سوريا ياجرح القلب
جرحك عم ينزف فينا
وجعك ياست الكل
نار دوم بتكوينا
ريحة دم تلاحقنا
موت فوق روابينا

مراكبنا تاهت ببحور
موجو الغادر يرمينا
ع شواطئ ما الها حدود
ضاع المرسى والمينا
مد الشر دياتو
سلاح القتل يعطينا
بكل صنوف الا جرام

نار وحقد يهدينا
غربان الموت السود
قتلت كل غنانينا
بقينا ريشة بوجه الريح
مين راح ينجينا
بيكفي ياربي حروب
ونار الحقد تعمينا

يلا نمسك ايد بئيد
نبني براج تعلينا
نحنا مين صنعنا الحرف
اجا مين يمحينا
من عنا شع النور

وشمس الحب تدفينا

,,,,,,,,,,راح يرجع ياسمين الشام
وحاضرنا يجدد ماضينا
والبسمة لبردى تعود
صفصافو الاخضر يغوبنا
وجبال الخضرا تختال بعز
من كابوس الشر تصحينا
يرجع ورد الغاب شهور
ينشر عطرو يهنينا