمالها؟.. تقسيط.. تقسيط.. أو غير موجود وحرمان كـامـل على الأرجح.. كل شيء موجود. وكل شيء غال ونادر. لناس وناس. غنى فاحش لطبقات تنعم بكل شيء. وغالب الشعب ينظر إلى السلع الوافرة ويشتهيها. هل تعلمون أن آلاف العائلات لا تعرف طعم اللحم ولو مرة في الشهر.. وناس تأكل خروفا كاملا في اليوم. التخمة لناس والحرمان لناس آخرين. عدالتنا الاجتماعية بحاجة ماسة إلى مراجعة جذرية. وسوريا تستطيع كفاية كل شعبها. شاب سوري حر 2010-04-23 18:28:49
يا رب رايي ينزل سيريا نيوز يا ريت ينزل رايي
اي عم نحكي بشي بحنا والله ما بعرف يعني لازم قبل ما نقول دين واقساط بهزو الاقتصاد والي مع احترامي للبعض الي سارقين البلد ومو تاركين فيها شي هدول عادي ما باثرو على اقتصاد البلد سيريا نيوز كتير شكرا اذا رايي بيوصل وبينشر
على فكره هاد راي بس مو اكتر مشن ما حدا يفكر شي لا يمح الله بس مجرد راي من واحد من الناس يعني الله يخليلنا يا هن ساهرين على خوفهن من انهيار اقتصاد البلد الله يطول بعمرن باسمي وباسم كل شباب وبنات سوريا منتوجه ومنقول لسيادة الرئيس الدكتور بشار الاسد نحنا معك للابديا بشار الاسد
رانيا 2010-04-23 15:23:08
الحل الوحيد زيادة الدخل
يعني بدل ماتفكر الحكومة بتحسين نوعية حياة المواطن عم تعتبر اساسيات الحياة اليومية كماليات نحنا وين والعالم وين مابدا كتير تفكير يا حكومتنا الرشيدة زيادة الدخل بشكل يؤمن حياة كريمة للبشر إي بشر هيي زيادة الدخل و بس
سوريا الاسد 2010-04-23 13:13:21
....
هلأ ليه هالفورة والنقد كل شي بالرواء بينحل
يعني يصير ازمه اقتصادية احسن!! نحن بدون ازمه مدري كيف عايشين !! كيف مع ازمه؟
لو الواحد بده يشتري بالتقسيط يشتري بس يكون قد المسوؤليه وقد القسط اللي اخده ويقدر يسدده بالوقت المناسب
يعني وقت صارت الازمه الاقتصاديه العالميه واللي مستمره لهلأ تقريبا سوريا هيي الدوله الوحيده اللي ما تاثرت فنجي نحن نعمل ازمه لحالنا!!
مافي دوله ما فيها تقسيط بس نحن بسوريا استخدمناه اكتر من اللازم وبشكل كبير فبالمعئول كل شي بصير وان شاء الله بتضل سوريا وشعبها بالف خير-سوريا
سوري 2010-04-23 11:37:29
مشكلة حقيقة
للاسف وضع الغالبية العظمى من السورين محزن لدرجة البكاء. وموضوع البيت أو السيارة وعلاقتها بالتقسيط فهناك مثل شعبي يقول " شو حاجك عل المر ... قال الامر منو " التقسيط ليس حلاً ولكن لا يوجد حل أخر امام هذا الشعب الغني ثقافياً وتاريخيا وحتى غني بثرواته ( النفط . الغاز . السياحة . الموقع الجغرافي .. الخ ) اؤيد تدخل الدولة بتأمين الحياة الكريمة كما وعدت به الشعب منذ 60 سنة... هناك رجال شرفاء في هذا الوطن الجميل يستطيعون النهوض به... وهناك فاسدين مخربين .. فأنا مع تدخل الطرف الاول -سوريا
مواطن سوري 2010-04-23 11:24:59
كيف يختفي التقسيط من حياة السوريين
يتطور أي بلد أسرع اذاكانت أسعار خدمات:المواصلات-الاتصالات-الكهرباء-الماء-رخيصة,ترى هل هذه الخدمات من الكماليات؟ ,ثم تكون حياة المواطنين أسعد اذا قضي على الرشوة وخفضت الضرائب ,وقامت الحكومة بواجبها في الضمان الصحي تجاه المواطن ,بدل هذه الدكاكين المسماة عيادات ,أو مستشفيات خاصة تفترس المواطن,قد ينظر الى موضوع الضمان الصحي على أنه كماليةأيضا,ثم ينظر في الحد الأدنى للدخل بحيث يتمكن المواطن من اجازة مع اسرته,عندهذا أضمن اختفاءالتقسيط ,فأين حكومتنا الرشيدة من هذا؟؟ -سوريا
لا ادعي الفهم بالاقتصاد 2010-04-22 22:52:33
ولكن
احد الحلول قد يكون بدفع مبلغ نقدي - كل بحجم قدرته - ولنفرض انه يغطي 50% من سعر المنزل، بهذه الطريقة يخفف الانسان على نفسه جزءا كبيرا من قيمة الاقساط والفوائد المترتبة على التقسيط. وبدلا من شراء سيارة من الوكالة حيث تتناقص قيمتها على الاقل 70 الف بمخرد خروجها من باب الوكالة وحتى تموضعها اسفل المنزل، لما لا يقوم البعض بشراء سيارات مستعملة بحالة جيدة نقدا ويقوم بمجموعة اصلاحات للسيارة؟ -سوريا
ابو عساف 2010-04-22 16:32:04
طبعا مافي شك
