الطريقة المثلى للتعامل مع الأبناء في فترة الامتحانات
بدأت امتحانات الصفوف الانتقالية في مدراسنا، وبعد أيام قليلة تبدأ الامتحانات العامة (التاسع والبكالوريا)، الأمر الذي عادة ما يخلق حالة من الاستنفار العام في معظم البيوت التي تضم أبناء يدرسون لامتحاناتهم، خاصة طلبة الشهادات منهم.
ويبقى السؤال المعتاد في هذه الظروف:
ما الطريقة المثلى للتعامل مع الأبناء في أجواء الامتحانات؟
هل الصرامة وضبط الوقت بصورة محكمة وقسرية أفضل؟ أم ترك المراهق يعتمد على نفسه ويقرر مصيره بيده وينظم وقته ودراسته لوحده، أفضل؟
هل ضغط الأهل وتدخلهم في دراسة ابنهم وتنظيمهم لوقته في أجواء الامتحانات، يؤتى دوماً أكله؟ أم أنه قد يولد في بعض الأحيان نتائج عكسية؟
وهل دفع المراهق إلى الشعور بالمسؤولية والاعتماد على الذات يمكن له أن يثمر في هكذا أجواء؟
فما رأيك؟
مدرس فلسفة 2010-06-08 09:52:57
أخطاء فادحة في سلالم التصحيح
نرجو من الاخوة في موقع أخبار سوريا التحقيق في الأخطاء الفادحة في سلم تصحيح مادة الفلسفة لعام2010 بحيث أن حسب السلم ولا طالب يأخذ الدرجة كاملةولقد حاولنا الإتصالمع الجهات المعنية لكن دون جدوى.لذلك نرجو الإهتمام والرد حرصا مني ومنكم ياسوريا نيوز على مصلحة الطلاب ولكي .فالمشكلة لا تكمن في الطالب فقط بل في لقائمين على وضع الأسئلة وسلالم التصحيح نرجو الإهتمام
الينوو 2010-06-08 03:39:08
طالبة صارت صف تاسع
انا طالبة هلئ صرت تاسع والله يعينا من الضغوطات اللي بدنا نعيشها بس برأيي انو الاهل حتى لو كانوا صارمين علينا طبيعي لمصلحتنا بس مو لدرجة يخنقونا فيا اما بالنسبة للمسؤولية علينا فهل الشي بالعكس نحنا منحس انو لما بيصير في ضغوطات كتير نحنا منبطل نركز ونعرف ندرس اما لما نكون مرتاحين فبلعكس كتير مندرس منيح ومنأثمر منيح مجرد متابع 2010-06-07 23:02:18
الى الجميع مع شهادة او بدون
ارجو قبل الانطلاق والمناقشة عن الحصول على الشهادة او لا , ان نعرف كيف نكتب بلغتنا العربية فليس من المعقول ان تصبح كلمة مجتمعنا ( مجشتمعنا ) ولا كلمة واسطة ( واصطة ) والاسوء من ذلك ان التعليق يكتب بالفصحى (( للفهمنة الزايدة )) وتظهر هذه الكلمات (( متل العين العورة )) ..
أما بالنسبة للبكلوريا الحمدلله انني انتهيت من هذه العقدة ولجميع الطلاب فترة وسوف تنتهي تفائلوا
متزوج القضية 2010-06-07 13:24:03
الى السيد the white 2
تتمة الى موضوعنا هل خطر على بالك و انت صغير ان الارض مدورة ؟ (مثال قديم ان شخص قال ان الارض مدورة فاعدموه) هكذا نفعل بلامستنتجين لدينا هل هكذا ترى الحياة...يمكننا ان نمنح الطالب الدارس ما يتناسب طردا" مع الجو المحاط به و توفير كل المستلزمات للطالب و القليل من لظغط وقت الامتحان يمكن تفادي بعض المشاكل الناتجة خلال عام الدراسي و خاصة في مدارسنا و معاهدنا حيث ان اصبح في المعاهد لا ينجح احد الا بواصطة او بمبلغ نقدي معين و الجميع يعلم ذلك .... ارجو من لديه اي استفسار ارجو المراسلة و شكرا" متزوج القضية 2010-06-07 13:23:38
الى السيد the white 1
السلام عليكم اولا اريد ان ايدك على حثك على الدراسة و لكن الدراسة لا تكفي و الشهادة لاتكفي للانتلاق في مشتمعنا الحالي اليس كذلك.و ليس كل شخص لم يدرس عنده ظروف ما بحب او مثل ذلك فالامر على محور العام ليس بهذا المنظور الديق (دارس او فاشل)قد تجد اشخاص لا يتمتعون بمهارة الحفظ الدقيق و لكن تجد لديهم الامكانيات العقلية التي لا تجدها عند الغير كل نستثمرها و نحن نتحدث هكذا(دارس-فاشل)هل تعتقد ان الدارس افضل من الامستنتج للعلم ان العلم اتى عن طريق الاستنتاج و ليس وحي اتى على الاعالم
ميدو المشاكس 2010-06-07 12:56:15
بالنهاية بقول ...
وبالنهاية بقول ( اللهم أني أعوذ بك من علم لا ينفع ) أمين -سوريا
sana 2010-06-07 07:27:04
بأيد العلم نور
الكلام كله صحيح و أضيف لا تفيد الشدة أيام الإمتحان فمن لم يعمل و يدرس بجد خلال العام الدراسي لا فائدة من إجباره على المكوش فوق الكتب في هذه الأيام سوى زيادة توتره
فهذا النظام اذا لم يكن مرافقه منذ الصغر و ارشده الأهل إلى أهمية العلم و الشهادة فلا فائدة الان -سوريا
the white 2010-06-05 16:53:27
العلم نور
السلام عليكم
يا جماعة الخير والله متل الدارس مافي ويلي ما درس لظروف أو لانو ما بيحب يدرس لا يحكي حكي شروي غروي الشهادة مو مشان نعلقها عالحيط الشهادة هية أساس لننطلق منها وإذا الواحد منا صادف ناس دارسين وفاشلين فالهشي مو ضروري أنو نعمموا انا عم ادرس بالجامعة وعم اشتغل مشان اخد شهادة وادعمها بالخبرة ونصيحة للكل الدراسة والشهادة أهم شي بالحياة
بسم الله الرحمن الرحيم (هل يستوي الذين يعلمون والذين لا بعلمون)
كتير في ناس مو دارسة بس مثقفين الشهادة مو معيار بس أهم شي ممكن نحصل عليه بتعب بسيط
عبد 2010-06-03 19:37:44
امتحان
نحن عم نعاني من مادة التسويق لانها شو ي صعبة نحن منتمنا انو تلتغى هالمادة طلاب البكلوريا تجارةscience, logic & belief 2010-06-01 17:08:10
بديهياً تركه يعتمد على نفسه مع التشجيع
مشكلة غالبية المجتمع الشرقي والآسيوي أنه لا يفرق بين المحبة والخنق (قال دبّه على قد ما بتحب ولادها قعدت فوقهم وخنقتهم)! يعني القصد هو عدم جعل الطالب يشعر كما لو كان سجين حرب ينتظر القتل رمياً بالرصاص! يجب التشجيع والكلام اللطيف مع القليل من الحزم الذي يجب أن يكون ايجابي. خذو السيد عمرو خالد أسلوبه الراقي الإيجابي مثلاً بغض النظر عن اختلافي معه في الدين. أعرف أسر أجبرت ابنائها على دراسة علميأدبي وحين رسب الأولاد قال الآباء "هيك الله كاتب" lol ونسيو أن إبنهم من ذهب للامتحان والعياذ بالدماغlama 2010-05-31 17:19:15
الحل الوسط أحسن شي
أنا أعتقد أن أفضل ما يفعله الأهل في وقت الامتحانات .. هو توفير الجو المناسب وطبعا الضغط على الطالب شي لابد منه .. لإن الولد يظل لا يعرف أهمية الشهادة ...
