ما رح يقولولك :انزل ع الشارع وتظاهر بدنا نعمل بلبلة داخلية في سوريا لأنو ما قدرنا عليهم يوم  قتلنا الحريري وحرضنا كل العالم ضدها,بس بقولولك : نحنا بدنا حريتك وكرامتك

ما رح يقولولك :أنو بشار الاسد  هو الوحيد الواقف حاليا ضد إسرائيل ومن مصلحتها  يتم استبدال الحكم بحكم مهاود يعمل صلح مع اليهود مثل الأردن ويصير البضاعة الإسرائيلية معباية السوق ,بس بقولولك بشار الاسد دكتاتور ونحنا بدنا  حريتك

ما رح يقولولك : سوريا بالفترة الأخيرة كانت عم تنمو وتتطور بشكل كبير وهيدا ممكن يشكل خطر اكبر ع مصالحنا بالمنطقة ,بس بقولولك :النظام عم ينهبك ونحنا بدنا نطبق  عليه عقوبات اقتصادية ونحنا بدنا رفاهيتك

ما رح يقولولك : السياسة السورية هلكتنا وما بتمشي مثل ما بدنا وما عم نقدر ندمر البلد من الخارج وبدنا  تخلي الناس من الداخل نقوم بالمطلوب ,بس بقولولك :نحنا معك حتى تأخد حقك من يلي ظلمك ونحنا بدنا كرامتك

ما رح يقولولك: نحنا بدنا السوريين يتقاتلو بين بعضهم وتصير حرب طائفية  هيك بيرتاح راسنا من تدخلهم بالعراق ولبنان وفلسطين ومنقدر نمشي يلّي بدنا ياه بالمنطقة ,بس بقولولك :انتو كيف ساكتين ع حكم الاقلية والسنة هم الاكترية بالبلد ,نحنا بدنا ديمقراطيتك

ما رح يقولولك :أنو شركات الاتصالات في كل أنحاء العالم  تربح بشكل هائل ولو عاطي عقود الخليوي لشركتنا كان عال العال,بس بقولولك: رامي مخلوف عم يسرقك وناسيين انو في شركة خليوي تانية بالبلد بس يبدو انو اصحابها ما بيقربوا الرئيس  

ما رح يقولولك :نحنا بدنا  نعطي عقود لشركاتنا ونسرق ثرواتكم  ,بس بقولولك : أقرباء الاسد  عم يسرقوك ونحنا بدنا بحبوحتك

ما رح يقولولك :نحنا بدنا ندمر الجيش السوري  مثل ما دمرنا الجيش العراقي وهني اقوى جيوش عند العرب ,بس بقولولك:الجيش عم يقتل المنظاهرين وانت لازم تقاتلو  ونحنا بتهمنا عزتك

ما رح يقولولك :رح نضحي بكام شب  متحمس للخير والمبادئ وما في لا حرية  ولا ديمقراطية حقيقية في بلاد الغرب  وكلو بإيد  شركات رأسمالية ذكية بتعرف كيف تسرقك وانت مبسوط ,بس بقولولك :نحنا بدنا ياك تنعم بالديمقراطية    

ما رح يقولولك :نحنا بدنا نحكم سوريا ونهجّر أهلها مثل العراق بس ما عاد نقبل نضحي بجنودنا وبدنا نضحي بشبابكم,بس بقولولك ::الحرية بدها تضحية بالدماء ونحنا معك وبدنا حرينك

ما رح يقولولك:نحنا منعرف انو المعارضة السورية من يساريين حتى المتديين ما بيجمعهم شيء  غير كره النظام  وما عم نقدر نخليهم يتفقوا ع صيغة ,,,او اتفاق شو ...نحنا مو فارق معنا غير يخلصونا من الأسد  وبعدين يتخاتقوا بين بعضهم ع الكراسي وتضلوا سنين تتخانقوا شو فارق معنا ,بس بقولولك : المهم إسقاط النظام بعدين  لكل حادث حديث  ونحنا بتهمنا الدولة المدنية 

ما رح يقولولك :نحنا  العرب كلهم  ما بيعنولنا  شئ ولا فارق معنا حالهم  بس بتهمنا اسرائيل ...واذا بدكم رح يقولوكم كتير وما رح يقولولكم أكتر

وانا مارح قول لكم :غير بلادنا وأهلها أحلى بلاد بالعالم وبمحبتنا رح تضل عمرانة  

الفكرة مستوحاة من خاطرة قرأتها على  صفحة رفيق الحلو