زهر الياسمين

يا شامي ع شعراتك

ووراق التين

بتفيي ع حاراتك

ويا قمر الدين

طعم شفافك يا شامي

بسئل تشرين

بتجاوبني مطراتك

ارض المساكين والصالحين

بيت النخوة

نبع التاريخ بحر الالهام

والمحبة والصحوة

ببكي يا شام

شو بتحلى بعيني البكوة

لما الحمام

بيرفرف مع نسماتك

بحبك يا شام

بحب ترابك وبيوتك

اسم السلام

كلمة بتطلع من صوتك

كلنا بأمان

لما بندخل وبنفوتك

مسيح واسلام

بنخشع كلنا لصلاتك

بحبك يا شام

بحب بوابك والساحات

بحب جراس الكنايس

بحب الصلوات

بحب الجوامع

و المآذن والتكبيرات

شيخ وقسيس

عم تجمعهون غمراتك

كلنا من الشام

وبلدنا ارض كبيرة

والوطن محبة

مكتوبة بكل السيرة

بارك يا ربي

بالشام واهلا وناسها

سورية الام

ونحن كلنا حراسا