اكيد الاقساط الهرية عم تشكل عبئ عالمواطن ويجب نوعيته بشكل مستمر وارشاده الى الاختيار الصحيح حسب دخله وامكانية سداد الاقساط لاي سلعة مستهلكة ويجب على الدولة ان لا تتدخل فستزيد الطين بلة ..يكفيها التوعية والارشاد والتوجيه وطلب الضمانات بشكل اكبر فكرة معقولة .. ولكن اصحاب الفعاليات لا يريدون هذا كل همه هو البيع والضمان عنه موجود بطبيعة الحال ...لذلك يجب توعية المواطن اكثر وهذا الحل الوحيد -سوريا
jolany 2010-04-22 15:08:56
لا أؤيد
أنا لا أؤيد تدخل الدولة للحد من الظاهرة .. لأنها لن تفعل سوى سن قوانين ناقصة تفتح الباب أمام المزيد من الفساد .. خلي السوق يسوق لحالو .. وإذا الدولة بدها تعمل منيحة مع هالشعب ، تبحث عن طرق لزيادة متوسط دخل الفرد ليصير أكبر من متوسط الإنفاق ..شامي اصيل 2010-04-22 14:33:13
الحكومة مسؤولة (الرجاء نشر التعليقين)
يعني الجلاية اللي حضرتكن معتبرينها كماليات هي من الحاجات الاساسية للمواطن الاوروبي وبيقدر يستغني عنها ويجيب احدث منها بعد خمس سنين
واذا بدك تقلي انو بلدنا ما فيها ثروات فلح رد وقول انو بلدنا هي اللي فيها الثروات من النفط والغاز والخبر موجود بنفس الموقع وبالتالي كان لزاما على الدولة انو ترفع المعاشات للمواطن بما يتلائم والعيش الرغيد حسب امكانياتها المتاحة والموجود اصلا حتى لا يحتاج المواطن للجوء لسياسة التقسيط وحتى لايحتكر هؤلاء التجار اللي ما في بقلبهن رحمة هالشعب المضطر انو يواكب عصرو شامي اصيل 2010-04-22 14:28:54
الحكومة مسؤولة
العالم بالغرب وصلت على القمر ونحنا لسا عم ناقش موضوع السيارة ونعتبرها كمالية
ما بقا غير تقولوا انو البيت كمان كماليات
يا اعزائي السيارة هي ضرورة وضرورة ملحة كمان والحل لانقذ الاقتصاد بكل بساطة موجود بايد الدولة والحكومة يجب ان تاخذ كامل التزاماتها تجاه المواطن بل ويجب ان تكون هي المسؤولة الاولى والوحيدة لتامين هذه الكماليات لانو ما في من اللي ذكر هو كماليات وهي من اتفه الاشياء الموجودة باوروبا
يعني انا عايش بالدانمارك والعالم ما عدها قيمة للغرض بيستخدمو فترة 5 سنين وبعدين بينكب هيثم محمد 2010-04-22 13:29:05
عقد النقص استفحلت
لقد أغفل الجميع نقطة أساسية تدفع الناس إلى شراء سلع تفوق إمكانياتهاعلى الدفع, وهي: حب التباهي والتفاخر بين الناس.. يعني بالشامي: يتدين ليتزين" وذلك لمجرد أنه لاحظ أن جاره أو قريبه اشترى سيارة أو موبايل جديد فهو لازم يعمل مثله حتى لو كان ذلك فوق إمكانياته.. فهويقول: يعني هدا الشخص هو أحسن مني ولا شو؟
إنها عقد النقص المستفحلة في نفوس بعض الناس للأسف.
في النهاية هؤلاء الناس بيوصلوا لمرحلة من العجز الإقتصادي ما بيعودوا بيقدروا يؤمنوا حتى الأكل والشرب, وقد يلجأ البعض إلى الكسب غير المشروع.
إبنة الحريية 2010-04-22 13:02:26
البنوك والتجار عم يسرقوا الطبقة المتوسطة
منطقييآ...التقسيط ضروري وهام جدآ للطبقة الفقيرة...ولكن مع الأسف...ما حدا يعطي تقسيط للفقراء...والقانون يسمح للبنوك وللتجار أن يكذبوا على الناس...لأن إقتصاد جميع بلاد العالم ماشيية بفضل الطبقة المتوسطة فقط...والأسعار تبقى غاليية لأن ناس من الطبقة المتوسطة عم يشتروا بالتقسيط...جهاز كومبيوتر سعره 600 يورو عم ينباع 1000 يورو...سيارة سعرها 8000 يورو عم تنباع 12000 يورو...براد سعره 500 يورو عم ينباع 900 يورو...ووو...
إذن التقسيط يسمح للأسعار أن تبقى غاليية.
..ويسمح للأغنياء أن يسرقوا الشعب...!!!...-سوريا
اقتصادي 2010-04-22 12:32:15
الذهب
نصيحة لكل واحد بدو يصمد حق بيت كل ما صار معو شوية مصاري أنو يشتري فيهم ذهب. الذهب هو العملة الوحيدة التي تبقى محافظة على قيمتها. لا تترك معك مصاري بالسوري أو بالدولار أو أي عملة تانية....... من 70 سنة كان سعر الأونصة من الذهب 35 دولار. اليوم سعرها 1144 دولار وسيبقى يرتفع.......فتحي 2010-04-22 12:07:08
المخيم
لك هي الدولة هلكت الشعب بالغلا والضرائب و المخالفات وكل يوم بطلعو بفنة جديدة العالم عم تقسط لانه ما عم يصفي معها مصاري عم تشحد
مو معقول 2010-04-22 12:01:21
شو هالحالة؟؟؟
يعني حتى هالمنفس الوحيد اللي عم نقدر عن طريقه نجيب شي بدنا ياه حيمنعوه عنا؟؟؟ هلأ صار ممنوع حدا يجيب شي يتعتبره الدولة كماليات يعني لازم المواطن يضل شحاد!!!!!
