ظاهرة إطلاق الأعيرة النارية في الأفراح...كيف يمكن محاربتها؟
تتكرر بصور شبه يومية العديد من الحوادث المأساوية التي نشر بعضها على موقعنا، حدثت في أفراح تحولت إلى مآتم، بسبب ظاهرة إطلاق الأعيرة النارية المتأصلة في نواحٍ كثيرة من بلدنا في مثل هذه المناسبات.
ابن يقتل أباه بالخطأ، أو العكس، وسواها من الأمثلة تكررت وما تزال تتكرر بصورة مأساوية لم تجد الجهات المعنية بعد سبلاً للحد منها.
فكيف يمكن محاربة هذه الظاهرة في رأيك؟
هل يمكن استعمال القسوة في محاربتها خاصة أنها عادة متأصلة في مناطق وأرياف واسعة من بلدنا؟
هل سيتقبّل أهالي تلك المناطق القسوة في محاربة هذه الظاهرة، أم سيكون لذلك نتائج عكسية؟
هل تفضّل التوعية في محاربة هذه الظاهرة؟ وهل تعتقد أن الجهات المعنية تقوم بدور توعوي كافٍ في هذا الخصوص؟
وما السبل الأمثل للتوعية في هذا المجال؟
japan 2009-06-23 16:24:04
hh
المطرب إذا بقول سلام لابو شكيب وأبو شكيب ما بيطلع المسدس بيضربلو مشط ما بيمشي الحال ابدالانو ابو شكيب إلو وزنتو وكلمتو بين الناس لكن خييو؟ ولي بيموت بيكون خالص عمرو وقضاء وقدر -سوريا
رضا الحر 2009-06-23 09:14:09
الحل بسيط كتير
عندي صديق ضابط شرطة إبتكر الحل الأنسب لهذه الظاهرة فبعد أن عين في إحدى قرى محافظة درعا المشهورة بالـ(القواس)ولكثرة المشاكل وبعد إعلام جميع المحتفلين في المنطقة بعدم إطلاق النار في أي مناسبة في أحد الأيام كان يوم خميس وعرس وطخ رصاص ماكان منه إلا أن ذهب إلى العرس وإعتقل العريس ولم يفرج عنه إلا بعد أن سلم المقوسين أنفسهم وأسلحتهم ....مع العلم أن الضابط المذكور مثال للعفة والنزاهةوالحزم بتطبيق القانون
تحية لأبو علي صاحب الحل ولجميع قراء سيريا نيوز
ماهر 2009-06-22 23:20:30
؟؟؟؟؟؟؟؟؟؟؟؟؟؟
الحمدالله ياجماعة مشاكل البلد انحلت ومعاد في فساد بالبلد ولا في رشوة والكهرباء 24على 24 والماء شرحو وصارت الشرطة في خدمة الشعب والموظفين يتسابقو على خدمة المراجعين والشوارع واسعة ونظيفة وما في زحمة سير والارصفة مرتبة والتغت الواسطة والمحسوبيات وخفت الضرائب واتئمنت لكل مواطن وظيفة ورجعوا المغتربين وارتفع دخل الفرد واترفه الشعب واتئمنت كل احتياجاتو بس للاسف ظل مشكلة اطلاق الاعيرة النارية بالاعراس هي يلي معكرة صفو البلد --------- اه يا بلد
-سوريا
سامررررر 2009-06-20 10:45:24
فكرة وازنة
انا برائي انو بكل عرس يحطوشرطي وهيك مابقا يسترجي يطلق اعيرة نارية لانو بارضو بينسحب بس لاتنسو هي الفكرة قلها سليبات 1 ماببقا في رجال شرطة بلمخافر 2 باب جديد للرشوة بعدين على اساس محدا قادر يتجوز شو القصة بس ياخوفي ما ياكلو شي رصاصة هل الشرطي -سوريا
Ameer 2009-06-19 13:13:44
هذا العادة موجودة من زمان
هذا العادة موجودة من زمان وانا بشوف انه مافي داعي تقضي عليها ولا حدا راح يقدر يوقفها لانه عرس بدون اطلاق نار ماهو عرس والحل بسيط انه العالم ماتستخدم طلق حي تستخدم بدل عنه طلق خلبي يعني صوت وبس وسلامتكم
-سوريا
Tifa 2009-06-19 02:39:01
اي بسيطه يابي
انا برأيي انو الحل بسيط كتير يعني كل ما بدو يصير عرس و حدا بدو يطلق نار تجي الشرطه و تأوصوا من ببو عينو مشان يعرفوا يأطلق نار مره تانيه لانو انا برأيي هاد جهل و تقاليد تافه
وبس تأوص الشرطه كم واحد ببطلوا يأطلقوا نار-سوريا
نور 2009-06-18 14:07:31
باب ضو
ايه عادي ليه محملينها كتير .. انا بنزل بالصيف من دبي على جرمانا و بتكون العراس شغاله .. و طبعاً بدون إطلاق نار ما بتكمل فرحتنا .. و شي اكيد بتولع معركه باعتبار ضايعه الطاسه و كل واحد بلشو شواربو يطلعو بدو يثبت انو زلمه .. يعني رجل .. و بعد شوي بالطبع بتشرف الشرطة و الناحية لتضبط الامن و تثبت انو مافي رجال عنا .. و بيحكو بإسم مدير الناحية لاظهار الوهرة (السطوة) و كل هالوهره بتتبخر بس الألفات تنحط بالجيب .. و طبعاً بيصير انو خلي هالجيل يعبر عن رجولتو .. شباب باول عمرهون تركـــــونلارا 2009-06-18 12:29:08
انا برأي
أنا برأي برامج التوعية ما رح يمشي حاله لأنو مرت فترة الحكومة حذرت كتير و حطت اعلانات عالتلفزيون عن مخاطر العيارات الناري و رغم هيك ما حدا لحدا من شان هيك لازم يكون في حكم قانوني شديد و هيك الناس بتخاف و بتعمل ميت حساب اما تقلولي توعية و معرفة و مدري شو اة ما بيمشي الحال
نور النوري 2009-06-17 20:47:15
بسيطة
قوانين مارح تظبط ورشوة مارح يبطلوها
بسيطة
بيعهون طلقات خلبية ارخص من العادية ورح يبطلو يطلقو رصاص حي
شلوني معكون adeson 2009-06-17 19:28:50
هل تعلم
هل تعلم أن مقذوف طلقة عيار 9 مم …..
