آه يا شام - الأرصفة الجديدة بدمشق سيئة -
اذا كان من الضروري تجديد الأرصفة بمدينة دمشق فلماذا لا نفعل ذلك بالشكل الصحيح؟
مررت في كورنيش التجارة قادما من ساحة العباسيين ورأيت ورشات تبديل الأرصفة. مشيت فوق الرصيف الجديد وفوجئت بسوووووء التنفيذ. كل بلاطة لها ارتفاع مختلف. هذه الأرصفة لا تنفع لمسير الكبار في العمر وتسبب ألم الظهر لصغار العمر. صدقوني وجربوا تلك الأرصفة الجديدة.
و من ناحية أخرى أين هي الأمكنة المخصصة للمعاقين (أجزاء منخفضة من الأرصفة)؟ إن هذه الأمكنة – إن وجدت - غير صالحة للاستخدام من قبل المعاقين الذين يعتمدون الكراسي المتحركة.... لماذا الهدر وسوء التنفيذ؟...
أظن أننا نستخدم نفس المواد والتجهيزات المستخدمة في الدول المتقدمة والفرق أنهم ينفذون بأمانة واحتراف - بضمير حي - أما نحن - نعمل بضمير ميت - فلا يهمنا إلا كيف نسرق وكل هذا على حساب الدولة والمواطن .
يرجى من رئيس البلدية
أو حتى المحافظ التكرم بزيارة الموقع والتأكد من شكواي. مع العلم أن الرصيف كان
أفضل 1000 مرة من الجديد.
فريد الأسمر
شركه بحبوح اخوان 2007-06-09 16:30:51
للتنويه
الساده الكرام والزائرين الافاضل نشكركم على تعليقاتكم ولكن نتمنى منكم بان تكونو منصفين في ارائكم وعدم التجريح والاتهام بغير حق..وان تكونو صادقين مع انفسكم وللمعلوميه نتمى منكم زيارتناورؤية التقارير الاختباريه لمنتجاتنا المطابقه للموصفات القياسيه وكذلك ليس لنا علاقه بتنفيذ المتعهدين علما بأنه نتمتنع عن التعامل مع المتعهدين ذو سمعه سيئه .....وشكرا لكم-سوريا
فراس 2007-06-07 03:23:39
راح اتمو جاهلين
ياحرام شو راح اتمو جاهلين بدكن 100 سنه ضوئيه لحتى تعرفو اتعيشو متل العالم والناس لك شغله جديده عليكم وحضاره جديده مو غريبه يطلع منكم هيك حكي...لك يكتر خيرهم انهم عرفونا على شي اسمو انترلوك بس الظاهر انكم ما بتعرفو بشي اسمو شكل حضاري متل الدول الاوربيه -السعوديه ابن سوريا
بين الهدب دمعة 2007-04-29 21:42:28
فاضيين ورايقين
شايف الشباب فاضيين ورايقين العالم مالها سيرة غير البلاط والارصفة ياعمي ا1ا الدولة هيك بدها نحنا شو بدنا بوجع الراس كلها دعسة رجل بتدعسها شو عبتدعس عدهب حتى مكبرين الموضوع كلو
بعدسين ماحلكم تتعودو على هالاسلوب يعني حتى الشارع بعد مابيتزفت بيومين بتلاقيهن جمعو ورشات الحفر وبلشو شي مشان المي وشي مشان التلفون وطمروه بشوية تراب واذا اتذكرو برشو شوية زفت -الضمير الحي
قارئ 2007-04-04 20:48:32
حكاية كل يوم
كل الناس عم تشتكي من الأرصفةالجديدة وتستغرب لماذا يتم تبديل القديمة مع أنها جيدة جدا؟ لماذا لا يتم تبديل فقط الأرصفة التالفة؟ اللي بيشوف المساحات الكبيرة من الأرصفة اللي بتكون في أماكن لا يمر عليها مخلوق ولساتها جديدة وعم يشيلوها ويغيروها مابيقول غير يكسر ايديهم . هذا تخريب وهدر ومعروف الغرض منه. سؤال: شركة بحبوح المصنعة لبلاط الأرصفة ياترى قديش ناصر أخاه الفقير منصور 2007-04-04 13:32:42
