أيهما تفضّل ...السكن في الريف أم السكن في المدينة؟
في الوقت الذي يفضّل فيه مواطنو الدول المتقدمة السكن في الريف الذي يتمتّع بخدمات تضاهي المدينة، إلى جانب انخفاض معدلات التلوث والبعد عن الضجيج والازدحام، وتتقبّل شعوب هذه الدول فكرة قطع مسافات طويلة بالسيارة أو باستخدام وسائل النقل العامة للوصول إلى أماكن العمل التي تختص بها المدن....
نجد أن المواطنين في بلداننا، ومنها سوريا، يعانون من مشكلة مزدوجة: غياب أية مساعي حكومية حثيثة لتنمية الريف وتأمين الخدمات فيه ليكون مقراً للسكن وتخصيص المدن للعمل فقط، إلى جانب العقلية السائدة في مجتمعاتنا والتي ترفض فكرة السكن بعيداً عن مكان العمل وتفضّل شراء منزل في قلب المدينة لتجاوز مشكلة البعد في المسافة.
وبسبب هذه المشكلة المزدوجة، نجد أن ريفنا مهمل للغاية، تندر فيه المشاريع السكنية الراقية والمثيرة للاهتمام، في حين يكتظ مواطنونا في المدن المزدحمة أصلاً، حيث التلوث والضجيج، لتزداد شدة الازدحام، وتتفاقم سلبيات الإقامة في المدن صحياً ونفسياً على شعبنا الذي يندر ما يعير هذه القضية شيئاً من اهتمامه، بل على العكس، فالأثرياء لدينا يتفاخرون بأنهم يملكون منازل في قلب العاصمة، على العكس من القناعات السائدة لدى شعوب الدول المتقدمة.
فما رأيك فيما سبق؟
هل تعتقد أن ابتعاد مواطنينا عن السكن في الريف ناجم عن عقلية ترفض الابتعاد عن مكان العمل أم ناجم عن الأوضاع الخدمية في الريف؟
هل تقبل بالسكن في مكان بعيد نسبياً في الريف إن تم تأمين الخدمات المطلوبة فيه؟
هل أنت مستعد لقطع ساعة أو ساعة ونصف على الطريق من مكان سكنك إلى مكان عملك، إن وجدت مكاناً مخدماً وراقياً يمكن لك السكن فيه في الريف؟
امينة 2012-01-05 19:11:22
مافهمت والو!!!!!!!!!!!!!!!!!!!!!!!!!!!!!!!!!!!!!!!
كريستيانو الاصل و ميسي تلميده في الفصل و يا سيدي كيما هولنا دا ميسي الله يهول ناسو الله يريب ساسو اله يقلب فنطاسو انشاءالله يمرض و ينبت الحب في راسو ربي يربطو على الرضاية و الزواج يا سيدي ان شاء الله وين يروح مغلوقة عليه hasan 2010-02-23 02:39:59
الريف ريف
الريف رائع اذا تركنا الريف ريف ودعمناه بسبل الحياة الكريمة هاني المرادي 2009-09-04 00:03:42
مافي فرق
ما بعرف شو بدي قول بس يمكن بسبب المكاري و السيارات ما عاد عنا لاريف و لا مدينة صار في شي أسمو مستوعب عالم لامة كل الأجناس و الطبقات و الأخلاقيات (المنيح و الحشت نشت)أنا برأيي جهنم أرحم لأنو ما حدى فاضي لحدىHeavy Overdose 2009-05-13 22:06:54
شو بدكون بهالقصة
بلا مدينة بلا بطيخ بلا خدمات بلازفت بلا كل هالعجقة وبلا هالزمامير والطرش وحيونة الجيران وزبالتون وسياقهون والذوق المعدوم والناس اللي متل أي شي غير الناس خلينا عالمبة الكاز وبلا فواتير الكهربا اللي بتهد الحيل بلا حضارة بلا ضراب السخن وبصراحة خلينا عم نزرع بطيخ ونشم هوا شغل الله موشغل سياراتكون وبلا أنزعة المدراء والموظفين وبالناقص من شوية فهم تركنالكون الفهم
شوبو الفلاح الله يسلم أيديه ويعطيه ألف عافية مفضل عالمدينه وأهلها يلي بالمدينة يضل بمطرحو بلامايوسخ الريف واللي بالريف بلالو كل هالعجقة
Marwa 2009-02-25 14:56:11
إذا اختلف المكان
إذا كنت بأوربا أكيد أكيد بفضل عيش بالريف يا عالم الريف عندن مخدم متل المدينةعنا وأكتر بس هنيك مو هون بالنسبة لعنا أكيد المدينة بكل شي -سوريا
امجد 2009-02-14 11:18:04
بالريف ليش لاء
طبعا انا بفضل بالريف بس شرط توافر سيارة وبترول سعره معقول-سوريا
حمصي بالغربة 2009-02-14 01:28:43
الحلم الريفي
الله على جمال الريف ..صار الواحد يحلم يشوف شجر طبيعي ولما بيروح عالريف بيلاقي انو ما اخد من المدينة الا اللي بينزع جمالو و بيشوهو الله يرحم ايام التنور و صوبية الحطب كنا ننطر زياة الضيعة مناطرة و هلق ما بقي فيها شي ينزار بحلم يكون عندي أرض بضيعة لأزرعها بايدي و اعملها جنة بس الغين بصيرة و..
أبو الروض 2009-02-13 12:42:41
وين الريف يا شباب ؟؟؟؟
يا سادة : في حلب الريف بدأ يختفي وأهل الريف معظمهم نزلوا للمدن بعد ما صار متر الأرض يساوي معاش موظف . و ما عدت تشوف أراضي مزروعة وصرت تشوف بدالها فيلات و معامل و أملاك خاصة و مطاعم و و و و والله يعيننا إذا رح يقدر أولادنا يلاقوا خضرة و أكل من أراضينا بعد كام سنة. أوقفوا إبادة الأراضي الزراعية و كفانا قصور -بوركينا فاسو
سامر حب الله 2009-02-12 19:09:11
افضل الريف.. ولكن!!