إذا أطلقت إلى الجو تصبح قاتلة بالذهاب وإياب ….
واغلب الأحيان ترجع على الرأس ….
يعني مطلق النار حتى (يتفشخر) ممكن يقتل شخص بحارة ثانية دون أن يحس …
-سوريا
محمود اوحلب اوظبي 2009-06-17 01:04:23
صعب وجاتين وماخرج
بما انو الرشوه منتشرة بشكل مو طبيعي فلازم الشعب يقوس بكل المناسبات ودخيلكن خلي يقوس يفش هلقهر يلي فيه لانو لازم الشعب يتنفس الآنسة قاف 2009-06-16 09:12:51
وزمامير الفرح أيضاً
وبالمرة هن وعم يفكروا بالحل بلكي يلاقوا حل للفرح الإجباري كل أسبوع لما كلنا منفرح مع العروسين وما ماعاد منسمع بعض لأنو الشباب عم يزمروا تحت البلكون.
حرام... فرحانين. شو الواحد كل يوم بيتجوز؟!
-سوريا
Rula 2009-06-16 08:53:21
not only guns but fireworks is it allowed?
how about fireworks. the trend now is to get fireworks when birdes and bridgroom trying to be in their fancy cars. last night we thought our house someone is bombing our house or it is on fire because our nice neighbours decided to get fireworks for their son's 3arada..... but WHY someone pls tell me-سوريا
وائل 2009-06-16 01:52:04
شعب يحب التفنيص
الشعب العربي و منه السوري مولع بلتفنيص و الفشخره يعني لو مطرب درجه 15 يغني ووجه سلام او تحيه لشخص اة عائله او منطقه لرايت المعنيين ينتشون فرحا و كبرياء كانهم مقاتلين قد رجعوا للتو منصورين من ساحه الوغى .المشكله يا ساده في العقول المريضه و ليست في اي مكان اخر -فنزويلا
عابر سبيل 2009-06-16 00:08:06
اقتراح
باعتقادي افضل حل هو كما ذكر اعلاه استخدام القسوة واستصدار قوانين صارمة في حق كل من يرتكب هذا النوع من الجرائم والاهم الالتزام بتنفيذ هذه القوانين ولكن قبل ذلك يجب محاربة (( اهلااااااااً ابن العم اتفضل اشربلك فنجان قهوة جوا )) وفهمكن كفاية -سوريا
أسامة 2009-06-15 22:17:13
أنا ضحية حية
تخيلو مدا الضرر الذي لحق بي ,الجسمانية والنفسية , وبعد هذه الحادثة كنت كل ما اسمع صوت رصاص , انبطح في الارض متل الجنود في المعركة وابكي !!, الرصاصة دخلت في الصدر بينها وبين الشريان الابهر 1 سم حتى أنني اصبح حالة دراسية في مشفى المواساة بدمشق,واصبحت الولد اللي طلع من الموت !!ولحد الان اذا بسمع صوت فتاش منبطحا على السريع . شي بيضحك وبيبكي :D
تحياتي
أسامة 2009-06-15 22:08:06
أنا ضحية حية
المصاب الأخير كان قد وضع يده على كتفي , وبما ان الرصاصة اخترقت صدري وخرجت من الظهر فقد اصابة اصبعه وقطعته !!, علما ان المسافة بيننا وبين الحارس الفرحان لم تتجاوز ال 5 امتار كحد اقصى, علما ان مطلق الرصاص الان حر طليق ولم تتجازو مده حبسه السنة وذلك لأن كان في عندو دعم من فوق
فما هو رأيكم زاد فضلكم !!أسامة 2009-06-15 22:03:35
أنا ضحية حية
في عام 91 ,كنت قد ذهبت أنا واخوتي لحضور مبارة بين ضيعتنا وضيعة قريبة على دوري الضيع في محافظة حلب ,وقد فازت ضيعتنا بالمبارة , فما كان إلا من حارس المرمى وهو عسكري (مجند) إلا ان بدأ بإطلاق النار في الهواء فرحا, فكانت النتيجة سقوط 3 أفراد ,فجاءت الرصاصات كالتالي , رصاصة في الرأس توفي الشاب المصاب بعد 5 أيام ,رصاصة في الرقبة,توفي الشاب بعد 4 شهور , ورصاصة في الصدر انا هو الذي اكلها, بقيت في المستشفى شهرا كاملا , وعملت عملية صدر مفتوح اكثر من 30 قطبة,ومصاب آخر , تكملة ..-سوريا
drbas 2009-06-15 14:20:02
منع الرشوة
