شام يا أم الدني عَ الكل نورتي
تاج العروبة دوم من يوم ما تكونتِ
شامة عز عَ جبين الزمان
فوق الشمس اسمك حروف النور صدرتِ
تاريخك كرامة شعب ما نذل
أخلاق و حضارة و علم وزعتِ
أم الفقير و عً مخدتك نام الصديق
و ارتاح الأخ و حبو بقلبك حفرتِ
بوابتك انفتحت للحب و اقيمان
لكن للغدر من اقرب الناس ما حسبتِ
ريحة ترابك ورد مع ريحان
بالغار أبطال النصر كللتِ
حامي العرين أسود بالميدان
ملاحم نصر يوم الوغا من كتبتِ
تشرين شاهد و الجولان يحكي
قصة بطولة و مجد الأمم يا شام عمرتِ
عَ ترابك الأطهر ربيت الأبطال
حب الوطن فخر الشهادة للأجيال علمتِ
صرخة الله اكبر تعانق الانجيل
و بسم الأب و الابن بتم الشعب عطرت
كنايس الرب تحاكي الأذان
و الكل عَ محبة وطن جمعتِ
مسلم مسيحي بالوطن إخوان
وحدة و كرامة للإيمان هللتِ
تحت كل شجرة و جنب نبعة مي
ناطرة ام الشهيد ابنها للمجد زفيتِ
و بفي كل شجرة عز يصرخ شهيد
بلادي سوريا بالروح بالدم ترابك فديتِ