انا أكبر المعارضين لهالحكي يحيا التقسيط لأنه سبيلنا الوحيد بهالبلد!!! -سوريا
سوري حر 2010-04-22 11:39:57
تعليق كمالي على الموضوع
و الله يا جماعة انا لا بحب السياسة و لا بطيقهابس هذه المؤشرات القوية في بلدي الحبيب تدل بكل بساطة الى ان مجتمعنا يعود الى العصور الوسطى
يعني نحن نتجه الى مجتمع رأسمالي و اقطاعي تبع العصور الوسطى , يعني بكل بساطة سوف تعود العبودية
و بالنسبة يلي عميحكي انو كل دول العالم بيتبعوا التقسيط بحياتهم,بحب قلن انو عميشتروا بالتقسيط منشان يضل معهن كاش و يروحوا على اماكن ترفيهية و يغيروا جو(وهذا الشي هو من الحاجات الاساسية للانسان) و اذا ما كان في ترفيه (يعني اكل و شرب الخ..) فصرنا حيوانات -سوريا
مغتربه 2010-04-22 10:34:21
ازمة
انا اعيش في الغربة منذ زمن بعيد وطول عمري احاول تفهم تركيبة الاقتصاد السوري فلم اتوصل الى نتيجه في كل بلاد الكون عندما ترتفع اسعار العقارات تنخفض جدا فوائد البنوك للحث على الشراء وتساعد الدولة اصحاب الدخل الغير مرتفع بقروض دون فائده ليتمكنوا من شراء السكن وبالمقابل عندما تقل حركة الشراء تنخفض جدا اسعار السكن والسعر يتناسب مع دخل الانسان مهما حصل بس في سوريه الناس لاتستطيع الشراء واسعار العقارات خيالية ولاتصدق ومرة كنت في سورية ولاحظت ان الناس تشتري ثيابها بالقسط لهون وصلت والله عيب. -سوريا
ابو ظافر 2010-04-22 09:13:57
حاجة بقا
اول شي مرحبا
حاج بقا من شان الله ولك اذا بتعتبرو اهم شغلات بالحياة سلع كمالية هلق السيارة صارت كمالية ولا المكيف ولا البراد اي شو هالحكي يعني مومقبول بنوب هدول صارو من ضروريات الحياة ولا لازم كل واحد يتبهدل بالسرافيس وغيرو...
بعدين براي الحل زيادة الحكومة لدخل الفردبحيث لا يقل عن 50000 الف ليرة وقتا بصير بيشتري كاش ما عاد يدين
هي وجهة نظري وبالتوفيق للكل
-سوريا
ABD 2010-04-22 08:58:35
على قد لحافك مد رجليك
يعني طول عمره الشعب السوري عايش على المثل القائل ( على قد لحافك مد رجليك ) شو صابو هلئ يعني هاد الشي اكيد رح يؤدي لازمة اقتصادية وكبيرةةةةةةة كمان الله يستر والله يرجع شعبنا لعقله -سوريا
سوري 2010-04-22 02:47:00
الشعب يئن
الشعب يئن ويتوجع، كما يظهر من كل التعليقات، الشعب محروق نفسو، والحكومة (إحصائياتها) متفائلة وسعيدة. السياحة بخير، الأمن الغذائي بخير، الليرة مستقرة، الوضع الصحي ممتاز، مافي تلوث.
بعمري ما شفت حكومة بتستخف بعقل شعبا وبتضحك عليه وبتفائلو وهوي عم ينازع غير بسورية، بعمري ما شفت حكومة بتكذب الحقائق اللي الأعمى بيشوفها غير بسورية. المسؤولين أمورن منيحة فبيقولو الأحوال منيحة .. -سوريا
سوري مغترب 2010-04-21 23:18:01
المقصود
يا جماعة, المقصود بفرض قيود على التقسيط هو مساعدة الفرد على تسديد الأقساط,يعني مو المفروض يكون مجموع الأقساط والقروض يتجاوز 50% من دخل الفرد وطبعاهي النسبة تتناسب طردا مع الراتب , وهالشي بيضمن إنك تدفع أقساطك بأرياحية وبيضمن للبائع أو البنك مستحقاته وهيك بتضل العجلة ماشية ولو عالبطىء, -الإمارات
عماد 2010-04-21 20:03:21
مستغرب
كل شغلة بتحط الدولة ايدها فيها بتخربها ولازم يكون الها مصلحة ومنفعة فيها شوفو مثلا الشرطي عند الاشارة بيمشي السيارات على كيفو ومو شايف الاشارة عم تطفي وتشعل خلوها هيك ماشية والحمد لله مستورة مدخولنا مو متل الغرب وانفاقنا مو متل الغرب
حزين 2010-04-21 17:28:02
زيادة ضمانات
" والحلول المقترحة من جانب البعض تتركز على ضرورة قيام الدولة بخطوات لضبط عمليات البيع بالتقسيط وزيادة الضمانات المالية المطلوبة لتنفيذها"
زيادة الضوابط، زيادة الرقابة، زيادة التحكم !!!