في قريتي فبل العرس يذهب أهل الفرح الى المخفر لدفع المعلوم ثم يفعلون ما يريدون من اطلاق نار أو تاخر الى الفجر واذا لم يتم الدفع تاتي الشرطة وتطلب ( المعلوم ) وتذهب واذا لم يتم الدفع تطبق كافة القوانين بحذافيرها وبشدة -سوريا
سيد الغرباء 2009-06-15 11:43:41
ياسلام
في قريتي الحمد لله الشباب مابخلو عصفور يفر من دون تقرير وهاد الشي ايحابي من هيك نقطة لذلك تقل الطخطخة لكن بسرمين قريتي الثانية او جارتي العزيزة تحسب نفسك بخندق رمي بالاعراس لاتعلم من اين تاتيك الطلقة او ياتيك صوت الرصاص شي بيرفع الراس انا بصراحة بحب الطخطخة بالاعراس يا جماعة شي رفع ليش الكذب بس بنسبة وبحكمة مو على الفضى او البطر ............ -سوريا
مثقف ثوري واعي 2009-06-15 05:24:35
كمان للدكتورة الحائرة
يا حضرة الدكتورة أنامن الناس المضطرين للسفر الدائم وأحمل مسدس مرخص أصولا ولأكثر من مرة تعرضت لمواقف لولا وجود سلاحي معي لكنت إما من عداد الموتى أو المصابين أو المسطو عليهم والحمد لله لم أتورط بأي حادث ولم أستخدم مسدسي الا بحالات دفاع تام عن النفس ولست وغيري كثيرين من أمثال جارك المأنشح أبو طقطيقة،وبما انو جارك قليل أدب فليش ما بتبلغو عنو وعن تصرفاتو للجهات المعنية؟وحتى اذا كان مدعوم كتير بيتربى وبينعملو فركة ادن! وجود السلاح النظامي بيد الانسان الواعي ضرورة أما بيد التافهين ففعلا مشكلة... -سوريا
أبو هيثم 2009-06-14 11:42:45
النمر
لا تعليق ظاهرة إطلاق النار ضاهر سيئة ويجب أن نتدفداها بمساعدة رجال الأمن وإطلاق الأعيرة النارية لاتعبر عن الفرح لأنها ظاهرة سلبية ويجب أن نستبدلها بإطلاق الزهور وحبات السكاكر والأرز والحمام الأبيض.-سوريا
samer 2009-06-13 20:41:15
ماحدا حل الموضوع
غريب لا احد عرف السبب الرئيسي والكل يريد حل الموضوع عن طريق احتواء النتيجة بدلا من منع السبب. السبب هو وجود السلاح والحل هو منع وجود السلاح. اذا اردت ان تقوم بافتعال حرب او الارهاب في بلد قم ببساطة بتوزيع الاسلحة على اهلها وتفرج عليهم يقتلون بعض.. وجود السلاح بيد اي شخص مدني هو جريمة واذا كان السلاح مرخص تصبح الجريمة مسئولية القانون.. قانوننا يعامل الشعب باجرام.-سوريا
حــــ . مــــــ 2009-06-13 15:30:25
المسك من اليد التي توجعهم !
السلام عليكم ...
أما بالنسبة للحل فالحل واضح ، فالشعب السوري لا يكترث إلا إن فرضت عليه عقوبات مالية ، فالحل الأمثل بالنسبة للمدن السورية ( تغريم أصحاب الصالات بمبلغ لا يقل عن 10000 ل س ، وفرض عقوبة حجز على الجاني ، أما بالنسبة للقرى والأرياف فالوضع مختلف فالأفراح تكون في ساحات القرية فالواجب على أقرب مخفر شرطة إرسال بعض عناصر الأمن للفرح ( فغالباً لا يجتمع أكثر من فرح في اليوم الواحد ) وذلك بما يتوجب على أهل الفرح إعلام المخفر بموعد الفرح
ودمتم ... fadi 2009-06-13 15:26:49
بإظهار الجانب السلبي و المأسي من إستخدامها
إن أبسط وسيلة هي إظهار النتائج السلبية للذين يقتقدون أن هذه الطريقةهي تعبير للفرح أو للرجولة ، فالرجولة تقضي بالحفاظ على الفرح و البهجة وسلامة الأحبة ليس بخلق حالة حزن ونكبة .. فكم من فرح إنقلب إلى ترح وكم من بهجة قلبت لحزن. إن لوسائل الإعلان الدور الرئيس و البّناء ... فكما تحولت طريقة التأكد من صلاحية عبوة الغاز بإستخدام الصابون يمكن أن تتحول طريقة التعبير عن الفرح أو الحزن بإتباع المظاهر المعتادة في كل الدنيا من غناء و رقص و مشاركة الأصحاب و الأهل فالإعلان السمعي و المرئي هوالحل.
