|
|
راضي رغماً عني2009-10-31 13:28:23
السوري الأبي الذي لايركوع إلا للحكومة
هذا الشيء بذكرني بقصة قديمة وهي : طلع الأسد والثعلب والقرد في رحلة صيد فصادوا غزال بعدين قال الأسد للثعلب : وزع الغزال علينا ، قال الثعلب : نحن ثلاثة وكل واحد بياخد الثلث ، فضربه الأسد ضربة قاتلة فمات منها وتلق بشجرة مرتفعة ، ثم قال الأسد للقرد : وزع الصيد ياقرد ، فقال القرد : نحن والصيد كلنا إلك ، قال الأسد : من أين رفت الذوق ؟
قال القرد : من اللي معلق فوق ..
وفهمكم كفاية يا أهل الذوق وما في داعي نعيد التاريخ ، وهالخد تلم على هالكف . ومو طالع شي بالإيد . وبدنا نعيش !
سوري بس2009-08-15 12:39:31
سوري بس
هذه درسة قامت بها العالم الاسباني CARLOS FLORES ET AL ( اكثر الدرسات الاحصائيه التي قامت في العالم العربي هو الذي قام بها ) واخد عينات عديده من الشعب السوري واعتمد على الحواضر الكبرى اكثر فوجد ان السلالات في سوريا العزيزه هي :
السلاله ( A ) مع تحورها الجيني M13 نسبتها ،،،، صفر ، اكيد وهذه سلاله افريقيا محضه
السلاله ( B )مع تحورها الجيني M42 نسبتها ،،، صفر ، اكيد وهذه سلاله افريقا محضه
السلاله ( C ) مع تحورها الجيني M130 نسبتها ،،، صفر ، رغم ان المغول حكموا سوريا ولاكن لايوجد sory2009-08-15 12:36:08
sory
تاسس الكيان السوري الحالي بعد 1920 على ايدي البريطانيين والفرنسيين وبالحدود الحاليةوهو يضم ألآن طوائف واثنيات واديان كثيرة جدا لحد القرية الواحدة مختلفة عن الاخرى ولم يتشكل الوعي السوري الجماعي بشكل جيد حتى الآن فالبعض يظن نفسه مواطنا عربيا يمتد وطنه من المحيط الى الخليج والبعض يعتقد ان وطنه سوريا والبعض مدينته او قريته او اثنيته او طائفته والسبب هو المثقفين السوريين الطوباويين الحالمينالذين ساهموا في تشكيل وعي جماهيري سوري غير مبني على حقائق التاريخ والجغرافيا .السوريون هم سوريون
سوري عتيق2009-08-14 17:33:25
ايام الوحدة مع مصر
قال احدهم لعبدالناصر: سيادة الرئيس عندك فكرة عن الشعب السوري؟ قال هو حيكون ايه عن غيرعم من بقية الشعوب العربية( لاحظوا) استعمل كلمة شعوب عربية . صحيح ان السوري بيتكلم عربي ولكن بيبقى سوري لأنو خلق من 5 آلاف سنة سوري وتأقلم عبر تلك السنين وتغير الى ان وصل الى ما هو عليه اليوم! طبعا السوري راح يتماشى مع تغير العصر ولكن اعطوه فرصة- اتركوا له حرية الحركة وخذوا منه ما يبهر الأنظار، لأن السوري خلاق انما امكانياته لا تسمح له ان يرى ويجعل الآخرين يرون كذلك، والى الأمام ايها السوريون -سوريا
سوري منشطط بدبي2009-08-14 12:43:42
سوري ابن سوري عم يحكي صح
لك دمجنا القومية بالأديان(لك في شي اسموا فريق الوطن العربي! أوعلم موحدللعالم العربي ؟),لك بلدنا صغيروحلاوتوا بتنوعو,فحاجة قوميات ونظريات ماالى علاقةبواقع أوبمنطق عقلاني! الله يحميا للبلدويحفظ أهلا وناسا,ونزللي صحن فتوش وكاسةشوربةلأن رمضان عالبواب صديقي.
سوري ابن سوري2009-08-13 17:02:08
السوريون ضائعون !!!
لماذا؟ لأنهم لا يعرفون كيف ينتمون الى وطن هو سوريا أولا واخيرا -من ايام الجكم العثماني ونحن في سوريا منقسمين-ناس بدها العروبة وناس بدها الإسلام وناس تنتمي الى العرق الفلاني الخ... لم يعلمونا ان سوريا هي الوطن-انظروا الى امريكا! مع وجود كل اتنيات العالم على ارضها، انما الجميع يفتخرون انهم امريكان ،يوم نفتخر بسوريتنا وتعلقنا بسوريا اولا واخيرا سوف يتغير كل شيء في بلدنانحو الأفضل حتما وعلى كافة المستويات:العلمية والثقافية والمعيشية والتنظيمية واخاصة الإدارية والى الأمام عاشت سوريا
-سوريا
مغترب2009-08-13 07:56:12
الحمدالله اني سوري
ياجماعه والله احنا احسن من غيرنا شوفو الشعوب التانيه كيف عايشه الف الحمدالله اني سوري الف الحمدالله وحتى كمان الوضع في سوريا كل مالو يتحسن اكتر واكتر وراح شوفو مايا2009-08-13 06:44:31
مارح تظبط ....
مارح تظبط معك ... مافي حدا يسمعك ....
نحنا مابنتأقلم مين قال مو عيب هيك سؤال كل هالتأقلم مع ال وال وال
وحفلة الظلام كل مسا لحتى يعيشونا بجو رومنسي ونجتمع مدري كم راس على هبال الشمعة بنص الصيف ..... ومابنتأقلم ...
اي تأقلمنا بيرعب ...
ولسه ....
مهند2009-08-12 19:25:32
الصراحة
يااخي بالفعل السوريون سريعوا التأقلم لكن احيانا سريعون بسبب الضغوط يعني بقولو للمسمار ليش دخلت بالحيط يقول من الدق اللي وراي rola2009-08-12 13:41:58
السوريون يأبون التغيير أم سريعو التأقلم
السلام عليكم
المهم سوريون بكفي وكيف ما كنا
والسوري دائما متل الصحن الصيني يعني كيف مازتيتو برن من برا بيلمع ومن جوا ذهب مايسترو2009-08-11 11:47:00
سوريا
الشعب السوري يتاقلم ويتغير حسب الظروف حتى انو في ناس صارت تاكل حشيش وناس صارت تاكل هوا لانو ما معها حق الحشيش وناس صارت تسرق عينك عينك وكترت بيوت الدعاره والنصب والتحشيش والمخدرات وووووووووووووووو الخ الخ الخ شعب سريع التاقلم حتى المطربين الي بزورا لبنان يوم واحد بيرجعوا يحكوا لبناني ياتقبرني ونفس الشي مع الي بروح عمصر.. شعب غريب عجيب حتى انو صار يشوف بالليل من غير ضو كتر مابتنقطع الكهربا وصار يحكي عراقي وسوداني واردني وسيريلانكي وشاكو ماكووخلص وبس ومابعرف شو كمان unfortunately Syrian2009-08-11 10:31:36
الشعب السوري مغلوب على أمره
تربينافقطلنقول نعم وليس بيدناأن نقول لا ولولمرةواحدةفالحكومةلاتلبي حاجةالمواطن ولاتحمي الضعيف.تم تخفيض المازوت الى 20ليرةبعدرفعه 4أضعاف ومع التخفيض أرتفعالسماد140%لأن الفلاح ابن حرام ومايستاهل يشبع الخبز!فماذايعمل الفلاح؟هل يزرع الأرض ويعرف مسبقاأنه خاسر؟نعم يزرعهاورجله عل رقبته كونه سيحول الى القضاءإن لم يزرع الأرض.تعويض المازوت شحادة.تهريب اللحوم من قبل الكبارورفع سعره على الصغارلكن المواطن يستدين ليأكل.بالنهايةلن نستطيع تغييرشيءلأننانخاف من العاقبة لذاقررناالتأقلم ورجلنافوق رأسنا
سقراط2009-08-10 23:59:28
سقراط يرد على مستقلع
موقفي واضح و اطلب منك قراءة تعليقاتي الثلاثة الاولى و ليس الردود التي وجهت اليك تحديدا ( تجدها في الجزء الاول من تعليقات السادة المشاركين ) اما عن اتهامي بركوب اي موجة ( معهن معهن , عليهم عليهم ) مع مين قصدك و على مين ؟؟؟؟ و نسبتك 99% تحتاج يا عزيزي لاناس متخصصون و محترفون و لا نستطيع ان نتبنى تقديركم الكريم لانه و بشكل واضح لا ستند الى اي دراسة ميدانية . اما بقية ردك فهي تفصيل لا يحتاج للوقوف عنده فلتبقى انت على ما انت عليه فغير مطلوب منك ان تتغير !!!! . -سوريا
سوري مصدوم2009-08-10 22:17:02
راجع جديد من سوريا و مصدوم بالفوضى
بصراحةياجماعة من كم يوم رجعت من إجازتي و شعوري بالصدمة كتير كان كبير وقت شفت الفوضى اللي ماشية فيها البلد، لا كهربا و لا مي متل الناس و هدول من أبسط حقوق المواطن على الحكومة تأمنلو ياهن، غير اسعار المازوت و الكهرباو المواد الغذائية اللي لا تتناسب مع متوسط دخل الفرد بالبلد، يعني معقول اذا البيت صرف فوق ال 2000 كيلو واط بالشهر بتطلع فاتورتو 14000 ليرة؟ شو متوسط دخل موظف الحكومة و هل بيقدر هالموظف يدفع هيك فواتير من دون ما يرتشي و يسرق؟ يرجى النشر-سوريا
مستقلع2009-08-10 18:01:16
مستقلع يرد عالأخ سقراط