-سوريا
SARA 2010-04-21 17:10:21
السوريون يحيون على التقسيط
مرحبا لا الكل.. أنا برأي إنو مو غلط ولا عيب إنو إن إنسان يعيش بتقسيط بس إذا معو يدفع.. لانه أنا كتير بشوف عالم بس روح على سوريا بيشتروا كتير شغلات مو بحاجته إلها بس بحبو يشوفو حالون على الفاضي.. هون بي أمريكا في عندون نفس الشي بس كريديت كارد و بيدفعوا كل شهر مبلغ معين .. بس إذا ما دفع بيعته غرامي و لازم يدفعها ... بلادنا ما في أحلى منها بس إلى مخربها العالم إلى بسرق الدولة و الفقير بدلو فقير .. الله يكون مع كل إنسان مظلوم و سامح إلى كان السبب ...
بنت الشام 2010-04-21 16:49:15
تتمة
الكماليات حلوة هي الكلمة بس مو بمحلا لازم نكون متل القطاط ناكل ونشرب ونام ونتكاثر لحتى مانكون عم نتصنع والقروض واجب على الدولة اعطاءة وبدون فوائد كمان التقسيط وخلصونا ولاحدا ينظر ويقول لي ما مامعوش مايلزموش ويعلك بلا طعمةاي انسان من حقوا يعيش متل باقي العالم ..... وشكرا
بنت الشام 2010-04-21 16:14:32
مع انو بشرفني اني سورية بس
يعني والله العظيم شي بيحرق القلب قال سوريا تاني اغنى بلد عربي وتامن عالميا وشعبا فقير وعايش بالتقسيط وبعدين يا جماعةالتقسيط ماعم يكون ببلاش ..وقال شو بدون قيود عالقروض والتقسيط قال يعني الواحد بيروح بيقول بدي قرض فورا بيعطوه ...ليه بكل بلدان العالم يا الكهربا يا المي يا الغاز يا تلفون عالدولة الا عنا متل الجزائر مثلا اما السلع الغذائية كل مالا عم ترتفع اسعارواذا بدون يزيدوا الراتب 1000 ليرة بتزيد اسعار السوق ضعفين طبعا القطاع الخاص مابتزيد الرواتب بس بيرتفع عليها السعر يتبع
ابو المجد 2010-04-21 16:03:47
بدي افهم الاساسي شو هوي بنظركن
وتشير أرقام وكالات البيع الخاصة بالسلع الاستهلاكية الغير أساسية (كالموبايل والسيارات وبعض الأدوات الكهربائية والترفيهية الغير أساسية. شوف على ها المسخرة هلاء صار الجوال والسيارة سلعة غير اساسية بدي افهم شو هوي الاساسي بنظركن الهوا والماء بس محتضر 2010-04-21 15:24:24
كيب جافرمنت آوت بليييز
خلونا بحالنا كرمال الله ولا اتدخلوا الدولة بأمورنا,بلا ما انزيد الطين بللة هيك وعايشين على رييْء ناشف بلا ما انموت من العطش والجوع.....-سوريا
salah 2010-04-21 14:57:42
التقسيط
يجب ان تكون هناك ضوابط للتقسيط وخاصة تلك التي تقوم بها مؤسسات الدولة وانجح طريقة للتقسيط هي الطريقة الاسلامية والتي اثبتت التجارب سواء في الدول الاسلامية او الغربية التي سارت على هذه الخطى وقد نجحت بذلك ولم تتاثر بالازمات الاقتصادية وعلى الدولة الا تمنح الاقساط او القرض الا بنسبة ما هو مسموح به بالخصم من معدل الدخل ولا يتجاوز 20% من دخل الفرد وبذلك تضمن حقها وتضمن عدم دخول الفرد في العجز عن السداد حمصية بالغربة 2010-04-21 14:22:11
وين المشكلة؟
الناس بكل الدول بيشتروا أي شي بالتقسيط: الشقة,السيارة ,المفروشات والادوات المنزلية...كل شي ..ولكن بطريقة تحمي حق البائع.-سوريا
fatima 2010-04-21 14:00:29
ويبقى الكحل أفضل من العمى
كماليات الأمس هي ضرورة اليوم ، ولكن المحزن أن ترى أن الناس باتت تحيا على الأقساط من أجل فقط لقمة العيش . -سوريا
ممدوح بدليسي 2010-04-21 13:19:12
البنوك وشركات السيارات
أعتقد أن البنوك وعلاقة الحب بينها وبين شركات السيارات هي السبب الرئيسي في انتشار التقسيط. يجب في أضعف الأحوال فرض قيود على القروض بحيت تتناسب حقيقة مع دخل الفرد في ظل المعطيات المذكورة.القروض كذلك تزيد في انتشار الرشاوي والفساد حتى يستطيع المقترض - الغالبية- تسديد قروضهم مشان يركبوا سيارات ويشبحوا ويلوثوا البيئة..الله يرحم أيام السكك الحديدية. ناهيك عن زرع الجشع والطمع والحرص بنفوس الأفراد واللي هم بغنى عنها في واقع الأمر. -سوريا
مغترب 2010-04-21 13:23:45
السورين يحيون على التقسيط
اذا شفت الاعمى دبو مانك اكرم من ربو مهندس 2010-04-21 12:53:16
الله يعين العالم
يعني شو هال موضوع المهم اللي عم تعرضوه اللي معو بشتري نقدي واللي ما معو بشتري بالدين واللي مقحوط الله يعينو ويعيننا 0000 -سوريا
إبنة الحريية 2010-04-21 12:45:22
الحريية بالفقر أفضل وأحلى من المظاهر بالتقسيط
لازم التقسيط يكوون فقط من أجل شراء بيت...