مع بعض المسايرة واللطف طبعا دون اسلوب العنف .. لإنه لايجدي أكيد متزوج القضية 2010-05-31 11:21:50
الى الانسة منال
شكرا" على توضيح الصورة ولكن عدم ممارسة الضغط على الطالب لن يعرف ما عليه وماذا سيصبح عليه من المؤكد واؤكد على انه سوف يفضل اللعب على الدراسة بحجة تنشط الذاكرة وحين العودة(انني مرهق)اريد النوم)ما العمل هل ان اعطيتيه الحرية سوف ينجح بعمله مستقبلا اوبدارسته الحالية لا يوجد عند الطالب الان في عصرنا الحالي اية مسؤولية من جميع النواحي وحتى الشابات لا يوجد الا اضاعة الوقت باللعب و مشاهدة الافلام و هذا الجيل الحالي بعد ارتخاءالاهل امام الشاب يولد جيل واعي و مسقف كثيرا" ؟اذ يوجد اي استفسار ارجو المرمنال 2010-05-31 06:07:25
مجرد راي شخصي
موضوع الدراسة يعتبر شامل من حيث المبدأ للمنهاج والطالب واستيعابه خلال العام وللاهل ومؤهلاتهم وكيفية التعامل مع موضوع الدراسة اما موضوع الضغط على الطلبة لا يولد سوى التعب للطرفين اعني الطالب واهله وبرايي الشخصي طريقة الامتحانات للمواد بنسبة 100% اخر العام عبء على الجميع لذا تقسيم النسبة الكلية على مدار السنة ياتي بنتيجة افضل نفسيا وتحصيلا للطلب
منكم و إليكم 2010-05-30 17:13:39
لا تحملوهم همومكم
شهدنا وقوع حوادث إنتحار لبعض الطلبة قبل الإمتحان و أعتقد أن السبب هو الضغوط المتزايدة من الأهل حتى ولم يكن هناك قسوة من الأهل فلا يوجد من يريد أن يخذل أو يكسر خاطر أهله الذين يعولون عليه فمن الخطأ تحميل الأبناء فوق طاقتهم و ذلك بالمقارنة المستمرة مع فلان أو فلان فلكل منا طاقته كما أن الكثير من الأهل يحملون أبنائهم همومهم و يشعرونهم أنهم هم المخلصون ,و ذلك بربط مصيرهم بتفوق أبنائهم فيعيش الطالب تحت ضغوط لا يمكنه تجاوزها أحيانا" و تؤدي إلى فشله . ياسر رفاعي 2010-05-29 18:44:08
دا يق خلقي
أنا أضعت عمري بدراسة الرياضيات و لكن بدون فائدة مادية علما أن دراستي كانت من نفسي و بدون ضغط لذلك ضاق خلقي و مليت ... بصراحة ملييييييت
ميدو المشاكس 2010-05-29 16:23:22
انا معك ياسامح
انا معك تمام , الفكرة انو الناس بتفكر أنو الشهادة لح تصنع منو عبقري , والمشكلة التانية أي شخص حامل شهادة سواء كان مهندس أو طبيب مابيقبل حدا يعلموا ليش سيدي لانو مهندس فهمان كيف هاد الشخص يلي ممكن يكون اقل منو بالتحصيل العلمي أنو يقلو هاد صح وهاد خطأ , مشكلة مهندسينا انو عندهن عقدة المهندس انا بفهم والناس كلها جهلاء !!بس المهندس الشاطر ويلي هدول كتير قليلين جدا , بياخد من صاحب الصنعه ومن البروفيسور ومن أي شخص فيه يستفاد منو بدون مايحقر حدا , بس للأسف هيك ناس بينعدو على الأصابع الوحده-سوريا
سامح 2010-05-29 15:11:57
الشهادة نعم أم لا ؟
الشهادة ما بتعطي خبرة، بس بتعمل أساس لبناء الخبرة العملية، شوفوا مثلا واحد عامل دورة كمبيوتر او لغة برمجة وبين مهندس حواسب أو معلوماتية، إتقان أكبر للعمل وسرعة ومرونة وقابلية للتعلم بشكل أفضل بكتير، بقى لا تتفهوا المهندس وتضيعوا 5 سنين من عمره وتقارنوه بعامل ترك من صف التاسع ولأنه انخرط بالسوق أبكر من المتعلم يصير أحسن. على كل حال مو شرط العالم كلها تتعلم، في المهن والحرف يلي بتعلمها الواحد بدون دراسة، بس لا يعني أنها بتغني عن الدراسة.النحلة 2010-05-29 10:51:54
اين دور وزارة التربية بتأمين اللراحة النفسية للطلا
يمكن انتو عم تحكوا عن الاهل بس انا بدي احكي عن وزارة التربية ومديرية الامتحانات ودورها بتوزيع طلاب الشهادات على مراكز الامتحانات خاصة الاحرار وعدم مراعات بعد المركز عن منزل الطالب وخاصة الشباب مثلا احد معارفي يسكن في قدسياتصوروا مركز امتحانه في الزاهرة وابن جرانه في دوار المطار هل ممكن ان تتصوروا معانات هذا الطالب للوصول الى المركز وكم سيتكلف حتى يصل والوقت اللازم للوصول الى هناك وكيف ستكون اعصابه وباي حالة مو كل الناس عندها سيارات ولا كل الناس عندها المقدرة على الدفع لسيارة اجرة
-سوريا
محمد 2010-05-29 00:37:15
المراقبة
أنا طالب معهد وقت الأمتحان 8 مراقبين بالقاعة والشاطر يلي بيزور في والله شي بخوف خفو عنا شويوالد غيور 2010-05-27 14:22:23
دور الأهل أثناء فترة الامتحانات