هي وحدة من مشاكل السوريين (معهن معهن, عليهن عليهن) برسالتك الاولى قلتلي ( سيرتك الذاتيه لا تعنينا و تغير في الموضوع شيئا) وبرسالتك التانية قلت (بتقدر تخبرنا خلال السنة الماضية من وين دبرت حوائجك ؟؟؟؟) أخي الكريم يا ريت تحدد موقفك وطبعاًفي 99% متلك,, مع هيك رح جاوبك بكلمتين(يلي بيتذكرالله ,الله ما بينساه)يعني مثال صغير: شي مرة كان مافي بجيبتك غير 50 ليرة وتصدقت فيها؟؟؟رح تقول (مامعي غيرها شلون بدي عيش) وهادهوةالغلط بس جرب وخبرني لأنو الجواب أن الله هويلي عم يخليك تعيش وتاكل وتشرب,,,موالـ50 ليرة-سوريا
موكااااااااااااا2009-08-10 15:46:31
بلاد العجائب
منتأقلم ليش حتى مانتأقلم؟اذا اتأقلمنا مع قطع الكهربا بفضل اتفاقية التعاون المشترك مع 8 دول! واتأقلمنامع ضريبة الكهربايلي رح يعمروا فيا المدارس! وعم ندفع بدل ال25% عم ندفع 50% ضريبة!! واتأقلمنا مع الرد على استفسارنا عن سبب فشل الخطة الخمسيية يلي كان القضاء والقدر!!!وأهم شي اننا متأقلمين مع حالنا كشعب بس شاطر بالحكي وموعاجبو شي وعالرغم من انو بيفهم بكل شي ماممكن يقوم بأي تصرف مسؤول وناضج ليغير ولشو مو التأقلم أسهل ؟
همام2009-08-10 13:39:05
السوري الله حامي
السوريين سريعوا التأقلم ولا لأ اكيد سريعوا التأقلم في حالات التغيير الإيجابية فقط وفي الحالات السلبية السوري الحقيقي قادر على تعديلها وأقلمة الظروف لصالحه هاي وجهة نظر من سوري مغترب
من غابر التاريخ استطاع السوري قلب الموازين لصالحه وشوفو كم سوري حكم العالم او كم مرة كانت سوريا محور العالم وحتى الآنNight Prince2009-08-10 08:21:01
الغياب مثل الحضور
بتغيب عشر سنين عالبلد بترجع بتلاقي كل شي على ماهو عليه
نحنا السوريين قاسين على بعض بالغربة كتير و هاد الشي بيعرفه كل مغترب للاسف عجيب2009-08-09 23:01:27
صدمات
اعتاد السوريون على الصدمات لذلك تنامت قدرتهم على التأقلم فلم تعد ترى اشارة التعجب على الوجوه لكن اذا نظرت جيدا سوف ترى نظرة المظلوم المحبط المكتئب ولو كانت خلف ابتسامة أو قهقهة. هل من المعقول 60كم استراد المزة؟سوري2009-08-09 22:53:23
الى السوريين
الشعب السوري هو شعب سوري لأنومفكر انو السوريين هن سوريين لكن الحقيقة انو هنن سوريين-سوريا
سقراط2009-08-09 14:30:03
ايضا للسيد مستقلع ( هي الشام النا و ما رح نتركها )
انا مو عاجبني بس بالتأكيد لا و لن انتظر اوامرك لترك البلد او البقاء فيها الا اذا كنت تمتلكها حقا . و هنا سؤال لك ايضا ( بتقدر تخبرنا خلال السنة الماضية التي كنت بها تبحث عن شغل - ببساطة - من وين دبرت حوائجك كالاكل و الشرب , مثلا ؟؟؟؟ -سوريا
سقراط2009-08-09 14:24:33
سقراط يرد على السيد مستقلع
قد تكون الردود سلبيه و قد تكون عالفاضي كما تكرمت . اما الناس شلون عايشة ؟؟ انا بضم صوتي لسؤالك و تفضل قلنا الناس كيف عايشة بسوريا . و سيرتك الذاتيه لا تعنينا و تغير في الموضوع شيئا . و لك سؤال اذا تكرمت ( هل انت ممن يختبؤن خلف اصبعهم ؟؟؟؟ ) شكرا -سوريا
Mazen2009-08-09 09:48:27
لا هي ولا هي
مع الاسف نحن في الغالب صايرين شعب بيكره النظام و أي شي جديد فيه نظام وتتطور صايرين عمنكره
بالاضافة لانو في ضعف ثقافة بأهمية القوانين الي بتعمل نظام
وبالنسبة للسوريين بالغربة متلن متل اي شعب في المنيح وفي العاطل -السعودية
مغترب2009-08-08 16:20:16
حقيقة الشعب السوري
يا اخوتي بالحقيقة وخلال تجربتي بالغربة مع ابناء شعبي صدمت بالواقع حيث ان الشعب السوري وللاسف متعود يطلع على كتاف بعض وبدل ما يضامنوا ويعيشوا الحياه الشامية بالغربة فهم متل الوحوش اللي عم ينهشوا بلحم بعضهم من اجل الصراع على الرزق وللاسف ايضا نسيو عاداتهم واصولهم المتربين عليهاونسيوا انو الرزق على رب العبادوانو القناعة كنز لا يفنى, وصار همهم كسب مودة ورضى رب العمل مشان يزيد الفتات الهم, لك اااااه يا شام الله وكيلكم ما حدا خوذقني غير ولاد بلدي مع العلم انو بوقف معهم بالغربة للعظم
-سوريا
غاردينيا2009-08-08 13:29:04
منتغير وبسهولة
في قاعد بالنسبة لكل متعضيات حيةانو اي كائن حي بمرحلة نموالاولى قادر على التأقلم مع الظروف المحيطة في حتى لو ما كانت من الشروط بتناسبو وهالكائن بس يكبر بكون اكثر تأقلم مع البيئة من كائن تاني كان عايش بشروط مثالية
ونفس الشئ عنا من صغرنا متأقلمين وين من حطونا وشو من تغير منعيش بس اللي بياكلا الاجنبي اللي اجى لعنا بيضل سنة سنتين وبعدا بيطفش
-سوريا
غاردينيا2009-08-08 13:29:04
منتغير وبسهولة
في قاعد بالنسبة لكل متعضيات حيةانو اي كائن حي بمرحلة نموالاولى قادر على التأقلم مع الظروف المحيطة في حتى لو ما كانت من الشروط بتناسبو وهالكائن بس يكبر بكون اكثر تأقلم مع البيئة من كائن تاني كان عايش بشروط مثالية
ونفس الشئ عنا من صغرنا متأقلمين وين من حطونا وشو من تغير منعيش بس اللي بياكلا الاجنبي اللي اجى لعنا بيضل سنة سنتين وبعدا بيطفش
-سوريا
miz2009-08-07 22:11:49
السوريون
السوريون هم شعب لا حول له ولا قوة و مو طالع بايده شي-سوريا
فينيق2009-08-07 07:09:50
تحيا سورسا
السوريين بكل فئاتهم عندهم موروث حضاري ضخم وهدا بيعطيهم مرونه كبيره وقدره على التأقلم وبنفس الدرجه عندهم القدره على نقد أي شئ و اي احد واي وضع ..-الإمارات
مستقلع2009-08-06 20:38:22
لا وحياتك
حبيبناالوطني أنا صحتلي سفرة على السويد وما رضيت ولمعلوماتك أنا معي اقامة بالسعودية بس ما بستعملها الا وقت روح للعمرة ,,, رغم أني صرلي سنة تقريباً عم دور على شغل........... هي الشام النا وما رح نتركها -سوريا
كندة2009-08-06 17:44:31
عندي دليل
الصراحة الشعب السوري سريع التأقلم والدليل اكتر من نص الشعب مهاجر وعايش براومتأقلم وماشي حالو وبتلاأ] بيحكي لهجة لبلد يلي عايش فيهااما المواطن يلي عايش بسوريا ماعندو ,وأت يفكربالعتراض مسكين مو حاسن يرفع راسو من غلا المعيشةوالفواتير يلي مابترحم يعني متأقلم وماشي حالو
وطني حر2009-08-06 16:14:53
لللأخ مستقلع
أولا الشعب السوري مستعد للتأقلم وإذا ما تأقلم وكان بدون ياه يتأقلم فحيتأقلم ما في مجال وين بدو يرووووح
لللأخ مستقلع يلي ما بيطول العنب بيقول عنو هادا حصرم وأنا ما عندي شك لو بصرلك تهاجر على أميركا أو حتى كوبا ما قصرت بس أخ عليا وتفو عليا-سوريا
محمد2009-08-06 08:07:17
قبول
الشعب السوري اكثر الشعوب قدرة على التأقلم في الداخل والخارج وهذا بحكم اغترابي عن بلدي وارى السوريين نشيطين طبعا لايخلو من التأفف ولكن نتابع ومافي اي سوري يبعد عن بلدو لانو مافي احلى من بلدنا رغم كل شي أبو علي2009-08-05 21:43:33
الشعب السوري يستحق جوائز عالمية في التأقلم
ليست المشكلة في الشعب السوري و لكن في القوانين الارتجالية و غير المدروسة التي تصب على رأسه صباً, و انظروا ردود أفعال الشعوب الحية عند رفع أسعار الخبز أو المحروقات رفعاً بسيطاً و قارنوه مع صبر السوريين المرير على ما يصنع بهم. -سوريا
مستقلع2009-08-05 19:08:13
ما شاء الله
صرلي نص ساعة عم أقرأ الردود,,, بصراحة : ما شاء الله عليكن,, موشاطرين غير بالحكي ,, وياريتو حكي مفيد كلو حكي سلبي وعالفاضي... يعني شلون عايشة العالم ؟؟؟
كلمة أخيرة : ( يلي مو عاجبتو البلد يروح لعند أمو أمريكا )يتفضل يهاجر واذا ما بيرجع بيكون أحسن -سوريا
ناقوس2009-08-05 18:14:10
شعب ذكي وتربة خصبة وامة تأبى السكون.
