حب وغرام
هوى وهيام
عشقنا السهر
ونسينا ننام
حسدونا الناس
غدرتنا الأيام
غابت الفرحة
سطعت الأوهام
دخلت المشاكل
نشأت الغيرة
ولد الشك
كبرت الحيرة
كلمة من هدا
كلمة من هي
ضاع الحب
شوي شوي
جرح وألم
غصة وندم
الحب الكبير
راح للعدم
بعد وفراق
حزن بالقلب
ضياع للأحلام
تقلب بالمشاعر
صراع الأيام
جمعتنا صدفة
تلاقت عيوننا بلهفة
بس الجرح ذكرنا
والأسى ما بينتسى
حط الكرامة بيننا
وفرق فيها طريقنا
بالقلب زاد الوجع
والشوق بناره احترق
ما قدرت اغلب نفسي وقرب
ولا هو نفسه غلب
مرت الأيام
مرت السنين
ما قدرت اهوى غيره
وزاد بقلبي الحنين
زاد العمر
ظهر الشيب
بقي القلب يدق
باسم الحبيب
الجسم تعب
وعالعيون نظارة
ولسا المشاعر بتغلي
بالقلب محتارة
مرة طلعت ومشيت
بلا هدف
ساقتني الأقدار
ع حديقة كانت تعرفنا
كانت عالحب تجمعنا
وشجرة عليها اسمائنا
ومرسوم عليها قلب
وقفت ألمس القلب
وأسمنا ع كل جنب
حسيت بخطوة بعرفها
سمعت همسة بعشقها
عطر ياما اشتقتله
دق قلبي بسرعة
التفتت لقيته واقف
عيونه عيون عاشق
مراهق
راسه غطاه الشيب
وبأيده عكازة
دقة قلبه حسيتها فيي عم تسري
قلي ياما نطرت
تحت المطر
تحت الشمس
وما يأست
قلتله يا ريت من زمان جيت
وبحضنه ارتميت
ضمني بقوة
رجعلي الأيام الحلوة
ونساني كل القسوة
وأيد مع أيد
رسمنا عالشجرة
قلب جديد
بس هالمرة
بدل اسمنا كتبنا
عهد علينا
يكون حبنا من حديد