ابو عامر 2009-06-12 17:33:02
الشرطة في خدمة الشعب
اقسم بلله انو سبب المشاكل الشرطة لانو لو في قانون بهل البلد ما كان حدا عندو سلاح بدون ترخيص ولاكان حدا اطلق نار على كيفو **ريما 2009-06-12 16:48:57
دولة مال والقانون وضع للفقراء فقط
إن المال في سورية أقوى من القانون وإذا تكلم المال صمت القانون لذا لا يمكن نهائياً محاربة هذه العادة السيئة أو غيرها من مواهب الفساد المتعددة لدى شعبنا. وللأسف أصبحنا نعيش في دولة مال والقانون وضع للفقراء فقط.-سوريا
ابو عمر 2009-06-12 13:10:14
الحل بمحاربة الرشوة
القانون واضح و صريح في تجريم هذه الظاهرة لكن دفع المعلوم للجهة المسؤولة عن تطبيق القانون يؤدي لتعطيل تنفيذ العقوبة الرادعة ( في قريتي توقف الناس عن اطلاق النار بعد حادث ادى الى وفاة ثلاثة اشخاص ) -سوريا
لويز 2009-06-12 13:05:43
لم يعد يمكن تعديل أي خلل
أعتقد أنه لم يعد بالامكان تغيير سلوك المواطن السوري بأي شكل من الآشكال طالما هناك تجاوزات للقانون ووساطات ومحسوبيات ومعارف ورشاوي وغيرها. وأي قانون سوف يوضع لمكافحة اطلاق الأعيرة النارية سواء بالأعراس أو خارجها سيتم تجاوزه بكل سهولة كغيره من بقية القوانين. -سوريا
سوري مغترب 2009-06-12 10:36:54
شي للبهجة
شي جميل اطلاق الاعيرة النارية بالاعراس شي جميل للبهجة lolo 2009-06-12 03:51:16
يمكن من الفرحة
والله ياشباب يمكن من الفرحة نحنا بنقوص لانو منحس حالنا حررنا فلسطين من كتر ما صاير الزواج مكلف بوقتنا والي بيتزوج بيكون مفكرر حالو بطل لهيك بينزل يالله طاخ وطيخ بس لازم الشرطة تمنع هاد الشي وتكتب العريس تعهد بيمبلغ مالي واكيد ما لح يسترجي حدا يقوص لانو العريس بيكون مصفر ولا شي بيجيابو او اهل العريس بيعزمو شي عنصر على العرس وبيروق الوضع ولازم يكون في حبس للي بيقوص لانو ماشاء الله تقول جبها الله ينصرهم والف مبروك للعريس
OmaR 2009-06-12 01:02:32
الحل سهل و معروف
و الله الشغلة سهلة .. إذا الزوج فضى ليلة عرسو بالنظارة بسبب إطلاق النار .. على كم عقوبة من هالموديل بتختفي هالظاهرة و بتنمحق .. خليه يقعود كم ساعة بالنظارة مو أحسن ما يموت شي بريئ مشان يفرح كم ثانية !!-سوريا
الدكتورة الحائرة 2009-06-11 22:46:01
الى واعي مثقف ثو
بالحقيقة الانسان العادي والملتزم بالاخلاق والمستقيم لماذا سيحتاج السلاح واذا منع السلاح فكيف سيتعدى الآخر علينا؟ اذا بعصاية الغلي معناها حظنا ونصيبنا -سوريا
صبوح 2009-06-11 22:05:09
الحق على الشرطة
الشرطة هي السبب روحو شوفو شو عم يصير بلارياف وخصوصا دوما والمناطق المحيطة رافد 2009-06-11 21:19:50
القانون
يمكن محاربة هده الظاهرة بالقانون ويجب أن يطبق القانون على الكل ليس على فئة دون أخرى ويجب أن تشرع هده الظاهرة بالقانون على أنها الشروع بالقتل فالقانون هو الرادع الحقيقي مع التوعية عن طريق كافة وسائل الإعلامفراس باشا 2009-06-11 20:43:39
انه سهل
نعم انه سهل جائزة للمشتكي بألأثبات يدفعها المخالف وسجن للعريس شهر كامل ويكافىء ماديا ومعنويا المشتكي بالدليل .ويجب قبل اعلان الحفل ابلاغ الجهات المختصة وعمل ترخيص لهذا واثناء الترخيص اخطار مع تعهد خصوصا في الارياف M r . HG 2009-06-11 20:28:36
/////////
عندما ستصلون لحل لمحاربة جرائم الشرف و غيرها من العادات البالية حتما ستصلون الى حل لهذه المشكلة و غيرها.لأن كل العادات و التقاليد البالة هي عبارة عن سلسلة متعلقة ببعضها بعض.و لا يجوز أن نحارب شيئ واحد سيئ فقط و نترك الأسوء!. لذا فلا بد من قانون صارم و عقوبات صارمة تعاقب هؤلاء المساكين!!
مواطن 2009-06-11 18:08:34
اطلاق النار
لا شك ان اطلاق النار ظاهرة غير حضارية ويجب محاربتها بكل الوسائل وانا ثقتي بالدولة كبير لوقف هذه الظاهرة ولو بالقوة وتشديد العقوبات على المخالفين
ونشر التوعية بنفس الوقت--- عاشت سوريا وعاش حاميها
مما عكسه العنوان 2009-06-11 16:33:19
إي شو فيها دي حياتي وأنا حر فيها وبسلاحي
مارد عاتي بلاهـ يعني بلائي والضياع أعاني وجبان صفاتي بقى الرأفة بحالي والفرحة لا تكتمل إلا أن تسيل دمعة لتأجيج مشاعر الحاضرين بهجة و تعم الجموع نشوة الحبور وتفيض الصدور بالسرور ليأتي طلق مغرور جمر يضرم جحيم لا تخمدهـ دموع الأحزان لدهور وخصام ينمو بإراقة حمامات الدماء لسلاسل حمقى الثأر.أكثر تصفيات الحساب لضغينة مبيتة أم غل دفين تستغل الأفراح وحتى أصحاب الفرح الكثيرين ممن يكيدون لهم قالبين لحظات السعادة لشقاء بزجهم بغير وجه حق بأروقة الزنزانات وردهات المحاكم .. لذا من أطلق يجرم ويستمر الحفل -سوريا
ابن البلد 2009-06-11 15:51:52
ظاهرة سيئة لكن
اتمنى من المسؤولين توفير طلقات خولبية يعني رصاص غير حي ومن كل افراد الشعب ان يستعمل هذا النوع من الرصاص وما عداه يسجن كل من يستعمل الرصاص الحي علما ان الذين يستعملون الرصاص الحي هم اناس كما تعرفون وعلى حساب الدولة ويجب محاسبتهم مهما علت رتبهم وكما اقرأ ان هناك حملة مكافحة واسعةوبهذايفرح كمايفعلون في بلاد اخرى يستعملون الالعاب النارية لكنها بحاجة لساحة واسعة حتى لا تسبب حريق -كندا
أبو آدم 2009-06-11 12:54:02
الحل الأكيد
بما أنه في ناس راسها كبير وما بتفهم بالعقل... الحل الأكيد هو إنو يسمحو بالأسلحة الخلبية بدلاُ من الأسلحة الحقيقية وذلك لتفادي مثل هذه الحوادث. أبو أحمد 2009-06-11 10:29:02
فرصة
اغتنم الفرصة لأعبر عن رأيي بكل أريحية وأقول كم أتمنى أن يعاد النظر بسلك قوى الأمن الداخلي الذي يشكل الحصن الداخلي للأمة وأداة تطبيق القانون بالأمور التالية:
1- يعطى عنصر الأمن كفايته من الراتب بحيث لاتغريه الرشاوى.