عندما نقول بان السوري لايقبل التغيير يعني اننا حكمنا على عموم الشعب بعدم قبوله التغيير وهذا غير صحيح اذا اخذنا طلاب الثانوية العامة على سبيل المثال :قررت وزارة التربية بمنتصف العام الدراسي ان تضيف اللغة الفرنسية الى امتحاناتهم وكانت النتيجة هو تفوق الطلاب بهذه المادة كما بباقي المواد وان نسبة التفوق فاقت بعض المواد فقليل من الطلبة رسبت فيها .وهاهي وزارة التعليم العالي ايضا تقوم بمحاولة فرض شروط تعجيزية اخرى على طلابنا بوضع علامات الاختصاص لاي فرع يختاره الطالب .اذا فالشعب السوري شعب ذكي قادر عل
-سوريا
توفيق قربة2009-08-04 20:32:15
لا أعتقد بل أجزم
أنا أجزم أن السوريين بشكل عام يعانون عقدة رفض الجديد وليس التجديد بمعنى أن الناس عموماً تقبل بواقع فرض سياسة الأمر الواقع ولن يقوم الغالبية بالاعتراض أللهم إلا بعض من سيعتبرون متهورين ومخاطرين... مسألةرادارات السرعة ليست مقياس إلا أنها تثبت وجهةنظري وما لا أشك فيه أنها بشكل أو بآخر لن تسلم من الأذى على يد بعض المتضررين من وجودها
اختصار السوري عموماً قد لا يتقبل القرار لكنه لن يفعل شيء بخصوصه بشكل جماعي، ثقافة ابتدأت في الستينيات!
عاشق السيدة ملعقة2009-08-04 15:56:24
رح نروء والله
سيدي بقلك المتل بدنا نسوق على هوى السوق يعني امشي هيك منمشي هيك اللبن اسود اسود متل ما بدك مو طالع بالايد غير هالشي يا حبيبي ليش لا تسأل هيك الوضع بدو محروم2009-08-04 13:45:51
فلافل فلافل
واحد وهو وخطيبتو ماشين فبدو يعزمها على غدافسالها فلافل ولا شاورما ؟قالتلوا شاورما قللها فلافل فلافل
بعدين رجع سالها فلافل ولا بلاها ؟قالتلوا فلافل قاللها بلاها بلاها.
القصد الحكومة بتعمل الي بدها اياه ما بتاخذ بمشورة احد .مثلها مثلها الي عزم خطيبتو. ودمتم ارجو النشر
-سوريا
خبز يابس2009-08-04 10:38:39
يا قوم
يا قوم لا تتكلموا إن الكلام محرم
ناموا ولا تستيقظوا مافازإلاالنوم -سوريا
فادي2009-08-03 17:18:18
العين ما بتقاوم المخرز
يعني شو بدنا نستفيد نحن المواطنون من مقاومة التغير في أي مجال , قوانين جديده أو غيروا
أنا أعتقد بأن على سيريا نيوز يجب أن توجة مثل هذه التسائولات الى أعضاء مجلس الشعب لأنوا من المفترض هم يمثلون الشعب و نحن نرى أن غالبة الشعب ترفض قانون السير الجديد فمن الطبيعي أن غالبية أعضاء مجلس الشعب الديمقراطي أن يرفضوا و يسقطوا هذا القرار و يحجبون الثقة عن الوزراء الذين أشتروا كمرات التصوير
و أذا بقي الأعضاء الديمقراطيين لا يتدخلون بالقوانين التى تأثر على حياه الناس فإذاالشعب مع أعضائة سريعين التأقلم
eyad2009-08-03 11:23:21
لا نأبى التغيير
السوري لا يأبى التغيير ولا يعانده شرط ان يكون التغيير نحو الافضل وان يكون مدروسا وليس اعتباطيا كل مسؤوا بيجي بغيلر على كيفو والفضل الاكبر للحكومات العتيدة التي تعاقبت والتي دائما كانت فراراتها مخالفة لمصلحة المواطن يعني المواطن بوادي زالحكومه بوادي تاني سوري2009-08-03 09:33:55
سوريا
ممكن نعرف شو المقصود بالتأقلم ؟؟؟
يعني التأقلم مع الأمور الإيجابية فيها كثير عقل متفتح . لكن انا ابدا مو مع التأقلم مع كل شي .
مواطن2009-08-03 08:14:29
سياسة الامر الواقع
عندما تتعرض للامر الواقع فأنت مضطر للتأقلم وبشكل سريع وكل الامور (تقنين كهرباء-كاميرات مراقبة-)امر واقع لابد ان نتأقلم معها من اجل الصالح العام ولأننا كمواطنين لانريد الا ان تمشي الامور بالبلد بخير -سوريا
بتول2009-08-02 23:49:16
الحمد الله
يا جماعة طولو بالكن والله نحن بسوريا بألف خير أحسن من غير دول بكتير شوفو شو صاير بلبنان كل حزب وكل جهة بتاخد قرار وكلمة من هون وكلمة من هون قامت القيامة وبلشو يقتلو بعضهن وبعدين كمرات المرقابة شو فيها هي خطوة مهمة لتطوير البلد وبعدين أكتر الحوادث عم تصير من السرعة والله بلدنا أحسن من غير بلدان بكتير حمدوا ربكن وحاجة تنقو على شي بطعمة وبلا طعمة omar2009-08-02 16:05:25
السوريون
من أكثر الشعوب المتعودة على الذل بالعالم ويعتبرونه جيدا شوف الدولة شو عم تعمل فيهن وهن ساكتيين ولا حتى احتجاج -سوريا
معلق2009-08-02 15:35:33
رأي
أخي الثابت أن الإنسان مثل البني آدم بس تقطع راسو بيموت -سوريا
محـــــامـ2009-08-02 15:23:08
يأبون ولكن بنقيق خافت
الشعب العربي كله شعب لا يحب التغيير فهو من جهة جاهل لفوائده و خائف من تبعاته و من جهة أخرى مستمتع بركونه للقديم المتخلف معتاد عليه غافل عن مخاطره ، و إذا ما تم التغيير ارتعدت فرائصه و انتشرت الإشاعات المبالغ بها و و كثر نقيقه الخافت و تفنن في الاحتيال على التغيير بما يلائم الماضي المفضل لديه و تداخلت التحليلات ببعضها فمثلاً لو كان التغيير قانوني لربطه بالسياسة ، ونظرية المؤامرة هي السبب الدائم لكل المشاكل عنده والشعب هو المتآمر عليه ، و الشعور بالظلم دائم والتفكير المنطقي نائم ... العرب جـ** .
-سوريا
مواطن2009-08-02 14:00:15
المغلوبون على امرهم
المواطن مغلوب على أمره من كترة الغلاء والقروض وما بيحسن يفكر لا بتغيير ولا بتأقلم
-سوريا
mano2009-08-02 13:51:23
الى سقراط
يسلم تمك ياسقراط لقد وفيت ووفيت بتعليقق وكأنك قد قرأت مابداخلي
Abdullah2009-08-02 11:18:59
Championship
بكل أمانة و صدق الأزمة الاقتصادية و غلاء المعيشة بتخلي المواطن السوري ياخد كأس العالم بالتأقلم
am2009-08-02 11:11:04
انت فين والتطور فين
مع حبي واحترامي للشعب السوري كوني واحد منهم، الشعب السوري يأبى التغيير والتطور تحت شعار \"ماحدا بيفهم ادي\" مع العلم في قرارت انفسنا نحن اكيدين انوا الحال مو كما يجب واننا اخر من يعلم والى اليوم و للاسف معظم العائلات السورية يتبعون مثل \" مصلحة بايدك احسن من شهادات معلقة على الحيطان. اخي واختي المواطنكم هو معيب ان يكون تمسكنا بلغتنا العربية هو ذات السبب والحجة لعدم تعلمنا لغات اخرى.
كهربجي2009-08-02 10:54:42
تاقلم مع التغيير
منذ ولادتي اي منذ 40 عام والكهرباء تنقطع لدينا في البداية كانت بسبب فشل الموحولات والآن الانقطاع بسبب زيادة الطلب على الكهرباء
انقطاع الكهرباء هو تاقلم والسبب هو تغيير اذا الشعب السوري يحب التاقلم والتغيير معا فاختر ما شئت -سوريا
مواطن2009-08-02 10:34:26
الضريبة
من لا يرغب بتحمل نتائج التغيير ليس لديه الرغبة بالتغيير فلكل فعل ردة فعل وفهمكم كفاية -سوريا
M.KH2009-08-02 01:45:55
الشعب السوري كالأم التي فقدت ابنها
عندما يحدث تغيير ما, وغالباً ما يكون سلبياً, يفتح الشعب السوري فمه ويتأوه,وبعد فترة يعتاد عليه ويتأقلم معه, إلا أن هذا التأقلم لا يعبر عن الرضا. فحاله يشبه الأم التي فقدت ابنها, تبكيه كثيراً في بادئ الأمر ومن ثم تجف دموعها, فذرف الدموع لن يعيد لها فقيدها. لكن هل توقفها عن البكاء يعني أنها نسيت ابنها؟ طبعاً لا. هي تعيش حياتها الطبيعية,لكنها كلما تذكرت فقيدها بكت بحرقة. تماماً كالشعب السوري عندما يتذكر ظروفه.