من الضروري على الأهل مراعاة أولادهم في هذا السن وخاصة الشهادتين الاعدادية والثانوية، بأن لا يكون شديدين في تعاملهم مع أبناءهم فبالكلمة الطيبة تستطيع أن تصل غلى مبتغاك .. ما على الأهل إلا تقديم يد المساعدة لهم من خلال توفير الأجواء المناسبة لهم للدراسة إضافةإلى عنصر مهم وهو التشجيع المستمر.. -سوريا
بسام الكردي 2010-05-27 09:56:02
الحريةبالتعامل
اذكرعندما كنت طالباًعندالأمتحانات والضغط الذي كنت أتعرض له من عائلتي من أجل الأمتحانات وتأثيره السلبي على نفسيتي لذلك إتبعت مع أولادي الأحساس بالمسؤولية وقدأثمرت نتيجة إيجابية بأن أولادي بدءو بالأهتمام بدروسهم من إحساسهم بأن هذا لمصلحتهم وليسى من أجلي وكانت النتيجة جيدة وحققوا نتائج ممتازة ولكن مع بعض التوجيه taktak 2010-05-26 20:50:25
draaaseh
لازم الاهل يوعو ولادن
مو يضغطو عليهم مشان الدراسه لاني وهم الامتحان اصعب منو واذا الولد من صغره عندو طموح فما بينخاف عليه واذا ما عندن ما رح ينفعو الشده بالعكس بيسكره الدراسه و ساعتهاطالبة حقوق 2010-05-26 12:47:51
طريقة التعامل مع الابناء اثناء الامتحانات
العفو من جميع الاشخاص الذين علقوا عالموضوع بس ياجماعة كل شي مطلوب ان كانت شهادة وان كانت لغة او غيرها بس الاهم والمهم هي الشهادة بهالوقت اي هو معنا شهادة وماعم يلاقوا وظائف كيف بلا شهادة من وين بدو الشخص يعيش بس الحياة هيك بدهاااااااااا الشهادة وبنصح اي شخص سواء شب او بنوتة انهن يدرسوا ولا يخلوا حدن يقلهن قوموا ادرسوا لانهن ماشا الله صاروا واعيين وعلى فكرة الدراسة شي ممتع وخاصة اذا كان فرع انتا بتحبوا كتير لح تنجح فيه l'entrantaumure 2010-05-26 09:11:39
لما كنت بكالوريا
كنت ادرس و احفظ وقت المدرسة و رغم انني انتقلت ب3 مدارس (لأن كانت لغتي الأجنبية فرنسي)و كان عددنا اقل من عشرة بالشعبة فنقلونا ع مدرسة تانية لحتى نستاهل يحطولنا استاذ و ما عجبتني المدرسة فانتقلت ع تالتة و بعدين لغوا القرار للسنة اللي بعدها فرجعت ع مدرستي بس القصة بفترة قبل الفحص ما كنت ادرس و تضيق خلاقي بسرعة بس الحمدلله نجحت و جبت الفرع اللي حبيتو مع انني انكسرت بمادة القومية-سوريا
طالب علم 2010-05-25 17:01:13
الى كل شخص يدّعي الفهم
الى كل انسان يدّعي الفهم من دون شهادة , الشهادة رصيد الانسان بالحياة , كل شخص بيتخرج من جامعتو , طبيعي ما يكون عندو خبرة بالحياة العملية , بس هو مؤهل اكتر من غيرو باكتساب هي الخبرة , لانه عنده اساس مبني على العلم و المعرفة , مشان هيك بلا فزلكة من الاشخاص يلي ما بيعترفو بأهمية الشهادة.
بالنسبة لكيف بعامل اخي بالبكالوريا:
بكل بساطة , بورجيه الانجازات يلي انا حققتها بعد ما اخدت شهادة واشتغلت فيها وطورت حالي.
-سوريا
تيم 2010-05-25 12:30:47
تأييد ميدو
أنا بأيد ميدو المشاكس أنا مغترب وبشتغل بمجال تدريب دورات اللغةالانجليزية والكمبيوتر وأنا بقسم في ناس أنا مديرن بالعمل منن المهندس ومنن خريج الاقتصاد وأنا ما معي غير ثانوي بس أنا أحسن منن بكتيييير باللغة الانجليزيه والكمبيوتر وشهاداتن ما نفعتن بشي وشكرا Hani XP طالب بكالوريا علمي 2010-05-25 11:53:36
نداء إلى أهالي أبناء الشهادة الثانوية 3
(ذلك كان مجرد توضيح)
أرجو من الأهل التفهم لعقول أبنائهم فبإمكانهم بكلمات بسيطة أن يجعلوا منهم مشاعل نور على مر الزمن
أعتذر عن الإطالة ....وشكراً
بقدر الكسب تكتسب المعالي ومن طلب البكالوريا يهر الليالي
Hani XP طالب بكالوريا علمي 2010-05-25 11:50:49
نداء إلى أهالي أبناء الشهادة الثانوية 2
ينبغي على الأهل أن يعملوا منذ أول العام الدراسي على توعيته على أهمية هذا العام الدراسي
بالنسبة لحياتهم المستقبلية وليس على أمرهم أمراً أعمى بقولهم (لك روووح دروووس ـ يبعتلك حمةّ ـ )
فهذا لا ينفع شيئاً مع الطالب بل ويزداد كرهاً (لللبكالوريا) وتضيق نفسه ولا تنشرح للدراسة
ولعل أبسط شاهد على ماأقول ما أظهره ياسر العظمة في حلقة قديمة من مسلسل (مرايا 98)
عن الطالب الذي قد توفرت له جميع ظروف الدراسة ورسب في النهاية
والطالب الذي كان يعمل في النهار ويدرس في الليل وأحضر العلامة التامة
يتبع..