2- يعطى عنصر الأمن الصلاحية لتطبيق القانون مع كافة شرائح المجتمع وخاصة مع المسؤولين وأتباعهم.
2- يطبق قانون صارم وشديد بحق كل عنصر أمن يحيد عن جادة الحق والعدل.
3- يفتح باب لاستقبال كافة شكاوى المواطنين حول أي مشكلة أو حول عنصر قصر بواجبه أو لم يحق الحق ويبطل الباطل.
ودمتم..
-سوريا
مواطن درجة سابعة 2009-06-11 10:19:48
علوه بلا تقسيم
شو هالمزاج يلي مابيجي الا بسماع طاطاطا وشو هالذوق بالاستمتاع بريحة البارود شو ولدان بساحة حرب وبعدين الراقي والمتحضر يا فهمان مابيلجا لغة السلاح ولا بس مشان تفك عقد يا ثوري واعي واذا شايف حالك كتير شخصية مهمة وخايف عحالك تعال لحتئ اجرلك 2 مرافقة ليحرسوك العصفورة الشاطرة 2009-06-11 07:51:35
لازم يكون في حد
شكرا على الموضوع الهام. الدولة لازم تحط قيود صارمة على المخالفين في هاد الموضوع و باييد الزميلة الدكتورة الشاكرة بتعليقها
-سوريا
wsda 2009-06-11 03:26:53
بلا فزلكة
قبل ما تمنعوا اطلاق النار امنعوا سائق السيرفيس يلي ما عم يرفع اجره عن المازوت وحاطط برقبته 14 راكب ولا هالزعران يلي بالطرقات بكون فلتان عحل شعره و بس يقله الواحد( به )بيسحب السكين و بناوله
حاج قلة طعمة و خلو العالم تفرح بقا
اي من الرشح كل سنة بموت 300 واحد خلي يموت 10 من الفرح
انا برأيي كل واحد بعارض هالشغلة معقد و حسود و ما بحب العالم تنبسط مثقف ثوري واعي 2009-06-11 03:15:50
إلى الدكتورة الح......
إذا جارك بلا أخلاق وماعندو ضمير مو معناها كل مين عندو مسدس متلو وشو هالعلاك اللي عمتقوليه:(ماحدايحمل سلاح الا رجال الامن وهيك ماحدا بيتعدى حدا)!!! برايك انو اذا واحد عندو مسدس مرخص وهو على خلق وإنسان متحضر لكن لأسباب شخصية مضطر لحمل مسدس لحماية نفسه فشو رأيك يسحبو المسدس منو ويلغولو الترخيص؟! كمان برأيك مين قادر يمنع المجرم واللص والمشلح من حيازة وحمل مسدس يعتدي به على حياة وأموال وكرامة الناس؟! مو كل الناس الحاملين مسدسات متل التافه جارك!!-سوريا
Heavy Overdose 2009-06-10 22:28:30
رفعت الأقلام وجفت الصحف
إعدام .. خلصنا بقى-سوريا
الدكتورة الحائرة 2009-06-10 21:11:22
ياريت وقفت على المناسبات
جارنا كل ماكان مبسوط بيقوس حتى لو اشترى كيلو لحمةمرة اسمعنا اطلاقات نارية من مسدسه ركضنا متل المجانين واذ طلعت بنته ناجحة بالتاسع قالتله الماما يخزي العين لكن بكرى اذانجحت بالباكالوريا لازم نحضر حالنا على مدافع هاون وبس تجوزها قنابل نووية المهم الحل انه ماحدايحمل سلاح الا رجال الامن وهيك ماحدا بيتعدى حدا واللي معه سلاح معروف ليش ومين -سوريا
3la2 2009-06-10 18:36:49
خليا لربك يا شيخ
اول شي سلام عليكم وتاني شي مشان هالحكي اول شي خلونا نقدر نتزوج بعدين يلي بده يقوص وكل الشباب معزومين ويلي ما عندوا مسدس منعطيه من عنا خخخخخخخخخخخخخخخ-سوريا
زورو أبو الفردين 2009-06-10 17:00:11
بدنا نقوص
خلونا نقوص ابتهاجا وتعبيرا عن الفرح وحفاظا على شيئ من عاداتنا وتقاليدنا احسن ما نقوص على بعض -سوريا
سوري للعضم 2009-06-10 15:15:58
ابو المعارك
تعالو على عرسي والله غير لخلي السما كلها رصاص .. لك صوت الرصاص مافي اروع منو بالاعراس و الجنازات .. يا جماعة الي بحب ضرب الرصاص اهلا وسهلا فيه .....-سوريا
لوسي البين 2009-06-10 13:42:20
فرد فتاش
ما بدا الشغلة كتير تفكير
بتعرفوا فرد الفتاش أبو الخمسا عشرين هاد من شو بشكي خلي يضل يقوس لبين ما تتبخش أدنيه بدوي 2009-06-10 13:32:22
اعراسنا بالنار
ما نقدر بلا النار بعراسنا -سوريا
science, logic & belief 2009-06-10 12:54:16
لا يصيبنا إلا ما نكتبهنصنعه بإيدينا2
