كل العالم عم تسافر وكل العالم عم تنطر تسافر ...والكل ضب اغراضو ما حدا بدو يضل والكل عم يقول ياروح ما بعدك روح والاحلى من كل هاد الحلم صار هو السفر لانو الغني السوري من اول الاحداث ضب غراضو وغراض مرتو وولادو وسافرو والفقير  يا حسرتي عليه عم يتخبط يمين ويسار

 ومتل ما بتعرفو انو السورين درويش وعالباب الله انا بدي سافر بس  ما معي مصاري ومافي بلد عم تقبلني وهو بدو يسافر بس ما معو شهادة وما عندو حدا يعملو وراقو وهديك بدها تسافر  بس مافي مكان ترحلو والاحلى من كل هاد صاير يلي عم بيسافر عم يخاف يقول وبيقول قبل سفرو بيوم ليش؟؟؟؟

 منشان ما ينحسد لانو بيخاف ينحسد وتفقس السفرة لك اخخ والف اخخخ هيك صرنا بيسافر الواحد وبيبلش يندب وينك ياسوريا بس من سابع المستحيلات انو يرجع ويلي  ويلي عم يبقى غص من عنو عايش وهو وحاطط روحو على كفو هي الحامل يلي بدها اتولد وخايفة من انو تجيب الطفل وما تعود تلاقيلو  حفوضات وينفقد اللقاح وينفقد الدواء وهي يلي بعتت ابنها عالمدرسة وقلبها سالت من الخوف وتاني يوم ادمرت المنطقة ونزحت وسحبت ابنها وبطل في مدرسة وهي العيلة يلي كانت مستأجرة بيت لمدة شهرين منشان وقت تخلص المشاكل بمنطقتها ترجع رجعت وياريتها ما رجعت لانو ما لقيت بيت وكل  وهاد مههدة حياتو لانو مؤيد وهاد مهددة حياتو لانو معارض وهاد مهددة حياتو لانو يمكن وهو وماشي بالصطفة تتفجر  قداموم  شي سيارة او عبوة ناسفة  ويروح فيها وهو مالو زنب

 الكل  اللهم اسألك نفسي وعيلتي وماحدا عاد يسأل على الوطن قلنا انو احسن شي نلتزم ببيوتنا  وما نطلع ونفوت كتير منشان اروحنا بس ما عد في بيوت نلتزم فيها الكل نفسيتو امرت الكل تعب بس ما حدا عم يسمعنا ولا يمسع وجعنا الكل عم يقول انو النظام والنظام بس لا النظام فارقة معو ولا المسلحة المعارضة فارقة معها ونحنى نحنى الشعب ما حدا سأل عنا الكل بدو سلاح الكل بدو يحارب الكل بدو يموتنا اكتر مالنا ميتين ...

طيب برجع للسؤال الى ما معو مصاري يسافر شو يعمل يضل عايش عم يستنى الموت شو نعمل ما حدا بدو يسمعنا وما حدا بدو يوقف معنا السفارة الشاطرة يلي سكرت بابها بوشنا ويلي كان يقتل حالو عالسوري ليروح يشتغل وبالاخص( دول الخليج) اليوم بألف زور لتروح واذا رحت ممنوع الاقامة انا بحب سوريا والله  بس سوريا ما عد حبتني بدي سافر بس ما حدا عم يرضا يسفرني  كل حبابي سافرو كل عيلتي سافرت حاسة بالغربة بس انا ببلدي بس ماعندي حدا حاكيه لانو ما عد عندي عيلة شو اعمل على طول بصبر حالي وبقول بكرا بتفرج بس ياربي امتى رح تفرج والله اتعبت اتعبت والله اتعبت  قصدي اتعبنا والله اتعبناااااااااا الشعب السوري والله تعب منشان الله سمعونا يا عالم للحظة ما بدنا شي بدنا نرجع متل زمان وبس