ميدو 2010-05-25 11:50:20
تتمه
المهم مشيت الامو كلها تمام , وطلع الشب المهندس أنو مو مخلي معمل إلى مو شاغل فيه وكلهن فشل فيهن , لك والنهفة انو أختصاصو صيانة !!!! بأى ياعيني يلي عم تدرسوا بتمنى انو ماضيعو وقت بالصيف روحو تعلموا العملي من السوق حسب أختصاصك مشان ماتنصدموا وقت التخرج . لانو عنا المنهاج بالمريخ ونحن بالارض , وفي شي كتير مهم لازم اقولوا أياك تفكر أنو الأنسان الناجح هو يلي معو شهادة بس , النجاح هو تكون انسان مثقف فهمان الدنيا منيح وناجح بشغلك هاد أهم شي , مو بس شهادة مشان تتبروظ أدام الخطيبه ويقولو عنك دارس , !!!
-سوريا
Hani XP طالب بكالوريا علمي 2010-05-25 11:47:18
نداء إلى أهالي أبناء الشهادة الثانوية 1
السلام عليكم ..
برأيي : إن كان الطالب يعرف مصلحته ويخاف على مستقبله
وأهله يعرفون ذلك فيجب على الأهل أن يقفوا معه ليس لحثّه على الدراسة
لا بل لتخفيف قلقه ولإبعاد الهواجس المخيفة والكوابيس المرعبة عن مخيلته
لكي يطمئن قلبه ويكون في حالة من الراحة النفسية التي تدفعه إلى المزيد من الاجتهاد
أما الطالب الطائش الذي لا يعرف مصلحته أو بالعاميّة (مسيّبها) :
فينبغي على الأهل أن يعملوا منذ أول العام الدراسي على توعيته على أهمية هذا العام الدراسي
يتبع....
ميدو المشاكس 2010-05-25 11:33:00
صارت معي
ياجماعة أنا كان عندي مشروع مركز صيانة سيارات على مستوى , طبعا سملتو لمهندس ميكانيك , وبالمناسبة هو من المتفوقين وماحمل ولامادة وتخرج بخمس سنين بالظبط , وبتعرفو أديش هندسة الميكانيك صعبة , المهم فوتني بالحيط وكان رح بخرب المركز , لك معقول مهندس ميكانيك متفوق مابيعرف يبعت ايميل , مابيعرف يفتح داتا جهاز كشف الاعطال !! إلي بدي كتلوكات صيانة جبناهن وتكلفنا عليهن ومافي فائدة , بعدين تركت شغلي وستلمت الأمور يلي لازم كان يستلمها , ومن بعد سلمتها لشب ميكانيكي بس مثقف , بشرفي أفهم من مليون مهندس.يتبع -سوريا
أبو باسل 2010-05-25 07:19:53
الوقاية خير من ألف علاج
برأيي الطريقة المثلى للتعامل مع الأبناء هي فبل فترة الامتحانات مو في فترتها لأنوا وقتها يللي ضرب ضرب ويللي هرب هرب
يللي بيذرعوه الأهل بيحصدوه وبرأيي التركيز على تعليم الأهل - هون المشكلةعند الغالبية للأسف - كيف يذرعوا لا كيف يعالجوا والوقاية خير من ألف علاج
-سوريا
RH.X.Q11 2010-05-25 03:52:37
♠ عصر الانحطاط ♦
ولله انا سمعت من كم استاز انو رح يتغير المنهاج بعد سنتين او ثلاثة و يصير أسوأ و أصعب و..."كلمات عيب تنقال"...من المنهاج الي عم ندرسه بالوقت الحاضر , وبصير سوبر مان ازا درسه ما بيفهمه .
و انا كمان مع آراء الأشخاص الي متشائمين من المنهاج , لك بس فهموني يا عالم , انا صف حادي عشر علمي , شو فائدة الفسلفة ! و التاريخ ! و الفرنسي "حصة الفراغ" !؟؟؟ يلي بيعدو الطلاب كلهم بيكتبو الوظايف فيها و بجيب كل واحد معه شطرنج او شدة و مابعرف شو .
انا سألت استاز عندي بالمدرسة هاد سؤال انو شو فائدة الفزلكةmhamad 2010-05-24 22:40:30
المعركة
بدنا ننجح احسن ما نتبهدل
Hani 2010-05-24 21:53:56
Leave us alone
يحلّو عنون و بس ... -سوريا
اوفقك يا ميدو 2010-05-24 14:39:30
العلم الذي نأخذه لا ولن يتحول الى عمل
مثال بسيط جداً هل يستطيع فطحل واحد من فطاحل الكيمياء ( دكاترة كلية الكيمياء) تجفيف الحليب الذي نستورده من الخارج بمليارات ؟ إذا كان الجواب نعم فأنا اقول طوبى لمن اخذ العلم عنهم و إذا كان الجواب ب لا استطيع ان اقول اذهب و نام افضل من ان تتعلم -الإكوادور
امير بس فقير 2010-05-24 09:24:36
الى بنت من الشام
لك برابو ميدو المشاكس معك للابد بنت من الشام مين قلك انو الشهاده هي القيمه سدقي انو هي للبروظه بس ليكني احسن من ميت معلم لا ميدو انت مو متخلف هنن ما عم يحسبوها صح بنت من الشام انا كنت بتمنى اتعلم بس اذا ستفدت شي رح ضيع شي اكيد كل واحد قادر يدرس وبيعرف انو من ورا دراستو في شي اوكي برابو بس اذا تدفيش سدقو بلاهااااااا يروح يلاقيلو شي شغله يأسس حالو ويعد يعارك بهل دنيا احسن من الصياعه والمصخره يا بتعرف هدفك منيح وبتاكل الكتب اكل ويكون مخك شغال ورايد هالشي بس اذا عمم تدرس بروظه بلالك ياها
المغترب السوري 2010-05-24 09:22:07
خير الأمور أوسطها
السلام عليكم ورحمة الله وبركاته كلنا مررنا بتجربة الامتحانات وايام الامتحانات والضغوط النفسية التي كنا نتعرض لها لذلك واجب الطلاب على الأهل توفير الجو الملائم لكي يستطيع الطالب أن يدرس وينجز ولا يجوز في نفس الوقت التراخي والتهاون معه وتركه على هواه فلا بد من المراقبة المنظمة والنصيحة الفعالة وفي وقتها فلا يلجأ بعض الأهل إلى الضغط الشديد على الطالب لأنه يكون لذلك نتيجة عكسية قد تؤدي إلى العناد وعدم المذاكرة لذلك اتنمى من جميع الأهل تفهم وضع أبناءهم ومراعاتهم لتحقيق انجازات أفضل
-سوريا
أسماء 2010-05-24 08:26:23
تنظيم
ان تنظيم حياة الطالب والدراسة بشكل منتظم متوازن ودون اهمال أي تفصيل بطريقة الدراسة والمتابعة من بداية المراحل الأولى وصولا الى سنوات الشهادتين وكأنهما سنة دراسية عادية سيضمن للطالب استقرار نفسي يبعده عن التوتر ويجب عدم الاعتماد على المدرسةفي اتمام المناهج أما من أهمل الدراسة كل السنوات الأولى وجاء يركض في بضعة أشهر فما رح يلحئ ورح يصيبوا ارهاق وملل وممكن انهيار اذا الأهل صعبين وهذا بغض النظر عن المناهج اللي ما عم يعرفوا شو يحطو فيها وشو يحذفو وتحمل يا ألبي اتحمل. الاسمر الشامي 2010-05-24 02:33:06
بين و بين
المراقبة الحكيمة المنبثقة من الوعي والشعور الكامل بل مسؤلية على الابناء كما يفضل جعل الاولاد يشعرون بوجودهم لكي يعتمدو على انفسهم كي لايكونو تابعين كما يجب ان يوفرالجو المناسب
محمد 2010-05-23 15:55:48
التدخل ليس فقط وقت الامتحان
سؤال جيد و لكن اقول لماذا ننتظر حتي يجي وقت الامتحان للتدخل و النصح هذا خطأ.....كما هو امتحان للطالب ليعير عن نجاحه او فشله هو ايضا امتحان للأهل عن مدلا ادرارتهم و مسؤوابتهم عن تربية اولادهم فلماذا الانتظار ليجي وقت الامتحان و نقول لهم افعل هذا و لا تفعل هذا
السؤولية هي من اول يوم دراسي المتابعة و المشاركة و استبيان نقاط الضعف و اهم شيء هو ابعادهم عن رفاق السؤ و و وو ...
