باصات الدائري الجنوبي...ياوزارة النقل الى اين؟؟
نداء للمرة المليون الوضع مســتحيل ولا يحتمل تلك باصات الشؤم تجعل آلاف الناس يتذمرون ويصرخون وينادون ولكن هل من مجيب ؟؟
كل يوم ترى العجب وترى التخلف وترى مشــاهد لايمكنك
تخيلها ولا يمكن ان تصدق هذا الوضع الذي لايحتمل ولكنه محتوم على هؤلاء المساكين
الذين يضطرون لركوبه يومياً وتحمل مالا يحتمل من مضايقات وتحرش بالنساء وسط
الأزدحام الذي لا يفارق الباصات صباحاً ومســاءً والمقاعد هيهات ...
والزمن الذي يتعدى الساعةونصف غالبا كي تصل الى بيتك او مكان عملك والأختناق
المروري الذي تســببه تللك الباصات المحترمة والأنيقة ان
الباص حقيقة يتوقف أكثر من ان يمشي ويتســبب بتلوث هائل للبيئة وللمدينة
.
نرجو الأطلاع وشكرا
احمد ادلبي
Samer 2007-03-31 02:23:19
أعشق هذه المواضيع
لأنها تسلي الشعب و يحلم بأنه ينافس السويسري في حرية الرأي و الكل يطلق العنان لحلقه بلا خوف لأن مجال الزبالة و الباصات لا يستثمرها بعد فلان من الناس, نرجو من الحكومة العزيزة عدم خصخصة الباصات و الزبالة لحساب فلان نفسه وإلا لفقدنا أخر معقل لحرية الرأي والتعبير.-fr
loda 2007-03-30 18:56:26
what is this
this is my 1st time in sharing comments on this web.frankly i took a decision not to use any bus coz it is embaressing and makes me shy although i cant get my job except by bus so i took a taxi and that costs me too much coz my job is too far and i really need my money.at the end of the month i go walking coz i spend all my money and i cant take the bus-alep
محمد 2007-03-30 14:23:15
ما في أمل
والله مافي أمل طالما الفساد موجود باصات أعرض من شوراعنا بدا ضل موجودة فساد وزارة و مديريات النقل مشهود له و خلي زلمة من المسؤولين يعمل برنامج على الهوا "حقيقي" و يشوف ... كان مرة شوفيير باص عبيقول أنو الباصات الموجودة على الورق باصات أوربية بمكيفات و بتناسب كون الركاب بشر و دمتم-سوريا
سوري 2007-03-29 23:06:39
حل المشكلة هو:
برأي الشخصي انه المشكلة مارح تنحل إذا ما سحبوا السيارات من الوزراء شي شهرين زمان واجبروهون على ركب الباصات العامة مع الشعب ليحسوا بالمعانات وانتظار الوقت الطويل الممل، --
سوري 2007-03-29 23:02:05
سائقين متخلفين
من فترة قررت اني اركب باص دوار جنوبي من جنب الجمارك، وبعد وقفة حوالي النصف ساعة اجا باص فاضي مسرع من دينو واشرت للشوفير ليوقف بس هو الثاني اشر بإيدو لورا بدون ما يهدي ومن شان يفهمني انه في باص ثاني وراءه وبعد نص ساعة ثانية مر الباص اللي بعده وكان محشي حشي بالناس وماوصلنا للمجتهد إلا والباص عم ينازع من كثر الركاب اللي منتظرين مثلي، والشوفيرية هن السبب--
محمد 2007-03-29 22:31:14
جريمة
طبعا ماحدا سائل عن الشعب نفس الباصات القديمة عطوها لواحد قطاع خاص طيب ليه ماالزموه بان يجيب باصات جديدة؟وكمان التسعيرة اصلا كان ربحان وعما يدفع للمواصلات والموظفين عندو الموظفين اللي مو عندو وموفية معو ليش رفعو التسعيرة ؟ بالاضافة انو الخط اللي ما بيعجب المتعهد بيحذفو وبلا شعب بلا بطيخ مثل ما صار بخط صلاح الدين والله ايام ما كانت الدولة مستلمة كان -سوريا
سوري متذوق عذاب السرافيس 2007-03-29 16:29:02
اقتراح ح ح ح ح
الباصات لازم اتطون للدولة يعني عامة من شان التحكم بعددها وخص سيرها وكمان لازم يحطو محطات وقوف خاصة للباص ومابيصير ايوقف ألا فيهاوحلون يعني يبلشو ببناء محطة قطار تحت الأرض لأنو على الأقل بدا عشر سنين وألا اتخيلو شو ح ايصير بدونها بعد عشر سنين-يونان
أبو حلب في الغربة... 2007-03-29 10:34:05
بلغ السيل الذبى ...