في الحقيقة افضل الريف وبالطبع اقصد الريف السويسري او الانجليزي او الفرنسي، أما سوريا فلا أرغب في العيش فيهاحاليا وربما دائما.. وهذا هو حالي حاليا-الإمارات
Oltina Males 2009-02-12 18:59:52
the real problem
I think the real problem is the Government. they put everything in the City and they force you to go to the city and after that they wonder why the people have to drive to the city.-الولايات المتحدة
مريض قلب 2009-02-11 20:30:20
قال يعني ما بيعرفو
كان ياما كان فيه بلد غلي فيها كل شي وأولهن المازوب قام رجع ابن الريف على الريف وقرر يسكن هونيك رغم غلار المازوت والنقل بتعرفو شو صار بعدين ؟
قررت الحكومة والبلديات يساعدو الشباب يلي رجعو على الريف كيييييييف ؟
قررت تصدر أحكام خنفشاريةوقوانين بالنسبة للرخصة أضرب من المدينة : طلع الشباب بدهن يعمرو بالريف فيلات ومزارع ويحسنو منظر الريف على حسابهن وغير هيك الرخصة ممنوعة .
ويللي طلع القرار الذكي يروح يشوف المدينة شو منظمة **..... ويعقد ابن الريف حتى ما يرجع عالمدينة
-سوريا
لولو بنت الشام 2009-02-11 11:07:38
الشام حلوة
ياريت نرجع عاالشام لنو حلم انك ابن المدينة تسكن بالمدينة صايرة الشغلة مقلوبة ابن الشام يسكن بالريف وابن الريف يسكن بالشام لكن الشغلة مو هون الشغلة انو خدمات الريف بتقرف ليش الطرقات بتقرف - الكهرباء دائما مطفية - الماء يعني هيك وهيك - الهاتف واسطة ليركب البناء مو نظامي الخ..... وعدا الغلا يلي عم يهاجمنا بكل شي
أسدي 2009-02-11 09:30:17
أنا هيك
عفكرة أنا بسكن بالريف و شغلي بالشام تقريبا ساعة و نص لحتى أوصل، و كتير مرتاحة كل يوم بنزل وبرجع و حاولت أسكن بالعاصمة ماقدرت بصراحة الطقس عنا أحلى و صحي كتييير
محمود 2009-02-11 07:18:51
سكن الريف
قالت يوما :يسالونك الناس أين تسكن ولايسألونك أية مدينة تسكنك؟شكرا لأمنا سوريا التي تسكنناابدا اينما رحلنا. بنت الشام 2009-02-10 12:11:54
الله يسمع منكن حاجتنا
ياريت تخدموا الريف أول الشي وتأمنوا كل احتياجات الناس من ماء مواصلات كهرباء تعليم وبعدين شوفوا شلون الناس لح تعيش بالريف ولا لأ وبعدين بتريحواالمدين يلي أختنقت من العجئة ونحن منرجع على مدينتا وأهل الضيع يلي عنا بيرجعوا على ضيعون لأنوا الحمد الله ابن المدينة صفي بالريف وأهل الريف باع أراضي بالملايين لتجار البناء وأجى يعيش بالمدينة عزو المغبر 2009-02-10 09:47:09
بدي حمام
بتمنى يكون عندي ولو أوضة بضاحية عدرا العمالية، ياالله أديش حلوة المساحات الصحراوية الشاسعة على مد النظر وشوية خوارف عم ياكلو بهالشوك وكل كومة شوك لونها غير أختها حسب كيس الزبالة يلي علقان فيها وأديشو ونس أوتستراد حمص وهواه عليل. عن جد الله يهني العمال ببلدنا وبتمنى كون عامل هون وما كون وزير برا. ياالله ما مصدق ايمتا يجي آدار لأحتفل بعيد الثورة وأدبك للصبح وعبي الدنية غبار غبار غبار وغبر حالي وتطلع ريحتي متل ريحة تراب بلدي وريحة عمال بلدي.
-سوريا
حنكش 2009-02-09 23:30:56
بيت
هاد سوال مو بمحلو حددو السوال لمين قبل ما تطرحو لان كتير من الناس مو ملاقية بيت تعيش او بلاحرى مامعهم ياكلو فكيف بدهن يختارو وين بدهن يعيشواذا ما معهون يشترو لا بلريف ولا بلمدينة ممكن جواب لو سمحتو انا اذا بيرجع الامر الي لا بسكن لا بلريف ولا بلمدينة ولا بلوطن العربي عايش 2009-02-09 18:22:23
قا ل ريف ولا مدينة قال
يعني عللى اساس حرية الاختيار بتعود النا
يعني لو في عندي بيت بقرود السود او بجهنم الحمرا ما كنت قصرت ورحت سكنت فيه
يعني لسا بدي اتشرط ريف ولا مدينة
اهلين-سوريا
انا هوي 2009-02-09 17:40:26
البرازيل
الجويخات فقط -سوريا
ابو ليلى 2009-02-09 12:49:13
قال ريف قال
و الله يللي بشوف هالتأييد الكاسح للريف ما بيقول الا انو الريف عنا ريف اوربي ما بيعرفوا انو في كتيير ارياف لسا ما وصلتلها المي و الكهربا ... لك نحنا المدن عنا لسا ما صارت ريف ... انا ابن ريف و بعرف شو يعني الريف ... و تصبحون على وطن ..سلام-ألمانيا
أبو عبدو الفوال 2009-02-09 11:28:40
حاج بقا
أنا مؤيد لإبن المدينة بأنو ابن الريف استفاد كتير من التأميم على حساب الاقطاعي يللي انخرب بيتو وحاليا يللي عطيتو الدولة أرض ايام التأميم لحتى يعمل بها صار يتاجر بها وصار وضعو منيح وصار اقطاعي حسبنا الله ونعم الوكيل بكل الشرائع مافي قانون بياخد أملاك شخص وبيعطيهم لشخص تاني أنا برأيي التأميم أفشل مشروع انعمل وبيشبه دفاتر المازوتعبود 2009-02-09 11:15:43
الريف
بسكن بالريف إذا كان عندي سيارة روح فيهاعالشغل بالمدينة..