حسنا اذا اضططرناان نتكلم عن وقت الامتحان اقول:
1- تهيءة الجو المناسب لهم
2-ممنوع الانترنت نهايا
3-الطعام
عبد الكريم 2010-05-23 13:51:06
ووين نسيتوا طلبة الجامعة كمان
طيب ليش بس عم تحكوا عن كل الطلاب الا عن طلبة الجامعة أنا سنة اولى ادب فرنسي والله كتير صعب عنا 15 مادة بالسنة بس ادعولي الله يوفقني وصير سنة تانيةСамер 2010-05-23 11:54:16
الحل الأنسب
وزارة التربية لازم توقف مهزلة التاسع و البكلوريا ! وتعمل المناهج اكثر مرونة وعملية
وان تغير نظام طريقة التخصص والإنتساب للفروع المطلوبة لأنها غير عادلة يعني سنة واحدة هي كل حياتك
البكلوريا في سوريا شيئ مابين الإجرام والجحيم
والله لا يمر شهر الا واستيقظ الهث من الخوف واكون قد كوبست بشبح البكلوريا الذي مازال يطاردني والذي انا حاقد عليه واتمنى المسؤولون ان يروا حل لهذه الكارثة
البكلوريا يجب ان تتوقف بأخذ دور البع بع
ووقتها الأبناء والأهالي يرتاحون ولا حاجة للقلق عن كيفية التعامل مع الأبناء.
بنت من الشام 2010-05-23 07:36:43
الى ميدو المشاكس
لايصح الا الصحيح
كيف يعني بلا شهادة؟؟؟ الشهادة اهم شي بلاها بيضل الواحد بلا قيمة وبلا مصاري
-سوريا
Xxx saso xxX 2010-05-23 06:58:23
محاولة بركي حدا بيسمع !!!
ليش نحنا ما نخفف الضغوط من بدايتا .. مو بس وقت الامتحانات .. يعني لو نحنا منساوي مناهج عقلانية .. و منهتم بالمؤسسات التعليمية .. بظن انو الضغط النفسي لح يخف على الطلاب خلال و يساعدن بتخطي هي الخطوات الصعبة .. !!! بس فالج لا تعالج مؤمن بالله 2010-05-22 23:56:41
توفير الجو الهادئ
الشعور إلى الطالب بان فرصة الامتحان له وتوفير الفاكهة والعصير واحترامه-سوريا
طالبة جامعة 2010-05-22 22:01:20
التربية هي الاساس
التربية من البداية هي الاساس واستعداد الطالب للدرس والدرس والاهتمام من بداية السنة مو بس بالامتحان بس اهم شي ما يضل يكرر الاهل جملة فوت ادرس لانها كتير بشعة بالامتحان لانه اللي ضرب ضرب والهرب هرب وهالجملة بتعمل احباط عند الطالب الدارس واللي مو دارس عم احكي واقع عايشته شام 2010-05-22 19:53:36
تكملة لل اااااااااااااااخ
أمالما بيشوفوا تشجيع من اهلهن وكلام مشجع منهن انوهنن قادرين يجيبواعلامات عالية ويدخلواالمجال يلي بدهن ياه ويلي بيحلموا فيه
اكيد رح يكون هالشي حافز مشجع وكبير للدراسة وبيخفف كتير من كابوس الامتحان .. عن جد بتمنى كل الاهالي يعاملوا ولادهن هيك
لانو مابيعلم بنفسية وحالة الطالب/ة بهيك وقت غير يلي مجربهاومحسوبتكن مجربتها
بالفعل لو ارهاب مو هيك
لانو بيضل التفكير انو ياترى رح جيب المعدل يلي بدي ياه ولا لأ .. وبيطول كتير الحديث بهيك موضوع .. بالنهاية دعواتي كـ طالبة لكل يلي عم يدرسوا بالتوفيق والنجا-سوريا
شام 2010-05-22 19:46:53
اااااااااااااااااااخ اخ
اول شي يسعد اوقاتكم جميع .. تاني شي من خلال التعليقات لقيت انو في ناس متفهمين لحالة الطالب ماقبل الامتحان .. لانو وبصراحة بعض الاهالي بهيك فترة بيعتقدو انو ابنهن/بنتهن ازا انحرموا من الطلعه وانحبسوا متل السجين بغرفتهن ال يعني على اساس رح ينجحوا ويجيبوا علامات وهنن على اكبر خطأ لانو الطالب/ة لما بيشوفوا هيك جو من الاحباط والجبر مارح تجيهن نفس على شي اسمو دراسة ... يتبع>>>-سوريا
ميدو المشاكس 2010-05-22 17:18:03
أل شهادة أل
والله انا عندي رأي بهل الموضوع
قولو عني متخلف قولو عني أي شي مابيهم ,
يلي بدهن ابنهن ياخد الشهادة مشان يتبروظو أجتماعيا , انشا الله بيرسب ,!!
والشي التاني لنشوف هل المساكين يلي عم تبظ عيونهن وهنن عم يدرسو شو بدهن يشتغلو بس ليتخرجو بعد كل هل التعب من الاهل ومنهن !!