-سوريا
عابد2009-08-02 00:47:31
شعب يرغب بالحياة
نظراً الى أن الشعب يرغب بالحياة فهو سريع التأقلم مع كل جديد بكل ما يمكن أن يحمله الجديد من التغيير .. ونظراً الى أن الشعب يحافظ على الحياة فهو شديد الحذر لكل جديد فالشعب السوري في منتصف خطوط تلاقي الحضارات وقد عانى الكثير من التغييرات التي فرضت عليها .. الخلاصة .. الشعب السوري يراقب التغيير للحفاظ على الحياة من كل ما يحمله التغيير من زواي -سوريا
موسى2009-08-02 00:40:48
التغيير حلو لمساواة الشعوب المتقدمة
الحقيقة الاخوان متشائمين ولهم نظرة سلبية عن التغيير .الراي يصب في مصلحة المواطن قبل الوطن من منا لا يحب ان يرى وطنه يواكب الدول المتقدمة في جميع المجالات ,لا ادري بالحقيقة ماذا يريد المواطن السوري ان يكون كل شي لقمة سائغة , علينا ان نتعايش مع الوضع وان شاء الله بهمتكم بيتحسن كل شي بس بالاول في معوقات ,ليس من ا لممكن ان تحصل على ما تريد يجب علينا ان نجتهد ونساعد حكومة وشعب للننهض ببلدنا الغالية عاليا وننسى الانتكاسات ونتقدم لاجل اولادنا وشكرا على الموقع الرائع ( اخوكم ) عماد2009-08-01 20:23:36
الحكومة الفاشلة
ياخي العزيز ان الشعب السوري هومن اكثر شعوب العالم سرعه في التاقلم الانه شعب ميت والميت بين يدي طبيب التشرح يتافلم بشتى انواع التشرح انكان محترف اوكان متدرب لانه لايشعر بمايحصل حوله سوى انه جسد متهالك اكيد بدون نشر -سوريا
رؤى2009-08-01 18:21:34
الناس سواسية
إن الشعب السوري كغيره من الشعوب يتألف من مجموعة من الأشخاص، والإنسان بطبعه إما يتأقلم أو لا يتأقلم فإذا لم يعجب بعض الأشخاص وضعهم المعيشي فهم يهاجرون لدول أخرى، وبعض الأشخاص يتقبل الوضع الراهن ويتأقلم معه ويبقى في بلده. لكن إذا لم يتمكن الإنسان أن يتقبل بعض الأمور كتخلف بعض الأشخاص ولسانهم البذيئ فم العمل؟ -سوريا
عبد الجدوع2009-08-01 18:18:01
لاخيار لمن تفرض علية الامور
الشعب السوري شعبا حي وصبور ويتحمل النؤائب .لكن فيما يخص السؤال اقول لاخيار لمن تفرض علية الامر على الشعب ان يلتزم والا........ان السوريين عرف عنم التأقلموتقبل الواقع لكن ضمن ضوابط واسس على المعنيين ان يدركوا ذلك . فيما الضير لو تم اشتشارة الناس في قضية تهمهم وا اتخاذ قرار مصيري؟ الا نعول على الشارع الكثير في الامور؟.لماذا في البعض نعول وفي الاخر نفرض؟ كل مايتخذ يقال للصالح العام من صاحب الصلاحية في قول ذلك اليس الشعب؟ دعوة يدرك ويحس بأنه محترم لو لمرة واحدة
محمد حسن2009-08-01 16:49:20
السوريون يحبون التأقلم
أكثر شعب مستعد للتأقلم مع كافة الظروف الاقتصادية والسياسية والمناخية حتى هو الشعب السوري وهذا بسبب كثرة التجارب باختصار شعب مو فارقة معو يعني كلشي منيح عناوشو ماصار بيكون خير
فراس باشا2009-08-01 16:44:49
ليس باليد حيلة
اذا كانت مخالفة الرادار كما قيل 7000ليرة سوريةمايعادل550درهما تقريباولكن هذا المبلغ يساوي 70%تقريبا من متوسط دخل الفرد في سوريا بينما تساوي 2%من دخل المواطن الاماراتي يالهذا الفرق الكبير ولكن ماذا يستطيع المواطن السوري غير التأقلم هل يستطيع ان يقول لا او ان يتظاهر او تحدد له المخالفات نسبة لدخله .طبعا ولا واحدة من هذا ام الانتحار او الصمت ومن الملاحظ تزايد عدد المنتحرين في سوريا..
هات و خود2009-08-01 16:40:18
متأقلم للعظم
الشعب السوري متأقلم للعظم فرغم أن نسبة الفقر بحدود 40% والبطالة مرتفعة و الإزدياد السكاني هو الأعلى في العالم و الراتب لايكفي لنصف الشهر ومع ذلك فالفنادق والملاهي و المطاعم مليانة والشوارع تغص بالسيارات الحديثة ومن لا يستطيع دخول الفنادق ينام على الطرقات و بدل المطاعم نتوجه إلى الجلسات الشعبية وبدل المنتزهات تجد الشعب قد افترش الجزر الوسطية للجسور ونارة ياولد وشاي يا مرا ومن لايركب سيارة مستوردة يركب وطنية ومن لم يستطع يركب طرطيرة و كلشي ماشي
-سوريا
الختيار2009-08-01 16:19:01
الثوابت
نحن أفضل شعب يعتز بالثوابت
مواقفنا ثابت لا نقاش فيها
-سوريا
iy-ad2009-08-01 15:56:11
مجرد سؤال ...
أنو سوريين !!!، أنو شعب !!!، أنو تغيير !!!، أنو تأقلم!!! ، يا شباب يلي فهمان يفهمني .-سوريا
حنين مغترب2009-08-01 14:37:25
الشعب مسير وليس مخير
يعتبرالشعب السوري من اسرع الشعوب العالمية سرعة واستجابة لأي وضع يواجهه ولكن ليس السبب في هذه السرعة هي قبول الشعب لهذا التغير وانما لانه مفروض وعليه ان يتقبله سواء كان راغبا لهذا التغيير او ممانعا فمثلا كنت اعتقد سابقا ان الحكومة لو فكرت مجرد التفكير في رفع اسعار المازوت فان الشعب سوف ينام في الشارع محتجا ومعارضا كونها اشد السلع الاساسية تأثيرا على المواطن ولكن استغربت عندما لم اسمع باي حالة رفض لهذا القرار الذي يعتبر واحد من الوف القرارات المرفوضة بالنسبة للشعب فشعبنا مسيراوليس مخيرا -سوريا
أبو نبيل2009-08-01 13:21:39
صامدون............
الشعب السوري يأبون للتغير نحو الإسوء أو الأغلا ولكن إذا صار تغيير للأسوء أو إذا غلي سعر شي سلعة سرعان ما يتأقلم مع الوضع وبيضل يحلم أنو الوضع لح يتغيير أو يلي غلي لح يرخص و هي حال الدنيا متل مرض الضغط طالع نازل بس الوضع عم خلي دائما طالع الله أعلم إيمتا لح يجي الفرج
الالتفاف2009-08-01 12:53:21
الشعب السوري
أعتقد أن الشعب السوري لدية سرعة التأقلم في إيجاد إلتفاف أو إحتيال على القانون عندما يوضع.
والشعب السيوري بشكل عام شعب؟؟؟؟؟؟؟؟؟؟؟؟؟؟؟؟؟؟؟؟؟؟ -سوريا
skky9752009-08-01 03:40:53
الشعب السوري
الشعب السوري من افضل وارقى الشعوب ولكن يحتاج الى ظروف معيشية افضل والاعتناء اكثر بالتعليم الابتدائي والتركيز على الانظمة وضرورة التقيد بها والفائدة من التقيدبها من خلال المدارس فمن الموكد سنرى قمة التطور والرقي قي بلدنا
نحتاج فقط لتهيئة الظروف المناسبة للشعب حسب رغباتها
مع تمنياتي بالتقدم ةالرقي لبلدي الحبيب
سوري مغتربسوري ..بلا ولاشي2009-08-01 03:12:57
حاجة تحليلات مشان الله
الشعب السوري متل ما حكينا اسرع شعب متأقلم بالعالم اوا اقل شي بالوطن العربي ..
هدا الحكي واضح من خلال الشي يلي حكاهm_montreal عن صاروح التأقلم وبعدين المواطن السوري معزوز ببلاد المهجر أكتر من أي جنسية اخرى سواء بلد اجنبي اوعربي ....أحـمـد بـسـمـار2009-07-31 23:55:35
رسالة خاصة لمسؤولي سيريانيوز
هل هو اسمي المانع لنشر تعليقاتي؟ أم أن التعليقات بذاتها هي الغير قابلة للنشر. اؤكد أنها لا تختلف عما نشرتم لغيري بلغة ركيكة هزيلة وتحليلات متعبة. ألاحظ جديا أنكم تفضلون غالبا ـ وحسب مناوبة المشرفة أو المشرف على الموقع ـ التعليقات السطحية التي تمر وتنشر بسهولة عجيبة غريبة أكثر عشرات المرات من التعليقات الصحيحة البناءة والتي تساعد الموقع على الانتشار داخل وخارج الوطن.