وهيك بتكون الحياة حلوي-سوريا
بنت المدينة 2009-02-09 10:16:16
الريف أفضل
تركت العاصمة لأسكن في الضواحي هروبا" من الزحمة والتلوث. ليست كل منطقة ريفية بعيدة ساعة أو ساعة ونصف عن المدينة. يمكن أن تكون لك أصدقاء في الريف يغنونك عن النزول إلى المدينة ألا للعمل والمعاملات الرسمية, الريف صار مدينة هذه الأيام لكن أقل تلوثا" وزحمة. يكفينا رجعية. لنتقبل الحياة في الريف أسوة بالبلاد الأخرى التي تقدس الهدوء ونظافة البيئة. مع انطلاق المترو لن نشعر حتى بفرق المسافات. الاندماج مع أهل الريف يجعلنا نعيش العفوية والطيبة التي يفتقدها أهل المدينة هذه الأيام. -سوريا
Yasser 2009-02-09 09:34:36
الريف بالتأكيد
بسكن بالريف . بيتي كبير وحديقة كبيرة وموقف للسيارة . الصراحة ماني مستعد دور ساعة على محل صف فيه سيارتي ولا على فسحة صغيرة يلعبوا فيها الأولاد -سوريا
ابن المدينة 2009-02-09 01:22:24
حاج بقى ريف ومدينة
ابن الريف خلق ليسكن بالريف وابن المدينة بالمدينة، بس شايفلكن ابن المدينة عم ببيع وبروح عالريف بيسكن أبشع بيت بالريف وابن الريف عم يشتري بالريف للتصييف والمدينة مشان الشغل.
ابن المدينة مصروفو كبير فبطلب راتب كبير فما حدا بشغلوا
وابن الريف بيرضى بالقليل بكفيه مصروفو، أما البيت وجازة الولاد فالله يكتر خير التأميم، يا ببيع شقفة فدان يا أما ببيع موسم الزايتون...
بتهون بتهون
-أفريقيا الوسطى
عاشق الريف بس مجبر للعيش بالمدينة 2009-02-08 21:12:39
أفضل السكن بالريف لكن هل من مجيب؟؟؟
السكن بالريف صحي والهواء العليل يحلم بأستنشاقه أبناء المدن...لكن للأسف الشديد الحكومة مهملة الريف لدرجة لا يمكن تصورها...أنا أعيش في قرية يبلغ عدد سكانها 26000ستة وعشرون الف نسمة الى هذا اليوم من كتابة هذه الكلمات لا يوجد DSL واحد ناهيك عن باقي الرفاهيات (مستلزمات أولية كصحة مدرسية...الخ) لا يروح تفكيركم بأنني أطالب بحديقة حيوان أو كازينو أو حديقة العاب أطفال... نود فقط أن تصلنا الخضروات طازجة كما تصل المدينة دون ان يمر عليها يوم كامل فما رأيكم؟؟؟مو الشخص مجبر يذهب للعيش في المد
-سوريا
شامي 2009-02-08 18:36:43
قنوات
بحب أسكن بالشام لأنو الشام بس للشوام -سوريا
حسام الدين اشرف 2009-02-08 16:30:16
الراحة
انا من عشلق السكن في الريف وذلك لوجود المناخ الصحي والراحة المطلوبة للمواطن فان السكن في المدينة ناتج عنه بعض التعقيدات وعدم الراحةفيكفي ان تعيش بين الاشجار والهواء المنعش ولكن نع توفر اساليب الراحة كامتلاك الشخص سيارته الخاصة لسهولة التنقل ابن الريف 2009-02-08 15:27:58
و الله الريف احلى بمليون مرة
مرة اجاني ضيف من دولة قطر . و بعد اللف و الدوران بجميع نواحي الشام طبعا حصلت سكن بعد عناء طويل لانو كان في ازمةسكن بسبب دخول ناس من الدول المجاورة الى سوريا بسبب الحرب , اخذنا شقة اسبوع و ياحبيبيتاع شوف يوم مقطوعة المي و يوم مافي كهربا و يوم سكرت البواليع اي ماصدقت على الله لخلص هالاسبوع . لا اخي السكن باريف احلى بمليون مرة مع اني حاليا مغترب و ساكن بالمدينة شاب بيدور على بيت 2009-02-08 13:35:07
شو هالحكي
لك شو عم تحكو يا جماعة أمنولنا سكن و مواصلات بآخر الدنيا و قبلانين نسكن ,باالريف ما في خدمات وبالمدينة غالي بدنا أبو الحروف ليحلها بحبك يا وطن 2009-02-08 13:28:56
بحبك يا وطن
انا اوافق على ان اسكن بالريف وفعلا قبل زواجي اشتريت ارض واردت ان اسكن في منزل ريفي خاص اصح واجمل من طوابق البنايات فتغاضيت عن البعد وعدم وجود هاتف ارضي ولكن لم استطيع التغاضي عن معاملة ترخيص البناء والموافقات التي تكلف بنفس كلفة البناء فسكنت في المدينة.
اخي لايوجد عندنا اي تشجيع للتنظيم. على عكس الدول المجاورة وليس الغربية لأنهم سبقونا كتير. -سوريا
سنفور غضبان 2009-02-08 12:06:46
أنا أكره الريف
لساماخلصت..معلش بدي انبحت
قصدكن الريف يعني مثلا جوبر بالنسبة للشام؟وللاالنبك؟
لأنه جوبرماعادت ريف والتانيةاسمهامنطقة نائية.. مولشي بس للمواصلات اللي بتشهي...
حكالي واحدراح عاليابان وشاف بعينه.. ساكن بمدينة وشغله بمدينة تانية متل الشام وحمص(140 كيلو)الطريق مابياخدمعه أكتر من نص ساعة من الباب للباب.
أناماعم قول نصيرمتل اليابان.بس يعني كمان مانكون متل موزمبيق.
أنالوإلي بروح بسكن بعيدعن الناس ميت كيلو.. بس لوفي خدمات.متل الحيوانات.
لأنه بدنا كتيرليكون عند خدمات متل البشر.. حتى بالمدينة.-سوريا
سنفور غضبان 2009-02-08 12:06:00
أنا أكره 500 حرف فقط
لسسسا ما خللصت كلامي
بألمانيا يا حضرات كبريات الشركات قاعدة بالريف وبالمدن والقرى الصغيرة..
بتعرفوا شركة هنكل؟ طبعا.. مين ما بيعرف شركة المنظفات العالمية؟
بتعرفوا وين مقرها ومكاتبها ومعاملها؟ بمدينة صغيرة لا يتجاوز سكانها الـ 600 ألف نسمة.