بديهياً لو استعملنا الورد والموسيقى قد تصيبنا الفرحة والسرور..ولو استعملنا الأسلحة النارية بأنواعها قد تصيبنا الطلقات النارية! القرار والخيار بين إيدينا **..كم ضحية يجب عليها الموت حتى نستوعب وندرك هذا؟ ألا تتذكروا الطفل الذي قتل أباه بمسدس كان على الطاولة؟ بالله عليكم أليس هذا جحيم لا يطاق؟ إحموا أنفسكم واستفيدوا من نعمة الدماغ وربي يحيميكم جميعاً والسلام عليكم-سوريا
مواطن 2009-06-10 11:08:24
مواطن
الغريب من كاتب المقال لا يعرف أن القانون السوري يمنع اطلاق النار المشكله بالتطبيق و ليس بقسوة العقوبه أنا من سكان منطقةزين العابدين كل يوم تقريبا عرس وأطلاق النار بهذه المنطقه المزدحمه المخيف و الغريب أنه لا يوجد من يضع لهؤلاء المتخلفين عند حدهم
-سوريا
عماد طلال 2009-06-10 10:40:56
الحزم ثم الحزم
السادة الكرام مع إحترامي للجميع ...يكفيكم فقط أن تنظروا إلى أشكال مطلقي النار في الأفراح لتعرفوا بأن هذه النوعية المتحجرة المتخلفة من أشباه البشر لا تنفع معها التوعية...بل يجب الضرب عليهم بيد من نار وحديد ...فكم من روح بريئة أزهقت جراء طيشهم وتخلفهم..وكم من فرح تحول إلى ترح نتيجة جهلهم والأنكى من ذلك الشرطة وخصوصاً في الريف (إدن من طين وإدن من عجين) صدقوني من تجربة شخصية فالج لا تعالج والكلام يطول ولكن خير الكلام ما قل ودل
إنظروا لأمننا وأمن أطفالنا بعين الإعتبار...
الباشا 2009-06-10 10:30:54
الافراح
ساقترح عليكم ما قد يستهجنه البعض ويستسخفه البعض الاخر ولكن برايي هو الحل الامثل : احداث مكتب للافراح في مختلف البلديات في المحافظات و الارياف يكون مسؤول عن اطلاق الالعاب النارية و المفرقعات في المناسبات والاعياد و الافراح الخاصة بناء على طلب خاص و باجور تتناسب مع قيمة المفرقعات و الالعاب الناريةو جهودالعاملين في هذا المكتب كما هو الحال باطلاق مدافع رمضان هي ضمن مسؤولية الدولة و تطفي البهجة في نفوس الناس لانه لا يمكن ان نمنع الناس من مظاهر الفرح دون تقديم البديل الانسب .
-سوريا
المغترب السوري 2009-06-10 08:51:36
فيه أكتر
السلام عليكم ورحمة الله وبركاته يعني صحيح هذه الظاهرة منتشرة في أرياف الوطن الحبيب وتميل لتأخذشكل العادة بس برأيي يجب توعية الناس عن طريق الاعلن وعن طريق نشرات خاصة تصدرها وزارة الداخلية ولابأس من بعض البرامج التلفزيونية اللي تفي بالغرض أما أستعمال القسوة فهذا يعكس الأمور سلباً بعدين في ظواهر عن أقوى وأشد يجب مكافحتهايعني ممكن أهل العرس هون يؤذوا أنفسهم وبس ؟ لكن في ظواهر أخرى عم تنخر بجسد الوطن الحبيب وما بدي عد لأنو مو موضوعنا؟
-سوريا
M.R.M 2009-06-10 08:39:51
الأصل في الأمور الإباحة ما لم يتعارض مع قانون أو ش
أقول أن الأفراح و الأتراح عادات تابعة للحي أو الثقافة أو التركيب الاجتماعي و أنا لا أرى ضير من ممارسة كل الناس طقوس أفراحهم ما لم تتعارض مع دين أو مصلحة عامة فما الضير لو أن المحافظة تعد مجموعات من المؤهلين ببنادق مختلفة الأشكال و بأعيره نارية آمنه-خلبية-بحيث يكون مظهرهم لائق و ليقوموا باستعراض إطلاق أعيرة نارية لمدة من الزمن في مكان العرس بحيث تعود ريعية هذه الفرق لمجلس المحافظة و لتفرض الدولة ضريبتهاعلى استإجار هذه الفرقة ليتم الأمر بشكل آمن و حضاري دون قلق و دون اللجوء إلى الطرق الملتويه
-سوريا
رجل تسكن روحه أنثى 2009-06-10 07:57:12
الحل عندي
لازم يكون فيه قانون يحجز صاحب المناسبه المباشر ( مثلا العريس ) اذا صار اطلاق نار و هيك منضمن ما حدا يطلق نار
شو رايكم؟؟؟؟؟؟؟؟ Muhammad Shahwan 2009-06-10 07:56:15
بسيطة!