أما التقسيط من أجل شراء سيارة أو شراء حاجات أخرى بلاهم أفضل....أنا بحياتي ماإشتريت سيارتي بالتقسيط...بفضل أشتري سيارة متوسطة السعر...إما معي مصاري لأدفع مباشرتآ ...يا إما ما بشتري...ولا أحس بأي سعادة للشراء بالتقسيط...طبعآ...كل إنسان حر في حياته...أنا أعطي فقط وجهة نظري...
لأنه يوجد كتير ناس يكرهون التقسيط...
ووو...وجميع الأغنياء بيغارووا وبيتعقدوا نفسييآ عندما بيشوفوا حياة الأحرار لأنهم سعداء ولا يهتموا في المظاهر والأغنياء والتقسيط...سلامات...-سوريا
علاء 2010-04-21 12:26:17
زبال وشاكل وردة
قال بقولوا : ويلي ما معو ما بيلزمو ؟؟؟؟رانية مهايني 2010-04-21 11:57:41
للأسف
لم يكن لدي الوقت الكافي لقراءة التعليقات ولكن استطعت ان اكتب بعض الكليمات حول هذا الأمر نعم اختصرت سيريانيوز الكلام عندما قالت أننا نعيش على التقسيط وبرأي لو لم يكن هذا الأمر ينعش السوق ويمشي البضائع لما بقيت أحوال التقسيط ماشية بلين الناس وشو جبرك عالمر قلو الأمر -سوريا
بنت البلد...أي والله بنتو.... 2010-04-21 11:09:02
لا تشوفوها بعيونكم بس شوفوها بعيوني
رغم قسوة بلدناعلينا يلي بتحس فيها عم تحرق قلبك انك انت مواطن سوري وحاسس بالذل فيه ..سواء بالمواصلات او بالغلاء..والشي يلي عم بصير بالشباب من غربة وذل جوا البلد وبرا البلد وحرمان الانسان من ابسط حقوقو انو يملك موبايل او سيارة تخدمو وتيسر امورو او بيت صغير يضبو هو وبنت الحلال يلي ما ممكن يجتمعوا الا ببيت اجرة ..ولما يصيروا على حفة القبر ممكن يشتروا بيت ..لك حتى القبور صارت بمصاري .. وقتها بيستغني عن كل الكماليات وبيكتفي بالـ..
بتمنى اني شوف بلدي باحلى صورة ويكون قلبها علينا..بس مع هيك حلوة يابلدينبيل 2010-04-21 10:35:52
التقسيط العادل
نسب الزيادة بسعرالتقسيط لسعرالنقدي غالبا ماتكون مرتفعة اكثر من 30% فلو كانت النسب معقولةومراقبة كما سعر الفائدة في المصارف فالجميع سيتبع هذه الطريقة في الشراء
-سوريا
إلإيدعشري 2010-04-21 10:12:37
الإقتصاد السوري بألف خير مادام....رشوة
شكرا لكم جميعا ناشر المقال ومن.
لاحظت أن الكل يبكي وينوح.
ولم يقدم أحد أي فكرة.
محتمل من أراد من غير السوريين أن يقتبس ما بين المواطن والحكومة ستكون هذه الصفحة خير مثال عن التماهي الزائف.
أنا مع التخويف يمكن لأنو تعودناعليه بالبيت-بالمدرسة- - بالشغل
الموضوع هو مهملكن مشكلة الرشوة في سورية أهممرة سمعت أحدهم يقول إنغالبية الشعب السوري أما راشي أو مرتشي-غضبت انزعجت أمتعضت- (عفوا مشاعر تدل على حالة نفسيةلا تقاس بالليرة) لكن هل يستطيع أحد أن يخبرني أنه لم يدفع أكرامية؟
مستحيل لأسفبدوي على النت 2010-04-21 09:26:15
وجهة نظر
أنا بحب ضيف لـ"السلع الكمالية" مايلي : البراد-الفريزر-التلفزيون-الستالايت-الغسالة-المكواية-الكمبيوتر-التلفون-فرن الغاز-غرف النوم و القعدة و الضيوف-الملابس الخارجية... و خلينا عايشين بهالخيمة أحسن إلنا ، ما هيك و للا شوووووووو؟؟؟ -سوريا
max 2010-04-21 08:34:22
انا عايش عالتقسيط
يعني التقسيط ظاهرة خطيرة لانو بيزداد سعر المنتج كربح للبائع هدا غير انها ديون لمدة طويلة. بس بصراحة الرواتب ما بتكفي أبداً والعيشة غالية كتير وشو بدنا نعمل ؟ انا عايش عالتقسيط عندي كمبيوتر بالتقسيط ومسجل بدورات بتقسيط المبلغ وبدفع للدكتور دفعات بالتقسيط !! -سوريا
Rafat Katta 2010-04-21 07:11:23
مصيبة التقسيط
نعم يجب وضع ضوابط شديدة على التقسيط أما تقسيط السيارة فهو مصيبة بحد ذاته انا اشتريت سيارة بالتقسيط حينما كنت اعيش في أوربة و بالرغم من أني كنت أعمل و لدي دخل يكفي و زيادة ندمت ندماً شديداً لأن تقسيط السيارة خطأ فادح لأنك تشتري بضاعة قيمتها تنخفض مع الزمن بينما قيمة القسط تزداد بسبب العبىء المالي أما شراء عقار أو منزل فهو جيد و مع ذلك على الأنسان دوماً أن يقسط ضمن حدود امكاناته للتسديد و ليس بلا حساب و إلا سنواجه أزمة ديون كارثية على المجتمع و الوطن -سوريا
الـــحــــــــــســا م 2010-04-21 06:32:18
ارحـــــمـونــــــــــــا يـــا نـــا س
يا ناس صار عمري 31 سنه ومع انو راتبي 20000 ل.س وما احب اعلق مع البنك والله مش قادر اشتري او اعمر بيت -ارحمونا ياناس ارحمونا- والله حاسس بس يصير عمري 60 سنه بيكون صار البيت بضعف حقه الان ااااااااه من الحياة اديش صعبه - ياريت الله ما خلقني وما جبتيني يا ماما. -سوريا
دكتور عايف حالو 2010-04-20 20:14:50
اقتصادنا التعبان...