بتعرفوا وين قاعدة نوكيا ؟ نوكيا أم الدنيا؟.. مكاتبها مو بالعاصمة .. بل براة بال( الأحراش ) إن صح التعبير.. على بعد شي 20 كيلو من حدود المدينة.
ولك لا تروحوا لبعيد سيليكون فاللي اللي هو أكبر تجمع لشركات التكنولوجيا مالو بواشنطن..
فهمتوا ولا لسا؟-سوريا
سنفور غضبان 2009-02-08 12:01:33
أنا أكره الهجرة إلى المدينة
اللي أصله من الريف يروح يقعد بالريف.. ويحسن خدمات الريف..
واللي أصله من المدينة ينقبر بالمدينة ويشتغل شغله بالمدينة.
واللي من الريف وبده يشتغل بالمدينة .. خلليه ساكن بالريف. ويحل عن المدينة
واللي طفش من المدينة وراح عالريف.. الله لا يقيمه.
واللي مو عاجبه لا الريف ولا المدينة يروح يطفش عبلاد الغربة أشرفله.
قال هل مستعد لقطع ساعة على الطريق؟
ولك أصلا ليش يضطر يقطع ساعة.. بألمانيا الواحد بيسكن بعيد 30 كيلو عن المدينة بس ما بياخد طريقه أكترمن20 دقيقة.. ليس لأنه في شي اسمه مواصلات.ياحضرات-سوريا
شادو 2009-02-08 11:34:28
الريف غير مخدم أبداً
تزوجت منذأقل من 3 سنوات وانتقلت من العاصمة إلى ريف دمشق طبعاً لأسعار العقارات الخيالية في دمشق كماهي في الريف بالمقارنة مع خدماته:الماء في الصيف نراهافي كل شهر مرة وأحياناًمرتين والآن وهي في أوجها تأتي كل 5 أيام مرة الهاتف الأرضي لم يصلنا حتى الآن والمواصلات باهظة جداً فنحن نشقى ونعمل في المدينة كي ندفع راتبنالصهريج ماء الاستخدام وكالون ماء الشرب وفاتورة الموبايل والطامة الكبرى هي المواصلات وقريباًهم المدارس وطبعاً لايوجد عندنا شجر ولا حدائق مزروعة ولاترفيه للكبار أو الصغار فما رأيك؟
معقد من الريف 2009-02-08 10:11:15
أل ريف أل
1 - سكنا الريف بالصرماية مو بكيفنا بسبب غلاء البيوت . 2- الريف عندنا للأسف خدماته زفت مثلاً : من جسرين إلى بيت نايم بغوطة دمشق الطريق من 3 أشهر غير سالك على أساس إصلاح وتزفيت وهات عمر ليخلص ...عقدة زملكا صرلها كذا سنة مو عارفين ينقلوا عامود التوتر الذي للأسف جاء بنص الجسر وشوارعها ماشاء الله بين كل جورة وجورة جورة ... إنقطاع الكهرباء حدث ولا حرج .... تجاوزات العمار يعني بناية بلصق البناية -سوريا
ابن الريف 2009-02-08 10:00:42
المواصلات
الريف اجمل مكان في العالم
كل شيء فيه طبيعي لكن هناك مشكلتان:
!_المسافات البعيدة(80)كم مثلاً
والمواصلات غير مؤمنة بشكل يومي
2_ندرة بل احياناًعدم وجود الماء صيفاً وعدم السماح بحفر بئر لتأمين الشرب وسقاية الخضر المنزلية
-سوريا
Canada 2009-02-08 09:04:35
Canadian
I am not sure exactly where do you mean "Abroad"...In any case, recent medical studies, have shown, that in Modern cities, it's healthier to live in the city, that outside, assuming, there are some minmal amount of Enviornmental Laws / Regulations, which we still don't have in Syria, or are not as enforced, as they would be outside... The ultimate living module for people outside, is to have an apartment in downtown, and a small little farm / summer house outside in the subrubs...KMW 2009-02-08 06:34:04
= = =
الكتل الاسمنتية والزحام والضجة وعجقة السيارات تكاد تصيبني بالجنون أحيانا.في الريف بامكانك أن تلجأ الى أحضان الطبيعة في عصر"وجع الراس المزمن"حتى لو كانت هذه الطبيعة صحراوية.في سوريا مدننا وقرانا بحاجة الى تنمية والى نظرة مختلفة عما هو سائد في مجال التنظيم العمراني يأخذ بالاعتبار البيئة والنواحي الجمالية.أحيانا أعتقد أن من يعمل على التنظيم العمراني معهم شهادات أدب عربي أو معهد فندقي.... -السعودية
Syrian 2009-02-08 01:25:20
Abroad
I'd rather to live in Canada -كندا
M r . HG 2009-02-08 01:17:29
سؤال شوي غريب من نوعه
أيهما تفضّل ...السكن في الريف أم السكن في المدينة؟؟حسب العادة؟؟اكيد.و هناك مدن فيها بحر و مدن من دون بحر ؟؟.يعني اذا الواحد معتاد على السكن في المدينة فمن الصعب جدا أن يعيش في الريف ,بينما الذي يعيش في الريف بالتأكيد يفضل أن يبقى في الريف و لكن لربما ظروف العمل تجعله أن يعيش في المدينة .يعني منرجع على حسب العادة كل واحد يفضل العيش في المكان الذي نشأ فيه ان كانت قرية او عاصمة او مدينة,
مريم 2009-02-07 20:06:58
سوريا بلد زراعي و الانتقال للريف مشروع كبير
السؤال هل السكن و الامتداد العمراني في الريف سيتم على حساب رقعة الأرض الزراعية.
و خاصة أن سوريا بلد زراعي و موطن أصلي للعديد من المنتجات كالتفاح و البرتقال و الليمون و الزيتون.
طبعا السكن بالريف أجملا لكن بشرط أن لا يقوم العمران فوق و على حساب المناطق الزراعية، من ناحية ثانية
يجب توفر و العناية بوسائل المواصلات الحديثة لانتقال السكان من و إلى الريف كالقاطرات مثلا و الاهتمام بالمرافئ العامة كالمدارس والمستوصفان الصحية و الحدائق السياحة و غيرها من المشاريع الكبيرة.
