يا فرحة ضاعت وإنتهى كل شي
يا دمعة صارت عن قلبي تحكي
وين ضحكة العيون الباكية جمر
وأيمت رح تنتهي أبشع أيام القهر
حتى لو طالت رحلة القلب الشاكي
عايش وما بخلي حياتي عالفاضي
ومهما خانوني اللي كانوا أصحابي
بيكفي بيوم من الأيام وقفت جنبهم
وما أذيتهم بشي وضليت حبهم
وشو السبب حتى كان قاسي قلبهم
أنا عالحلوة والمرة كنت صديقهم
بس طبع الدنيا بتعرفنا على ناس
وبتخلينا ننسى ناس بدون إحساس
و نلاقي غيرهم ونحطهم عالراس
حلوة يا دنيا بس لو نفهمك وتفهمينا
ولما نسأل حالنا ليش هيك صار فينا
بيضيع الجواب ومنضيع بعتمة ليالينا
أحياناً منخاف نحكي ليقولوا عنا جنينا
اتاري كلمة الحق مرفوضة هالأيام
ولو حكيت بيقولوا كلامك كله أوهام
وبتفكر حالك نايم وعم تشوف منام
ومو معقول تسكر بابك وتعيش أحلام
ليلك ونهارك على طول فكرك شارد
أنا إيماني كبير بربي وإله وحده عابد