ياريت ....ياريت ...ياريت
ياريت بدل هالأرصفة ترخصوا البندورة والبطاطا والكوسا والخيار والبصل والباذنجان والفليفلة و...و.... يعني شو بدي طعمي ولادي رصيف وبلاط ورمل الأول الواحد بيفكر بالضروريات بعدين بالتحسينات ... لك وين أعضاء مجلس الشعب والوزراء ياجماعة الفقير عم يموت والله حرام البطاطا عنا بحوران مو مكلف الكغ 3 ل. س عمينباع بـ40 ل.س الله لا يسامح يلي عميغلي لقمة العيش-مافي دولة ولا تموين
لول 2007-04-03 20:30:31
عوجة
ما في حدا ما علق على الارصفة الجديدة و ما في فائدة..لدرجة اني بكل بلد بزروا صرت قارن بين الرصفة و على الغالب الرصيف بكون عبارة عن جبلة اسمنت ملون او غير ملون و املس و بسيط ....عوجة-
انس 2007-04-03 16:49:22
مو معقول
يعني أنا ما عم افهم ليش عم يبدلو الارصفة ويبذلو المصاري على شيء مو ذات أهمية كبيرة
لو انهم بهدول المصاري بيعملو شي معمل ويشغلو الناس العاطلين عن العمل مو احسن Mahmoud 2007-04-03 15:02:47
آخ
أريد أن أسأل لماذا الألوان ؟ ومن ثاني يوم بعد الترصيف لا نرى أي لون ظاهر يصبح الرصيف كله لون واحد - والله متل السحر
أريد أي واحد يرد انو ضل الرصيف على الألوان المشكلة-سوريا الحبيبة
التعيسة السعيدة 2007-04-03 14:42:43
فظاعة
حمدوا الله أنو عم يبلطوا الرصيف بكرا انزلوا على ساحة السبع بحرات وشوفوا من كتر مو كبار الأرصفة كأنوا بلطوا الشارع ما صفي غير يبلطوا الزرقا السيارات بتصير تمشي على الأرصفة والعالم على الأساطيح-خضرة يابلادي خضرة
Bayan 2007-04-03 13:09:08
رصيف السيارة!!!
أنا بس بدي افهم شو كانت مشكلة الأرصفة القديمة؟؟ والله كانت حبابة وظريفة وبتقضي الحاجة.. بعدين الرصيف لمين غير للسيارات؟؟ بتلاقي السيارة صافة على الرصيف والمشاة بنص الشارع عم يمشوا!!! لو كلفة تغيير هالأرصفة بكل الشام وضعت في مشروع فعلا يحتاجه أهل الشام ما كان أحسن؟؟ بس فعلا متل ما سمعت مرة واحد قال: الظاهر نصبة كبييييييرة!!-Syria
بلبل 2007-04-03 12:57:53
الأرصفة مافي منها
ياريت ماتحكو على الأرصفة لانو بكرا بيصدروا قرار بتغيير الارصفة لنوع أحدث نتيجة الشكاوي-دمشق
الحلقي 2007-04-03 11:53:37
الحل
المشكلة...ان المتعهد يعمل لاجله وأجل واسرته فقط ..العالم اللي حوله لعمرو يموت
الحل...التزام بمبدأ الدين + ضمير + حب الاخرين + إخلاص ....وحاسبوني اذا ما تحسن الوضع 180 بهذا الحل والسلام-عروس الجنوب
ابن البلد منصور 2007-04-03 10:49:22
يضربوا على هيك أرصفة
يعني ما بيمشي الواحد عليها يومين ثلاثة بتلاقي الطبقة السطحية ذهبت ، بعدين ماعم يحطوا الرمل بين البلاط بشكل كامل بتلاقي الفراغات بين البلاط شي مليان وشي فاضي مما يؤدي إلى تزحزح البلاطات من أماكنها ، أنا شفت نفس طريقة التنفيذ بدبي ولكن شو جاب لجاب ... بعدين عنا هيك شوارع وزفت وحفر ومطبات وريغارات بدها هيك أرصفة هفتانة .. -