-سوريا
زاهر 2009-02-07 17:45:20
اكيد في المدينة
يعني بس بدي افهم بشو الريف احسن من الميدنة؟؟الريف عنا سلبياته اكتر من ايجابياته وقت بتكون فيه تحس كأنك معزول عن العالم الا الهم مناطق قليلة ,,صحيح انو بالمدينة زحمة وتلوث بس اذا ردت مكان تسلية فيها عشرات المقاهي الشبابية واذا ردت سهرة حلوة بتلاقي عشرات المطاعم وكل شي قريب عليك روحوا شوفوا طلاب الجامعات والمعاهد كيف عم بيعيشوا بالسكن الجامعي ساعتها رح تعرفوا كلامي صحيح
بحبك يا سوريا 2009-02-07 16:02:59
الزبداني
الزبداني كان من اجمل الارياف ولكن للاسف قطعوا الاشجاروالمحلات العشوائية لمصلحين السيارات والميكانيكية وما فيها رصيف مثل العالم 0 وفوضى بكل شئ وغلاء بدون خدمات وخاصة الماء اللي خلا السياح يهربو منها حرام بحبها لكن هلا صار بدي بيع بيتي Angle 2009-02-07 14:47:46
أيهما تفضل السكن في الريف أم المدينة
لوكان الريف متل الريف الانكليزي ليش لأ أما ريفنا حيث الهواء الملوثوالبيوت المشبوهةفلا وألف لا أما الخدمات فلا تسأل فهي متوفرة كالكشك... نحن في المدينة بلا ماء ولاكهرباء فكيف بالريف حبذا لو الحكومة السديدة تنظر بعين الرأفة للريف لكي يستطيع الشباب السكن هناك فكثير منهم يعيشون حياة بؤس في الريف ولكن هيهات لمن تنادي فلا حياة لمن تنادي البعض يكسن في قصور ويملكون أكثر من بيت والأكثرية من غير مأوى ويبحثون عن غرفة حتى لو كانت من القش فأين هو العدل وأين هي الجمعيات السكنية الشريفة؟؟؟
الجوكر 2009-02-07 14:01:02
خطأ كتابي
أرجو من سيريانيوز تصحيح الخطأ الطباعي لأنو ريف دمشق مانو ريف... هو عبارة عن أي شي إلا أنو يكون ريف... لأنو الريف حسب معرفتي المتواضعة لازم يكون فيو طبيعة وشجر وعالم ظراف... وهذا الشئ غير موجود أبداً في "ريف دمشق"... على كلن مو طالع بإيدنا لا هون ولا هون لذلك فخار يكسر بعضهو بعضاً
مغترب 2009-02-07 12:04:40
الله يعين ابناء الوطن
وكانو حكومتنا الرشيدة ليس لها بهمومم الشباب انا مفترب وبوفر من راتبي 50الف سوري عمر فكر اشتري بيت بعد 3 سنوان بريف دمشق لاعتب على ابناء شعبي يلي احسن واحد مارح يوفر 5الاف
بس شو الفايدة ناس ساكنة بقصور وناس عم دور على غرفة ومطبخ وجاي تسال وين السكنة احسنOverdrive 2009-02-07 09:14:48
ليش لقيانين نسكن ؟؟؟
والله هالسؤال متل اللي عم يسأل واحد جوعان بتاكل لحم غنم ولا لحم سمك ليش نحنا لقيانين علبة كبريت نسكن فيها انشالله بالمريخ بعدين متل ما اتفضل الأخ سامي مو كل الناس عندها سيارة ولاحتى وسائل النقل العامة تليق بالمواطن أو خلينا نقول بالبني آدم بشكل عام طبعا بغض النظر عن حالة الطرق اللي بدها صيانة من أول وجديد بالنسبة إلي بفضل الريف طبعا في حال توفرت فيو الخدمات المناسبة -الإمارات
ام النور 2009-02-07 06:21:30
ياريت
الريف جميل وخاصة في جرمانا حيث الهواء الملوث والطرقات الغير معبدة وكل شوي تجد حفرة بداخلها دولاب لينتبه السائق ويبعدعنها ليجد مطب وهذا الطريق من كازية عبيد باتجاه طريق المطار ورئيس البلدية نايم لاادري متى سيفيق ام انه لايسير في الشوارع اكيدعنده هيلوكوبترلانه لومشى بهذا الطريق رح يشعر بشعورناغير زمامير الاعراس والمياه و.و.و وماذا اقول -سوريا
sammy 2009-02-07 00:28:47
السبب الاخر طبيعة العمل
ساعات الدوام عندنا مختلفة كثيرا عن دول اخرى فكثير من المصالح تعمل على فترتين الاول صباحية من الساعة 10 الى 2 ظهرا تتخللها استراحة الغداء ثم العودة للعمل من الساعة 5 الى 9 مساء هذا يجعل السكن بعيدا عن المدينة فيه عبئ الذهاب و الاياب المتكرر, يجب تغيير ساعات الدوام لتصبح فترة واحدة من الصباح حتى المساء, سبب اخر هو عدم توافر السيارات لكل افراد العائلة و هذا اذا تغير مع الوقت سيجعل من سكن الريف مرغوب اكثر,انها مسالة وقت ففط-سوريا
sammy 2009-02-07 00:19:40
انها مشكلة اجتماعية نفسية
الشعب العربي بشكل عام يحب التقوقع و التجمعات و الضوضاء فغالبا عندما يزور مواطن عربي احدى المدن الاوروبية يعود قائلا "نزلنا على المدينة في اوروبا الساعة الثامنة مافي الدومري" و يقولها بدهشة و تعجب,عاداتنا الاجتماعية تتركز على وجود الابناء في سكن قريب من سكن الاهل و ذلك بسبب كثرة الزيارات الاسبوعية و هو امر غير موجود في الغرب حيث يزور الابناء عائلاتهم مرة سنويا,و ايضا الهدوء في الريف يتصف عندنا بالملل,انا شخصيا اعشق الريف و اسكن فيه حالياو اظن انه ستتغير عاداتنا ليصبح الريف اكثر رغبة-سوريا
Yasser 2009-02-06 22:52:06
عذر اقبح من ذنب