اقتباس من كاتب المقال "مما يعني في الحصيلة أننا قد نشهد انهياراً اقتصادياً شبيهاً من حيث الأسباب بتداعيات الأزمة المالية العالمية في الغرب"، ليش أخي الكريم اقتصادنا مو منهار أصلاً ولا انت عايش ببلد تاني، لك العالم ما معها تاكل يا رجل وهي الشعلات يلي سميتها حضرتك كماليات صارت أساسيات في باقي دول العالم متل البيت والسيارة، وياريت تنورني وتقلي مين من شباب هالأيام بيقدر يشتري بيت "كاش" غير لما يصير عمرو شي 60 سنة -سوريا
dds 2010-04-20 19:41:42
dds
وين المشكلة لولا التقسيط محدا قدر يشتري شي لولا التقسيط نحنا اطباء الاسنان محدا كان اشتغل عنا بعدين مبدكم يكون في رواتب محترمة لحتى الواحد في يشتر ي كاش وبعدين يكون في اسعار رخيصة بالنسبة للرواتب بعدين بدول الخليج الاسعار اقل من عنا بكتير ودخلهم اعلى بكتير رغم هيك بيقسطوا كلشي بيشتروه
ميرنا 2010-04-20 18:20:26
ممكن كل شي ممكن
أنا شخصيّاً ما بؤيد الدولة بهالشي أبداً لأنو الدولة هيي اللي عم تهدد الاقتصاد و هيي اللي عم تعمل أزمة اقتصادية بالبلد , يعني خلي الدولة تقسط كلشي للمواطن و ترأف بحالو لحتى يتعدل الوضع بهالبلد و لو بشكل بسيط كتير و شكراً
-سوريا
عمر 2010-04-20 17:34:26
مين قال السيارة ما أساسية
يا جماعة والله العظيم ملينا من التنظير اللي بدون فائدة .... مين اللي قال انو السيارة بسنة 2010 أو حتى من خمسين سنة ما سلعة أساسية ؟؟؟؟ بعدين ما بقى في حل غير انو نضيق على الشعب حتى بالتقسيط ؟؟؟؟ ليش ما بيطلع حدا وبيقترح يلغوا الجمارك على السيارات أو يا أخي يلغوا الضريبة العجيبة الغريبة اللي اسمها فراغ مدري رفاهية وكأني الشعب السوري ما بيصير يترفه الا هو وعم يدفع دم قلبو .... يا أخي خلو سعر السيارة متل الدول المجاورة أو بالأحرى كل دول العالم وبعدين تسائلوا ليش العالم عم تقسط
حسان 2010-04-20 17:17:24
السوريون يحيون على التقسيط
كل العالم يتدخل الا الدردري وفريقه الاقتصادي الرائع
سوووري 2010-04-20 17:04:34
هل هذه كماليات؟
هل تعتبر سيريانيوز الموبايل من الكماليات؟؟؟ وكذلك وجود سيارة قديمة محركاها 1500 بدون مكيف من الكماليات؟؟؟ ولماذا لا تسألوا بشكل معاكس لماذا شركات الخليوي مثلا لا تخفض كلفة المكالمة بدلا من مصارعة الشعب كله، وهل الفروج والبيض الذي تم السماح برفع سعره مؤخرا أصبح من الكماليات؟؟؟ إذن ما هي الأساسيات؟ وماذا على المواطن أن يعمل للحصول على الحد الأدنى من الأساسيات علما بأنه لا يملك بيت لأنه من الكماليات؟؟؟ بالإضافة لزمن تنفيذه الفراغية التعجيزية تجعل أمر شراء بيت بالتقسيط أمر أستثماري مدته 30 سنة.-سوريا
محمد 2010-04-20 13:53:07
راي منطقي
أريد ان اطرح سؤال على جميع المشاركين المؤيدين للتقسيط ماهو السبب الذي حعلنا نصل الى هذه الحالة من الجمود بالاسواق وعدم وجود سيولة بايدي الناس ولو بمبالغ زهيدة ..؟
الجواب سيكون كالتالي :
سيارات بالتقسيط بيوت بالتقسيط موبايلات لكل فرد بالاسرة غلاء الاسعار بشكل كبير
كم سحبت تلك السيارات والبيوت والموبايلات من دخل الاسرة
مانراه اليوم هو نتيجة التقسيط الذي اخذ نصيبه الكبير من اموال الناس وسترون ان هذه السنة هي من اسوأ السنين التي ستمر علينا
وللحديث بقية
-سوريا
the teacher 2010-04-20 13:20:42
ولي بعد التقسيط