آمل منكم أن تساعدوا دون تضييق الخطوط الرقابية المانعة, على انتشار المزيد من الآراء البناءة التي لا ترغب سوى رفع المستوى.تحياتيm_montreal2009-07-31 23:37:11
السوريون صاروخ تاقلم
السوريون صاروخ تاقلم مع الواقع على سبيل المثال الجالية السورية اكثر الجالبات العربية اندماجا مع اي بلد من بلاد المهجر. لدرجة ان بعضهم يستعر من ان اصله سوري-مع الاسف! -سوريا
بكري2009-07-31 21:54:59
لا هذا ولا ذاك
أعتقد أن الشعب السوري وبشكل غريب لديه نوع من العدائية تجاه أي قانون، وهو يشعر بالإهانة إذا خضع للقانون أو طبقه، وهذا باعتقادي ناتج عن مشكلة انعدام الثقة المتبادل بين المواطن والدولة (والطرفان محقان)-سوريا
شارلوك هولمز2009-07-31 20:25:35
السبب واضح...
في الحقيقة إن جميع القرارات تفرض على المواطن السوري قسرا ودون أن يكون له أي مشاركة في صنع القرار... وطبعا مجلس الشعب مهزلة ومسرحية كوميدية عوضاً أن يكون نواة النهضة وفق اتجاه الشعب!!!
(مع فائق احترامي وشكري لجميع العاملين على التغيير ولجميع الجهات أرجو من سيريانيوز نشر هذا التعليق!) -السلفادور
أحـمـد بـسـمـار2009-07-31 20:12:25
نحن شعب أطـفـال
هذا السؤال الاستفتائي مغشوش بطريقة طرحه من البداية.لأنه كما ذكر قبلي أحد المعلقين, حتى نعتاد أو لا نعتاد على أمر ما كتحديد سرعة أو سعر محروقات, يجب أن يكون عندنا أمكانية الاختيار والمقارنة أو حق القبول أو الرفض, بواسطة جمعيات أو نقابات استهلاكية, كما يحدث في غالب الدول المتحضرة. ولكن في بلدنا العزيز مع الأسف الشديد نفتقد لهذه الثقافة وهذا الوعي. تعودنا على قبول كل شيء بصمت. رغم أننا في داخلنا نلعن ونشتم ونتمتم غضبنا كالأطفال الصغار بعيدا عن نظر أهلهم عندما يرفضون لهم حبة شوكولا سوريا يا حبيبتي2009-07-31 18:56:47
قصة الضفدع
أود التنويه إلى أن قصة الضفدع ليست تجربة علمية حقيقية و إنما هي فقط لضرب المثل على التغيرات التي تحصل بشكل تدريجي و لا نحس بها. -سوريا
سوريا يا حبيبتي2009-07-31 18:17:12
ميكافيللي؟
قابلية التأقلم هي خاصة من خاصات الإنسان (و الحيوان). ضع ضفدع في ماء ساخن جداً يتلوى من الألم, الآن ضع الضفدع في ماء بارد و قم بتسخين الماء على مهل حتى الوصول إلى الدرجة التي لم يحتملها قبلاً تراه قادر على احتمالها, الحكومات, القادة, التجار, الإعلاميين, وكل اللذين يتحكمون بشكل أو بآخر بمجموعة من البشر في كل العالم يتبعون نفس الوسائل فهم يجعلون الشعب معتاداً على كل الأمور بالتدريج..و كل الأمور يعني كل الأمور: قوانين, تشريعات, ممنوعات, تسليات, استهلاكيات, أفكار ..إلخ, هذه هي حنكة القيادة. -سوريا
أبو عمار2009-07-31 18:18:44
كلها واحد
أنا برأيي إنه الرأيين تابعين لبعضهما البعض ...وذلك عندما زاد سعر البنزين مثلا صارت ضجة في الشارع السوري ولكن سرعان ما تقبل الشعب هذا الشيء و تأقلم عليه ولسان حالهم يقول " مجبرا أخاك لا بطل " سـنـاء حــنــاوي2009-07-31 18:08:19
نحية للمعلق السيد ناجي بق البحصة
أحييك يا سيد ناجي على كلماتك المخنوقة والتي تعبر على مزيد من الأشياء بالرغم من أنك لم تذكرها, ولكننا نتصورها بمخيلتنا الخصبة. لأننا تعودنا على الممنوعات العديدة المتعددة, والمسموحات الضئيلة, الضئيلة جدا التي تعطى بالقطارة, حتى نتنفس فقط ونعطي ونعطي ونعطي, بلا مقابل. التغيير؟ وما أدراك ما التغيير؟ نحن نتغير كل يوم دون أن تتغير إية إيجابية في حياتنا ومعيشتنا وسعادتنا. نتأقلم؟ نعم نتأقلم على محيط التغيير وجو التغيير, ولكننا لا نتغير. تقاليدنا وعاداتنا الروتينية التعيسة لا تتغير...وهكذا سوف نبقى!نور2009-07-31 16:56:14
يا ريت
ما بعرف الصراحة. بتشوف السوري برا ملتزم بالنظام هو بيركب الطيارة راجع لهون بتشوفه رجع فوضوي وهمجي. بيوقف بالطيارة قبل ما توقف وبيصيريدفش. بعدن ما يلتزم بالدور بيصير كمان يتجاوز العالم الوافقين وبيكب الوسخ على الارض. عوجا...يعني لازم نتغير من جوا اذا ما قدرنا نتغير من جوا مافي شي رح يصير. لازم نشتغل على الاطفال والاولاد الاصغار...-سوريا
cartman2009-07-31 16:51:55
مكانك راوح!
الشعب السوري هو اكتر شعب بيتأقلم مع التغيير..بس المشكلة انو دائما التغيير لازم يكون مفروض علينا حتى نتحسن...اما التغيير النابع من الذات و المبادرة الشخصية للنهوض بأحوال البلد فهاد هو المستحيل بعينو...
-سوريا
باحث أكاديمي2009-07-31 10:15:59
ادارة التغيير
أعتقد - بحكم الخبرة المتواضعة التي أمتلكها من دراساتي الميدانية - أن المشكلة تكمن في جزء كبير منها في عملية ادارة التغيير..
القدرة على التأقلم لدينا موجودة .. الدليل : المواطن السوري المغترب مثال حي على هذه القدرة ..
لكن مقاومة التغيير ما تزال تشكل عائق أساسي أمام حصول التغيير ..
مما سبق نجد :
1- يحاول المواطن مقاومة التغيير الى أقصى حد ممكن لأسباب متعددة منها جهله بالفائدة المتوقعة من التغيير
2- عند يصبح التغيير محتوماً يكون المواطن سريع التأقلم
الحلول:
1-بحوث التغيير
2-ادارة التغيير...ناجي بق البحصة2009-07-31 10:01:02
رأي صريح شخصي
وهل كان للسوريين في يوم من الأيام حق اختيار ما يرغبون أو لا يرغبون؟ عبر الزمن كانوا دوما يتأقلمون ظاهرا على ما فرض عليهم الدين أو غيره .. كما نرى غالب المواطنين الذين يعملون في عدة مهن مختلفة وحوالي عشرين ساعة في اليوم لتفادي الأزمة المعيشية التي تدوم وتدوم. ونحن اليوم أكثر بلاد العالم تأقلما مع أي ظرف كان. لأننا هكذا تربينا منذ أقدم التاريخ. وما أمثالنا الشعبية الدارجة سوى علامة اجتماعية على خنوعنا وقبولنا وصمتنا. هل هذا صح أم خطأ؟
أترك للتاريخ إعطاء الجواب على سؤالي.
I dont know2009-07-31 04:41:30
هه ؟
أي مو بكيفو بدو يتأقلم يعني حتى لو أعترض حدا راح يرد فأكوس ما يتعب لسان ويع...! عالفاضي بدو يرضى بأمر الواقع إذا ماعجبك أنطاح راسك أكيد الكمرات بيكون شي تاجر جبلو كام كمرا بهداك السعر وبيكون هوي شي مسؤول فبيحاول يطالع قرار أحسن شي مالي علاقة ... -سيريلانكا
l'entrant au mure2009-07-31 03:25:19
بيتأقلموا بالصرامي
الله اللي خلق الخلق مابيتفقوا عليه كل البشر فكيف اذا قانون حطوا بني آم خلي اللي ما عاجبو يضرب راسو بالحيط لأن في مواضيع ما لازم الواحد يسمع فيها للناس-سوريا
سوري ..بلا ولاشي2009-07-31 03:15:33
سوري آآه يا نيالي
الشعب اسوري ااااااخ شوبدي احكي عالشعب السوري رافع راسنا وين ماراح .. والكل بيحترمو لانو هو الشعب الوحيد المتأقلم وين ماراح ..