بسيطة مافيها شي...منطلق أعيرة نارية على يللي عم يطلقو ومنخلص من هالمشكلةباسل سـكريـه 2009-06-10 06:53:11
فكره
والله بالنسبه لسوريه انا براي يركبوا كاتم صوت على الاسلحه وهيه ماحدا بدرى ...يارت هون بامركا بسمحوا بهيك شغله والله كنت عملت عرس ئدام البيت الابيض والشـباب الــطــيبه كلهون معزومين الكل بكره يروح ع السفاره الامركيه ويحط سبب السفر بدنا نئوص Barada 2009-06-10 06:16:34
لا يموت الذيب ولا يفنى الغنم
بيعوهن طلقات خلبية وانتهى الموضوعمثقف ثوري واعي 2009-06-10 04:00:13
آخ على شي كم طلقة
والله يا جماعة لما بسمع صوت رصاص بيفرح قلبي وبنتشي ومافي أحلى من صوت الطلقات هيك طاطاطاطططططططططططططط ططططططططططط ططططططططططط طاطاطا ولا ريحة البارود،ياويلي على ريحة البارود شي بيفرفش عالآخر،مممممم شو حلو هالصوت طا طا طا طا طططط ططططط طططططط ططططط طا طا طا، بس هالشي مو بالأعراس وبالتجمعات بيصير ، لأنو خطير كتير، لكنو شي رائع رائع رائع إذا بالبرية وبمكان بعيد عن الناس بحيث ماحد يتأذى فبيكون رائع رائع رائع....."هيك مزاجي أنا" -سوريا
مقهوووووووووووووووور حتى الاشباع 2009-06-09 23:38:08
دق طبول
مواطن درجة سابعة عجبتني حكايتك لهيك عندي اقتراح لوزارة الداخلية انو يفرزو كام عسكري وشرطي لماكبة الفرح وتكليفهم باطلاق زخات من الرصاص بين الفينة والأخرى لاطفاء الرغبات الجامحة لدى البعض بضرب الرصاص وليش لاء خليون رصاص خطاط وخليها تلعلع -سوريا
مواطن درجة سابعة 2009-06-09 19:21:34
مافي داعي2
وهنا هدأت نار الشباب وعلت الأبتسامة الوجوه وأكملنا العرس بفرح وسرور وجاكرنا بقية الحارات ودخل عريسنا متل النمر ورجعنا لبيوتنا مسرورين حل شو ياجماعة حلوا عنا وتركوها لله مواطن درجة سابعة 2009-06-09 19:09:40
مافي داعي
مابدها كل هالشي مرة حضضرت عرس بمكان ما وكان قائد شرطة المحافظة جاي جديد وشاددها عالآخر وصدقا شفت بالعرس مع الحضور أكتر من10 بواريد روسية وكلهن جاهزين بأعتبار أن بعد العرس كنا رح نتوجه لتحرير هضبة الجولان أبو العريس طلب من المقاتلين عدم أطلاق النار والصبر وبتشعر فيهم عما يغلوا متل النار أجت دورية الجنائية راح ابو العريس ومعو شخص مهيوب وبعد 10 دقايق مفاوضات أنحلت قضية الجولان ونزل رئيس الدورية متل الطاووس واستل بارودته الروسيةواطلق أول مشط والثاني وعاد لسيارته بعد أن أخذ بدل الطلقات يتبعريفي 2009-06-09 17:20:42
ليش التحيز
الموضوع ليس حكرا على الريف
امنعوا اطلاق الاعيرة في المدن والحارات حيث الابنية المتلاصقة بعدين تعوا على الريف -سوريا
سورية يا حبيبتي 2009-06-09 17:17:34
العدل اساس الحكم
طبقوا القوانين على الجميع وليكن المسؤولين اول المنفذين للقرار ليتبعهم الشعب
في مناسبة عامة ماضية احد المتنفذين الذي يسكن الحارة اطلق جماعته الرشاشات والروسيات في مضافته وسط الحارة وعندما حاولنا منعهم اخذ يبيعنا وطنيات وبدنا نحتفل فرحانين امنعوا هؤلاء ليمتنع المواطن العادي -سوريا
بنت الشام 2009-06-09 17:17:08
سهلة كتير
يمكن القضاء على هذه الظاعرة باصدار قانون واضح يلغي و يمنع اطلاق الاعيرة النارية في الافراح مع عقوبة التوقيف العرفي بحق المخالف وصاحب الفرح وصاحب المضافة وووووو
-سوريا
بنت البلد 2009-06-09 17:12:28
القانون
ببساطة يمكن وقف هذه الظاهرة بتطبيق القانون على الجميع وبجميع المناسبات اكرر القانون وعلى الجميع ولكل المناسبات
يعني الشغلة مو اختراع ذرة / -سوريا
جوني 2009-06-09 16:50:28
حرية شخصية
مظاهر متخلفة .
الناس وصلت للقمر ونحنا بنقوص بالعراس , وبنسبة 10 بالمية إذا مو أكتر , الرصاصة بتصيب أحد المعازيم.
