الوطن أم وأب ..أخوات ورفقات.. ملاعب وساحات .. أصوات الولاد عم تلعب بالطرقات صوت بياع الغاز وبياع الحليب .

صوت زمامير السيارات وصوت العصافير بين الشجرات ..

 الوطن عالبلكون مع فنجان قهوة بريحة الياسمين ...وريحة المجدرة من بيوت الجيران ..وريحة التراب الطيبة بعد شتوة بنيسان ..الوطن شب عم يتغزل بصبية مارة بسوق الحمدية وشجرة الياسمين اتخبت مستحية ..لوطن غفوة ابني بحضني بأمان وأمل ولادي بلعبوا بحرية بدون خوف أو حكي بالطائفية ... الوطن هو سوريا وأأأه شو بحبك يا حرية ...