لك ياعمي شو قيمة العلم أذا صار للبروظه أو بس لينقال عنو مهندس !! أو من هل العلاك المصدي ,
تعب وجهد ودراسة وبالاخير يامغترب ياشحاد ,
روحو شتغلوا وتثقفوا ثقافة عامة أحسن من ضياعة هل الوقت ,
-سوريا
ناقوس 2010-05-22 16:10:14
بتمنى للجميع التوفيق
انا اب لثلاث طلاب جامعيين وخضت تجربة ثلاث امتحانات اللي صار اسمواساسي وستة ثانوي ونصيحتي لكم
تذكر لحظة يوم ماكنت طالب الى ما كنت تحتاج كي ترتاح ؟. اسعى ان توفر تلك الاجواء لابنائك..مع تمنياتي للجميع النجاح .. -سوريا
مواطن سوري من حلب 2010-05-22 13:31:52
ههه
درست بكلوريا علمي ودخلت انكليزي وخلصت الجامعة وطلع روحي تلاقيت وظيفة .. والله لو بعرف هيك لكنت ما درست من الاساس .. رشيد 2010-05-22 11:20:53
الى ام يزن والى جميع الطلاب
الى طالبة البكالوريا ادبي صحيح انو كترتي حكي بس ظريفة واقول الله يعينك ويعين الطالبات والطلاب ويوفقكم وينجحكم ويبعث لكم ايام حلوة وجميلة ااقول الى ام يزن امانة ماتدعي على ابنك الصغير 0خوف انو الله يستجيب الله لا يقدر يارب امي كانت تدعي علينا وعلى اخواتي بتعرفي شو صار ؟؟؟؟؟ توفي لنا ثلاثة اخوة وجدتهم في حادث سيارة في اراضي عراقية وما قدرنا نشوفهم الله يرحمهم وظلت بقلبنا حسرة طول الحياة 0000000ارجعو ادرسو يا حبايبي والله يوفقكم -سوريا
البحار 2010-05-22 11:03:11
رد على تعليق طالبة الادبي
بدايتا ربي يوفقك وتنجحي وبعدين ياماما يلي بدو يدرس يدرس ومايتحجج بالادارة والمعلمات ومافي داعي لشرحك وتضييع وقتك هذا هو الواقع عنا في سورية في كل المحافظات الله يعينك .
فادي 2010-05-21 18:09:06
المنهاج في شي غلط
أنا بكلوريا تجارية بالنسبة ألي ما عندي شي صعب غير مادة التسويق هي مادة حفظية و المشكل أنو هي المادة حاسس حالي عم أقراها من اليمين بتطلع من الشمال و المشكل الأكبر أنو أكترية يلي معي عم يعانو من نفس المشكل بقى قلولي شو ساوي أبو الديب / حمص 2010-05-21 16:45:18
الحل المناسب
لضمان نجاح أولادكم في البكلوريا التعيسة يجب توفير البسكويت و الشوكولا لتحريك الذاكرة ولا بأس بقليل من العلوك لتمرين الحنك طالب بكلوريا علمي علمك 2010-05-21 15:55:35
لك أخخخخخخخخخخخخخخخخخخخخخخخخخخخخخخخخخخخخخخخخخخخخ
لك شو بدنا محكي نحنا طلاب البكلوريا العلمي عندك شي 360 صفحة علوم على شوية 360 صفحة فيزياء على شي 3 كتب رياضيات لك خليها لربك أحسن شي روح كفي دراستي سلام -سوريا
طورنجي كان طالبا 2010-05-21 08:43:00
لا تغيير
لا يجب أن يشعر الطالب أن شيئا قد تغيّر حتى لا تختلف عليه أي تفصيلة من تفاصيل الحياة المعتادة , لكن , الاستنفار يجب أن يبدأ من الشهر التاسع للسنة الفائتة يعني من بداية العام الدراسي وليس الآن , ثم أن توفير الجو ليس بيد الأهل وحدهم , ماذا لو كان عندهم جار مراهق أخرق يصحو على الأغاني الصاخبة وينام عليها , أو كان بجوارهم ورشة صيانة منازل ؟ أنا مع فرض قانون يمنع اعمال الصيانة المنزلية بين شهري 4 - 7 من كل عام , ويمنع دخول مكبرات الصوت المنزلية التى يتجاوز صوتها حدود 20متر -سوريا
طالبة بكلوريا أدبي 2010-05-21 06:35:23
صح المنهاج غلط4
أنا عنجد آسفة أنه طولت عليكم بس والله كل هالحكي وما خلصت والله في شي كتيييير،ما عدا المازوت يللي صار بصوبيةصفنا لما أجا الصيف قال شو؟؟نحنا شباب ومنتحمل بردخلينا نوفر المازوت لهالمديرة الختيارة المسكينةعظامها ما بيتحملوا برد أما نحنا معلش عظامنا يثلجوا لا أحلى شي بدهم بكلوريا مع تفوق مشان نقدر نسجل بالحلم المستحيل الجامعة.شكرا كتير كتير سيريانيوز لأنه عم تفتحي المجال أنه نحكي يللي عندناوشكرا الكم يللي تحملتوني سامحوني على طول حديثي. وادعولي بالتوفيق أناوكل طلاب البكلورياالمساكين.-سوريا
طالبة بكلوريا أدبي 2010-05-21 06:29:42
صح أنه المنهاج غلط3
عذرا من السادة القراء أنه طولت عليكم وبس والله قلبي من الحامض لاوي ورح طق ويطق قلبي أنه شو!! المديرة مرة عملت الامتحان التجريبي بأول نيسان كانوا البنات معطلين قامت على زماننا نحنا وعيت على حالها وماعملته لأول أيار!!ولحقوا لشوف إذا بتلحقوا هذا ما عدا التهديد كل السنةيمكن إذا عم تاكلي بتقول الموجهةما رح نعطيكي البطاقة،وأما المرشدة النفسية الله يعينا منها بدل ما تساعدنا بتحرك علينا وكلما شوفها لازم يكون في بعد شوفتها ألي جلسة بكاء طويلة من رفع المعنويات!فهمتوا قصدي!!
