اصلاح وتحسين العقارات .. وازعاج الجوار ؟
قد تبدوا قضية خلاف ازلية لا حل لها ..!؟
وتجلت هذه القضية في حركة سوق العقارات النشطة خلال السنوات الماضية وعمليات البيع والشراء التي لا بد ان تتبعها عمليات تصحيح واصلاح وتحسين للعقار ، هذه العملية التي تمتد الى اشهر طويلة وتبدأ في ساعات الصباح الباكر ولا تنتهي حتى المساء ، لا توفر عطلة او وقت راحة او قيلولة .. ولا تراعي ظروف البيوت المجاورة ..
من جهة اخرى ماذا يفعل اصحاب العقارات التي بحاجة للاصلاح او التحسين ؟ حيث كل واحد منا معرض لكي يمر بظروف مماثلة وهو مضطر الى القيام باعمال الحفر والهد والترحيل .. ؟
ما رأيك .. كيف يمكن الموازنة بين عمليات اصلاح وتحسين العقارات وبين ازعاج الجوار ؟
رجل قانون 2008-12-17 17:40:27
القانون واضح
يا جماعة القانون واضح بهادا الموضوع واللي عم يعملو ترميم لبيوتون لازم يكون عندون خبر بالموضوع.
أعمال الترميم محددة من الساعة 8 صباحاً حتى الساعة 3 ظهراً ولا يجوز تحت أي ظرف تجاوز هذا الوقت .
ويحق للمتضرر قانوناً أن يقدم شكوى لمخفر الشرطة باعتبارها مخالفة تؤدي إلى ختم العقار لمدة شهر.
بس نحنا منقول معليش.. والجيران لبعضها.. أو منخاف من فوتة المخفر.. بس يا جماعة القانون لازم ياخود مجراه.. يعني شو بيصير بالجار إذا دفعلو شوي زيادة أو تأخرت التصليحات عندو.. بتمنى ما تفرطو بحقوقكون
-سوريا
الجار للجار 2008-12-17 13:20:15
معاناة
أنا أول واحد سكنت بالبناية و حين بدأت بالاكساء أول شيء فعلته هو اني قمت بتركيب ساعة ماء و ساعة كهرباء و الآن بعد ان انتهيت بدأ جيراني بالتجهيز فقاموا بعزل اسلاك الكهرباء التي تخرج من الساعة ووصلوا أكثر من كابل لتشغيل ورشات الاكساء(النجارة و الدهان والكومبريصة.......)دون أذن أو دستور بالاضافة الى الدق المتواصل على جرس الباب في مختلف الأوقات من قبل العمال لطلب غلي بريق شاي أوشوية سكر أو ماء بارد أو سلم أو كرسي أو قداحة....الخ ماعدا الغبار ....ودمتم سالمين -سوريا
ناس بريئة 2008-12-17 12:35:22
تعو شوفوا جيرانا
للأسف نحنا هيك صاير معناانباع البيت يلي جنبنا وأجو ناس وعملولو ديكور ومطبخ وسيراميك وبأقل من شهرين إنباع البيت مرة تانية لناس جداد وهددموا كل يلي كان موجود وكسروا السيراميك والمطبخ وحتى تمديدات الكهربا شالوها وعم يشتغلو من قبل الساعة 8الصبح ولبعد الساعة10بالليل... نحنا أيمتنا بدنا نرتاح؟؟؟؟!!!! بس بدها شوية ذوق غزالة 2008-12-17 06:23:14
الله موصي بالجار
بيقول المثل بدال ما تقلا كش اكسور رجلا أقصدي أقول ليش ما منتنازل إحنا ونساعد جيرانا بأعمال الترميمات وهيك بنكون ساهمنا في الضجة من أصلها وقضينا عليها في أقصر وقت ممكن وخلينا الجار ما يحس إنه زاعج جيرانه لأن الكل عم يتعاون معه وبتمنى من كل واحد يقرأ تعليقي يحط حاله محل الجار اللي عم يرمم بيته رح يشوف إنه كلامي منطقي وسهل وحلو كتير -سوريا
Nihad 2008-12-16 14:20:31
}Damascus
هذا الأمر لاينتهي منذ الأزل ولكن خير الأمور أن تكون بساعات محددة وليس على هواهم من الخامسة صباحا وحتى منتصف الليل وبوجود ترخيص (رخصة ترميم) من المحافظة والأهم لجان غير قابله للمساومه؟! تحدد ساعات العمل والتنفيذ الصح حسب الرخصه بالمحافظه على البناء حتى لاينهار وشكرآ. سليمان العميرات 2008-12-16 02:58:49
ارحموا الطلبة
أهم شيء الالتفات إلى الطلبة من جيراننا وإلى المرضى. ومن ثم فأنا أعلم أنه ممنوع لهذه الأعمال أن تستمر بعد الثالثة ظهراً. -سوريا
ابو شهاب الدمشقي 2008-12-15 13:14:18
هاذا كله موشىء 00 وآخ00 آخ 00 صرخوا آخ 00
حينما تقوم تقوم محافظة دمشق بوضع مواقف لمئات من الميكروباصات على حائط الاتحاد الرياضي بالبرامكه وتحيل المنطقه الى جهنم من الازعاجات والفوضى تحت رعاية المحافظه والسيد المحافظ ومسؤولي النظافه والتلوث البيئي
ماذا نقول اذا كانت الدوله هيه المتسببه بذلك 00فاطمة 2008-12-15 12:59:53
سامحنا جار عنا شوية تصليحات
هي العبارة يلي رح يقولها صاحب البيت وجارنا السكين ما بيدو حيلة مجبور يقيل هوي وعيالو على انغام وموسيقا التصليح ....ونيالو شوبدو احلى من هيك طرب
-سوريا
cheerful 2008-12-15 11:42:06
حلقة مفرغة
المشكلة أنو كل واحد من هالشعب ربي أسألك نفسي وأنا وبس والباقي خس..وقت يلي بيكون هو يلي عم يكسي البيت بيستغرب من انزعاج العالم ووقت يلي جارو بيكسي البيت بيستغرب من قلة ذوقو!!!
وكمان أصحاب المصالح متل البلاطين والدهانة والنجارين(مع احترامي للأوادم ) كلهن **مشان هيك بيصير تأخير وصاحب البيت مالو ذنب, وبتصير كل الالم بتلومو-سوريا
جورج قيسو 2008-12-15 10:27:40
بدها شوي رواق بعدين الجار للجار ولو جار
أول الشيئ الشغلة بدها زوق يعني لازم على كل واحد يريد تصليح شيئ إعلام الجيران والسرعة في التنفيذ
كمان لازم يحط كل واحد حالوا محل اللي بدو يصلح منزله ويروق شوي
الحلم سيد الأخلاقKMW 2008-12-15 06:55:50
===
بتدخل البلديات ووضع مدة زمنية للانتهاء من الأعمال وعدم السماح باشغال مساحات كبيرة من الشوارع للاحضارات. وبدها شوية ذوق بالتعامل مع الجيران -السعودية
copy rights ©
syria-news 2010