عدد سكاان سوريا 20 مليون تقريبا ونصفهم او اكثر تقريبا في العاصمة دمشق تحديدا ,,وتتكلمون عن السكن بالريف ام بالمدينة وهل المواطن النزيه والشريف يستطيع ان يمتلك بيت في المدينةبالملايين وهو يعيش بالملاليم؟ وان وجد بيت في الريف بيتكون امو وابوه رضيانين عليه وان لم يجد فا مجرة تبن التبانة واسعةوبالنهاية اله الله الامارات 2009-02-06 22:43:35
سوري مبسوط بالامارات
والله يا جماعة الخير اذا كان الريف مثل ديرعطية بريف دمشق فلا احلى ولا اروع من الريف بردها قارس بالشتاء ومعتدلة صيفاهدوء وهواء نظيف وجميلة ومخدمة بشكل كامل ومزارع العنب منتشرة بكثرة يراع 2009-02-06 21:19:37
بسيط جميل
اقصى احلامي ان يكون لي بيت في الريف مصنوع من الحجر الاسود مكون من غرفتين فقط وغرفة الجلوس فيها حصير بسيط واسفنجة جنونة وفي وسط الغرفة مفاة حطب وشبابيك حديد وباب يزقزق في ليالي الشتاء العاصف
بيت تخفق الارواح فيه احب الي من قصر منيف
-سوريا
لطفي 2009-02-06 21:01:29
ايام زمان
ايام ماكانت الغوطة بعزها كان ممكن انو يعيش بالريف اما هلق مافي فرق بين الريف الغوطة على الاقل والمدينة اذ ماكان اسوء
مجهول 2009-02-06 19:26:51
مو لانلاقي بيت بالاول
الله وكيلك كل مانجمع قرش بصير حق البيت قرشين جمعنا قرشين صارحقو اربعة...وعلى هالمنوال ؟؟؟؟
اللي بدي قولو ان للريف والمدينة ايجابيات و سلبيات المهم يا عزيزي ان اسكن و يكونوا جيراني من ذوي الاخلاق الرفيعة والانفس العالية يعني الجار قبل الدار...... -الإمارات
ammar 2009-02-06 19:11:44
بصراحة
طبعا الريف ولكن في غياب الخدمات الجيد فلايوجد مفر من السكن في المدينة بعتبار أن الخدمات متوفرة مع اني افضل الريف الف
-سوريا
بلال 2009-02-06 12:27:01
سؤال بسؤال
عن أي طبقة من المجتمع تتحدثون وعن أي مكان من الريف تتحدثون ؟؟؟ لريف وما أدراك ما الريف الماء الممتازة - الكهرباء أم الخدمات أم النظافة والكثير الكثير والكل يعرفها . أي مكان يوجد فيه على الأقل أثنتان من الشيئ التي تشجع السكن بالريف . أما المدينة من الذي يستطيع السكن بالمدينة وبأي منطقة وما المشجع للسكن بالمدينة ومن أين ثمن المسكن بالمدينة أو الريف بالنسبة ل 90% من عامة الشعب .... ؟ أفتوني أرجوكم
- 2009-02-06 11:54:32
-
بيتي بضاحية قدسيا، صي بعيد بس لما بوصل و بتنفس أكسجين نظيف و بتمتع بالهدوء والبعد عن التلوث الصوتي برتاح و برجع متنشطة...أكيد الريف أحسن بس يتطور شوي -سوريا
د.مشقي 2009-02-06 10:21:58
بالمدينة
أكيد بالمدينة أحسن ولو غرفة ولو قبو المهم بالمدينة حتى نتواصل دائما مع بلدنا ومعارفناomar 2009-02-06 03:14:21
لكل ضريبته
بوقتنا هاد الاكيد مافينا نشتري بيت في المدينه ولاحتى في الريف ومشان السكن كمان لافيك تسكن بلمدينه بسبب الازدحام والضغط السكاني والجو المليء بلسموم النبعث من السيارات والباصات والزمامير ولافي الريف بسبب ان ريفنا اصبح مدن صناعيه اهله بلسكان محلات النجاره منتشره من حرستا حتى داريا والشاحنات والطرطيرات والموتورات عدا عن طرقات الريف يلي بتشهي والاناره الغير كافيه وحاويات الزباله والاوساخ على الارصفه وتحت الارصفه بقى عن اي مدينه بدنا نحكي ولا عن اي ريف بدنا محافظ الريف يعملو شي جوله بداريا -سوريا
وليد الزعبي 2009-02-06 01:41:27
السكن في الريف طبعاً
السكن في الريف طبعاً أفضل ولكن المشكله هي في الخدمات(مواصلات-الإتصالات-المعاملات-التعليم -اللوازم اليوميه..الخ)أصعب في الريف . -سوريا
NADIN 2009-02-05 21:23:50
ازرع ولا تقطع
يتميز الريف عادة بوجود الشجر والهواء النقي هذا نظريا . اما وقد تحول بفعل متعهدين البناء الشجر الى حجر .هذا يعني انه لم يبقى ريف بل يسمى مدينة مترامية الا طراف وهذا هو واقع دمشق وريفها عدا عن سوء الخدمات في الاطراف من كل النواحي الاقتصادية والاجتماعية-سوريا
gloomy girl 2009-02-05 21:21:37
مافي احلى من الريف
ريفنا السوري كطبيعة ... من اجمل الارياف واروعها بس يا ريت يكون عندنا ريف مخدم لدرجة معقولة والله لحتى ما اسكن الا بالريف ، بس للأسف ، ريفنا صاير عبارة عن مجموعة ضيع نائيه غير مخدمة ، وبالتالي الحياة فيها صعبة كتير على اللي متعود الحياة في المدينة ... ريفي 2009-02-05 20:19:46
وكيف لا يحب الريف من هو ابن للريف
ابتعاد المواطنين عن الريف ناتج عن عملهم في المدن وسعيهم لتحصيل قوت عيشهم بشكل عام اما بالنسبة لي شخصيا ريف ومخدم مثل قرية سياحية ابدا مابيعود اسمه ريف وبالنسبة كمان لرايي انا مستعد للسكن في الريف حتى ولو كانت المسافة بعيد طبعا ليس سكن دائم بيكفي بالصيف وكل شهر مرة بالشتي وكل واحد وحسب امكانياته والباقي على .......
Syrian Living In America 2009-02-05 19:49:48
قلعوا الشجر وزرعوا الحجر .