يستر عليلكم ما تتدخل الحكومة نحنا هيك عايشيين عما ندفع قسط السيارة و الجمعية السكنية و ما عما يضل من الاراتب غير حق البنزين يعني لو تدخلت الحكومة يمكن حق البنزين ما يتوفر معنا -سوريا
عبد الله 2010-04-20 13:04:46
شي ملموس
انا برأيي المتواضع انو التقسيط كانت سلبياته اكتر من ايجابياته بكتير والدليل حالة الاسواق اليوم اللتي نعيشها
عملت احصائية بسيطة على عدة مصالح حيوية والكل كان عم يشكي من جمود بالاسواق تكاد تكون ميتة والكل اجمعو على انو هذه الحالة ماشافوها حتى باوقات الحروب اتمنى تدخل سريع من الدولة لايقاف التقسيط لا اقول بكل انواعه ولكن للمضطر فقط من الحاجيات الاساسية وليست الكمالية
او ايجاد حل اخر يسهل على المواطن شراء حاجياته الاساسية
يتبع .-سوريا
bebo 2010-04-20 13:01:15
و لا شي
نحن اساسا ما منتعامل بالتقسيط متل غير دول ولا شي التقسيط بسوريا وهي الاحصائية مودقيقة ابدا بغير دول متل الامارات اكتر من 90% من السيارات تقسيط وكل شي تقسيط وقروض والدول الاوروبية هيك
وغير هيك نحن عنا المواطن اذا بدو يقسط بقسط مايكرويف غسالة يعني شغلات بسيطة بالاخرما في تقسيط عنا من الاساس لانو شروط التقسيط صعبة وفوائد عالية نحن شعب بعتمد ع الجمعيات اكتر من التقسيط -الإمارات
الكوكو 2010-04-20 12:16:22
اي توووووووووووووت
لا سيدي ما بوافق على تدخل الدولة مشان الحد من هالمشكلة .. لعمى ما بكيفي لاعنين نفس الشعب كمان بدهون يخنقو العالم وما يخلوهون يتنفسو ..لك شو بدكون فيهون هنن أدرى بأمورون ... والله قصة -سوريا
سامح 2010-04-20 12:07:10
شو الحل البديل ؟
بالنسبة للاقتصاد الوطني .. ففي كتير عوامل تانية قبل التقسيط عم تهده .. بس مشان ما اطلع خارج المسار التقسيط هو الوسيلة مشان العزابي يلي بدو يتجوز، والمتجوز يلي بدو يخلص من نق مرته، والأب يلي بدو يفرح ولاده، للأسف الناس بتفكر شو بدها تدفع بالشهر وما بتفكر شو بدها تدفع بالأخير، بس على كل حال لانه من المستحيلات عنا أنك تقدر تصمد مبلغ مليون ليرة لتشتري سيارة، او حتى 20 الف لتشتري موبايل او لابتوب، العالم عم تتجه للتقسيط.Reem* 2010-04-20 11:44:06
والله عييييب
والله عيييب شوفو برا شو عم يصير وكيف العالم ماشية وبعدين تعو نظروا واحكو,ولاتروحو لبعيد كمان شوفو الكويت مثلا ,الغنييي والفاحش الثراء كمان قبل الشخص العادي بيعيش على التقسيط ,وبعدين مو عيب نسمي المايكروويف أو الموبايل أو السيارة يلي صارت أضر من الضروري (أدوات كهربائية غير أساسية)؟!!واللهي عيب ,شو مو بشر نحنا؟وهي صارت أشياء أساية مو تكميلية وبس,والتقسيط بيخلي الإنسان يتمسك بشغلو ويعرف قيمتو,قال بيحذرونا من انهيار الاقتصاد قال,شوفو الناس شوفو
-سوريا
سامر 2010-04-20 11:36:10
الاقتصاد السوري
أولا ليس هناك كيان أسمه الاقتصاد السوري، هي كلمة كبيرة على الواقع السوري، والأقساط هي الحل في الوقت الراهن على الأقل، والأزمة موجودة قبل الأزمة العالمية بأزمات طويلة، ولا حل يلوح في الأفق غير الأقساط،
في الأقتصادات الأخرة التي يزيد فيها الدخل عن ألتزامات الفرد، يكون التقسيط حالة صحية والحافظ على الكاش هو الصح. نحن في سورية أقل بكثير بأن تصحل لدينا أزمة، لماذا لأننا نحتاج إلى مقومات الأزمة وهي المال والإنسان، وكليهما غير موجود.