الباصات عمرها أكتر من 30 سنة و لو نطقت لكانت حكت العجايب....
بتمنى تذكروا اسم المسؤول عن الحالة المزرية لهالباصات , و هي مسؤولية مهنية على سيريا نيوز انها تفضح المتسببين بهالمهزلة...-دبي
مغترب حزين 2007-03-29 06:59:58
الله لا يوفق اللي كان السبب
كنت في سورية من حوالي شهر وجربت باص الدائري لأني أردت أعيش كل لحظاتي في حلب بس ** شوهالقرف تعو شوفو البلاد العربية التانية كيف عايشين لك لإيمتا رح يضل الشعب السوري عايش عيشة الحيوانات صرعوا راسنا بالتطور والإنجازات عملوا سورية بلد الله المختار في الأرض الله يفرجينا فيكن يوم ونشوف ولادكن طالعين بهالباصات محشورين متل ماحاشرين هالشعب -UAE
حلبي 2007-03-29 02:33:26
طلب توظيف
أعتقد انه عندما تم تعيين السائقين والمرافقين للعمل على خط الدائري الجنوبي ، كان من ضمن الاوراق المطلوبة ورقة محكوم بجرم شائن او مشاجرة وبمدة لا تقل عن ثلاثة اعوام ؟؟؟؟؟؟؟؟؟؟؟؟-سوريا
حسام 2007-03-29 01:52:54
حلب
اللي عام ياكل عصي م ومتل اللي عما يعدون والله بتمنى طلعة الباص الدائري لكل عدو والابشع من ذلك انو بيجيلك كل معاون بتقرف تطلع بوجه بتلاقيه نفسية لعند الله ولا بيحسبوا حساب لهالشعب وانا صار يمكن خمس مرات من سنتين لهلآ علقت مع المعاونين تبع الباصات لانهم **** بكل معني الكلمة وانا كلامي هاد بثبته بأكتر من محضر بمخفر الزبدية هل من مجيب -الله يرحم مدينة القدم والعز
مواطن 2007-03-29 01:38:43
اقتراح
الى المعذبون في باص الدائري الجنوبي بحلب ، لن يفيد الحكي فالموضوع مدفوع ثمنه .
اقترح على من بيده القلم ان يكفر عن سيئاته بالسماح لسيارات الاجرة بالعمل كسرافيس على الخط وخاصة التي لم تنمر عمومي . وبهذا نكون قد تم حل مشكلة السيارات والمعذبون في الدائري بآن واحد .
-سوريا
متحسر عالوطن 2007-03-29 01:25:23
تدخين
ليش يا شباب هالهجمةعالباصات و خاصة الدائري الجنوبي؟ فقد أمن هذا الباص المتنفس الوحيد لشريبة وحشاشة السجائر, فأصبح لديهم مكان يجلسون فيه ويدخنون برواق بدل من الوقوف في الشارع....