-سوريا
طالبة بكلوريا أدبي 2010-05-21 06:24:44
صح أنه المنهاج غلط 2
وتلت رباع حصص الفرنسي منقضيها نوم لأنه المعلمة أصلا هيه نايمة وما بتعرف تضبط الصف يعني حصة الفرنسي بالنسبة ألي صراع من أجل البقاء فايقة لآخر الحصةو أماالتاريخ فيا عيني أنا بموت بالتاريخ وصرت موت منه هالسنةالمعلمةفظيعةقال شو بدها تمشي على نظام التربية الجديدونحنا يللي منشرح الدرس وبعد الدرس إذا بقى وقت بدال ماتشرح شوي بتروح بتحكي عن همومهامسكينة صرت أعرف تفاصيل حياتها كلها حالها حال كل المعلمات الحمد لله يللي الله كارمنا بمعلمة العربي والانكليزي والجغرافية والله نعمة من عندالله.-سوريا
طالبة بكلوريا أدبي 2010-05-21 06:19:26
صح أنه المنهاج غلط
نحنا عندنا بكتب الانكليزي أخطاء ما بيستوعبها العقل ولما منجي نقول للمعلمة بتقول والله من التربية مكتوب لا تصححوا الخطأ كتبوا مثل مو مكتوب بالدليل،يعني خليكم عالخطأ وسكروا عقولكم!!!!ولا شو الفرنسي المادة يللي لا كانت عالبال ولا عالخاطر إذا أنا الحمد لله بالانكليزي بيمشي حالي وطاقق قلبي من الفرنسي كيف رفقاتي ياحرام لا بيعرفوا انكليزي ولا فرنسي؟بتعرفوا ليش؟؟لأنه نحنا بقينا لصف التاسع عم ندرس حروف الأبجدية بالفرنسي ولما صرنا عاشر صار قواعد ونصوص وكتب جامعة!!يتبع -سوريا
عبود السوري 2010-05-21 04:51:14
برئيي تعتقو الطلاب
لازم بهالفتره نترك الطلاب يحددو طريقة دراستهم بنفسهم مع مراقبه خفيفه وتحزير عند الاخطاء واقصد بالتحذير هو ذكر الخطئ واسبابه لمره واحده مو نعمل الطالب شغلتنا وعملتنا لحد ما يتوتر وما يعرف يركز بأمتحاناته طالبة صف تاسع محبطة 2010-05-20 22:30:31
منهاج غلط !!!!!!!!!
هلأ لفطنطوا لمشاعر الطلاب !؟! المشكلة مو بالجو المشكلة بالمنهاج و طريقة الفحص فصارت العلامة ليلي بيقدر يدحش هالمعلومات براسو.لاعجب ما طلع منا نحن السوريين شي من الناحية العلمية أسهم بتطور التكنولوجيا و الطب لأن نحن طول عمرنا بالمدارس بعلمونا كيف نصير ببغاوات نرددالحكي بدال ما يعلمونا كيف نبتكر و نفكر و هي الفحوص ما بتكشف عن المبدعين و العباقرة بتكشف عن اللبصيمة!! و نشكر الله أنورح يغيروا المنهاج السنة الجاي (انشالله للاحسن)!!!!!!أم عبدالله 2010-05-20 16:14:23
الجيل الجديد بيعرف مصلحته
السلام عليكم أنا عندي بنتي طالبة بكلوريا بسم الله وماشاء الله عليها ما بتحيجني قلها درسي رغم أنه هيه الكبيرة بالبيت حاليا
فالشغل عليها وتدريس اخواتها الصغار بعكس أخواتها يللي قبلها هنن صحي أخدوا شهادة البكلوريا بس والله بطلوع الروح،أنا برأيي كل جيل بيعرف مصلحته علينا النصح والإرشاد وعليهم الجد والاجتهاد.والله يوفق بنتي أسماء وجميع طلاب\طالبات البكلوريا ويكرمهم بعلامات عالية،ويعين كل الأمهات عنجد هالشهر ضغط كتير يا رب ييسر.
-سوريا
د. ربيع 2010-05-20 15:30:59
بالتوفيق للجميع
أنا برأيي أهم شي خلال فترة الامتحانات هو إلغاء الفروق الفردية بين الآباء والأبناء من خلال المشاركة في الإعداد للامتحان وكذلك الابتعاد عن المقارنات بينهم وبين أقرانهم المتفوقين لأن ذلك قد يسبب ردة فعل عكسية وعلى الآباء تجنب العنف اللفظي وتجنب الخلافات الزوجية خلال فترة الامتحان لأنها تنعكس سلباً على الأبناء وتصيبهم بالقلق والتوتر ولا بد من منح وقت كافي للترفيه لتجديد النشاط وعدم الشعور بالملل Amjad 2010-05-20 13:56:04
بالتوفيق لجميع الطلاب ... تحية خاصة لطلاب المحاسبة
اول شي ان شاء الله بالتوفيق لجميع الطلاب ابتداء مني ( سنة رابعه محاسبة ) .. تانيا انا اختي صف تاسع.. عما تدرس منيح و عما نجيبلها مدرسين خصوصي عم ياخدوا هديك الحسبة بكل درس.. بس نحن مضطرين و هنن عما يستغلوا الطلاب...و نحن عما نوفرلها الجو المناسب للدراسة و كمان شوية ترفيه مشان ما تمل من الدراسة...مع تمنياتي للجميع بالتوفيق مشان يفرحوا اهلهم مختار جامعة البعث(مرهف) 2010-05-20 13:42:30
تعليق رقم 3
وانا برايي انو مو الشعور بس بالمسئولية ضروري والتحفييز كمان كتير ضروري والو نتائجو ومنتمنى التوفيق لجميع الطلاب يارب مختار جامعة البعث(مرهف) 2010-05-20 13:41:15
تعليق رقم 2
انو ما لازم نخلي الطالب يلي كان يلعب طول السنة ونخليه يطلع براويسرح على كيفو بالشوارع ولازم نضبو باي شكل ..... وبالنهاية اي انسان بيعرف كيف يتعامل مع ابنو يعني في طلاب بالمسايرة وفي طلاب بالعنف وفي طلاب هي من حالها وبدون ما تحكي معها بتعرف تنظم امورها فما ما منقدر نحدد طريقة معينة لكل الطلاب ومو نحن يلي منقرر كيف بدنا نعاملهم لان انا برايي انو حتى الطلاب لازم يخبرو اهلهم كيف يعاملوهم او الطريقة يلي بحبو انو اهلمهم يعاملوهم فيها وهي تجربة شخصية والله ومجربة والحمد لله ناجحة
البحار التائه 2010-05-20 13:25:42
الى أساتذتي