-الكويت
fawaz 2010-04-20 10:56:21
التقسيط و خفياه
مبارح واليوم وغدا هذه العروض التي تفتح من قبل شركات السيارات والبنوك على التقسيط المريح وبدون أي فوائد ليست بالامر السهل فالمواطن لا يفكر الا بالحالة الحالية فقط ولو فكر قليلا الى الامام لعدل عن فكرة التقسيط فاليوم نسمع ونرى كثيرا من المواطنين الأزمة حلة بهم وغير قادرين على التسديد من جراء السرعة في اخذ القراراتمنى من كل مواطن ان يفكر قبل اخذ اي اي قرار بموضوع التقسيط وخاصة على السيارات لان شركات السيارات لايهمها الا البيع و تحمل المسؤولية على البنك ومن ثم على المواطن
فاتنة 2010-04-20 10:48:33
مجبر أخاك لا بطل
فعلا التقسيط هو أهم شي بهالظروف يلي نحنا فيها وما بظن نقدر نستغني عن التقسيط يعني بالنسبة الي كل اغراض بيتي جبتها بالتقسيط ولولا التقسيط ما كتت جبت شي
-سوريا
عمور حلب 2010-04-20 10:14:06
خليون يسحبو بالتقسيط
لك دخيلك خليون يسحبو و ما يحسنو يسددو و يصير ازمة مالية بلكي بترخص هالاسعار شوي
لانو بيت غرفتين صغار صار حقو 1500000 اي شو هاد l'entrantaumure 2010-04-20 09:38:29
بدنا نبيع حبيبي بدنا نبيع
انشالله تكون قريبة هالأزمة و ترخص الأسعار يللي جنت و ما عاد حدا هداها بس برأيي التقسيط مفيد لأغلب الناس يعني البزنس مان بيوظف مصاريه بدال ما يدفعهن و الفقير بيقدر يمشي حالو مع القسط و لا ننسى قديش بيزيد السعر بالتقسيط عن النقدي فبرأيي ما حدا خسران بهالقصة غير المنتوف متل العادة
-سوريا
الطورنجي الكاش 2010-04-20 09:37:47
ضد
أعظم عيوب التقسيط أنها أتاحت السيّارات للمراهقين وأنصاف الرجال , وأتاحت الموبايل واللاب توب وغيره لأشخاص لا يعرفون من هذه التقانة إلا جانب التفريغ الجنسي , سابقا كان لا يملك السيارة في الغالب إلا الواعي المثقف عزيز النفس المحترم , أنا مع كل قرار يحدّ من ظاهرة التقسيط ويمنع وصول السلعة إلا لمستحقّها فعلا , وغالبا من يقدر دفع ثمن السلعة كاملا ومباشرة هو إنسان جدي وعصامي يُحسن إدارة المال ويُدرك قيمة العمل والوقت ؛ يكفي أن المصطفى ما صلى الجنازة على مدين
-سوريا
طبيب مسلم 2010-04-20 09:32:36
وهل بيد المواطن حل آخر
السلام عليكم
إذا كان الطبيب على سبيل المثال يأخذ 12 ألف ليرة بالشهر فكيف حيأمن أجار المنزل والسيارة وفواتير الهاتف والكهرباء وغيرها بغير التقسيط هل يسكن بخيمة ويقضي حياتو مشي حتى يستطيع الدفع
بدون تقسيط المفروض الدولة تعمل توازن بين الأسعار والرواتب وتوفر فرص عمل للجميع وتتكلف حتى بمصاريف الزواج للمواطنين ولكن حسبنا الله ونعم الوكيل
-سوريا
م واطن سوري 2010-04-20 08:42:46
تعليق
حاليا سعر كيلو البطاطا لا يتجاوز ال ؟؟ وان المكدوس لكي يتم يجب علينا شراء عدة حاجيات لصنع المكدوس
نعم ان صناعة المكدوس قد تتم بالتقسيط خاصة و ان المكدوسة تستهلك وقت و جهدا و مالا كافيا ليجعلها خطرا تهدد الاقتصاد السوري
ههههههههههههه لك حاج و الله حاج و الله عيب
شو عم تعملو فينا
قال دخل الفرد 9000 و حق البوط 1500 و بنطلون 1300 و حق القميص 1000 يعني ازا الواحد بس بدو يغطي عورتو ما بادي راتبوووووووووو.. يا حرام بس sousou 2010-04-20 08:27:41
تدخل
الاقتراحان لا يفيدون وإذا ظل الوضع على ما هو عليه دون تدخل الدولة وزيادة الراتب وتخفيف جشع القطاع الخاص بما معناه هناك بطالة مقنعة بكل مفاصل الدولة فلماذا لا تقوم الحكومة بالاستيراد لكافة مستلزمات الاسرة (مع مراعاة النوعية)وتوظيف فائض العمالة في البيع وبدون أرباح(فقط تغطية النفقات كافة). وهكذا نضرب عصفورين بحجر واحد ولكن قد لايناسب هذا الحل معظم المسؤولين لانهم شركاء في كل شيء -سوريا
مؤيد 2010-04-20 08:10:23
بالطبع
البيع بالتقسيط من شأنه رفع سعر المواد بشكل عام وزيادة جشع التجار وأعتقد أنه يخدم فقط أصحاب اليوب الواسعة فقط وأما أمثالنا أصحاب الجيوب الضيقة والمعترة والمشحرة من شأنه أن يضع أمامنا أحلاما قد نعجز عنها ولكن لو قل التقسيط 50 % ستقل معه الأسعار وذلك لأنه سيحصل انخفاض بالطلب مع هذا العرض الكبير وأعتقد أنه من الخطأ أن نقول الأزمة العالمية ستحص عندنا لأنها حصلت من زمان قبل الأزمة المالية العالمية ب5 سنين وإلا ما رأي الحكومة المصونة هل واقعنا أزمة حقيقية أو نعيم البصل =40؟ -سوريا
أبو صالح 2010-04-20 07:59:58
ظاهرة خطيرة
أنا صاحب معرض لبيع الادوات الكهربائية وأبيع بالتقسيط وبالفعل لاحظت بأن الكثير من الناس يشتري أغراض دون حساب دقيق لحقيقة امكاننياته ودون حساب للطوارئ التي قد يتعرض لها , لذلك أي مشكلة بسيطة تحصل معه تلخبط كل الموازين وهذا ينعكس على التاجر مماطلات ومشاكل .
المشكلة أني حاولت عدة مرات أن أوقف البيع بالتقسيط والبيع نقدا ولو بأرباح زهيدة لكن لم توفي معي لأن التقسيط أصبح موضة والكل لايشتري إلا بهذه الطريقة. المشكلة ايضا أن القوانين الحالية لاتضمن للبائع حقوقه بشكل مريح. -سوريا
copy rights ©
syria-news 2010