أنا سوري آآه يا نيالي .. arnest2009-07-31 02:50:36
الشعب السوري بالكامل
مو عرفان شو عم بيصير-سوريا
مغترب مو مستغرب2009-07-31 01:30:07
السوريون...الله يكون بعونهم
السوريون..تأقلمو مع الفساد والرشوه وغلاء الاسعار وبلعو الموس عالحدين ....بقى شو رأيكم بيتأقلم ولا لأ.....لك حتى السوريين تأقلمو مع التبرع الاجباري....وين صارت هي...لذلك الشعب السوري سررررررررررريع ا ل ت أ ق ل م -موزامبيق
بشار2009-07-31 01:09:09
مش ممكن
لايمكن تعميم اي خاصة على شعب
فكل تعميم خاطئ حتى تعميمي هذا خاطئ -سوريا
عبسي2009-07-31 01:00:09
طبعا اي
هو الشعب السوري بصراحة بيحب التغيير والتطور وبيتأقلم فورا مع التغيير اذا كان هالتغيير صح بس عنا ماشالله كل التغيير و(التطور) هو تخلف ورجوع للورا بعدين وين التطوير اللي عميصير عنا لحتى نتكيف معو مافي بالاصل تغيير ولما بنكون عشنا وتربينا على فوضى وفساد كيف بدنا نتغير ونتطور بس خلص سيبوها لربنا -سوريا
أحمد2009-07-30 22:00:46
السؤال ليس دقيقا
هذا السؤال قد لا ينطبق على فرد من الأفراد فكيف بالسوريين لأن كل إنسان له مزاجه وأفكاره ومن وراء ذلك ثقافة وولا شعور يحكمان تصرفاته فالتعيميم هنا لا يجوز وهو كأسئلة جورج قرداحي لا جواب دقيق عنها وقد يكون غالبا غير صيحيح وكذلك هنا فإن أية إجابة تحتاج إلى ما يدعمها من ثبوتيات وحجج أو استقراء عام أو جزئي على الأقل وهو غير موجود ، فالجواب هنا لن يكون دقيقا ما لم يكن السؤال دقيقا ... حسني هريرة2009-07-30 20:22:00
اختيار إجباري
أن تتأقلم خيراً لك وإلا سيأقلموك يا صديقي........... ولك الخيار . عربي2009-07-30 17:19:47
الفرض والرفض
يتكيف السوري رغم عنه لان القوانين تفرض عليه قصرا كما جاء في المقدمة \"فرض تغيير ما قانوني ......\"فاعذروه اذا تأفف قليلا ,والمثال قصة التقنين الكهربائي مفروضة عليه فشو تتوقعوا منه يعمل لح يتأفف ثم بيتكيف
-سوريا
شامية جديدة2009-07-30 16:47:10
لا يتأقلم
والله أنا برأيي الشعب السوري لا يتأقلم النخبة بس يللي بتسافر خارج سورية بتتأقلم بسبب سيادة القانون في تلك الدول لكن هون الكل بدو يخالف القانون وفهمكم كفاية واضحة مابدا مين يفسرها
-سوريا
noura2009-07-30 12:59:02
على الحياد
انا برايي هادا الو علاقة بطريقة فرض القوانين والفرض لم عم يكون بطريقة صارمة وسريعه بدون اي تمهيد عم يكون نوعا ما غير مرغوب فيه اما لما يبلش يحس الشعب بانو هالقنون مفيد وصالح ومن شانه انو يحسن الامور عم يتعود عليه ويرحب فيه لانو الشعب السوري معروفة عنو الحنكة وحب الانصياع للقوانين يلي فيها صالح الجميع وانشالله مزيد من القوانين يلي تحسن مجتمعنا والقانون الجايه يكون عن المرفقات العامة والحفاظ عليها ويكون صارم وحازم كمان لانو المرفقات العامة ببلدنا نعمة بحاجة لتقدير وشكرا
الحائر2009-07-30 12:02:50
تغيير
الله والشعب بطولو بالهن كثير كثير. -سوريا
hammody2009-07-30 11:18:38
hammody
أنا بشوف ان الشعب السوري من أكثر الشعوب تاقلما مع المتغيرات لانو فعلا تغيرت سورية كثير بس الشعب السوري تاقلم وما عطي بال لكل التغيرات 0000000000وشكرا لسوريةنيوز عالمواضيع الحلوة0احمد2009-07-30 10:09:58
قال تغيير قال
يعني الحمد لله العالم صارت بالقمر من خمسين سنة ونحن باب الحارة,انو تغيير هاد ,لا يغير الله ما في قوم حتى يغيروا ما بأنفسهم
-سوريا
مواطن2009-07-30 09:39:18
يعني كتير فارئة
يعني كتير رح تفرء ... ما هيه على الحالتين الحكومة ما رح تغيير شي يعني البنزين طلع و ما عاد نزل و السرعة على اتستراد المزة لساتها 60 يعني متأقلم أو متأفف موفارئةلأنو ماحدا سائل .... يعني بدنا نتأقلم مو بكيفنا-سوريا
أبو الكنزة السودا2009-07-30 09:48:30
الجزء الاول والاخير
لما يكون الامر متعلق بعادات وتقاليد لازمها تغيير, فنحنا أكثر الشعوب تناحة حتى ولو كان التغيير للاصح , اما عندما يتعلق الامر بقرار حكومي متل المازوت او انقطاع الكهرباء فنحنا اكثر الشعوب في التاريخ تاقلماً مع الواقع الجديد لشدة التغيرت العشوائية اللي بتصير بهيك قرارات !-سوريا
مبروك2009-07-30 09:36:26
متعويدااااااا دايمااااا
نحنا أكتر شعوب العالم اللي بتقبل التغيير وأكبر دليل انقطاع الكهربا كل يوم أربع خمس ساعات بمعنى لو رجعنا للعصر الحجري ما عنا مشكلة بنوب ............ -سوريا
مسافر2009-07-30 08:46:09
التغيير الإيجابي
ليش التغيير؟ التغيير شغلة بيعملوها أصحاب القرار لما بيكون فيه شي عم يعرقل حركتهن. فإذا كل شي تمام انشا الله عمره ما يصير تغيير. المهم لوين بدنا نوصل. التغيير نابع من حاجة فصار بسوريا جامعات خاصة بسبب الحاجة ودخلت الكاميرا عالطريق بسبب الحاجة.أما التغيير لمجرد التغيير شي ما إلو معنى.المشكلة المواطن ما حدا عم يشرحلو التغيير بصورة إيجابية.مثلا تغيير آلية قبض الراتب من خلال الصرافات، تغيير مفهوم الطحش لمفهوم احترام الدور.الشعب سوري من الأرض مو من كوكب تاني لذلك هو بيقبل التغيير متلو متل غيره
-سوريا
osama2009-07-30 08:38:55
سورية الله مبارك فيها
تحيا سورية ويحيا قائدها ..
السوري يتأقلم في أي بيئة و تحت أي ظرف و يأخذ الاولوية طبعاً لحاجته
سقراط2009-07-30 08:14:55
و اخيرا
ببساطة لازم يكون عنا شعب ليكون يأبى التغيير او يكون سريع التأقلم .........-سوريا
سقراط2009-07-30 08:14:55
لكل من يحب الاختاء خلف .... اصبعه
هنا واقع المصطلحات الواردة بالمقال ( السؤال ) عن اي تأقلم و تكيف يتم السؤال عن التأقلم مع الفساد و الرشوة و الاحتيال على القانون , او التأقلم و التكيف مع القوانين القراقوشية و التضييق على المواطن , و اي متغيرات معيشية في سوريا يتم التلميح لها ؟؟ الفقر و العوز و الحاجة هذه هي المتغيرات المعيشية في سوريا . نعم ان السوريين لديهم قدرة عجيبة على التحمل و الصبر و بلع الموس على الحدين و تحليل الحرام و تبرير الفساد و عذر السارق و العفو عن الفاسد المفسد . -سوريا
amani2009-07-30 08:15:33
عجيب غريب
الشعب السوري عجيب غريب يعيش ازدواجية متناقضة يحب التغيير والتجديد ويتمنى أن لا يحصل أي من الشعوب على أي من معطيات الحياة المتجددةقبله ولكن ما عنده استعداد يتخلى ولو قليل عن العادات والتقاليد وونظرة الناس للموضوع وما يمكن أن يفكر به الناس ولذلك تراه يكتفي برفع الشعارات ويعتمد الكلام الكثير والدراسة من كافة الاوجه والمناقشات وفي النهاية يسلم لقضاء الله ويتأفف لفترة ثم يعتاد ويمشي مع الجديد إلى أن يفاجأ بجديد آخر وتعود الكرة........!!!!!! -سوريا
ah-ab2009-07-30 08:10:35
الماضي المقدس
ان الشعب السوري شانه شأن كل الشعوب العربية متمسك بقوة بماضيه بما يحمله من عادات وتقاليد موروثة منذ القديم وصعوبة تخليه عنها لانها البست مع الزمن بلباس ديني والدين منها بريء طبعا يوجد من هذه العادات الكثير الجيد ولكن يوجد ايضاً الكثير الكثير الذي تعودنا عليه وهو سيء جداً ويحتماج الى غربلة ولكن مانزال نعتقده لتلبسه بلباس ديني، ومن الثابت ايضاً ان الذي ليس له حاضر ومستقبل فهو يتمسك بماضيه بشكل كبير ، هذه ليست دعوة لعدم الاستفادة من التاريخ ولكن يجب عدم تقديس اي تقليد او عادة موروثة.-سوريا
سقراط2009-07-30 08:10:16
تغيير اما تطوير
قد تكون قدرة السوريين على التغيير جيدة و خاصة التغيير السلبي , اما الرغبة بقبول التطوير فهنا الطامة الكبرى , فلا قدرة ولا رغبة لهم بالتطور و الرقي . -سوريا
ابويزن2009-07-30 07:16:27
مافيكم تعممو الحكم عالكل لسا عوجاااااااااااااااااا
مافينا نحكم بشكل عام او نعمم هالحكي لانو بالنهاية كل شخص وعندو طبيعة واما بيكون هالشخص سهل يتأقلم مع تغيرات اللي حواليه او لاء بس انا بشوف انو غالبية الشعب عنا بسوريا مابيتغير وما بيتأقلم
ومافي داعي نضحك عبعض حاراتنا ديقة وبنعرف بعض منيح ليش العالم كلو عم يواكب التطور ونحنا لسا تفكيرنا ((صاحبتي خانتني ونشرت عرضها . مرتي خانتني دبحتها . اختي غلطت ودبحتها ))
لحد هلئ انا ماقرأت شي او سمعت شي او شفت شي يدل انو نحنا واكبنا هالتغيرات بالعالم واتأقلمنا معها
طب شكلي عم خبص خلص انا هص بس جد مابيتعممدمشقي مناقش2009-07-30 06:12:34
يمكن .............