هل هذا من سؤال يطرح ? ليش الناس بكيفها عمتهاجر من المدينة للريف ? اسعار السكن في المدينة لاتصدق ولاتطاق , لذلك اصبحت الناس مجبورة تهاجر للريف , أه أه أه ياحوينتك ياغوطة دمشق يصير فيكي هيك . قلعوا الشجر وزرعوا الحجر . محمد الطباع 2009-02-05 18:33:46
الريف أكثر مسكن صحي لكن
للأسف أناأقيم بريف دمشق لكن الشوارع محفرة والمياه في الصيف لا نراههاوعطل الكهرباء يلزم تقبيل الأيادي للاصلاح أما المدينة فالمياه عندهم متوفرة والكهرباء لا تنقطع والخدمات مؤمنة أكثر لكن الهواء ملوث جداً ..... حلوهاميدو المشاكس 2009-02-05 18:18:11
الريف أفضل بحال .....
طبعا الريف افضل بحال كانت السيارة بسعر دول الجوار مع البنزين والخدمات متل الدول المجاورة وبتكون ممتازة أذا كان في ميترو بس على هل الوضع شرشحة ودفع عملة متل الكذب ...
معقول أنا شاري بيت صار مكلفني 6 ملايين مع الكسوة بأشرفية صحنايا ولهلأ بعد سنة ونصة من بدأ المشروع مافي كهربا للبناية ولا مي ولا مزفت أي شارع حول البناية بأى أنو ريف هاد أولو خرابة بس بسعر المدن الأوربية بس بالسعر -سوريا
سامي معلا 2009-02-05 17:19:14
أتمنى العودة الى الضيعة ولكن ..........
أنا من منطقة البهلولية قرية خان عطا الله وصار لي بالشام أكثر من 30 سنة أتمنى لا بل أحلم بالعودة للاستقرار بالريف ولكن كبف فأراضي قريتي مستملكة من قبل مديرية الآثار منذ عدة سنوات ولا أستطيع تشييد بناء فيها والاغرب من كل هذا أنهم لهذه اللحظة لم يرفعوا الاستملاك عن الضيعة ولم يبحثوا عن الآثار . لا أخفي حقيقة أني أكاد أختنق من وجودي بالعاصمة واتوق للعودة الى قريتي التي لا أعرفها الا من الاسم فقط . نرجو أن تكون خطوات تشجيع الشباب للعودة الى الريف أقوى وبخطوات ملموسة
-سوريا
RANA MOUSSLY 2009-02-05 14:38:25
90081
I like to live in the country side of Damascus because there is less polution. . Neverless my country side Sehnaya is not anymore nice as it was in the past because of the bad situation in the roads and infrasturcture. They demolish all roads last summer 2008 and they still work on it.ضيعي 2009-02-05 14:18:14
الحمدلله
بضيعتي في كهربا ومي و تليفون و في كل شب و الناس كتير قريبين من قلبي بس المشكلة بالطرق يعني لو الطريق (70 كم)عن حلب لو الطريق منيح 50 كم و مو منيح 20 كنت قبلت بس كلوا رجوجة وفي القطار الو محطة عنا بس المحطة مسكرة -سوريا
Free Citizen 2009-02-05 13:43:03
أولاً
المواطن الغربي يفضل السكن بالريف و يعمل بالمدينة لأن المواصلات مؤمنه أو يملك سيارة و دخله مرتفع ،،، بينما المواطن السوري يفضل العيش في المدينة إذا كان يعمل بها لأنه لاتوجد مواصلات مناسبة و بسبب ارتفاع تكاليف المتبقية منها و هو طبعاً لا يملك سيارة لأنه دخله يلهث حتى يصل لآخر الشهر ..... و للملاحظة هناك مدينتان فقط في سوريا هما حلب و دمشق أما باقي المدن فهي مدن ريفية أي لا يوجد بها إزدحام سكاني و لا مروري و لا ضجيجي .... إذا فنحدد المشكلة و هي حلب و دمشق و أريافهما .....َََ-سوريا
ياسو 2009-02-05 12:59:22
ال بيت ال
موحتى يكون معي حق بيت او مو حق مو حتى يكون راتبي يغطي فاتورة الكهربابتعرفو عريس جديد وبدو حمامات والمشكلة المازوت غالي والكهربا أغلى أو ليس حتى أحلم واتروج خلونا عالخطبة من وين بدي جيب وادفع فاتورة التلفون إذا بدي احكي مع عالمعترا يلي بدها ترضى فيني ولا تنسو المي والله عيب هالحكي لك مافي شي رخيص كلو غالي .. نحنا بس يلي مامنسوى شي ..
كم طفل وكم.. وكم .. ماتوبغزة لا تقولو هاد فوت الحابل بالنابل بس كلوبيتبع بعضو وعلى قولة الشاعربدنا بيت يساع الكل بلكي يداوينا من الذل ونرجع ناس وماتنداس الكرامة-سوريا
احمد 2009-02-05 12:44:31
افضل الان الريف من ضوضاء المدينة والزحمة
والريف السوري جميل ولتسعى الدولة لتكميل ما ينقصها من خدمات.-سوريا
المحقق غادجيت 2009-02-05 12:15:23
نعم ولا
كنت أتمنى أن أعيش في الريف، لكن مدارس الأولاد سيئة والاهمال ضارب أطنابه في ريفنا الحبيب، المياه مشكلة المشاكل، المواصلات حتى وإن توفرت السيارة لكن قيادتها مرهقة بسبب الطرقات، ما عدا ذلك يبقى سكن الريف حلما لي ولآلاف المواطنين مثلي. حسنوا خدمات الريف وستجدون الهجرة المعاكسة. -سوريا
amer 2009-02-05 12:05:09
ايهما تفضل سكن الريف ام المدينه
الريف جميل وبناءالمدن الريفيه ممكن قرب الطرق السريعه وانشاء الخدمات باسلوب عصري وراقي وتطوير المناطق بمشاركة القطاع العام والخاص اوشركات خاصه برؤيه الوزارات المعنية بشفافيه وبلدنابحفره ومطبات شوارعة هو الاجمل على الاطلاق ...مغترب
مواطن ريفي 2009-02-05 11:18:02
ريف دمشق
أفضل السكن والعمل معا في ريفنا السوري،أو ريف الشام،لكن عندما يقضو على الشاحنات ذات الثلاثة دواليب0 (الطرطيرة)والدراجات الآلية(المتورات)وأن يدفعو إلى الريف بشرطة ذات سلطة وتقمع المخالفات فعلا، لاتسلم وترد السلام على المتهورين والخارجين عن القانون..-سوريا
KAMAL 2009-02-05 09:42:11
بيكفي شغلة وحدة
بيكفي أنو بالمدينة بستعملوا ماء عذبة ولا نستطيع في الريف أن نغسل وجوهنا بماء جيدة على الأقل وهلما جرى .... -سوريا
هيثم حبيب 2009-02-05 09:43:57
المواصلات /المواصلات
انا رأي انوا لو الوضع المادي لسكان الريف منيح ما كان منهم حدى تركها وسكن بالمدينة ولو كان عمله في المدينة . السبب في سكنة الريف هو المواصلات وخصوصا المناطق الحدودية فالمواصلات تشكل ازمة حقيقية . فلو كان الوضع المادي جيد يسمح لساكن الريف من شراء سيارة فيبقى عمله في المدينة ويبقى ساكنا في الريف .