ياشباب عدا عن كل الذي ذكرتموه هناك مشكلة التدخين في هذه الطراطير التي فرضت علينا, فلا رادع يردع , وكثير منهم لا وعي و إن وجد فلا إحساس لديهم بأن التدخين السلبي أشد ضررا -سوريا
اسامة 2007-03-28 22:14:05
الدوار الجنوبي بالشام ولا الدائري الجنوبي بحلب
ياجماعة أنتوا على اي عمتحكوا على كل حال الاتنين فايتين بالحيط بس تعوا شوفوا البهدلة يلي بالعاصمة الباص بياخد من باب شرقي لمشفى المواساة الظهر أكتر من ساعة ونصف يعني منصل على حمص فيها بس منك لله ياوزير النقل -دمشق
الحلبي 2007-03-28 19:00:22
الاخرة خير وأبقى
يا أهالي حلب الكرام,أنا أؤيد الأخ الذي قال أن حكومتنا الرشيدة و موظفيها ذوي الأيادي النظيفة والنفوس التقية الورعة حريصون أشد الحرص على أن يعملون لنا تجربة صغيرة على جهنم لأنهم واثقون أننا سندخلهاجميعا لكثرة ما نلعنهم ونأفكهم و نرجمهم بما ليس فيهم طبعافمعاذالله أن يكونوا عصابة سافلة همها الرشوة والسرقة والمحسوبية و...بالمواطنرامي خياط 2007-03-28 18:07:48
اقترح كتابة عريضة لجمع مائة ألف توقيع
اقترح أن يتم كتابة عريض على الإنترنت لجمع مائة ألف توقيع نطالب به وزارة النقل أو محافظة حلب أو ربما السيد رئيس مجلس الوزراء لإلغاء الباصات وخاصة الدائري الجنوبي وتبديلها بباصات 24 راكب. وربما يصبح العدد مليون توقيع بسهولة حيث أن سكان حلب تجاوزوا 3 ملايين والأكيد أن مليون منهم يضطر لاستخدام الباص الدائري الجنوبي مرة كل يوم أو كل شهر أو كل سنة-مغترب كان بحلب من شهرين
مواطن حلبي 2007-03-28 16:17:29
كلن بمشوا لا قدام ونحن منمشي لاوارا
منذ عشر سنوات تم استخدام المكرو بدلا من الباصات القديمة التي تشغل ثلاث ارباع الطريق او كله احيانا عدا مشاكل التحرش الجنسي والسرقات والبطئ الشديد والتلوث والدخان المتصاعد وكان استخدام المكرو نقلة مهمة الى الامام ومفيدة للمواطن وها نحن نعيد استخدام هذه الباصات التالفة ونعنود الى الوراء-سوريا ..الله يرحمها
أبو المر 2007-03-28 14:20:10
متعه المغامرة
والله مش عارف عنكم ياجماعة انظروا للموضوع من ناحية تانية متعة المغامرة أثناء ركوب الباص يعني لما بكون طالع بباص سيف الدولة وبيوصل لعند جسر سيف الدولة بيبدا قلبي يدق وبقرأ آية الكرسي 1000 مرة وبتشاهد مليون مرة بعدين الملائكةبتجلس هالباص وربك بيلطف وبعين يعني برأيي هي الأجانب بيدفعوا مصاري ليعبشو هالمغامرة بس سبحان الله انتو لا بيعجبكم العجب ولا صيام برجب-
مواطن 2007-03-28 14:25:59
باصات الزبالة
اذا خيروك بالذهاب لجهنم أو ركوب باصات الدائري الجنوبي تختار دون تردد الذهاب لجهنم.-
أبو المر 2007-03-28 13:35:37
سوريا الى الامام
*ياشباب يلي ايده بالنار مو متل يلي ايده بالمي و يلي عبيا كل العصي ماو متل يلي عبعدهاالمسوؤلين يلي رجعوا الباصات مو سائلين علينا كل واحد منهم عندوا كراج سيارات وشوفيريه على حسابنا
* بعدين الجماعة هيك مفهومهن عن التطور كان المكروا بيسع 14 راكب طوروا لباص بيسع 150 راكب عالمرتاح
* كانت التوصيلة 20-25 دقيقة طوروها ل2 - 2.5 ساعة....الخ. -اليمن
مواطن 2007-03-28 13:27:17
باصات الخجل
اذا اردت ان تشعر بشعور الحيوانات وهي تنقل من مكان الى آخر ، وان تسمع الالفاظ النابية ، و ان تتعرف كيف يخدش الحياء ... فما عليك سوى الصعود الى باص الدائري الجنوبي بحلب .
