لأنه هالأيام العرب ما عندون مشكلة يشوفو حقوق الفلسطينيين المغتصبة والجوع والحصار والفقر بغزة......المهم انه ايران ما تمتد لهنيك وأكبر دليل هو انه ثورة سوريا حصلت على دعم العرب المادي والسياسي والمعنوي يلي انتظرته فلسطين منذ عام 1948 ولم تحصل على شيء منه حتى يومنا هذا
طبعاً انا مو ضد دعم حقوق الشعب السوري بالعكس تماماً بس انا كمان بدي المخ العربي يصير يعرف انه الاسلام لا يرضى بالظلم لأي كان وين ما كان وخصوصاً فلسطين وسوريا والبحرين واليمن ومصر وليبيا والسعودية .

واذا يا أخي العربي عندك ردات فعل مختلفة بين رؤية الظلم بسوريا او البحرين او غزة فمعناها انت ابعد ما يكون عن الانسانية وعن الدين ومعناها الحملات الاعلامية وحملات الصراع السني الشيعي المبرمج والمدروس على اليوتيوب بالسنوات الأخيرة نجحت انها تشيل الانسانية من راسك وتركبلك صندوق بويا بيكره ايران وما بيكره اسرائيل وبيحب الحرية لشعب سوريا وما بيحب الحرية لشعب البحرين وبينتقد النظام بسوريا وبيخترع حجج واهية للنظام البحريني وللانظمة العربية يلي ما دعمت فلسطين ولا بقشة خلال خمسين سنة من الظلم.