مع اقتراب موعد انتخابات مجلس الشعب

    وين ما تروح بهل المدينة

   صوّر و اعلانات و زينة

   علب سمن وزيت وطحينة

   كلّو  بدّو  يركب  السفينة

   يا حسرة على الدرويش

   همّو ياكل و بدّو يعيش

   بيرميلّو  شوية بخشيش

   واخرتا  عالقنينة

  النيابة مسؤولية وتكليف

  ما هيي وجاهة وتشريف

   بالاول  يلوحلو  برغيف

   وعلى كتفو بيطلع السفينة

   صوّت للحق ونادي

   تالخير يعم ببلادي

   مستقبل اولادك و اولادي

   وللبر بتوصل السفينة