وحسبنا الله ونعم الوكيل ياوزارة النقل .-سوريا
حريري 2007-03-28 13:13:25
دائري دوار
دائري جنوني دوار جنوني، الألم واحد. وإذا كان السيد الوزير مستصعب الطلعة ع حلب يمكنه تجريب رحلة بالمكافئ الشامي. ياريت بدون أي تحضيرات بروتوكولية اعتدنا عليها. فقط يروح ع دوار الجمارك أوباب مصلى ويشتري كرت من السائق ويقطع متل الأكابر.-سوريا
سوري غير شكل 2007-03-28 11:52:30
حافظوا على كرامتكم
في إحدى اللقاءات مع مدير العام لشركة التقل الداخلي تحدث أيضاً عن الفرق بين السرفيس والباص فقال في جميع دول العالم تعتبر السرافيس مؤثرة على كرامة المواطن فهو يضطر للإنحناء عند الدخول والخروج وفي الباص يدخل المواطن ويخرج منتصباً الأمر الذي يحافظ على كرامته،اتحدى المديرين والوزراء أن يركبوا الباص في سورية ويحافظوا على كرامتهم.-
أبو حسن 2007-03-28 11:46:50
إزهاق أرواح
الأخوة المعلقين تحدثوا عن الإزدحام داخل الباص والأزمة المرورية التي تسببهاالباصات ونسيوا ناحية أن هذه الباصات غير مؤهلة للعمل داخل المدن لأن السائق داخل قمرة قيادته غير قادر على رؤية أي شيء يكون أمام الباص مباشرة فمنذ فترة دهس باص الدائري الجنوبي فتاة عمرها19 سنةكانت تمر أمام الباص أثناء وقوفه...شكراً لسيريانيوز-سوريا
مواطن 2007-03-28 11:17:18
باصات القرف
أعتقد أن هذه الباصات كانت مخصصة لنقل الأغنام والحيوانات من البادية السورية الى موانىء الشحن ، وفجأة دفع المعلوم لأصحاب القرار وحولت الى خط الدائري الجنوبي لنقل المساكين .
طبعا اصحاب القرار سياراتهم على الباب تنتظرهم ماذا يهمهم ، المهم قبضوا .
-سوريا
حفيد الفينيق الأول 2007-03-28 09:35:00
مافي خواص... عوجة.
الى السادة المعلقين المحترمين... ما هو أكيد أن الوضع أصبح غير محتمل, ولكن طالما أن وراء الأكمة ما وراءها والسادة السائقين مسلحين ومعروف من فين السلاح... خدوا حسبكم الله... بس تأكدوا انه في يوم واحد, يتفقوا الكل ما يركبوا الماخور النقال (الباص).. وشوفوا شلون السيد الوزير رح يتفضل وتطق براس موظف صغير متل ما صار بقصة البلاليع وطار رئيس فوج الاطفاء... عوجة.-سوريا - أرض الفينيق
عاشق سوريا 2007-03-28 07:47:19
يوم الحشر
نشكر الحكومة على تلك الباصات التي قدمتها لنا يا أخوان إن هذه الباصات التي تشكون منها تقدم لكم خدمة غدا في يوم القيامة تذكرونها وتقولون آه ما أحلى باصات الدولة .... الباصات يا أخوان بروفة تقدمها الدولة لنا لنكون مستعدين ليوم الحشر العظيم ولكن الفرق اليوم إننا نعرف بعض في الباص وغدا لا نعرف أحد ... نشكر حكومتنا المؤمنة بيوم القيامة ههههههههههههههههههههه-سوريا
مغترب 2007-03-28 07:23:56
قلبنا من العجور منجور
دائماً نقول أن الوضع صار أحسن ولازم نرجع نعيش ببلدنا متل كل الناس، في إجازتي الماضية خبرني أحد الأصدقاء أن هذه الباصات مستثمرة من قبل عضو بمجلس الشعب وبالتالي مافي داعي نحكي لأن الرجال وضعه مظبط، بس آآآآه يا حلب والله يعينك يا شعب حلب -فرنسا