الله يخلصنا من هالمتخلفين اللي نازعين بلدنا الحبيب سوريا -السعودية
science, logic & belief 2009-06-09 15:40:26
إطلاق النار في الأعراس والمناسبات1
مصيبةٌ علينا التخلص منها وهنا أنا أضع اللوم على الشرطةالقضاء لأنه يجب أن يتم وضع الذي يطلق النار في العرس في السجن لمدة سنّة ولمدة 10 سنوات في حال كررّ فعلته(حسب مايراه المختصين)! قلت مصيبة لأن مفاهيم الفرح والبهجة مقلوبة رأساً على عقب لدى بعض الناس إذ يوجد خلل في دماغهم يجعلهم يفرحون بالرصاص بدلاً من الموسيقى والياسمين والورد! ربي يشفيهم وأكيد لا يمكننا إنتظار شفائهم التلقائي وعلينا حماية المجتمع منهم واللوم يقع على الكثير من الناس أيضاً الذين لا يريدون تلقي التوعية ويفضلون التخلفNidal 2009-06-09 15:33:20
والله مصيبة كبيرة
انا واحد من العالم يلي بعزف بالأعراس و عنجد بعاني من هالموضوع كتير و ياما الشرطة كامشين العريس...بس انا بصراحة شفت بعيني موقف ما حدا قلي عليه انو لما الشرطة كمشت يلي كان عم يقوص بعرس حلوها الشباب ب 15000 ليرة وقتها و ما صرلها زمان القصة..القانون صارم و لو بيتطبق القانون كانت انحلت هي القصة بس انا كل يوم بشوف هي الظاهرة و كل يوم بشوف الحللة تبعها...يعني يا سيريا نيوز شيلي هاد المقال لأنو مافي فائدة منو ...عطينا يلي بعدو من الاخر منير مصري 2009-06-09 15:07:19
عن الاغتصاب
يجب ان لا يغصبوا الاطفال لان هدا شي عيب حرام
قانون 2009-06-09 14:29:52
قانون
اكيد في قانون بالبلد يمنع هالشي بس لو انو القانون يطبق كما هو كان ما شفت اي مخالفة بكل البلد بس للاسف بعض القوانين في سوريا على الورق بس يعني لو انو كل واحد بيطلق نار من مسدس ولو مرخص بدون داعي بينسجن 6 شهور وسحب رخصة المسدس منه مع مصادرة المسدس وغرامة 200-300 الف ليرة اكيد كانت اذا ما اختفت الظاهرة بتكون قلت -العراق
سوري 2009-06-09 14:00:33
اطلاق النار
نعم يمكن محاربة هذه الظاهرة بكل سهولة بإطلاق النار على من يطلق النار بالأعراس.متعلّم 2009-06-09 13:52:13
الحل معروف
حملة توعيةوتحذير وإنذار شديد اللهجة وحملة دعاية لتسليم الشعب سلاحو إلى الحكومة ومن لا يلتزم تطبق بحقه أقصى العقوبات حتى لو كانت مناطق الأرياف حتى لو اضطر الأمر لتدخل قوات حفظ النظام والجيش لأنو ياللي ما بيفهم بالحكي والتوعية وحبيبي وعيني...بيقهم بشي تاني.... ومراقبة الحدود مهم أيضاً
-سوريا
سيف الدين 2009-06-09 12:44:28
ضابط متقاعد
الواحد ممكن يجيب مفرقعات نارية وباشكال جميلة في الاعراس بدلاً من هذا التخلف . والان المدن تطورت ليست كما كانت سابقاً الازدحام السكاني وغيرها و بدأت تشكل خطر اكبر بالإضافة الى ان اولاد هذا الجيل مدرك تماما كيف يستعمل هذا السلاح و يشكل خطرا على المجتمع , يرجى استخدام اشد العقوبات بمستخدمي الاسلحة بشكل طائش.
-سوريا
ابوالخير 2009-06-09 12:40:19
هي هييييييي
اي ممكن لما سيارة شرطة المرور ما بتخالف اول الناس .
اي ممكن لما منشوف عرس و قاعد فيه من يجب عليه ردع هالظاهرة و اطلاق النار خلفو او امام عينو ويمكن يكون ابنو احد المطلقين و ابتسامتو عريضة لانو هو عامل كرامة لاصحاب العرس , حرام خليهن يفرحو , و بكرة بعتب عليهن و بيجو و بيجيبو معاهم الاعتذار .
-سوريا
حلال المشاكل 2009-06-09 12:27:24
حل كتير بسيط
يوجد بالعالم ما يسمى أسلحة خلبية وباتت منتشرة بكثرة لدينا وهي مسدسات تطلق رصاصات خلبية-صوتية فقط- ولها أنواع وأحجام مختلفة مطابقة للأسلحة النارية الحقيقية وتفي بالغرض وتحل المشكلة كلها إن سمح بإستخدامها بالمناسبات الإجتماعية والوطنية ليتم التعبير عن الفرح وهي ليست مؤذية إن لم تكن قريبة من العين أو الجسم وبهذه الأسلحة يفرح المواطن ويبتهج بإطلاق وسماع صوت الرصاص-الخلبي- ونضمن عدم وقوع حوادث كارثية ومؤسفة....وطا طا طا طا طا طا طا طا طا طا طا طا طا طا،ومتلها متل تحسين معيشتنا-خلبية-وطاطاطاطاطاطاطاطا-سوريا
بدوي 2009-06-09 12:13:30
لزوم يكون فيه نار
ما تكتمل الفرحه بدون النار لزوم تكون النار موجوده بعراسنا وهاذي عادتنا
-سوريا
خخخخخ 2009-06-09 11:46:07
هههههه
عمتحكي وكأنو ما بتعرف انو بالمناطق اللي عمتحكي عنها عمبيتم هالشي بعد اذن من الشرطة نفسها هههههههه ليش ما عندكم علم انو اطلاق العيارات النارية ممنوع من زمان بقرارات حكومية رسمية بس بقرارات شفهية عمبينسمح هالشي بس بعد مايمتلأ الدرج عند عمو الشرطي هههههه
على كل حال الله يعطيك العافية يا صاحب المقال على هالبراءة بكتابة المقال -أفغانستان
copy rights ©
syria-news 2010