-سوريا
ساكنة بالشام 2009-02-05 09:42:15
طريق عن طريق بيفرق
بصراحة ممكن كتير الواحد يسوق ساعة و نص الصبح و ساعةو نص المسا لو ما كانت طرقاتنا هيك، بالدول المتقدمة طرقاتون بيشتهي اللي عم يسوق على شي جورة او مطب مشان يغير شكل يعني.. بس نحنا لازم تكون راداراتنا شغالة 100% منشان نرصد الجور و المطبات و هدا شي متعب كتير برايي.. طبعا ما في داعي علق على وسائل النقل المريحة كتير: الميكرو 7 نجوم.. مافي احسن..
-سوريا
alhager 2009-02-05 09:28:34
سكن المدينة افضل
بشكل مختصر السكن في المدينة افضل لتوفر فرص العمل ولانشغال الناس بانفسهم وبايتعادهم عن التدخل ومراقبة الاخرين كما في الريف.
ماهر 2009-02-05 09:24:32
الريف أفضل ولكن...
أنا أفضل العيش بالريف ولكن الخدمات تكاد تكون نادرة
والأهم من ذلك موضوع المواصلات فقد أصبحت مكلفة جدا مقارنة مع دخلنا
الباصات مصيبة وشنططة وخصوصي إذا الشخص معو عيلتو
والسيارة الخاصة بلوة أكبر بالمصروف
-سوريا
فوزي الموزي 2009-02-05 08:54:24
ريف .. نعم شو عم تقولوا الريف يعني ببلدنا البهدلة
والله يا شباب أنا بقول أنو المواطن السوري من أرقى المواطنين في العالم بس الفرصة غير متاحة أمامه يعني إذا مفكرين أنو الشعوب الغربية صارت متحضرة هيك بين يوم وليلة فأنتو غلطانين الشغلة بدها قوانين صارمة في كافة مجالات الحياة وبعد جيلين بتلاقو النظام عنا من أفضل الأنظمة العالمية وكمان في دور أساسي غائب هو دور الحكومة والتي قلما نجد مسؤولاً فيها يسعى للمصلحة العامة * وهات يابلد إذا بيتصلح فيكي شي وكل مالها الحالة لورا.. بقى جايين تقولولي ريف ولا مدينة-سوريا
ibrahim elias 2009-02-05 08:46:15
الحل تنمية فرص عمل في الريف
أعتقد انه لايوجد انسان يترك مكان اقامته بارادته انا كان في الريف او المدينة . لذا فالحل الاكيد هو خلق وتنمية وظائف في الريف وان لا يكون الفاعل فيها الدولة وحدها بل تكون بمشاركة القطاع الخاص . فالريف بيئة خصبة للمشاريع جميعه (صناعية زراعية وسياحية) وذلك كله يكون بقوانين مرنة للاستثمار ودعم المزارعين ..والعملية ليست صعبة..fatima 2009-02-05 08:42:01
في اوربا عندما تمر من منطقة ريفية
تتمنى أن لاتخرج منها لأنك تشعر اينما نظرت بمتعة بصرية و نفسية لا تضاهى فجميع البيوت مرتبة ومتناسقة بفن جميل زهور ولوحات مرسومة على الجدران ومساحات خضراء واسعة وجو نقي و نظيف .. لاشك أن الله حبانا بريف ساحر في بلادنا و لكن للاسف لم نعرف أن نستثمر ما منحنا الله اياه ..على كل إذا كانت مدننالاتملك ما يملكه ريف اوربا من خدمات فكيف بريفنا ..نعم أتمنى أن يكون لي بيتا ريفيا و لكن من يضمن لنا نصف مستوى الخدمات المتاحة للريف الأوربي و أعدكم إن حصل هذا فستشهدون وقتهاهجرة معاكسة وبشدة ..ولكن !! مهندس محمد 2009-02-05 08:23:11
طبعن الريف
بدون تنظير بشوف انو الريف ازا كان فيو كل المقومات الطبيعية وكل الخدمات أفضل بكتير من المدينة بزحمتها وضجتها وتلوثها " البيئي والاجتماعي احيانا" وبالنسبة لبعد مكان العمل عن مكان السفر , بدي انصح اي شخص عم يقرأ التعليق انو يجرب يقرأ كل يوم وهوي رايح عالدوام كم صفحة من شي كتاب وانا واثق انو يوم بعد يوم بتصير معو عادة لا يمكن الاستغناء عنها بالاضافة لأنو اكيد ما لح يحس بطول المسافة , بس انا مصر انو يكون كتاب وليس جريدة رسمية . amani 2009-02-05 08:08:31
الريف أولا
انا من سكان الريف وأعمل في المدينة ولاأستطيع ان أتصور أنني أععيش أيامي كاملة في المدينة وخاصة الصيف والربيع ولكن الريف لايزال ينقصه الخدمات رغم المدنية التي زحفت إليه بنسبة لا بأس بها ولكن أيام وليالي الشتاء مازالت مملةفي الريف وطبعا أفضل العمل في المدينة حيث التنوع والفرص الأكثر -سوريا
copy rights ©
syria-news 2010
