لأيام طاق طاقية والحرامي مين 

أيام الزحطة وباريس ودقة عيش 

أيام اللعب بالحارة وضحكات من القلب نابعين 

أيام الحب الحقيقي والقلوب قلب واحد مو قلبين

أيام الجار للجار والمرة مع جوزها لو الزمان جار

أيام اللي كان الهم ناسينا وكلنا عايشين 

أيام الورد الجوري وطوق الفل والياسمين

أيام البيوت المتعانقة وحاراتها المضويين

بشموع الحب وقلوب أهلها الطيبين

والجيران كلهم ببيت فلان اليوم مجتمعين 

على أكلة كبة ويبرق وحره باصبعو متعاونين 

والفرح يجمعنا والحزن حزننا أجمعين

والسيران كل جمعة بالقطار وبالباص معجوقين

بأكلة الفول والتساقي من الصبح مبسوطين 

وبرمضان كريم وبموائده العامرة ممدودين

ما كنت تلاقي جوعان لانه الكل ببيوتهم مضيافين

سكبة من هون وسكبة من هنيك 

وبالقلب لهفة وحنية وما نقول لمين 

ليش القلوب قسيت ؟؟!! شو عملت فينا السنين 

يا ريت نرجع على البساطة وبلا تكنولوجيا الغربيين

نرجع للأرض الحنونة يلي اشتاقتلنا من سنين 

الارض يلي جبلتنا من تراباتها الطاهرين

ترابها اللي حيبقى على قلوبنا أغلى من الذهب الثمين

رجعنا يا زمن قبل ما يقتلنا الحنين

https://www.facebook.com/you.write.syrianews