كل شي عم يخلص 2007-04-03 09:32:07
بس مات وطن
هذا التحقيق مهم جدا لانه بالفعل مات ضمير هذا الوطن عندم سالو رئيس الوزراء الاليزي عن سر التقدم لبلاده اجاب بكلمه واحده بالضمير. بعتقد انو الضمير عنا غاااب وما لو وجود ابد والله شي مؤسف ومحزن .زمان كان عنا ضمير واخلاق وهلق عنا تضمير واخلاء.بجبله كانت اعمال الكونيش من 30 عام افضل ب300 مره من ه الجلعصه واللغبصه لك شي بقرف الله برحمون كانو احسن مننا-سوريا
يونس الناصر 2007-04-03 08:25:32
صباح الخير للسيد محافظ دمشق
لقد مل سكان دمشق من كثرة تبديل الارصفة فنقترح ان يتم تطبيق الموجود في باريس حيث يقومون بصب الارصفة صبةاسمنيةأبدية بدون استخدام بلاط الارصفة الذي لا يلبث ان يصبح نوافير ماء في الأرصفة كما ان كلفته بكل الاحوال ارخص لان العمل ينفذ مرة واحدة والخسارة الوحيدة لمتعهدي تبليط الارصفة والنباتات الطفيلية الأخرى و سوف يضيف انجازاكبيرا وخيرا جديدا" -سوريا
HASSAN 2007-04-03 03:53:08
يا حبيبي
سدؤني مابيعرفو يعملو شي-SYRIA
فرتوك 2007-04-03 00:35:34
الأرصفة
شكلون ما عم يكبسو الرمل ويسوو قبل ما يحطو الحجرات مشان هيك شي طالع شي نازل, بعدين ما عم ينضفو وراهون وإذا زادت كم حجرة بيتركون على الرصيف مشان العالم يتفركشو فيهون. -سوريا
مراقب الأرصفة 2007-04-02 18:41:00
ولسه كمان مفاجأة
وليس ما ذكرته وحسب يا سيدي، إحزر ما يحدث الآن: حتى الأرصفة الجديدة بدأت إعادة حفرها!!!! وفي ساحة السبع بحرات يوجد رصيف تعمل فيه شركة الكهرباء واقتلعوا كل البلاطات الجديدة،وعندما سيردمون سيستخدمون التربة القديمة بدل من الردم النظامي وسيخفس الرصيف الجديد ويتبهدل.. أماشوتخطيط!!وين المحافظة تشوف !!-سوريا الجميلة
عنصر من المشاة 2007-04-02 17:36:52
التجهيزات اللازمة
أود ان اضيف بأن جميع الأرصفة الجديدة على نفس السوية من الرداءة وسوء التنفيذ، إلا إذا كان الغرض منها هو تشكيل الألوان (أصفر مع أسود مع أحمر)، ويمكن أن تكون الغاية هي إجبار المارة على السير على الطريق وليس الرصيف وترك الرصيف ليستخدم ككراج يصف عليه الكبارية سياراتهم العديدة والعزيزة على قلوبنا.-Al Sham
علي بابا 2007-04-02 16:43:46
التم المتعوس على خايب الرجا
يعني لما بيكون المعلم بالصف فايت بالحيط بيطلع الطالب فايت بالحيط وبيرسب ولما بيكون الضابط المدرب في الجيش غبي وحاقد وتافه رح يطلع العسكري بدون ضمير او شرف وطني ولما بيكون المحافظ أو رئيس البلدية بهالمستوى المتدني من المتابعة والمسؤولية رح يطلع الرصيف فايت بستمية حيط بس انا يللي مستغربو من الناس انو بيقدمو شكوى للمحافظ او غيرو؟؟
كلها مسخرة بمسخرة-خليط الجنسيات
copy rights ©
syria-news 2010