أنتهز هذه الفرصه لتوجيه تحيه كبيرة الى أساتذتي العظام أطال الله في عمرهم أسبر باسيل جرجس مخول جوزيف عيسى نجدت المحمد أنحني أمامكم وأشكركم على كل دقيقة أعطيتموني اياها علما ومعرفه وتجارب حياة تحياتي لكم ولكل مدرسي سوريا ولثانويتي الغاليه الفارابي. مختار جامعة البعث(مرهف) 2010-05-20 13:18:15
تعليق رقم 1
اول الشي مافينا نحكم على كل الطلاب بنفس اسلوب من التوجيه كل طالب بيختلف عن التاني بطريقة توعيتو وكيفية تعامل اهلو معو ودرجة وعيو واهتمامو بالدارسة ولطبيعة البيئة يلي هو فيها وطبعا هاد الشي يلي بيحددو عدة امور .... اولا طبيعة شخصية الطالب ... تنين الاهل هنن الوحيدين يلي بيعرفو كيف لازم يتعاملو معو ... تالتا حسب كيف كانت دراسة الطالب اثناء السنة لان ما معقول طالب يكون طول السنة عم يدرس نحبسو بالبيت ونحرمو الطلعة برا البيت كرمال الدراسة والفحص والعكس صحيح .... يتبعالبحار التائه 2010-05-20 13:16:52
ألى السيده ام يزن
لا تدعي على حدا الله ايوفق الأثنين ويهديهم كنت رح ادلي بدلوي في هذا الموضوع لكن.... ليس لدي أبناء بس الدراسه في هذا الزمن الموحل تتطلب جهود جبارة فما كنا ندرسه في الصف الثامن أصبح يعطى بالصف الثالث مما وضع أعباء مضاعفه على الأهل والطلاب في آن معا الله اينور عقول أبنائنا وينجحون وتحياتي للجميع.... مختار جامعة البعث(مرهف) 2010-05-20 13:13:52
رد الى المدام رويدا والمدام ام يزن
مدام ام رويدا الله يوفقلك بنتك يارب ولا يضيعلها تعب ..... اما المدام ام يزن فبشك انك ام واعية لان طريقتك بالحكي عن ابنك الصغير وكيف عم تدعي عليه ما بظن انو في ام ممكن تدعي على ابنها بهالطريقة .. حتى لو كان غاضبها وعامل العمايل فيها ما بتدعي عليه هيك ...... فانا بصراحة بعذرو لابنك انو ما يدرس ويضل صايع بالشوارع ومستغرب من ابنك التاني كيف عم يدرس مختار جامعة البعث(مرهف) 2010-05-20 13:10:36
رد الى الاء
يا حياتي انتي شو حنونة وقلبك كبير وعم تتعذبي مع اختك خيرات الله ....... لك لو بتطلب منك اختك لبن العصفور لازم تلبيلها ياه وبتقدري تساعديها بانك تلخصيلها شوية دروس او تفهميها شي ما فهمتو او حتى تسمعيلها في الف شغلة غير الشاي والقهوة والمليسة يا مليسة قلبها لاختك سليمان العميرات 2010-05-20 12:23:35
ترتيب الأفكار ...وكثير من المتابعة ... وقليل من ال
لعل ذلك يجدي مع الطالب المحترم.
أما الطلاب يلي بالي بالك فالأجدر أن يتابعه الأهل متابعة دقيق وأن يتدخلوا في وضع برنامجه اليومي، والإشراف على تنفيذه.
والله ينجح كل طلابنا.
-سوريا
أم يزن 2010-05-20 11:55:08
ابني يزن وابني سمير
ابني صف بكالوريا وكل يوم عم يدرس حوالي 16 ساعة ولا بعيط عليه ولا بأمره ولا بحياتي قلتلو دروس وأخوه التاني صف تاسع وطول الوقت لعب ولهو ما بعرف شو السبب ليش واحد فوق فوق وعال العال وواحد تحت وما عم يفهم لا بضرب ولا بكلمة طيبة .. مشان الله ساعدوني لأنو ابني الصغير شيبني ورح يموتني ناقصة عمر وأنا عزائي بالكبير أما الصغير فإن ما نجح هالسنة رح بطلو من المدرسة ولاقيلو شغلة وريح بالي من همو لأنو الدراسو إلها أهلها والله يخليلي إبني يزن ويقصف عمر إبني سمير لأنو طققني .. قولو أمين
-سوريا
R-A 2010-05-20 11:31:28
تقرير مصير
صباح الخيرللجميع..أنابنتي عندها بكالوريا..لمابدت عطلةالدراسةأول كلمة قلتلا ياهاأنه ماتضيع ولا دقيقةمن وقتهالحتى ماتندم..وأنه هي عليها تدرس وأنا عليي وفرلهاجوالدراسة،طريقة الضغط والقسر والصرامةمابتفيد،لأنه الطالب بيعيش بجوالرعب وبتكون النتيجةعكسية بنتي عطيتهاثقتي فيهابأنهاقادرة تشعربمسؤوليةهالمصيروتحملهاوتعتمدعلى نفسها بإدراكهامدىأهميةهالمصير وأنه حياتهاومستقبلها،ومصيرهامتوقف على هالفترةعلمتهاأنه تعطي الدراسة حقها لحتى تلاقي ثمرتهاوالشهادة فيهاكتييير مفاجآت وبالنهاية كله توفيق من رب العالمين.
آلاء 2010-05-20 11:16:56
أختي بالصف العاشر
و الله أنا بعمل لها شاي و مليسة ما فيني أعمل أكتر من هيك -سوريا
عصام 2010-05-20 10:58:15
التفاؤول
يجب أن يبدأ التعامل مع الأبناء منذ بداية السنة و ليس قبل الامتحان فقط , لأن فترة ما قبل الامتحان فترة قصيرة بشكل عام و لن تغير الكثير إذا لم يكن هناك جهد مسبق للطالب طوال السنة الدراسية , بعنى آخر الآن قبل الامتحان بأيام يلي ضرب ضرب ويلي هرب هرب , ولكن على أي حال الدعم النفسي مهم ولا بد من تشجيع الطلاب على التفاؤول و الأمل.
-سوريا
رشيد 2010-05-20 10:14:59
ادعو لكم بالنجاح والازدهار
انا برأيي ان الحل الوسط افضل شيء----- اي ان الطالب يجب ان يكون من صغره مدربا على التنظيم الدراسي اولا باول0000 ومن ثم عليه تحمل مسؤوليته لوحده بالنسبة للدراسة وايضا انوه الى عامل الطالب نفسه ان كان عنيدا او متحمل للمسؤولية اي متجاوب او لا وردات فعله عند الضغط عليهاو التدخل في شؤونه وما الى ذلك 0000000اتمنى لجميع الطالبات والطلاب النجاح الباهر والتوفيق في دراستهم وفي حياتهم المستقبليةلرفع راية الوطن 00000000 وشكرا لجميع الاهالي على جهودهم الجبارة -سوريا
copy rights ©
syria-news 2010