عبد الله أنيس 2007-03-27 22:03:24
ما بدي احكي كتير
المشكلة أننا بواد و الذين طرحوا الباصات للعمل مرة أخرى بواد آخر عاجي و فيه الكثير من الشبابيك السوداء...إلهي أشوف فيهم يوم و يطلعوا بهالباصات لحتى يدوقوا من طبخهم يلي عبتاكل منه الرعية
-سوريا الغالية
ابو العز 2007-03-27 19:07:10
حلبي
أقولها وبصراحة إلى كل من يريد أن يمس شرفه أو يسرق أو يعتدى عليه بدون ذّنب ان يركب في باصات الدائري الجنوبي والحل هو أن يسحب التعهد من هذه **لكي نقترب قليلاً من الحضارة -سوريا
عامر 2007-03-27 19:08:27
ياجماعة يئست
ياجماعة أنا ممكن غير البيت يلي ساكن فيه بشان هالشغلة كل يوم نعاني من نفس المأساة الى أين ياوزارة النقل رجعولنا السرافيس بشان الله أصلا أحسن رفاهية جابتها الحكومة للمواطن هي السرافيس لكن هل من مجيب ؟ -سوريا
رضوان نظام 2007-03-27 18:52:00
اعتراض
اعتراض شديد على تسمية هذه الأشياء باصات، فالباص حسب التعريف الحضاري، هو الوسيلة التي تستخدمها لتخفف من مشاق التنقل، فإذا كان ركوب هذه الأشياء يسبب الصداع و القرف و التعب فكيف نطلق عليها اسم باصات-سوريا
من فرنسا 2007-03-27 18:12:25
الشواحيط النتنة
الكل يعلم من هو المستفيد الوحيد من استثمار هذه الشواحيط النتنة التي تسمى باصات الدائري الجنوبي,وما تسببت فيه من ازمة مرور التي هي موجودة اصلا في حلب,ومايتعرض له خواتنا من مضايقات لا أخلاقية لا يرضاها أحد بما فيهم مستثمر الباص لبناته وأخواته.ليأت هذا المستثمر ومن استفاد من ورائه من اصحاب القرار وليشاهدوا بأم اعينهم ماعليه الوضع في هذه الشواحيط النتنة.-فرنسا
مواطن 2007-03-27 17:31:25
العالم بمشي الى الامام ونحن الى الوراء
اتمنى من اللجنة التي اعطت الموافقة على عمل هذه الباصات ، ان تعاقب برحلة ضمنها من أول الخط الى آخره .
ياترى هل ترضى هذه اللجنة ان تركب عائلاتهم بها؟؟اعتقد لا ، لانها باصات مخصصة لنقل الحيوانات ( ربما لاترضى بها الحيوانات ).ودمتم لهذا الوطن ياوزارة النقل. -سوريا
مواطن 2007-03-27 16:53:12
مواطن
هل من المعقول أن الفترة الزمنية التي يقطعها باص الدائري هي نفس الفترة الزمنية ذهابا هي نفس الفترة الزمنية ما بين حلب وحماة فعلا شيء لا يحتمل طبعا كل ذلك إذا ما تغاضينا عن الإختناقات المرورية التي تسببها أو عن التصرفات اللاأخلاقية بسبب الزحام ( من سرقة إلى تحرش إلى ....) ولا أعرف ماذا ينتظر القائمون على هذه الفكرة أكثر من ذلك فشلا وفهمكم كفاية-سوريا
أم سامر 2007-03-27 15:39:10
70000 ألف مقال
حول الباص الدائري يا أخي شو منتظرين أتعبتونا في كتابتكم حول هذا الموضوع لا أحد يريد الرد عليكم أكتبوا وأكتبوا لا أحد من مجيب -سوريا
copy rights ©
syria-news 2010
