إذا قمنا بحساب وسطي لمصروف أسرة سورية مكونة من 4 أشخاص " كمثال" ...ولنبدأ بالفطور الذي يحوي " زيت وزعتر ولبنة وكاسة شاي مع سكر زيادة " بما يعادل 150 ليرة ..أما الغداء فدعونا نختار العدس أو المجدّرة يعني راس مالها مع الغاز والحباشات ب 450 ليرة ..وأما العشاء متل الفطور تماماً بس خلينا نضيف كم بيضة مسلوقة أو مقلية وهيك بصيروا بحدود 250 ليرة....طبعاً لاتنسوا ربطة الخبز ب50 أو 100 ليرة ,,.و هاد من قريبه
طلعنا بقريب ال1000 ليرة يوميا .. يعني بدنا 30 ألف بالشهر بس لحتى نعيش عيشة البؤساء...وهي لا جبنا سيرة جبنة الكيري ولا اللحمة ولا الفريكة ولا اليالنجي مع العصاعيص .. لأنو هاد بدو غاز والغاز بدو 2500 ليرة وال 2500 ليرة بدهم شحادة والبيضة عند الجاجة والجاجة بدها قمحة " كملوها إنتو " ..طبعاً هالكلام بس لحتى أعطي صورة للأشخاص يلي عم بيمننوا الناس عشان مبلغ ما بيكفي فطور ..ومفكر حاله عامل واجب الأخ ....
ملاحظة : أي واحد بيحب يجادل بالأسعار فبنصحه يجيب ثلاث وجبات لشي عيلة أحسن من
الفزلكة ....وبعدين يحسب التكلفة ..