بتصور اااخر جيل ممكن يتقبل التغيير وبيتكيف معه هو يلي ولد بالثمانينات بس من التسعينات وفوق ما بظم لان هالجيل اتعود على كلشي موجود وكلشي تحت الطلب لهيك اي تغيير ممكن يشكل صدمة لهلجيل اما منجهة ما بيعجب شعبنا العجب فهاد من زمان ومهما بتكون احواله كويسة بقلك الحمد لله بس والله الاحوال تعبانة وبعمره مارح يقلك رواااااء وتمام الا مارح ربي لما اظلم الكل سامحوناااااا-سوريا
مغترب قطر2009-07-30 03:25:26
كل الود للشعب الطيب واهلى الاحباب في سورية
الشعب السوري شعب كتير بحب التاقلم وغيور على كل شي مقدس وحلو بخصوا بشكل عام وكتيرشعب محب.بس...؟المواطن السوري لمابيطلع على باقي الشعوب بلاقي حالو بالاخر.وسبب هالشي الظلم من اغلبية المسؤولين عن مصير هالشعب؟يعني لما المواطن السوري بيتطورعندواي قانون بيفرح كتير ولكن دائماهالقانون بيكون قديم وفاشل ومستوردمن برا ونحنا منجيبو ومنحب نجرب الغلط دائما؟وكلوالاغلاط لمصلحةالمسؤولين ماديا.واذااي واحدمن الشعب اعترض على هالقانون يا ويلو من ظلام ليلو ......... شامية2009-07-30 02:22:56
التأقلم في سوريا
الشعب السوري لاولن يتغيروازاتغير فربمايتغير الى الأسوءوبسبب الظروف اليومية الضغوطات وانه من اكتر الشعوب متأقلم في حياته فماذا يفعل سوى هذاوهناك فئة تحب التغير والتطوير ولكن فئة محدودة جداولكن من هذه الفئةوان شاله نتغير ونتقدم والى الأمام لكن في الأحلام Aikidoka2009-07-30 01:17:43
تغيير شو?? شكل?!
ما في أشطر منا إذا كان تغيير سيارة -لمن استطاع سبيلا- أو مثلا تغيير موبايل -حتى لو بالدين- أما إذا تغيير لتحسين الأخلاق أو شي الو علاقة بالثقافة و العلم، فالحمد الله ما منحتاج، لأنو كل واحد فينا بيفهم بكل العلوم و الثقافات الحية و الميتة، لك نحن مجتمع نوابغ و فطاحل. خسارة شلون ما حدا دريان فينا على صعيد الكوكب... الويل لأمة
-سوريا
form qatar2009-07-30 00:44:55
نحنا الي من حب التغيير
رح الكم شغلة بالنسبة للسوري هو انسان كتير متمسك بقصة العادات والتقاليد بس في امكانية التغيير بس المشكلة بتكون بشكل كتير بطيئ عند بعض ناس متل مني شايف انا لانو نحنا شعب منغلق على نفسو بس منتقبل التغيير كتير ومنحب كلشي جديد ومثير بس منا شوية وقت لحتا نندمج بالوسط الخارجي اكتر -سوريا
ابو علي الصوراني2009-07-29 23:30:54
متأقلم مو بكيفو
اذا فرضنا انه لم يتأقلم لوضع ما فمن سيهتم لذلك والله لا أحد والتغيير جيد ماهو المانع ان يتم تحديد لمدة بقاء المسؤول على الكرسيلكي نحس ان التغيير مستمر والبركة بالدماء الجديدة ALI ZIEN AL ABDIEN2009-07-29 23:21:50
شعب يتأقلم مع التغير
الشعب السوري من ارقى الشعوب في العالم وليس مغلوب على امرى ويتأقلم مع التغير ويحب كل جديد ولاكن عندما يصدر قرار يغير روتين تعود عليه شي طبيعي رح يتأفف ويرقض ولاكن هنا تكمن مسؤلية الحكومة بكيفية نشر وتوعية المواطنين لهذه التغيير المفاجيء يعني بصراحة لازم نجرب اولآ بعدين بنتأقلم
wasim2009-07-29 22:29:15
تحية
الشعب السوري من أكثر الشعوب تأقلماوهذا المميز فيه.
-سوريا
tout-ankh-amon2009-07-29 21:43:20
سبحان الذي يغير ولا يتغير
الشعب السوري يعشق التغيير وشعاره في هذا : إذا لم يكن ما تريد فأرد ما يكون .....قال تغيير قال....ولن يغير الله ما في قوم حتى يغيروا ما بأنفسهم ....وهذا سوف يتم ولكن ليس في الأمد المنظور....( يعني مو على دوري)....سلام يا صاحبي
الدكتورة الحائرة2009-07-29 17:07:48
واقع مفروض
حين يعيش الانسان ضمن ظروف مفروضة واحكام منزلة لايستطيع تغييرها وقد تربى ونشأعلى هذا الحال فما بيده حيلة وسوف يتأقلم شاء ام أبى وبالنسبة للقدرة على التاقلم مع الغير لكل مكان عاداته وتقاليده حتى ضمن المدينة الواحدة والقرية الواحدة وهناك ناس تحب مسايرة الوضع وهناك اناس لاتستطيع العيش خارج نطاقها وكل من يقبل التأقلم والتغيير مع الآخرين هو انسان متحرر ومنطقي وحضاري ومثقف طبعا اقصد التغيير الايجابي
-سوريا
صريح2009-07-29 16:50:12
صراحة
السوريون يأبون التغيير.. أم سريعو التأقلم؟
الاحتمالين غلط, الصح أنو الحكومة وقت بدها تغير بتغير شواء أبى المواطن التغير أو لا و الدولة هي اللي بتخليه يغير أو ما يغير-سوريا
روز2009-07-29 16:50:21
إلى نور
ليست القدرة على التغير او القدرة على المواكبةهي المشكلة و انما الشخص ذات نفسه اذا اراد التغير او المواكبة, و السفر الى الخارج ليس هو القادر على جعل السوريين متحضرين مثلا سافرت على الخطوط السورية من باريس الى دمشق و كنا بمطار اورلي ملتزمين بالقوانين و الصف الخ و على علمي المسافرين من شريحات مختلغة من المجتمع السوري و ما ان وصلت الطائرة الى دمشق حتى انقلبت الصورة و رأيت نفس الاشخاص الذين كانوا بباريس يصرخون و لا يحترمون الدور و فوضويين فاذا سمحت أجبني أين هو التحضر الذي كانوا عليه؟؟؟
-فرنسا
سفيان2009-07-29 16:34:46
التغيير
التغيير عندما يعرف السؤول ان مكانة لخدمة الناس و ليس لخدمة جيبة وينظر الى الناس باستعلاء و عندما توجد الارادة يحصل التغيير (مهاتير محمد قال وجدت الارادة عند ثلاثة فاوجدنا ماليزيا) الشعب السوري مجتمع شاب بالع الموس2009-07-29 15:34:17
التغيير حركة وبركة ولكن
عندما يكون التغيير على طريقة مختار ضيعة تشريين (كنت اخذ الربع واترك الثلاثة ارباع والان سوف اترك الرب***************ع واخذ الثلاثة أرباع الجميع سوف يكره التغيير - اصبح التغيير بعبعا في ذاكرة الناس لانهم مع اغلب وعود التغيير سأت أحوالهم المعيشية وزادت مظاهر الثراء والتبزير على البعض وقتلت احلام الجيل الجديد - التغيير الى الاحسن امر لا يعارضه احد فالرجاء من القائمين على شؤون الناس ان يبعثوا فيهم الامل وعنها سوف يتفاجئون بشعبية التغيير في كل فئة من شعبنا المهضوم الحق من زمان كانت سورية مركز العالم -سوريا
architect2009-07-29 15:15:36
شغلات و شغلات
والله نحنا مافي اشطر منا بالتغيير السلبي يعني دغري منصير عالموضة وبلا اواعي ومنعرف نتبروظ بالانجليزي بس انو حدا يحسن يفهمنا انو نوقف بالدور او ما نكب وسخ بالشارع ... عبث
-سوريا
albertotex2009-07-29 15:08:24
russia
no changesyria the best2009-07-29 15:06:05
الشعب العظيم
Did you know that the Syrian people is one of the best ofPeople at all in harmony and coexistence, and this is not even subject toBut a large reason the Syrian capable of adaptation in the most difficult of circumstances, no matter how hard!!!!
