بحبك

لو بقدر ارسم هالكلمة

وطيّرها متل عصافير

خليها ترفر على قلبك

ومن فوق الشريان تطير

وفوق عروقك تحمل قش

تعمّر عش

وتسكن فيكي وتخليك

وبروحك تعمل تغير

بحبك

يا هالكلمة انت البحر

وفيك السحر

لو شي مرّة

تغرق فيكي اللي حبيتا

وتعانق موجات البحر

لوشي مرّة

تسبح فوق حروفك مرّا

تشرب من موجاتك مرّا

تدوق الملح المتل السكر

تشرب خمرك

وتصحى فيكي مرّا وتسكر

وتنسى كل أياما المرّة

لو شي مرّا

تفكر تحبس قلبا فيكي

وما تطلع منك بالمرا

لوشي مرّا

تعرف انو بأسرك انتِ يا هالكلمة

رح تبقى المحبوسة الحرّة

لو شي مرّا

جرب قرب منك أكتر

أرمي هالكلمة بهالصحرا

انطر حتى الكلمة تكبر

وتخلق من رمللك هالزهرة

لو شي مرّا

قرب منك

خبّر عينيكي عن حالي

قرّب منك

خلي خيالك

يعانق ويبوسلي خيالي

الحق دعساتك ع ترابك

لملم غبراتك خبيها

ومرمغ فيها

عمري الخالي

بدي اصرخ قول بحبك

بلكي هالقمر النعسان

بيسمع مني

وبينزل من قصرو العالي

قلها يا قمري النعسان

وشوش ع سرير الليالي

خبّرها اني عشقان

وقلها يا عمري تعالي