متقلب متأقلم مكتسب المناقب2009-07-29 15:03:32
قد . قد المناخ المتقلب بفصوله الأربعة والتفاوت
الحراري أثرهـ بالغ بمن فيه برغد العيش الوافر عايش هانئ.اكتسب المناعة أم تأقلم وغدت حياته عادة..الربيع جماله يسلب اللب ونسيم يأتيك عليل وعصافير ترفرف وتزقزق لأجلها متخمة البطون أم الخواء تشدد على بطونها الإزار أكثر بلا الآهـ..وصيف حصاد كنوز المحاصيل ذهب خالص وجحيم لهاب يتأجج بآب أبدا لا يطاق بنعمة الكهرباء..؟؟وخريف يعري كل شيء ثقوب الجيوب والشجر والحقائق تغدو بلا توت والشتاء إن تلا زمهرير يأتيك بصقيع دفئه مريع ولوعة لن تنسى زيارة الرياح زوابع تعصف تزيل موصدة الأبواب وأمامها تتلاشى منعة الشبابيك -سوريا
مالك2009-07-29 14:47:12
اممممممممممممم
لسا عنا الجنس قبل الزواج عيب
انو بنت تحكي مع شب عيب
لسا ما تعدونا عل قانون
لسا عنا جرايم شرف
لسا ما قبلنا انو في عالم ملحدين بهل كون
لسا ما قبلنا انو الدين مو علم
لسا ما قبلنل انو في ديانات غير
لسا ما معترف بالفن كمهنة
لسا اذا شي ما عجبنا منعتبرو غبي ومنعملو ممنوع حتى لو ما بأذينة
انا برأي الشعب سوري سريع التأقلم بس مو بالسرعة المناسبة
-سوريا
لا اسم2009-07-29 14:47:26
لا عنوان
لا تعليق....-سوريا
سوري صريح2009-07-29 14:32:41
التغير بقوة
فئة كبيرة من الشب السوري لاتتفير الا بالقوة وبالمخالفة المادية ابسط عادة رمي الاوساخ في الشوارع او من السيارات تجدون انها في زيادة لعدم وجود رادع السوري في الخليج ملتزم لانه يخاف من التقليع والبهدلةالسوري في اوروبا ملتزم اكثر المشكلة انه لايوجد رادع اطالب معاقية المخالف من اجل التطور وخاصة البشر المتجمعين على المحلق مدخل حلب اوفي العزيزيةالشلآل يتركون مخلفات واوساخ تحتاج الج الى 20 عامل نظافة ولمدة 48 ساعة هولاْ لن يتعلموا رفع اوساخهم الا بالقوة -سوريا
نور2009-07-29 14:25:02
المنغلق لا يتغير
للأسف غير قابل للتغيير وأتكلم عن الشعب الموجود داخل سوريا، فهو عنيد ومنغلق ومتحفظ وعاطفي وسريع الانفعال لأي شي جديد (قانون- مشروع- فكرة)كثير الشكوى والنحيب ضد الظروف لا يعرف كيفية عيش يومه لا يحب نفسه ولا غيره أما السوريين في الخارج فهم على العكس شعب منفتح عملي مستعدأن يتخلي عن الإرث البالي الخاطئ وهم الذين سيحملون راية التغيير الحضاري لسورياوذلك لأنهم تفاعلوا واختلطوا مع أناس متقدمين فكرياواجتماعياوعلميا.. أتمنى أن أرجع يوما إلى سوريا وأراها من خيرة الدول صحيح أن ذلك صعب جدا لكن ليس مستحيل. -الولايات المتحدة
وفــاء2009-07-29 13:34:49
السوري لايكره التغيير ولايحب التأقلم
فيهم ميزة الذكاء والمرونة ...هذا مايوصف به السوريون عادة ...واضيف أن حكم السوريون على الأشياء من زوايا المصلحة ...تسعدهم القوانين التي تتناسب ومصالحهم ويغضبهم ما يتعارض معها ...لا تلزمهم الا القوانين التي تهدد جيوبهم والتي فيها مصالحهم ...ولهذا نجد ان الفئات الخارجة عن القانون من السوريين ....هي تلك التي لها جيوب يصب فيها المال نبع لا ينضب .. لا يوجعها القانون ولا يؤلمها الخروج عنه..
.وتلك التي تخرج عن القانون حين تضمن أن عين القانون لاتراها...
السوري لايكره التغيير ولايحب التأقلم ...( بيحير -سوريا
ENLIGHTED SYRIA2009-07-29 13:28:39
POLO
الشعب السوري سريع التأقلم لأنه لا يملك خيارا أخر خصوصا أن القرارات الحكومية تصدر كالكلام المنزل.أعتقد أن الحل الأمثل يكون بتغيير جذري بالية اتخاذ القرار عن طريق تفعيل ما يسمى الديمقراطية الشعبيةلكن مجلس الشعب عندناوهو الممثل الأول لمصالح الشعب في حالة سبات مزمن واذا لم تقم هذه الهيئة بدورها فلا أمل يرجى باي تقدم
حقيقي.
أم الزوز على سن ورمح2009-07-29 13:15:11
نسبي
برأيي شغلة التغير مو مرتبطة بانسان سوري او يمني او غربي الشغلة بترتبط بطبيعة الشخص ومدى مرونتو وطبيعة مجتمعو وتقاليدو ودينو يعني نسبية القصة.... بس اذا الواحد بدو يحكي بالعموم معظم شعبنا ثادر ع التاقلم مع المكان الي بينحط فيه
-سوريا
قومي سوري2009-07-29 12:52:41
أسفي
الشعب السوري العظيم لو تتوافر له ظروف ( فقط ) عادية لكان البلد رائدآ وله شأن عالمي , أنظرو للسوريين في الخارج , لكن بلدنا لا تقدر قيمة مبدعيها-سوريا
راما2009-07-29 12:22:28
لاء لاء
شعبنا غير قابل للتغيير أو ما بيحب أنو يتغير خلص أما الأجيال الجديدة هية اللي عم تحاول تغير مفاهيم الكبار وطبعا هية اللي رح تسعى للتغيير بالمستقبل وطبعا المستقبل رح يتقدم معهون وهادالشي أكيد بس يعني أجمالا الشعب السوري ما بيحب التطور مكانك راوح .......... ما في أمل وأكيد مارح يستمر الوضع هيك التغيير موجود بمستقبل البراعم اللي رح تشرق بالمستقبل ولو ماهنن الأساس بهالمجتمع ...... فيهون المستقبل يعني مستقبل سورية الحبيبة .... وشكرا -سوريا
قارئ2009-07-29 12:13:58
قارئ
و هنا اريد ان لا اغفل اخطاء المسؤولين عن هذا التجديد مما يدفع المواطن لأخذ موقف مسبق عن اي قرار او فكر صادرة عن احد ما او جهة ما فمثلا اعتقد أن قانون السير والعقوبات القاسية بحق المخالفين قانون اكثر من رائع نظريا ولكنه فاشل عمليا و يحتاج الى الكثير من البنى التحتية و القوانين والتشريعات الرديفة والحلول - خاصة موضوع الرشوة و استثناء البعض- في علم ادارة الأعمال هناك ما يسمى بإدارة التغيير change management اتمنى من المسؤولين عندنا ان يطلعوا عليه ويحاولوا تطبيقه.-سوريا
قارئ2009-07-29 11:49:39
قارئ
فنتأقلم مع الجديد بسرعة فائقة و ممكن ان نهلل له و نقنع الآخرين بفوائده.. اعتقد اننا الإثنان معا نأبى التجديد و سريعو التأقلم في آن واحد!! بحيث اننا نحارب الجديد حتى نجد انه لا مناص منه و عندها نتأقلم بسرعة
-سوريا
قارئ2009-07-29 11:44:50
قارئ
نعم يا سيدي هناك نسبة كبيرة من العناد والخوف من التجديد الناجم عن عدم المعرفة وقلة الإطلاع و في احيان كثيرة يكون السبب هو محاولة اثبات النفس و ادعاء العلم اكثر من اهل الإختصاص أنفسهم... -انا بفهم احسن من ٦٠ دكتور!!!... هاد المهندس حم..ر!! - نعم ياسيدي لدينا ٢٠ مليون طبيب و ٢٠ مليون محامي و ٢٠ مليون سياسي و ٢٠ مليون عالم...الخ وغالبا ماتخف نسبة هذا العناد خلال فترة ليست طويلة نسبيا و خاصة بعد ان نتيقن انه ليس لدينا خيار آخر -سوريا
hazemsyria2009-07-29 11:22:20
للاسف ما في خيارات
والله يا عين عمك الي كاتب هل مقال للاسف ما في خيارات قدام الشعب السوري يعني شو بدها الدولة بدو يصير بيعجبك ما بيعجبك بدو يصير طبعا مو كل الحق على الدولة في حق على المواطن كمان بس يعني منقول لدولتنا ان كان حبيبك عسل لا تلحسو كلو خفوها عنا شوي والله العظيم العيشة صارت صعبة صعببببببببة انا شب ما بعرف ازا بعد يومين بظل عم اكل خبز واشرب او لا وبالاخير عراصي الحكومي متل ما بتشوف الحكومي ما حا بيعترض-سوريا
firas2009-07-29 10:59:49
أنا سوري و إبن سوري
أنا في رأيي الشعب السوري سريع التأقلم لأنو أذكى شعب و وين ما حطيتو بيمشي متل ما بقولو.و شو جابرك على المر غير الأمر يعني شو بدو يطلع في إيدنا غير أنو نتغير لأنو تغير ما رح يطلع في إيدنا نغير في أي شي
-سوريا
طريق الغيم2009-07-29 10:35:05
راي صغيّر
1- لما بيصير تغيير ما حدا فينو يقفو ( قصدي لما الحكومة عنا بتغير شي شغلة ) الشعب بدو يتقبل الوضع و هذا يؤدي الى إطلاق أحكام فارغة تقول : الشعب السوري قابل للتكيف ... ......
2- أي شي بيصير الشعب عنا بدو يحكي ( يعلك يعني ) و الدليل: انتظرو كام يوم وشوفو التعليقات على هل الموضوع...
هذا يؤدي الى إطلاق أحكام فارغة تقول : الشعب السوري غير قابل للتكيف ........ اي شو هل المسخرة هي
|
|
|||||||||||||||||||
